السلام عليكم

أطللقنا حملة جديدة علي الفيس بوك بعنوان "شباب ضد الغش"

بعدما كثرت الشكاوى من طلاب الثانوية العامة بوجود حالات غش جماعي في لجان المراقبة

هدف الحملة إننا نجمع من الطلبة أسماء المدارس اللي فيها غش جماعي وتسيب ونبلغ الوزارة حتي يتم تدارك الأمر ...

إحقاقا للحق ولكي يتم إمتحان جميع الطلاب تحت نفس الظروف وتتحقق المساواة ويتم التحقيق مع المراقبين اللي بيسمحوا بكده

ده لينك الشكاوى علي موقع وزارة التربية والتعليم اللي بيوضح تعدد الشكاوى وجدية الأمر

http://www.facebook.com/topic.php?uid=192739377423484&topic=3808

إحنا أنشأنا الحملة في محاولة لتوصيل صوتنا للوزارة

وبالفعل معانا أسماء لأكثر من 25 مدرسة في مختلف المحافظات ومعانا مسؤول من وزارة التربية والتعليم المصرية مهتم بالموضوع والتحقيق مع لجان المراقبة في المدارس ...

إحنا في حاجة لمساعدتكم في نشر الصفحة بشكل سريع جدا لتدارك الأمر قبل إمتحان الفيزياء والكيمياء والأحياء وباقي الإمتحانات ....

تذكر إن الطالب هو المتضرر الأول والأخير من موضوع الغش

سجل في الصفحة وإكتب إسم مدرستك والإدارة التابع ليها وإيه حالة الغش في المدرسة بالظبط

ده لينك صفحتنا .... منتظرينكم

شباب ضد الغش

http://www.facebook.com/Againstcheating

http://i54.tinypic.com/992nw2.jpg (http://www.facebook.com/Againstcheating) http://i54.tinypic.com/1zgtjrl.jpg (http://www.facebook.com/Againstcheating)

الموضوع لازم يتثبت لو فيه خير في المنتدى ده والموقع ده لأن ده احسن موضوع في الفترة الأخيرة كل المواضيع بتتكلم عن المرتب والحد الأدنى والمكافأة
هايل ياشباب ... لقدم هرمت والله ولكنى لم أيأس ابدا ............ أنا معكم وعلى بركة الله

الف شكر يا مستر .... وياريت لو حضرتك تقدر تقدم أي مساعدة أو إقتراحات لينا لدعم الحملة أكون شاكر جدا لحضرتك

اه ياجماعه ياريت اداره المنتدى تثبت الموضوع دا تحديدا لانه السبب الاساسى فى حاجات كتير جدا مش كويسه بتحصل فى مجتمعنا دلوقت

اه ياجماعه ياريت اداره المنتدى تثبت الموضوع دا تحديدا لانه السبب الاساسى فى حاجات كتير جدا مش كويسه بتحصل فى مجتمعنا دلوقت

طب يا جماعه معلش أنا جديد شوية في المنتدي ومعرفش إزاي أتواصل مع إدارة المنتدي .... ياريت لو حد يقدر يساعدنا في أسرع وقت قبل باقي الإمتحانات

فعلاً لابد من التصدى لهذه الظاهرة وبقوة ... وفعلاً تم فى بعض المدارس أخذ سماعات للغش من بعض الطلاب لكن لم يحاسبوا

أنا مع هذه الحملة وبقوة لأن لن تجنى البلد فساد اكثر مما نحن فيه ...فضلاً عن جيل فاشل يقود البلاد بتفوق لا يستحقه وتؤتى ثماره الفاسدة فى المستقبل

الحمد لله رب العالمين وبعد الغش فعلا اصبح شديد لكن لو ما غششناش بنواجه رد فعل عنيف من الجميع

الحمد لله رب العالمين وبعد الغش فعلا اصبح شديد لكن لو ما غششناش بنواجه رد فعل عنيف من الجميع

يا أستاذي الفاضل ... أنا طالب بسيط ... معروف بين الطلاب إني "قفل" عشان مش بغشش حد ... واللي يسمع كده يفتكر إنهم بيكرهوني بس والله أبدا ... أنا الحمد لله بالرغم من ده محبوب منهم جداااااا ويكفيني إحترامي لنفسي قبل إحترامهم لي ...

