السلام عليكم ورحمة الله وبركاته
لما اسمع ان ابن صاحبة ماما اللى مكنش بيفتح كتاب بيقول على الامتحان سهل وانا بقولك عليه متوسط يبقى ايه :040vk0:
هقولكم يبقى ايه .. يبقى مفيش ضمير
لجنتى اللى كنت فيها مكنتش عارفه اتنفس و المراقبين شادين من اول دقيقه لحد اخر دقيقه
فى اللجنه اللى جمبى دخلوا غششوهم النحو
بقولها يا ... عملتى ايه فى النحو
قالتلى مش عارفه اصلى معملتش حاجه بمجهودى المستر دخل قالهولنها
يا فرحتى :d:d
طبعاً مدارس الصبيان اللى مشاء الله كانت سايبه اخر حاجه
كل مراقب خايف على نفسه
(( يالهوتى .. لاحسن يضربونى بسنجه ولا بمطوه فى جمبى اروح فى ابو بلاش )) لا يا عم انا هسيب اللجنه .. اكيد اكيد ربنا هيسمحنى :excl::excl::excl::excl:
الواد اتصل بامه فى اللجنه يقولها يا ماما ده الامتحان سهل ميييه
يالهوى فى اسهل من كده
طبعاً مفيش
لما الواد يتصل بامه وهى اللجنه شغاله يبقى ايه
دلوقتى ايه الحلللللللللللل ؟؟؟
لجنتى واقسم بالله كل كلمه حليتها فى ورقتى بمجهودى
واتفاجئ ان واحد مذكرش جاب اعلى مني يبقى ايه
معرفش
بس اعتقد وفى النهايه بقول
ولا يستوى الذين يعملون باللذين لا يعملون
وحسبى الله ونعم الوكيل

عند نا واحدفى اللجنةنزل الحمام 4 مرات
بس مش عاارف كان عيان ولا بيستعبط
بس كان فيه لجان شدين جاااامدعليها

انا مش فاهم انتى زعلانة علشان معرفتيش تغشى يعنى ..........
مش عارف ليه حاسس من كلامك انه عشان يبقى فى ضمير يبقى نقنن الغش او نسيب اللجان كلها بقى هههههههههههههه

احمدى ربنا انك مغشتيش وانه كله بمجهودك وربنا هيباركلك ان شاء الله

وعلى فكرة كل الناس بتبقى خارجة من الامتحان وتفتكر انها هتقفل والواحد يعينى يفتكر انه غلبان وفى الاخر نصهم بيقع لانهم مبيبقوش عارفين هما بيغلطوا فيه ....... والكلام ده كل سنة هههههههههه

السلام عليكم ورحمة الله وبركاته
ل
بس اعتقد وفى النهايه بقول
ولا يستوى الذين يعملون باللذين لا يعملون
وحسبى الله ونعم الوكيل


الخــــــــــــــــــــــــلاصــــــــــــــــة

يا جماعه ولله مش بقولك كلنا نغش
بس المفروض يبقى فى مسواه
انا فاهمه اصلا انه حرام وربنا مش بيبارك
بس حرام اوى ان يعنى حد ميذاكرش ويجيب زيي وانا ذاكرت طول السنه
لازم يبقى فى حد للحكايه دى

يعني أنتي زعلانة إنك ما غشتيش ؟
يعني ايه اللجنة شادة لحد آخر لحظة ما دا الطبيعي امال المراقب دا بيعمل ايه
وبعدين مدارس الأولاد مش زيطة ولا حاجة مانتي عارفة إن في جيش وشرطة

هو انتى منين يا نسمه ؟؟

ربنا عادل و مبيساويهاش في الاخر
المذاكر ربنا بيكرمه و الفاشل ربنا هينتقم منه لو كان غشاش
مفيش كلام تاني يقال

