يا تري في حد اتنقل بعد التعيين في المدرسه المدير قالي لازم 6 شهور بعد التعيين وكده تبقي فترة التنقلات فاتتني ولازم استني لشهر 3 الي جاي وبعدين النهارده هاتف في دماغي قالي اتصلي بسكرتير وكيل الوزارة معايه رقمه من ايام ما كنت بحاول النقل وقت التعاقد المهم قالي خلصي الطلب وهاتيه قولتله دلوقت قالي ايوة التعليم الابتدائي بيتنقل في اي وقت يا تري حد عارف حاجه والا اتوكل علي الله واعمل الطلب وامري لله اصل وكاله الوزارة عندنا في اسكندريه في حته صعبه اوي ويومها بيبقي عصيب نصيحه يا اخوانا لله:bosyht9::bosyht9::bosyht9:

انتي من ادارة ايه وعايزة تروحي فين

تبع المنتزة وعاوزة اروح العامريه لاني من قاطني العجمي

يا تري في حد اتنقل بعد التعيين في المدرسه المدير قالي لازم 6 شهور بعد التعيين وكده تبقي فترة التنقلات فاتتني ولازم استني لشهر 3 الي جاي وبعدين النهارده هاتف في دماغي قالي اتصلي بسكرتير وكيل الوزارة معايه رقمه من ايام ما كنت بحاول النقل وقت التعاقد المهم قالي خلصي الطلب وهاتيه قولتله دلوقت قالي ايوة التعليم الابتدائي بيتنقل في اي وقت يا تري حد عارف حاجه والا اتوكل علي الله واعمل الطلب وامري لله اصل وكاله الوزارة عندنا في اسكندريه في حته صعبه اوي ويومها بيبقي عصيب نصيحه يا اخوانا لله:bosyht9::bosyht9::bosyht9:
بصى يا مريم انا برضه ساكنة فى العجمى الحل فى موضوعك انك تروحى وكالة الوزارة وتقدمى طلب نقل خارجى علشان اصحابى كلهم قدمو فى وكالة الوزارة
ولو عايزة بدل اشوفلك واحدة من اصحابى لانهم عايزين يتنقلو من ادارة العامرية

يا هبه اولا اشكرك علي اهتمامك ثانيا المفروض ان الوضع دلوقت اتغير بعد التثبيت ومش مطلوب مني بدل والا ايه هيه مشكله البدل دي ورايه ورايه وبعدين انا عاوزة اتاكد من التوقيت هل ينفع دلوقت اقدم الطلب والا لا

بصى يا استاذة مريم بخصوص النقل بين الادارات عندنا فى الاسكندرية كان فى منشور متعلق عندنا

فى ادارة برج العرب بالنقل بين الادارات وكان تقريبا لنهايه 15 /6 /2011

والنقل كان لاى حد مش شرط انه يجلس 6 شهور وانا زيك لسه متعين

وقدمت طلب نقل من البرج لغرب وبعد كدة سحبته لانى لاقتها زى بعضها لان ساكن فى العجمى

وطبعا ماقدمتش على العامرية لانها قيها مدارس بعيدة اوى زى النهضة

المهم بعد ما قدمت الطلب سحبته

كمان كان فى زميله معايا بتخلص اجراءات التعين

والمفاجاة ان التعين جالها فى المنتزة ونقلت عندنا البرج واستكملت اجراءات التعين فى البرج

اشكرك استاذ سكندري بس كده نهايه المهله بكرة انا هقدم الطلب وخلاص اشكركم جميعا علي الاهتمام

بلاش تنقلى العامرية نصيحة منى بلاش المنتزه احسن

المشوار بعيييييييييييييييييييييييد اوي ده بالاضافه للاحوال الجويه في الشتا وكمان مصاريف المواصلات بجد تعبت انا عارفه ان اداره العامريه زباله بس مجبر اخاك لا بطل

وبعدين دلوقت الوضع اختلف بالنسبالي اذاكانت ادارة العامريه بتنصب علي العقود مفتكرش تنصب علي المثبتين والا ده يبقي فجر علني ههههههههه

مضطرة ارفع الموضوع يمكن حد يفيدني في مشكلتي اكتر من كده في نقل يا تري ولا دي برضو مهدئات

حد يسيب المنتزه ويروح العامرية
ده انا نفسي اروح المنتزة انا ساكن في ميامي

حد يسيب المنتزه ويروح العامرية
ده انا نفسي اروح المنتزة انا ساكن في ميامي
يا عم الحج المنتزة علي عيني وعلي راااااااااااسي وكمان مدرستي مرتاحه فيها جدا انما مش معقول افضل عمري كله بشتغل عشان سواقين الميكروباص والا ايه:friendsxs3:

طيب ما انت ممكن تنقلى ادارة غرب وفى مدارس تبع غرب فى الدخيلة قريبة من العجمى

انا كنت بفكر اعمل كدة بس بصراحة فضلت افضل فى البرج لوجود بعض المميزات طبعا مش هينفع اقولها كدة امام الناس

بس بصراحة انا مرتاح فى البرج وفى مدرسة قريبة منى

اه صحيح انت ممكن تنقلى البرج وتروحى لمدرسة على خط الساحل قريبة منك وطبعا انت عارفة مميزات البرج

انا ضروري ابقي في مدرسه في العجمي لان ابني هيبقي معايه انشاء الله طبعا مدارس العجمي افضل من البرج وعموما ربنا يقدم الي فيه الخير انا بقالي سنين بسعي في النقل واجيب وسايط ومبتنقلش ههههههههههههه يمكن ميتمش المرادي كمان انا هروح اعمل الطلب واقدمه يوم الاتنين الجاي انشاء الله وربنا يسهل

انا مش بحبطك بس هى دى الحقيقة والله صعب اوى تيجى مدرسشة فى العجمى

لانك اول ما هتنقلى العامرية على طول على النهضة او المسيرى

احنا كان عندنا فى المدرسة معلمة اولى طبعا عشان تترقى كان لازم تيجى البرج المهم اترقت وجت من مدرسة الحسينى
فى العامرية الى مدرستنا وبطبعا كان بقالهاسنين كتير وتعرف كل الناس وكل الوسايط واولادها فى نفس المدرسة
ولما جت ترجع بعد سنتين ودوها النهضة ولما جابت وسايط الدنيا قالوا لها لازم تقعد سنة على الاقل وهى مدرسة اولى

انا مش بحبطك هى دى الحقيقة

اشكرك علي اهتمامك واوعدك اني افكر في ادارة البرج