عايز افهم العقد ابو 120 جنيه هل هيزيد انشاء الله كل سنه وهل بعد ثلاث سنوات انشاء الله هيكون فيه تثبيت وممك فى اى وقت يقوليلى معى السلامه افيدونى افادكم الله

بالنسبة للعقد ده اتلغي تاني و في عقد جديد في الطريق
دا من مدير الادارة نفسة انبارح

انا كنت فى ادارة ادكو النهارده وقالو روح امضى العقد فى المدرسه يوم الخميس الجاى يعنى العقد شغال حضرتك تبع ادارة ايه

وربنا ماانا فهم حاجة

وانا كمان مش فاهم حاجه للدرجه ديه احنا ملناش قيمه فى البلد دى

فعلا رفضوا ياخدوا العقد ابو 120 عندنا فى الاداره
وقالوا فى عقد جديد جاى فى السكه

اعتقد هيتعمل عقد مساعد وبالتالى هيترفع الحد الادنى ل 700 جنية

ربنا يسهل للجميع

انا من ادارة مركز كفر الدوار والادارة اخلت طرفنا على ان نبدا العمل من بداية العام الدراسى الجديد وسيتم ارسال العقد الى المدرسة خلال اسبوع والعقد ب120 جنيها للمؤهل العالى97 للمؤهل المتوسط ويبدا العقد من بداية الدراسة الى نهاية شهر 4

انا من ادارة مركز كفر الدوار والادارة اخلت طرفنا على ان نبدا العمل من بداية العام الدراسى الجديد وسيتم ارسال العقد الى المدرسة خلال اسبوع والعقد ب120 جنيها للمؤهل العالى97 للمؤهل المتوسط ويبدا العقد من بداية الدراسة الى نهاية شهر 4
الكلام دا بقاله اسبوع تقريبا لكن الجديد لسه امبارح انه حيتعمل عقد تانى خالص قالوا فى الاداره حيبقى ب275
ودا اخر حاجه

يعنى ياجماعه امضى العقد ده ولا استنى

مين مصدرك لان فى الادارة النهاردة قالوا العقد عيتعمل ب120 جنيها وده من مكتب ممدوح مطر

مين مصدرك لان فى الادارة النهاردة قالوا العقد عيتعمل ب120 جنيها وده من مكتب ممدوح مطر
بص حضرتك الكلام دا من الاداره عندنا
بنات معانا مضوا العقد ابو 120 من المدرسه وراحوا بيه الاداره بس هما قالو هناك لا استنوا شويه فيه عقد تانى نازل ومرضيوش ياخدوه
وبرضه كل دا كلام لكن ايه اللى حيحصل فعلا الله اعلم ؟؟بس لو عرفت حاجه جديده حاكتبها على طول

ياااااااااارب يغيروا العقد لان ده فعلا تعقيد مش عقد

مفيش اخبار جديده

الكلام دا بقاله اسبوع تقريبا لكن الجديد لسه امبارح انه حيتعمل عقد تانى خالص قالوا فى الاداره حيبقى ب275
ودا اخر حاجه

الكلام ده بجد انا كمان من كفر الدوار ومسمعتش بالكلام ده.........ويا ترى العقد لمين ابو تلاتة ولا ابو شهرين

أرجو من الأخوة المدرسين اللي هما من كفر الدوار عمل وقفة بعنوان وقفة تطهير لأدارة مركز كفر الدوار التعليمية لماذا ؟ والرد بالمنطق ماشي والله
الأجابة / 1 - مازال رموز الفساد يحموا حول الادارة ومازال رجليهم في الادارة علي الرغم من أنهم سابوا الادارة مثل : المعفن أحمد حسن رمضان ربنا ينتقم منه يقوم بمباشرة جمعية أصدقاء الطلبة ولا أدري ما دورها حتي الآن .
2- ممدوح مطر (وظيفته) تلقي الرشاوي من تحت التربيظة ده اخد فلوس من ورا العقود بمبالغ ضخمة جدا
3- عيد جبريل (وظيفته) في الشارع من كتر الشكاوي عليه جاء امر من دمنهور باخلاؤه من الادارة وفعلا ترك الادارة بتاريخ 14/6/2011
في النهاية لابد من وقفة حتي يتم تطهير ادارة مركز كفر الدوار من عبد الناصر اللي هو موجود في عمارة طوبا وعاطف رفاعي اللي هو ايضا موجود في عمارة طوبا وغيرهم والله كتير ومازاله علي قوة الادارة لن ينصلح حال الادارة الا اذا كنا ايد واحدة علي الخلاص من هؤلاء الفاسدة والظالمين