بصي يا نسمة انا واحد من الناس كنت في لجنة شباب بس اقسملك بالله الامتحان مفيش وقت اصلا للغش انا واحد من الناس ماسك القلم من اول اللجنة لاخرها وصابعي مروح وارم والله وكمان كنت لسة مخلصتش تعبير وسلمت الورقة واللي غشوا دول اكيد ناقصين كتير لانهم اكيد ملحقوش يكملوا ومفيش حد هيتساوا بمجهود حد تاني ذاكر وتعب باذن الله

ياجدعان والله ما في وقت تغشش ولا تغش انا من اول اللجنه لاخر دقيقه بكتب موقفتش القلم وبرضه في حاجات غلطت فيها بس الحمدلله احسن من ناس كتير وده مجهودي اللي عملته طول السنه اما اللي كانوا بيغشوا فهما ممكن يكونوا غشوا الصعب اللي ممكن نكون غلطنا فيه بس انا متاكد ان اي واحد غش عمره ما هيبقي في اجابته زي واحد بيكتب من دماغه من اول اللجنه لاخر دقيقه والحمدلله وننسي بقي علشان اللي جاي

كل واحد داخل يقولى انتى زعلانه انك مغشتيش
لا مش زعلانه
بس فى مقوله بتقول (( المساواه فى الظلم عدل ))
يعنى مش اجى فى لجنه اغشش الاجابات و حتى اللى مذاكر زيي يجيب اعلى مني ويقفل
وعلى فكره انا مش شايفه ان الامتحان كان طويل
انا خلصت قبلها بساعه اللى ربع !!!!!!!!!!!!!!!
وانا من حلوان

بساعة الا ربع وغلطتى طب ازاى انا لو كان عندى ربع ساعة زيادة بس انا كنت قفلت الامتحان انا لحد ما كنا فاضل ساعة الاربع مكنتش كتبت تعبير او بصي حتى فى النحو يا بختك انك لاقتى ساعة الا ربع قبل الوقت ما يخلص

يا جماعة مالكو جايين ع البنت كدا؟؟؟؟؟؟؟؟؟؟؟؟؟!!!!!!!!!!!!!!!
انا شايف ان عندها حق لانها حاجة تخنق وتشل انك تطلع من امتحان صعب وانت مذاكر سواء غلطت او لأ وتتفاجأ بواحد طلعلك من تحت الارض قالك انا غشيت ولا كان معايا الامتحان
حاجة تــــــــــــــــــــشل
على ايامنا اتسرب الاحياء والفيزياء والانجليزى والرياضة بس :d :d
خلى املك ف ربنا ان حتى لو جابو اكتر منك ف تانية هيتبهدلو ف تالتة وان عدو ودخلو طب هيتبهدلو لأن الشاطرين بيسقطو ف طب امال الخايبين هيعملو ايه :d

كفاية حسد ف البنت يخرب بيت الحقد ههههههههههههههههه

يسلااااام
يعنى هى المشكله فى الوقت
المشكله ولله ان سؤالين الادب انا عارفه اصلا اجابتهم بس السؤال جاى بطريقه مش مباشره خلانى اتلغبط
وكمان النحو انا اساسا المشكله انى مش متأسسه فيه من صغرى كنت اول مره اخد درس عربى فى اولى ثانوى
فى ناس كتير قالو الامتحان طويل لدرجة انى شكيت انى نسيت سؤال !!!!!!!!!!!!!!
وعلى فكره يا ahlawy6105 (http://www.thanwya.com/vb/member.php?u=550186) بص هى مش بس المشكله اللى مش مذاكر
انا هجيبلك مثال
يعنى مثلا حد مذاكر زيي
اجيب انا مثلا حاجه وتمانين فى الميه
وهو يجيب حاجه وتسعين
وفى الاخر محدش هيقوله انت كنت بتغش فى اللجنه صح ؟؟؟؟
انا ليا ابن عمتى وواحده تانيه قريبتى كلهم مستواهم زيي
بس لما يجوا يقلولى انا جبت اعلى منك او يقارنوا بيا وبين حد تانى يبقى اكيد ظلم
لانى مغشتش ابداً وهما مشاء الله كانوا شغالين على ودنه
ولله انا مش بحقد على حد انا اتمنى الخير للكل بس اى حد يحط نفسه مكانى هيحس بحرقة الدم
فى سنه اولى انا كنت دحيحه فى الفزياء و صحبتى مكنتش فاهمه فيها كلمه
دخلت الامتحان هى جابت 12 وانا جبت 18
بس هى متعرفش فيها كلمه
ولا خدت درس بس فى الاخر عدت ونفس الحكايه الاحياء

