مشاهدة النسخة كاملة : إجابة سؤال الأدب والبلاغة للصف الثاني ث
د. عمارة 12-06-2011, 03:46 PM (أ) اذكر سمتين من سمات تطور الشعر في العصر العباسي الثاني:
1- اتسم بالتجديد في الموضوعات القديمة ، مثل الرثاء والعتاب، والزهد ، ومن الرثاء يتسم في العصر العباسي الثاني بأنه اتسعت دائرته فلم تقتصر على رثاء الأفراد أو الأمم بل امتد حتى شمل الحيوان الأليف، مثل قول ابن العلاف في رثاء هر :
2- يا هر فارقتنا ولم تعد وكنت منا بمنزل الولد
فكيف ننفك عن هواك وقد كنت لنا عدة العدد
3- كما اتسم بإبداع موضوعات جديدة مثل وصف أنواع الطعام ووصف أنواع اللهو، ووصف اليوانات الضارية في حركتها ومنه كذلك الشعر التعليمي، ومن وصف أنواع الطعام نراه في قول ابن الرومي:
ومرققات كلهن مزخـــــــرف بالبيض منها ملبـــــــــس ومدثر
وأتت قطائف بعد ذاك لطائف ترضى اللهاة بها ويرضى الحنجر
(ب) يختلف نظام الموشحات الأندلسية عن نظام القصيدة العربية في الوزن والقافية:
أولا الموشح:
- الوحدة البنائية فيه الدور وهو عبارة عن غصن وقفل
- خرجت أكثر الموشحات على أوزان الشعر العربي، حيث نظم الوشاحون في أوزان لم يعرفها الشعر العربي من قبل.
- العدول عن نظام الوزن والخروج عليه في أكثر الأحيان والتنويع في القوافي تنويعا لا يخضع لحصر.
ثانيا القصيد ة العربية:
- البيت هو الوحدة البنائية للقصيدة .
- انحصرت الأوزان في ستة عشر بحرا معروفة.
- الحرص على الوزن والقافية المتكررة في أبيات القصيدة.
إجابة سؤال البلاغة:
(أ) يدعو الشاعر أبناء مصر من المغتربين، خاصة العقول البناءة المفكرة إلى العودة إلى مصر من أجل العطاء والبناء، فمصر بمثابة الأم الحنون التي نشتاق للقياها دائما.
وتكرار طلب العودة في البيتين للتوكيد .
(ب) 1- أسلوبا إنشائيا: عودوا إلى مصر: (أمر).
غرضه: الحث والنصح .
3- محسنا بديعيا:
- (هجرناه × يلاقينا) : تضاد يوضح المعنى ويؤكده.
- (نعطيه ويعطينا) تضاد ، يوضح المعنى ويؤكده.
على وليد 12-06-2011, 03:58 PM هل لابد من استشهاد فى السوال الثانى فى الادب مع العلم ان الموشحات ليست حفظ
aammiirra 12-06-2011, 04:02 PM شكرا جزيلا
للدردشه ممكن علي مجموعه الثانويه وصحابها علي الفيس بوك
yazo300 12-06-2011, 04:05 PM انا عملت
هجرناه - عودوا
تضاد
صحولا ايه
aammiirra 12-06-2011, 04:06 PM صح طبعا انا مدرسي قلي كده
aammiirra 12-06-2011, 04:07 PM كمان في تصريع في كل الابيات
yazo300 12-06-2011, 04:07 PM طب شكرا جزيلا
yazo300 12-06-2011, 04:08 PM كمان في تصريع في كل الابيات
انا عملت تصريع مع الاجابة ده فى البيت الاول
yazo300 12-06-2011, 04:09 PM بس فيه ناس بتقول غلط
lamona13 12-06-2011, 04:10 PM انا عملت
هجرناه - عودوا
تضاد
صحولا ايه
هههههه