سيدي الفاضل، أحب أسأل حضرتك سؤال وفكر فيه بعمق ... هل تنتظر من الطالب أن يعاملك بإحترام بعد أن سمحت له بالغش ؟؟ وهل ردة الفعل العنيفة التي تلقاها من الجميع عند منع الغش تنقص من إحترام الطلاب لك ؟؟ أم أنها تزيده ؟؟ وفي أي الحالتين تشعر برضا الله وإرتياح الضمير ؟؟ هل ستسأل من الله أم من الناس ؟؟ مش منتظر إجابة ... إنما يكفي مجرد التفكير في السؤال

عن ابن عباس ، قال : قال رسول الله صلى الله عليه وسلم : " من أسخط الله في رضا الناس سخط الله عليه ، وأسخط عليه من أرضاه في سخطه ، ومن أرضى الله في سخط الناس رضي الله عنه وأرضى عنه من أسخطه في رضاه حتى يزينه ويزين قوله وعمله في عينه " .


الطالب اللي بيغش بيشيل ذنبه لوحده ... المدرس اللي سمح للطلبة إنهم يغشوا بيشيل ذنبه وذنب كل طالب غش ...

يا مستر إعتبرني أخو حضرتك الصغير وده شرف ليا والله ... حضرتك لسه 28 سنة تقريبا ... يعني حضرتك لسه بتكون صورتك عند الناس ... خليهم ياخدوا عن حضرتك صورة كويسة من الأول ... يحترموها في وجودك ويذكروها بالخير في غيابك .... وتذكر دائما أنك الداعية الصامت ... تدعو الناس بأخلاقك وتصرفتاك ويجزيك الله على تلك الدعوة

وتقبل مني كل إحترامي وتقديري

الحمد لله رب العالمين وبعد الغش فعلا اصبح شديد لكن لو ما غششناش بنواجه رد فعل عنيف من الجميع
استاذنا الفاضل ياريت تجاوب على الأسئلة التالية:


اصحاب رد الفعل دول هيتحاسبو بدلا عنك ؟
اصحاب رد الفعل العنيف دول يخلوك تأكل حرام انت وولادك؟
اصحاب رد الفعل يخلوك تفرط في كرامتك؟
اصحاب رد الفعل يمنعوا تلميذ ينظر نظرة احتقار؟
انت مصدق لرسول الله عندما قال من غشنا فليس منا؟
انت مصدق ان الغش من الفساد في الأرض ولا لأ؟

ربنا قال في كتابه ( والله لايحب الفساد)

لا .. لا .. لا .. للغــــــش

يا أستاذي الفاضل ... أنا طالب بسيط ... معروف بين الطلاب إني "قفل" عشان مش بغشش حد ... واللي يسمع كده يفتكر إنهم بيكرهوني بس والله أبدا ... أنا الحمد لله بالرغم من ده محبوب منهم جداااااا ويكفيني إحترامي لنفسي قبل إحترامهم لي ...

سيدي الفاضل، أحب أسأل حضرتك سؤال وفكر فيه بعمق ... هل تنتظر من الطالب أن يعاملك بإحترام بعد أن سمحت له بالغش ؟؟ وهل ردة الفعل العنيفة التي تلقاها من الجميع عند منع الغش تنقص من إحترام الطلاب لك ؟؟ أم أنها تزيده ؟؟ وفي أي الحالتين تشعر برضا الله وإرتياح الضمير ؟؟ هل ستسأل من الله أم من الناس ؟؟ مش منتظر إجابة ... إنما يكفي مجرد التفكير في السؤال

عن ابن عباس ، قال : قال رسول الله صلى الله عليه وسلم : " من أسخط الله في رضا الناس سخط الله عليه ، وأسخط عليه من أرضاه في سخطه ، ومن أرضى الله في سخط الناس رضي الله عنه وأرضى عنه من أسخطه في رضاه حتى يزينه ويزين قوله وعمله في عينه " .


الطالب اللي بيغش بيشيل ذنبه لوحده ... المدرس اللي سمح للطلبة إنهم يغشوا بيشيل ذنبه وذنب كل طالب غش ...

يا مستر إعتبرني أخو حضرتك الصغير وده شرف ليا والله ... حضرتك لسه 28 سنة تقريبا ... يعني حضرتك لسه بتكون صورتك عند الناس ... خليهم ياخدوا عن حضرتك صورة كويسة من الأول ... يحترموها في وجودك ويذكروها بالخير في غيابك .... وتذكر دائما أنك الداعية الصامت ... تدعو الناس بأخلاقك وتصرفتاك ويجزيك الله على تلك الدعوة