السلام عليكم ورحمة الله وبركاته


لما اسمع ان ابن صاحبة ماما اللى مكنش بيفتح كتاب بيقول على الامتحان سهل وانا بقولك عليه متوسط يبقى ايه :040vk0:
هقولكم يبقى ايه .. يبقى مفيش ضمير
لجنتى اللى كنت فيها مكنتش عارفه اتنفس و المراقبين شادين من اول دقيقه لحد اخر دقيقه
فى اللجنه اللى جمبى دخلوا غششوهم النحو
بقولها يا ... عملتى ايه فى النحو
قالتلى مش عارفه اصلى معملتش حاجه بمجهودى المستر دخل قالهولنها
يا فرحتى :d:d
طبعاً مدارس الصبيان اللى مشاء الله كانت سايبه اخر حاجه
كل مراقب خايف على نفسه
(( يالهوتى .. لاحسن يضربونى بسنجه ولا بمطوه فى جمبى اروح فى ابو بلاش )) لا يا عم انا هسيب اللجنه .. اكيد اكيد ربنا هيسمحنى :excl::excl::excl::excl:
الواد اتصل بامه فى اللجنه يقولها يا ماما ده الامتحان سهل ميييه
يالهوى فى اسهل من كده
طبعاً مفيش
لما الواد يتصل بامه وهى اللجنه شغاله يبقى ايه
دلوقتى ايه الحلللللللللللل ؟؟؟
لجنتى واقسم بالله كل كلمه حليتها فى ورقتى بمجهودى
واتفاجئ ان واحد مذكرش جاب اعلى مني يبقى ايه
معرفش
بس اعتقد وفى النهايه بقول
ولا يستوى الذين يعملون باللذين لا يعملون
وحسبى الله ونعم الوكيل



سيبك من اللي حصل واللي بيحصل وبلاش شده اعصاب... وركزي ف المواد اللي جايه وبس...

انا ف الثانويه العامه بتاعتي هببت الدنيا ف العربي وغيري حل احسن مني بكتير وكنت زعلان جدااا واثر عليا ف بقيت المواد جدا جدا جدا...اقسم بالله كنت سايب سؤال ادب من السؤالين ماحطيت فيه نقطه ... وسايب في النحو سؤال .. دا غير اللي مش متاكد منه.

وبعد مالنتيجه ظهرت اتفاجأ اني جايب ف العربي 29 من 30 ... فخليها علي ربنا وذاكري كويس بس...وبلاش تفكري ف اللي فات..

وبجد اسمعي نصيحتي دي ... والعربي مش مشكله كبيره اوي كدا .. والتصحيح فيه كويس ان شاء ربنا

بصي يا جميل في امتحان تالتة ثانوي
البنات طلعوا يزغردوا والولاد يرقصوا يخليكي تفتكري ان الامتحان سهل
بالعكس خاااالص بتوع تالتة اتضربوا في النحو البلاغة والشاطر بس هو اللي عرف ان الامتحان كان ... والمتوسط والعادي معتقد انه جه سهل ومش فاهمين !!