وربنا أنا بردوا عاملها كدا ياريت حد يؤلنا
هو الهحرة عكسها العودة
yazo300 12-06-2011, 04:11 PM هههههه
وربنا أنا بردوا عاملها كدا ياريت حد يؤلنا
لا صح باذن الله
د. عمارة 12-06-2011, 04:13 PM عودوا × هجرناه : تضاد
إجابة صحيحة
لكن الأبيات ليس فيها تصرع
لأن القافية فيها لو لاحظتم ( ياء ونون مشبعة بالمد
( يعطينا
يلاقينا
تروينا
yazo300 12-06-2011, 04:14 PM طبانا حطيت الاتنين يبقى فيه مشكلة
ebrasim 12-06-2011, 04:18 PM انا عملت
هجرناه - عودوا
تضاد
صحولا ايه
طب انا بقى عملت 3 محسنات
التصريع فى البيت الاول
التضاد دة
التضاد بين يلاقينا وهجرناه
دة يبقى غلط ولا ايه؟
moOon light 12-06-2011, 04:20 PM هل لابد من استشهاد فى السوال الثانى فى الادب مع العلم ان الموشحات ليست حفظ
ع فكره الاستشهاد فى الموشحات موجود ف الورقه بتاع الامتحان ف السؤال بتاع النصوص لمحى الدين
واعتقد انه لازم الاستشهاد لانه طالب كدا ف السؤال
اما بقا لو حد مش عملها ممكن ينقص حاجه بسيطه جدا
yazo300 12-06-2011, 04:20 PM مش عارف مستنى اجابة من حد ؟
KATTY11 12-06-2011, 04:21 PM انا كتبت فى سؤال الادبالاول جميع الاغراض التى تطورت بالاستشهاد هتتحسب كلها غلط؟
KATTY11 12-06-2011, 04:22 PM ع فكره الاستشهاد فى الموشحات موجود ف الورقه بتاع الامتحان ف السؤال بتاع النصوص لمحى الدين
واعتقد انه لازم الاستشهاد لانه طالب كدا ف السؤال
اما بقا لو حد مش عملها ممكن ينقص حاجه بسيطه جدا
انا كتبت مثال موشح ابن عربى بدون ما اكتب النص نفسه ؟
a_el7attab_n 12-06-2011, 04:25 PM حسن تقيسم فى اخر بيت و ريحوا دماغكو
طلاب علم 12-06-2011, 04:34 PM طيب يا ترى عودوا وغوصوا جناس ناقص ولا لا
ونعطيه ويعطينا جناس ناقص ولا لا
ضروري جدا
ebrasim 12-06-2011, 04:40 PM هى نعطيه ويعطينا مش جناس لانه نفس المعنى
بس الاولى معرفش بصراحة انا فكرت فيها بس مكتبتهاش
moOon light 12-06-2011, 04:41 PM طيب يا ترى عودوا وغوصوا جناس ناقص ولا لا
ونعطيه ويعطينا جناس ناقص ولا لا
ضروري جدا
عودوا وغوصوا
على حد علمى .. بتهيالى سجع
بس نعطيه ويعطينا
سالت مستر قالى جنااااس ...صح
moOon light 12-06-2011, 04:43 PM هى نعطيه ويعطينا مش جناس لانه نفس المعنى
بس الاولى معرفش بصراحة انا فكرت فيها بس مكتبتهاش
لا مش نفس المعنى دول عكس بعض .. ولا ايه ؟؟
KATTY11 12-06-2011, 04:45 PM انا كتبت مثال موشح ابن عربى بدون ما اكتب النص نفسه ؟
hazemhosny 12-06-2011, 04:46 PM طب عندى سؤال
كسرة و قطرة
تمسى جناس ولا
ebrasim 12-06-2011, 04:51 PM لا مش نفس المعنى دول عكس بعض .. ولا ايه ؟؟
بس الاتنين معناهم اعطاء
Eng.Karamullah 12-06-2011, 04:51 PM يا جماعة أنا كتب الرسالة من غير المرسل والعنوان والمرسل إليه ...