وتقبل مني كل إحترامي وتقديري

بصراحه معاك حق فى كل كلمه قلتها ومتتخيلش انا ازاى ببقى مبسوطه لما الاقى حد بيفكر زيك وخاصه لو كان طالب وفعلا اكتر مدرس الطلبه مش بيحترموه هو المدرس اللى بيغشش وبيستخفوا بيه جدا وللاسف فعلا ظاهره الغش دى منتشره جدا لحد للاسف ان اللى ماشى اليومين دول ان الطبيعى انك تغشش وان اللى مش طبيعى انك متغشش لكن للاسف السبب الاساسى فى كدا هو نظام قديم فاشل واضح جدا ان اهم اهدافه اللى كان بيحققها هو خلق شباب عديمه القيم والمبادىء لان للاسف التعليمات اللى كانت بتيجى من الاعلى مننا هو نجحوا الطلبه لدرجه انهم كانوا بيدونا تعليمات واضحه غششوا الطلبه عشان ينجحوا لحد مااتعود اولياء الامور والمجتمع كله على كدا مع الوقت وبتهيالى النتايج واضحه جدا انا الحمد لله من الناس اللى كنت بسمع الكلام دا ومش بنفذه مش بنفذ غير بس اللى يرضى ضميرى واللى انا مقتنعه بيه وعلى فكره مش انا بس كدا فيه كتير جدا غيرى كمان ودا اللى شجعنى اكتر واكتر
وعلى فكره انا طلعت مراقبه اكتر من مره وراقبت اكتر من مره والحمد لله سمعت كلام كتير يضايق سواء من الطلبه او اولياء الامور او حتى نظرات الناس اللى حواليا لكن طول ماانا مقتنعه انى انا صح طبعا مفيش اى تاثير للكلام دا معايا لكن هيكون فيه تاثير اسوأ بكتير عليا لو انا ساهمت فى عمليات الغش اللى انا عارفه خطورتها كويس جدا كفايه الاحساس انك بتظلم اكتر من طالب متميز ذاكر واجتهد وفى الاخر ببساطه جدا اساوى زمايله اللى متعبوش حتى نفسهم وحاولوا يذاكروا بيه ولا احساسى انى جبانه بغضب ربنا عشان خايفه من ولى امر جاهل باللى حتى بيعمله فى ابنه مش فاهم انه لما يقوله غش ويساعده على كدا اول واحد هيغشه وهيكدب عليه هو للاسف طبعا كتير بيستهونوا جدا بالظاهره دى وكتير بيحاولوا يبرروا افعالهم بعباره اولياء الامور التعبانين على اولادهم طول السنه وبيصرفوا عليهم دروس حرام ان ميكونش فيه فايده لدا لكن زى مابيفكروا كدا المفترض كمان يسالوا نفسهم كان فين ولى الامر دا من متابعه ابنه طول السنه ومش حرام يتساوى مع ولى امر تانى تعبان مع ابنه ومتابعه ومعاه من اول السنه مش بيصرف عليه ماديا وبس وغير كدا مش حرام يساوى طالب اجتهد بطالب كان بيلعب طول السنه وهل لو عنده ابن تعب معاه طول السنه يرضى فى الاخر انه يتساوى مع طالب مهمل لعبى وهو يتساوى مع ولى امر كل علاقته بابنه انه بيصرف عليه ومهمل متابعته طول السنه بجد حسبى الله ونعم الوكيل فى اى مدرس يسهل عمليات الغش او يشارك فيها

ياريت حد يتواصل مع المشرفين يخليهم يثبتوا الموضوع لأني بجد حاولت كتير ومفيش أي إستجابة منهم

ياريت يتثبت يامشرفين

موضوع ممتاز أكثر, من رائع.
أرجو الإهتمام والتثبيت

الحمد لله تم تثبيت الموضوع من قبل الإشراف ... تبقي إستجابة الأعضاء

ابراهيم فرج المكتب الفنى (http://www.facebook.com/profile.php?id=100002260111762) http://profile.ak.fbcdn.net/hprofile-ak-snc4/187670_100002260111762_2476539_q.jpg (http://www.facebook.com/profile.php?id=100002260111762)
شكراً لتواصلكم معنا ..........
آملين دوام التواصل .............

on Tuesday · Report (http://www.facebook.com/ajax/report.php?content_type=8&cid=13400&rid=100002260111762&cid2=192739377423484&h=AfilcxKr0XE9ShdX&ref=nf)

اطمئنوا .. ده مسئول المكتب الفنى متابع الموضوع على الفيس بوك .
انا بس عندى اقتراح عشان كده العملية واسعة قوى .. يا ريت كل واحد يكتب اسم المدرسة التى عـُقد فيها الإمتحان و رقم اللجنة اللى شاف فيها - مش اللى سمع ان حصل فيها - واقعة الغش , و يا ريت كمان إسم المادة اللى كان بيجرى الإمتحان فيها , و بكده نضيق الدائرة على الغشاشين و كمان ما نظلمش حد من اللى فى اللجان التانية .