دلوقتي واحدة قريبتي قدي اختها طلعت الاولي ع الجمهورية في الثانوية العامة من كام سنة وان شاء الله هي تبقى زيها
اقوم انا اقول لإ ده هي أشطر مني واكيد بابا هيقارني بيها وهغني ف الاخر حلو حلو ومش هذاكر عشان كده كده هفشل مادام في ناس زيها

ايه يعني في غش مهو كان في جمبنا مدرستين ولاد وكل ما احل سؤال الاقي صويت عندهم وصفير
أسيب انا الامتحان واقول ايه التفرقة العنصرية دي واتخانق بأه

وبعدين مفروض انك عارفة ان البنات بالذات في نفسنة وحقد فوق الرهيـــب والله لو السؤال اهبل مش هيغششوه فظااااااااااااااااااااااااااااااااااااااع بجد وفي بيغششوا غلط طب ليــه؟؟؟

ربنا لايمكن يساوي واحد بيذاكر وواحد بيفضل يلعب بس بردو في قدرات مش تساوي واحد دحاح ومبيفهمش بيحفظ بس بواحد فهلوي وعقله يجيبها وهي طايرة وتقولي اشمعنا ..

لازم تتأكدي وتقنعي نفسك بإن ربنا لو عايزك تبقي دكتورة وعندك مشاكل قد الدنيا هيخليكي
ولو عايزك تبقي مدرسة مثلا ومتجوزة احسن جوازة وبتشتغلي برا هتكوني
وحقك عمره ما هيضيع مهما حصل وبعدين هي طب ولاصيدلة بتاخد طالبين بس مهو شوفي كام كلية وكل كلية فيها كام واحد لو ليكي نصيب هتدخليهم ان شاء الله

وان شاء الله هتجيبي مجموع احسن من الولد ده وابقي قولي لمامتة خليه يا طنط يذاكر عشان كده عيب :d

يا جماعة انا نسيت اكتب افكار موضوع التعبير ههههههههههههههههههههههههه :d
الوقت مكفاش :d
بس الحمد لله يعنى ناس كتير كلمتنى وطمنتنى ان فى التصحيح بيراعوا عامل الوقت وكدة
وبعدين يعنى درجات العربى بتلم دى هى الدرجة من 60 وبتتقسم على 2 تبقى من 30
ولسه بتتحسب كام %
شغلانة . فا فعلا ياريت يا جماعة نخلى كل حاجة على ربنا وخلاص اللى اتكتب اتكتب وسلمنا ورقة الاجابة
وزى ما فيه امتحان مهم عدى لسه فيه الاهم جاى
وكل دة عامل نفسى علينا بس نقول برده الحمد لله على كل شئ واللى جاى اهم من اللى عدى

كل واحد داخل يقولى انتى زعلانه انك مغشتيش
لا مش زعلانه
بس فى مقوله بتقول (( المساواه فى الظلم عدل ))
يعنى مش اجى فى لجنه اغشش الاجابات و حتى اللى مذاكر زيي يجيب اعلى مني ويقفل
وعلى فكره انا مش شايفه ان الامتحان كان طويل
انا خلصت قبلها بساعه اللى ربع !!!!!!!!!!!!!!!
وانا من حلوان



صح كده عشان انا عرفتك من اسمك من اسم المستر انا فى حلوان الثانويه انا مش عارفك لكن اكيد انتى بنت استاذ محسن حمدى عشان الاسم

بساعة الا ربع وغلطتى طب ازاى انا لو كان عندى ربع ساعة زيادة بس انا كنت قفلت الامتحان انا لحد ما كنا فاضل ساعة الاربع مكنتش كتبت تعبير او بصي حتى فى النحو يا بختك انك لاقتى ساعة الا ربع قبل الوقت ما يخلص


على رايك والله انا والله كنت سايب الرساله فى الشرطه دى لحد اخر ريع ساعه وكان فاضل ليا واحده فى النحو بتاعه الفعل المضارع المبنى دى وما لحقتش اعملها من ضيق الوقت انا مش عارف يا جدعان انتوا اديكوا فيها زمبلك ولا ايه انا لو معايا 10 دقايق زياده كنت جبت 30 ونص من 30 سبحان الله انا قعدت اكتب فى الادب 4 صفحات فى ساعه عشان السؤال لافف وده كله على درجه والنحو كلمه بسيطه عليها درجه وسبتها تقولوا ايه بقى جهل