ما راي حضراتكم فى هذا العقد الذى وقع عليه اليوم جميع العاملين بادارة مطوبس التعليمية محافظة كفر الشيخ من العاملين بالاجر او الحصة او المكافاة الشاملة ( جميع من هم دون المعلم المساعد ) نرجو من حضراتكم النظر وافادتنا بما قد لا نعرفه وهذا نص العقد ( وعلى فكرة العقد اتمضى بتاريخ الاحد 12/6

عقد عمل
انه فى يوم.............الموافق... ....................... تم تحرير هذا العقد بين كل من : -
1 – الادارة التعليمية ويمثلها قانونا السيد الاستاذ / مدير عام الادارة ( بصفته ) ( طرف اول )
2 – السيد / ............................محل الاقامة / ...................................بطاقة رقم / ........................
المؤهل الحاصل عليه / .................................... ( طرف ثانى )
1 – تقدم الطرف الثانى المذكور عاليه بطلب تشغيل بالاجر للعمل بوظيفة / ...............................
على البند 3/10 مكافاة تدريس موازنة عامة ( باب اول )
2 – وكما كانت حاجة العمل تستدعى قبول هذه الطلبات بعد التاكد من مطابقتها لشروط شغل الوظيفة . اتفق كل من الطرفين على اعتبار هذا التمهيد جزء لا يتجزء من العقد ومكملا لبنوده الاتية : -
البند الاول
بموجب هذا العقد يقر الطرف الثانى ان العمل الذى الحق به يتناسب مع مؤهلاته ويتعهد ببذل كل ما فى وسعه بتادية عمله على اكمل وجه وفقا للتعليمات واللوائح واعمالا لاحكام القوانين والقرارات الوزارية .
البند الثانى
يتقاضى الطرف الثانى بموجب هذا العقد مكافاة شهرية اجمالية مقدارها .............للمؤهل العالى .................... للمؤهل فوق المتوسط ............................ للمؤهل المتوسط من بند 3/10 مكافاة تدريس موازنة عامة باب اول .
البند الثالث
للطرف الثانى الحق فى الاجازات التالية خلال سنة التعاقد كل سنة على حده : -
1 – اجازة باجر كامل فى ايام عطلات الاعياد والمناسبات الرسمية التى تحدد بقرار من رئيس مجلس الوزراء
2 – اجازة عارضة لمدة ستة ايام فى السنة .
3 – اجازة اعتيادة لمدة 15 يوم فى السنة .
4 - اجازة مرضية مدفوعة الاجر لمدة 10 عشرة ايام فى السنة وبدون اجر لمدة 10عشرة ايام فى السنة .
5 – اجازة وضع ثلاثة اشهر بدون مرتب .
البند الرابع
اذا اخل الطرف الثانى بالتزامته الناشئة عن هذا العقد يكون للطرف الاول الحق فى اتخاذ اى الاجراءات الاتية :
1 – الانذار بفسخ العقد .
2 – توقيع جزاء الخصم من المكافاة الشهرية العاملة بما لا يزيد عما يوازى قيمة ثلاثة ايام فى المرة الواحدة وفيما لا يجاوز ثلاثين يوما فى السنة .
3 – فسخ العقد دون اى تعويض .
البند الخامس
مدة العقد تبدا اعتبارا من / / م
البند السادس
تختص محاكم كفر الشيخ دون غيرها بنظر اى نزاع ينشا عن تنفيذ هذا العقد وتسرى احكام القانون والقرارات الوزارية المنظمة للذلك على هذا العقد .

شهرية اجمالية مقدارها .............للمؤهل

كام المبلغ ان شاء الله

على البند 3/10 مكافاة تدريس موازنة عامة ( باب اول )

بمعنى ايه باب اول يعنى ليكم فى الحد الادنى

المرتب كام وياترى هو عقد مميز ام لا

ان ادارة مطوبس ايضا
ورايح بكره امضى العقد
الغريب والمفرح فى العقد انه تبع الموازنه العامه وباب اول

انا معلم مساعد تعاقد 2004 وهذا العقد هو نفس العقد ال كنا شغالين به قبل العقد المميز وهو بداية خير ان شاء الله وألف مبروك وعقبال باقى الادارات

يا ترى هذا العقد سوف يصل الى جميع الادارات

هذا العقد افضل كثيرا من نظيره فى البحيرة

ان شاء الله خير

الف مبروووووووووووووك

وما هو العقد الموجود فى البحيرة

انا من ادارة سيدي سالم وعملنا نفس العقد ده وربنا يسترها للاخر ويعديها علي خير

يعنى راى حضراتكم ان دا خير ان شاء الله يا جماعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا حول ولا قوة الا بالله العلي العظيم

اوعي حد يمضي علي العقد دة . لأنك بالشكل دة بتلغي كل السنين اللي عدت وانت شغال . كمان مش لازم نتنازل عن القرار اللي هما طلعوة قرار 75.
أكرر العقد دة مسخرة واوعي حد يمضي علية .