مينفعش نكتفي برقم اللجنة لكذا سبب:

أولا المراقب ميقدرش يسمح بالغش إلا لو كانت اللجان كلها في نفس المدرسة سايبة ... عشان ميتبلغش عنه

ثانيا المراقب مش هيسمح بالغش إلا لما يكون زمايله كلهم بيسمحوا بالغش .. عشان بردو ميتبلغش عنه

ثالثا المراقب مش هيقدر يسمح بالغش إلا لو كان رئيس اللجان فاسد ... لأنه مهمة رئيس اللجان هي المتابعة والتفتيش ... والمراقب مش هيجرأ إنه يسمح بالغش إلا لو متأكد إن رئيس اللجان مننا وعلينا ومش هيودينا في داهية

طبيعي إن الرئيس لما يفسد .. يبقي كل اللي تحت إيده فاسدين ... وده بيفكرني بردو بوضع البلد من كام شهر

يا جماعة فعلا الموضوع ده مهم جدا و هو فعلا من مصلاحتنا جميعا
ارجو الاهتمام بيه

ربنا يستر على الطلبه الى تعبت هنضييييييييع من التنسيق


وبعدين كل واحد بيقيسها على نفسه بس يعنى الى بيغش ده لو بياخد درجه النجاح وخلاص اوك لأه ده عايز يقفل الماده ربنا ينتقم من الظالم والمفتر والغشاش

الغش حرااااااااااام و سبب كل بلاوي المجتمع اليومين دول!!!!!!!

موضوع يستحق التقدير
وفعلا الغش بيضيع حق كتير من المجتهدين

بصراحة موضوع ممتاز

قال رسول الله صلي الله عليه وسلم من غشنا فليس منا

السلام عليكم
أنا واحدة من الناس بنتي اشتكت كتير من الصوت العالي وطلبت وكيل الوزارة عندنا واشتكيت ولا حياة لمن تنادي
بس الغش الجماعي حدث بإيحاء من الوزارة وياريت السيد الوزير يحقق في هذا الموضوع لأن كان فيه اجتماع مع مسئولين بالوزارة ورجع الوكلاء ومديري المدارس يقولون لو رأيت الطالب بيغش أعمل نفسك مش شايفة حتى لا يقوم الطلاب باعتصامات
نرجو من السيد الوزير تتبع الاجتماعات السابقة للإمتحانات وأكيد هي مسجلة وسوف يكتشف من صاحب هذه الفتنة

السلام عليكم
أنا واحدة من الناس بنتي اشتكت كتير من الصوت العالي وطلبت وكيل الوزارة عندنا واشتكيت ولا حياة لمن تنادي
بس الغش الجماعي حدث بإيحاء من الوزارة وياريت السيد الوزير يحقق في هذا الموضوع لأن كان فيه اجتماع مع مسئولين بالوزارة ورجع الوكلاء ومديري المدارس يقولون لو رأيت الطالب بيغش أعمل نفسك مش شايفة حتى لا يقوم الطلاب باعتصامات
نرجو من السيد الوزير تتبع الاجتماعات السابقة للإمتحانات وأكيد هي مسجلة وسوف يكتشف من صاحب هذه الفتنة

ممكن أعرف إيه مصدر كلام حضرتك ده ؟؟

لا .. لا .. لا .. للغــــــش

ياجماعة ممكن سؤال؟
ايه الاسباب اللى تخلى الطالب يغش علشان نحاول نعلجها ؟

الأسباب كتير ...

أولهم وأهمهم ... إن دي حاجة في نفس الطالب وأخلاقه ... يعني ممكن الإمتحان يبقي سهل ومباشر بس الطالب ذات نفسه معندوش مبادئ أو أخلاق تمنعه من حاجة زي كده ... زي بالظبط الغني اللي بيسرق وهو مش محتاج فلوس لمجرد إن دي غريزة في دمه بيرضيها

ثانيا ... إن الطالب إختار إتجاه مش إتجاهه ... يعني طالب دخل علمي رياضة وهو أصلا مش حابب الرياضة بس أهله عاوزينه يبقي مهندس بالعفاية ... فبيبقي مش حابب الدراسة اللي بيدرسها ولا حاسس بمسؤولية ولا فكر يذاكر وبيروح الإمتحان معتمد علي الغش ... ده بالإضافة إن الثانوي التجاري أو المعماري أو الصنايع بقت حاجة عيب مينفعش الناس يدخلوها .. فبقي الكل بيدخل ثانوية عامة وهو عارف إنه مش هيقدر يكمل في المواد العلمية زي الرياضة أو الفيزياء أو الأحياء أو الكيمياء