وكتبت موضوع تعبير صفحتين ونص بس (سبت سطر)
هنقص درجات ؟؟
Diva Dove 12-06-2011, 08:08 PM طبعا كل كلامكم صح
بس فيه واحده فى المحسنات انت مش واخدين بالكوا منها
اخر بيت فيه حسن تقسيم,,,, أنا كنت عايز اسال بالنسبة لاسلوب الاستثناء
ينفع اللى هيه : لا بقاء لدولة عادلة
وتبقى دولة المستثنى "اسم مجرور"
ياريت الرد بسرعة لحسن انا ع اعصابى
د. عمارة 12-06-2011, 11:52 PM نسأل الله لكم جميعا التوفيق
بالنسبة للاستثناء الثاني (إلا لدولة) الاستثنناء صحيح وما بعد إلا جار ومجرور
بالنسبة للجناس في نعطيه ويعطينا يسمى عند البلاغيين جناس الاشتقاق أي أن الكلمتين من مادة واحدة مع اختلافهما في بعض الحروف ( وهو صحيح)
بالنسبة للرسالة لا يشترط المرسل ولا المرسل إليه ..
المهم عدد السطور في الموضوع المطلوب إن شاء الله
نسأل الله لكم جميعا التوفيق
الصقر2009 13-06-2011, 01:31 AM الحمد لله الامتحان كان سهل لكن المستشار اللي وضع الامتحان لا يعلم أي شئ في الأدب
عندي سؤال لو سمحتم ينفع غرض الأسلوب عودوا الي مصر الرجاء أو الالتماس أو التمني
أبو غانم
hendnayel 13-06-2011, 01:53 AM هل لابد من استشهاد فى السوال الثانى فى الادب مع العلم ان الموشحات ليست حفظ
طيب هو ايه الاستشهاااد اصلا ّ!
Aya Abdelrahman 13-06-2011, 02:05 AM انا مش عايزة احبط حد بس التصريع مش محسن بديعي اصلا عشان هو مصدر موسيقى خارجي والمحسنات البديعية موسيقى داخلية
انا عملت في المحسن البديعي 3 حلول عشان مكنتش فاهمة حاجة خالص فيه
1-حسن تقسيم في البيت الاول والتاني
2-مراعاة نظير بين النيل وشواطئهم وقطرة الماء
3-طباق هجرناه ويلاقينا
صح ولا التلات حلول شكلهم مش ظريف؟؟
Aya Abdelrahman 13-06-2011, 02:06 AM يا جدعان موشح محي الدين بن عربي مهو كان مكتوب
ده استشهاد عــ الموشحات
Aya Abdelrahman 13-06-2011, 02:09 AM يا جماعة أنا كتب الرسالة من غير المرسل والعنوان والمرسل إليه ...
وكتبت موضوع تعبير صفحتين ونص بس (سبت سطر)
هنقص درجات ؟؟
البرقية هي اللي بالعنوان والمرسل اليه
الرسالة تبقي عاملة كده عــ حسب كلامي استاذي
بسم الله الرحمن الرحيم
إلي رجال الشرطة
الموضوع
مواطن مصري
mainly 13-06-2011, 04:26 PM قطعة البلاغة بتاعتنا جات سنة 2002 دور اول وموجود بأجابتة النموذجية في كتاب الأضواء
وفي الأدب قال استدلال مش استشهاد والأستدلال مش شرط ابيات يعني بالبلدي علل
nour_eldeen 13-06-2011, 04:52 PM انا جاوبت كدا بس هل هاخد اى حاجة عليها؟؟؟؟؟؟؟؟؟؟؟؟
3- كما اتسم بإبداع موضوعات جديدة مثل وصف أنواع الطعام ووصف أنواع اللهو، ووصف اليوانات الضارية في حركتها ومنه كذلك الشعر التعليمي، ومن وصف أنواع الطعام نراه في قول ابن الرومي:
ومرققات كلهن مزخـــــــرف بالبيض منها ملبـــــــــس ومدثر
وأتت قطائف بعد ذاك لطائف ترضى اللهاة بها ويرضى الحنجر
---------------------------------------------------------------------------------------------
السؤال ب بقى لازم استدل بقصيدة وموشح
------------------------------
mr midoo f 13-06-2011, 07:07 PM يا جميل مفيش سجع فى الشعر
|