وانا موافق

انا موافق كمان

انا معااااااااااااااااااااااااااااااكم

طب نتفق علي يوم واحد

كفر الدوار طول عمرها رجالة

لازم يكون لينا دور في حركة التطهير
ونبدأ بنفسنا

تصاعدت من جديد أزمة مدرسي الحصة بمحافظة البحيرة وذلك بعدما رفض وكيل وزارة التربية والتعليم بالمحافظة محمود علوي تنفيذ قرار الوزير ومحافظ البحيرة اللواء محمد هندي و الذي يتضمن تثبيت مدرسي الحصة الذين مضى عليهم ثلاث سنوات في العمل وكذلك التعاقد مع من هم أقل من ثلاث سنوات بالقرار رقم 75 بتاريخ 2/3/2011 .
وقد احتشد العشرات من معلمي الحصة بالبحيرة لليوم الثالث على التوالي واعتصموا داخل مقر التنظيم والإدارة اعتراضا على تجاهل مطالبهم ، وقد قام عدد منهم بمقابلة اللواء هندي محافظ البحيرة الذي وعد بحل المشكلة خلال 48 ساعة مقدمين له مذكرة تساءلوا فيها عن الحق بالتثبيت بناءً على قرار الوزير مشيرين إلى أنهم يعملون خلال أشهر الدراسة فقط وأشهر الصيف بلا عمل موضحين أن عقود مدرسي الحصة راتبها مائة وخمسة جنيهات فقط لا غير وأنها لا تكفى ثمن المواصلات ، كما أن نصاب الحصص للمدرس الواحد يتجاوز العشرين حصة وبنفس الراتب المائة جنيه وخمسة .
وعلى صعيد أخر حدث تلاعب كبير في تشغيل مدرسي الحصة والتعاقدات من الحاصلين على مؤهلات متوسطة بأبو حمص فقد قام فلول الوطني المنحل باستخراج تراخيص للعمل بالحصة للأقارب والمعارف بحجة أن العمل في حاجة لهم .
وقد انتشرت هذه المخالفة والتي تتم بدون رقابة مديرية التربية والتعليم بالبحيرة في التعليم الابتدائي بأبو حمص وبتسهيل من مدير التعليم نفسه الذي أصدر عددا كبيرا من التراخيص وبدون داعي لذلك وحتى الساعات الأخيرة من الانتهاء العام الدراسي بحجة الخوف من الاعتصام .
وأستنكر محمود عبد العزيز معلم من أبو حمص صدور جميع التراخيص للمؤهلات المتوسطة التي يعجز أحدهم عن كتابة اسمه حتي فهل هذا التطوير المنشود ، وأوضح عبد العزيز أنه في احدي مدارس مجلس قرية جواد حسني لا تتعدي هيئة التدريس بها 20 معلم ومعلمة وقد تم منح تراخيص للعمل بالحصة لما يزيد عن 60 فرد ممن ليس لهم أية صلة بالتعليم بل لم يذهب أحد منهم إلي المدرسة بل تم الترخيص وهم جالسون في بيوتهم ، مطالبا بإنقاذ التعليم ووضع حدا لهذه المهزلة وهذه الأعداد التي ستحصل علي مكافآت ومرتبات لم تعمل بها من جيب من يتم دفعها .





المصدر
من هنا (http://www.elbehira.net/elbehira/nd_shnws.php?shart=14462)

اخر كلام النهارده من الادارة
رجعوا العقد ابو 105 تانى
بس قالو نهايتكم30/6
وترجعوا تانى 1/9
ودى اخر حاجه
حد عنده كلام تانى

ياريت تكتبوا تاريخ المشاركة