احب اعرف الاستاذ احمد الهلالي ان احنا مضينا علي العقد من تاريخ بداية شغلنا في البدايه يعني اللي شغال من 2001 مثلا احضر افاده من اول مدرسه عمل بها مثلا بيتكتب بتاريخ 20 . 9 . 2001 وقسمنا اللي بيعملو الي اقسام مثلا الثلاث سنوات فأكثر علي رأس العمل متصل ومتقطع واقل من ثلاث سنوات متصل ومنقطع وهكذا وهذا للتوضيح

اتمنى ان يجدد العقد نفسه تلاقيء والا يفسخ بينه وبين العقد القادم علشان يحسب ثلاث سنوات متصلة والله اعلم

عاطف الجزار حمادة قرنى راحو فداء المطالبة بحقوق مدرسى الحصة احنا كنا معاهم وندمانين وعمالين نندم انفسنا على انهم اتخدو من وسطنا امال لما يكون ده حالنا يبقى انتم اية حالكم يا للى كنتو نايمين فى بيوتكم ياللى مش عاوزين تفوقو وتصحو احنا اتهنا واتبهدلنا واتسبلنا الدين وانتو لسة قاعدين هاتتحركو امتى بقى هاتفوقو امتى بقى يارب كل واحد عندة كرامة وعندة ضمير يحس باللى اخوتنا فية ويخرج يقول كلمتة لا للظلم نعم للحرية نعم للكرامة نعم للعدالة الاجتماعية نعم للافراج على لعاطف وحمادة ..............كلنا عاطف وحمادة ................فوقو اصحو احنا كرامتنا اتبهدلت

طيب يا جماعة واللى سبق ليه واشتغل سبع سنوات اجر ولكن ليس على راس العمل
هيكون ايه موقفه ؟
يا ريت حد يفيدنا

حديفيدنااااااااااااااااااااااااا

ان شاء الله خير

يا جماعة قرار الوزير صريح بالتثبيت والقرار ده موجود فى اليوم السابع بتارخ29/3/2011
لكن اللى بيحصل مش مفهوم ادارة بلطيم مضوا النهاردة العقود بس الكلام مش مريح حد فلو حد فاهم حاجة يفهم الجميع
ياريت نتجمع ونروح المديرية عشان نفهم اكتر من وكيل الوزارة بكفر الشيخ

عاطف الجزار حمادة قرنى راحو فداء المطالبة بحقوق مدرسى الحصة احنا كنا معاهم وندمانين وعمالين نندم انفسنا على انهم اتخدو من وسطنا امال لما يكون ده حالنا يبقى انتم اية حالكم يا للى كنتو نايمين فى بيوتكم ياللى مش عاوزين تفوقو وتصحو احنا اتهنا واتبهدلنا واتسبلنا الدين وانتو لسة قاعدين هاتتحركو امتى بقى هاتفوقو امتى بقى يارب كل واحد عندة كرامة وعندة ضمير يحس باللى اخوتنا فية ويخرج يقول كلمتة لا للظلم نعم للحرية نعم للكرامة نعم للعدالة الاجتماعية نعم للافراج على لعاطف وحمادة ..............كلنا عاطف وحمادة ................فوقو اصحو احنا كرامتنا اتبهدلت


المهم ان ولا واحد مهتم اصلا بالموضوع دا

سبحان الله

العقد ب 160 جنية فقط لاغير
مكتوب في العقد مدير شئون العاملين كاتب الاجر امامي
وعلى فكره مفيش حد عارف حاجة يعني
هايبعتوا العقود للتنظيم والادارة بالقاهرة نهاية الاسبوع الحالي
وهما يتصرفوا كما يحلو لهم

السلبيات اللى فى العقد :
اولاً :الطرف الثانى هو مدير الاداره وليس مدير مديرية التربيه و التعليم
ثانياً: مسألة اختصاص محاكم كفر الشيخ دون غيرها .الافضل يكون ( تختص محاكم مجلس الدوله دون غيرها بنظر ....)
ثالثاً:العقد لمدة سنه اى انه سيتم فصلك وتجديد العقد حتى لا يكون لك الحق فى المطالبه بالتثبيت
رابعاً: لم ينص العقد على اى علاوات اجتماعيه
خامساً: العقد لم يذكر فيه اى قانون خاص بالعاملين المدنيين بالدوله فهو مجرد سد للعجز

والله اعلم

قصدى الطرف الاول هو مدير الاداره