ارجو تقبل وجهة نظرى فى اعراب كلمة ّالفّ [الأرشيف]

مشاهدة النسخة كاملة : ارجو تقبل وجهة نظرى فى اعراب كلمة ّالفّ

Mostafa Mohamed Keshta

12-06-2011, 06:47 PM

العبارة تقول يحسب لها الحكام والمحكومون الف حساب؟؟؟؟ وبالتالى الفعل يحسب يحتاج الى فاعل ومفعول به فالفاعل هو الحكام ..... والتالى اين مفعوله ممكن حتى يتم معنى الجملة ارجو ابداء الراى فى هذا انا مجرد طالب وعاملها مفعول به ومقتنع بها كدا تماما

roswell

12-06-2011, 06:52 PM

لا مش هنتقبلها :d:d :p

Mostafa Mohamed Keshta

12-06-2011, 06:55 PM

انا مش بهزر يا استاذى الفاضل يا اللى جاى تهزر احنا الان بنتكلم فى مسئلة مستقبل طالب ايا كان

roswell

12-06-2011, 06:57 PM

مستقبل ايه يا عم

سيب الطلبه تركز فى الامتحان اللى جاى واللى فات مات

انت كده بتفتح الملفات القديمه وبتشغلهم وتقولى هزار ومستقبل طلبه

وبعدين تقبلنا اعرابك هيحلهالك صح فى الامتحان ؟؟

هيصحح الغلط ؟؟

هيوجع دماغنا واللى عملها غلط زود عليها تشتيت وندم

يبقى انت فى الاخر هتشيل ذنب الانجليزى

اخلع بجلدك احسن .....

wakolovers

12-06-2011, 07:38 PM

انا مقتنع ان هيا مفعول به ايضاااااااا

محمد زيدان احمد

12-06-2011, 08:25 PM

وانا متنع مفعول به

ahmed hegzi

12-06-2011, 08:29 PM

مفعول به كانت تمشى لو انت بتمتحن 2 ثانوى مثلا اما فى 3 ثانوى انت خدت حاجه اسمها ما ينوب عن المفعول المطلق ......يعنى خلصت من الاخر .....هى نائب عن المفعول المطلق

sanawyastudents

14-06-2011, 12:42 AM

أنا عملتها نائب عن المفعول المطلق وهقولك علي أي أساس

بص ... الجملة بتقول: يحسب لها الحكام والمحكومون ألف حساب

هنعتبرها بتقول .. يحسب لها الحكام والمحكومون حسابا شديدا ... أو يحسب لها الحكام والمحكومون حسابا

لما نعرب حساب في أي حالة هنقول مفعول به ولا مفعول مطلق ؟؟

هنعربها مفعول مطلق صح ؟؟

طب لو قلنا يحسب لها الحكام والمحكومون كل الحساب ؟؟

هتعرب لفظة "كل" نائب عن المفعول المطلق "حساب" صح ؟؟

طيب نرجع تاني للجملة الأصلية : يحسب لها الحكام والمحكومون ألف حساب

كده لفظة " ألف " ينطبق عليها الحكم السابق علي لفظة "كل" ... صح ولا إيه ؟؟

علي فكرة وجهة نظرك تحترم جدا وعاوز أقولك إني كنت هكتب نفس إجابتك في الأول

يلا قول الحمد لله علي كل حال ... وخلينا نركز شوية في باقي المواد وبلاش تراجع مع أي حد عشان متحرقش دمك ... أنا عن نفسي بعمل كده .... ربنا معانا جميعا

رحمتى

14-06-2011, 08:20 AM

المفعول المطلق لازم يكون مصدر للفعل السابق وكلمة حساب مصدر حاسب ولكن حسبان مصدر حسب

طارقة النوى

14-06-2011, 03:46 PM

حقا أمور يضحك الفروج منها وتبكي من عواقبها الديوك . لك الله يامصر . ياجماعة انا أضم صوتي لكم فأنا مدرس لغة عربية بالمرحلة الثانوية من الاسماعيلية قائلا : لقد تحققت الوحدة العضوية فالموضوع واحد يدور حول ذكريات الاوقات الجميله مع الاحباب وحزنه على ضياعها وقد ظهر ذلك من خلال ترابط الافكار الجزئيه وتسلسلها فقد بدأ بالحديث الى قلبه الذى تحمل كثيرا من العذاب بسبب الجميلات اللاتى كان جمالهن يثير شجونه كلما ذهبن أو عدن، ويتذكر الحدائق الغناء التى كانت ظلال اشجارها تغطى المحبين وتكتم أسرارهم وغصونها ذات الاطيار تروح وتجىء مع النسيم . وهى افكار تدور فى فلك الفكره الرئيسيه . كما تحققت وحدة الجو النفسى فالعاطفه المسيطره على الشاعر هى حزنه على ذهاب ايام الوصال
- والأبيات بها خطأ لم يتنبه إليه أحد وهو ( كلمة غيد ) والصواب ( عيد ) ولا يخفى على أي احد أنا الخطأ في كتابة البيت ألقى ظلالا على المعنى ومن ثم كيف تسأل عن الوحدة العضوية والأبيات فيها خطأ
- وكذلك إعراب كلمة ألف : نائب عن المفعول المطلق . أنا غير متفق معه والصواب مفعول به لأن العدد هنا معنوي أي كناية عن الأهمية وليس ماديا مثل " فاجلدوهم ثمانين جلدة " فهذا العدد يقصد لذاته .
- إلى متى هذه الأخطاء ؟ إلى متى التلاعب بأعصاب الأباء ومستقبل الأبناء حقا حسبنا الله ونعم الوكيل . أنا مستعد لمقاضاة واضع نموذجي الأسئلة والإجابة . الأستاذ محمود عطية مدرس اللغة العربية بمحافظة الإسماعيلية

AHEDO

14-06-2011, 09:25 PM