الناس نيمونا ولا ايه؟
بالاطلاع على مشاركات الاعضاء الخاصة بالنتيجة المحجوبة.. الواحد يفتكر انو ساعة ما يدخل على موقع الاكاديمية المشئومة حيلاقى النتيجة ظهرت... وبسرعةيدخل ويلاقى الرسالة اياها
طيب انا بعت فاكس بالبيانات وحاولت مع الايميل الفاشل وفشلت واستنيت وى ما الآف غيرى استنو وما فيش نتيجة
بالمناسبة النهاردة الاتنين 13 يونيو وبسمع ان فيه دفعة جديدة من الاسماء نازلة من اول امبارح ومافيش دفعة ولا يحزنون
المشكلة مش فيا انا المشكلة فى والدتى التى تنتظرها وكأنها نتيجة الثانوية ... دا متهيألى معملتش كده فى الثانوية
يا جماعة والله عيب كده وحرام
فيه ايه ؟
هو احنا من بلد تانية ولا ولاد البطة السودة
ولا اللى بيمسك منصب ما بيحسش باللى تحتو
يظهر المسئولين ما تعلموش
مش محتاجين نقولهم ان الشعوب براكين خامدة ...ان ثارت ... تعرفون النتائج

والله ياخ محمد لناس دى ما عندها دم ولا احساس ولا مسئولية

صدقت يا عم علاء بس تقول لمين

واللهى انا زهقت زيك وفقدت الامل فى انه يكون فيه جديد لان مره واحده بعد التغيير الواحد اكتشف انه لسه عايش فى زمان زمن الترهل ومضيعه الوقت هما يقولولك دوله قانون واول ناس يكسرو القانون هما وصلو الناس لاعتصامات واضرابات وتمييز بين ناس وناس مستنى ايه من ناس بالشكل ده

طيب والحل يا جماعة
مشكلة المدرسين انهم متقسمين لاكتر من فئة علشان كده مش قادرين نبقى مؤثرين على عكس وظائف اخرى نفوقها عددا واهمية

اقصد ان المدرسين على كذا شكل ولون
حتلاقى المدرس الاساسى اللى اسمه بالحبر زى ما بيفتخروا وده مالوش دعوة بينا خالص ... الراجل مشغول بالتكويد على الدروس الخصوصية بالمدرسة ويتحرق اى حد تانى
وحتلاقى مدرسى العقد المميز ودول طبقة ممتازة من المدرسين وحقهم مهضوم عينى عينك ولا بيعرفوا ياخدو حق ولا باطل مع المدرسين المثبتين ولا مع المقررين
وحتلاقى المدرسين اللى بالحصة ودى قمة المهانة الانسانية ومش عاوز اعلق اكتر من كده وربنا يكون فى عونهم
وحتلاقى المدرسين على ما تفرج بمعنى انو اتخرج لكن مش لاقى شغل فبيشتغل دروس فى البيوت او فى محو الامية

فيه ناس فعلا من اللى نتيجتهم كانت محجوبة نتيجتهم ظهرت يوم السبت ونجحو الحمد لله بس نصيحة اذهبوا الى المركز القومى و صححو بياناتك فى استمارة صغيرة ومتعتمدوش على الفاكس فقط ويارب نباركلكم قريبا ان شاء الله

انا روحت وصححت وبرده مظهرتش

انا دخلت دلوقتى 13/6 الساعه 5 اهه وبيقولى عفوا الصفحه مغلقه الان
تفتكروا ده معناه ايه

الوضع اختلف شوية
لقيت الرسالة دى
يرجى مراجعة الاكاديمية التابع لها

المشكلة عندى فى مادة التخصص نتيجة خطأ من موظف الاحصاء و اخدت خطاب تعديل لرئيس اللجنة

الوضع اختلف شوية
لقيت الرسالة دى
يرجى مراجعة الاكاديمية التابع لها


من فضلكم لو حد ذهب للاكاديميه وفاهم ليه يرجى مراجعه الاكاديميه يوضح ليا عشان انا روحت الاكاديميه النهارده وللاسف الموظفه المختصه غايبه ومش موجوده ومافيش حد فاهم حاجه فى الاكاديميه من فضلكم اللى راح وفاهم يفهمنى

انا كان عندى رسالة يرجى مراجعة فرع الاكاديمية التابع له

روحنا بنى سويف قالولنا موظف الاحصاء هو اللى يجى

قدمناله اصول الشهادات الدبلومة والتخرج وصورة العقد

ما كنش مكتوب التخصص كتبناه وختمناه وظهرت الاحد

والحمد لله نجحت عقبال الجميع

هى فعلا ظهرت لى النتيجه ونجحت وعقبال الجميع الاثنين 13-6

انا كان عندى رسالة يرجى مراجعة فرع الاكاديمية التابع له

روحنا بنى سويف قالولنا موظف الاحصاء هو اللى يجى

قدمناله اصول الشهادات الدبلومة والتخرج وصورة العقد

ما كنش مكتوب التخصص كتبناه وختمناه وظهرت الاحد

والحمد لله نجحت عقبال الجميع

يعنى يا استاذ شريف ديه النتيجة اللى ظهرت لك اول مره انك تراجع فرع الاكاديميه وانت روحت الاكاديميه وطلبوا منك موظف الاحصاء الاصول وصلحت الاخطاء عن طريق الاكاديميه بس ولا بعت فاكس لمركز الامتحانات فى المقطم للتصليح لانى مش عارفه ابداء منين ولا اعمل ايه وشكرا لردك

افهم من كده ان اللى اتحولو على الاكاديمية عندهم اخطاء فى التخصص بس