ثالثا ... فكرة إن الطالب المفروض يقفل الإمتحان ويجيب الدرجة النهائية عشان يجيب مجموع محترم يدخله كلية محترمه ... ده بيخلي الطالب حتي لو حالل كويس في الإمتحان بردو بيغش عشان يقفله ...
رابعا بقي ... نظام التعليم السيء ... وسوء وضع الإمتحان بيخلي الطالب يلجأ لكده ... الإمتحان عاوز طالب حافظ حتي لو مش فاهم ... لأن للأسف الشديد بقت حقيقة إن الطالب الحافظ بيجيب مجموع أعلي من الفاهم ... مع إن المفروض الإمتحان يقيس كل القدرات من ضمنهم الحفظ والفهم

دي أهم الأسباب من رأيي .... وبردو مفيش أي سبب منهم يكون مبرر كافي لأن الطالب يغش ...

في الأول وفي الآخر مسالة مبادئ وأخلاق

تسلم ايدك على هذا الموضوع

مينفعش نكتفي برقم اللجنة لكذا سبب:

أولا المراقب ميقدرش يسمح بالغش إلا لو كانت اللجان كلها في نفس المدرسة سايبة ... عشان ميتبلغش عنه

ثانيا المراقب مش هيسمح بالغش إلا لما يكون زمايله كلهم بيسمحوا بالغش .. عشان بردو ميتبلغش عنه

ثالثا المراقب مش هيقدر يسمح بالغش إلا لو كان رئيس اللجان فاسد ... لأنه مهمة رئيس اللجان هي المتابعة والتفتيش ... والمراقب مش هيجرأ إنه يسمح بالغش إلا لو متأكد إن رئيس اللجان مننا وعلينا ومش هيودينا في داهية

طبيعي إن الرئيس لما يفسد .. يبقي كل اللي تحت إيده فاسدين ... وده بيفكرني بردو بوضع البلد من كام شهر

فى مدرسين كانوا بياخذوا السنة دى مع طلاب فى المرحلة الثانية 10 جنيه على كل سؤال
وده حصل حقيقى وبعد كده فى اخر اللجنه يقولوا للمراقب انت واخد رشوة وهنعمل فيك مذكرة وياخذوا الفلوس تانى

حسبنا الله ونعم الوكيل لقد وصل الغش الى درجه لا يطقها بشر اللجنه سوق والملاحظ فى عالم عاشر وعبارات القذف تنهال بين الطلاب ....وعجبى

حسبنا الله ونعم الوكيل

العيب من الاول على المراقبين بس هيعملوا ايه الواحد منهم بياخذ رتبه 800 جنيه او 1000 ودول عمرهم ما هيعملوا مع اسرة بتتكون من 6 افراد وده اقل حاجة

فى مدرسين كانوا بياخذوا السنة دى مع طلاب فى المرحلة الثانية 10 جنيه على كل سؤال
وده حصل حقيقى وبعد كده فى اخر اللجنه يقولوا للمراقب انت واخد رشوة وهنعمل فيك مذكرة وياخذوا الفلوس تانىسبحان الله
لله الامر من قبل ومن بعد :o:o
بجد الواحد مش عارف ينضف البلد من انهى ناحية
لكن الواحد ما زال متفائل

بارك الله فيكم على طرح هذا الموضوع فهو امر فارق فى مصائر الطلبة والاحساس بمرارة الظلم فما معنى ان يحصل غالبية الفرقة الثانيةعلى الدرجة النهائية بصورة طبق الاصل ومنهم المتوسط والضعيف وما شكل التنسيق فى عامهم المقبل وحتى فى حالة تصعيب امتحانات العام المقبل وبقاء الغش على ما هو عليه ما الجديد ان كل من يشارك فى دوام هذا الوضع البائس لا شك يزرع الشر والاحباط فى ارض خصبة وهى عقول ابنائنا فى مقتبل حياتهم وان هذا شر له ما بعده وعلى ذلك لابد من تضافر الجهد لوأد هذه الفتنة om somma

السلام عليكم
أنا واحدة من الناس بنتي اشتكت كتير من الصوت العالي وطلبت وكيل الوزارة عندنا واشتكيت ولا حياة لمن تنادي
بس الغش الجماعي حدث بإيحاء من الوزارة وياريت السيد الوزير يحقق في هذا الموضوع لأن كان فيه اجتماع مع مسئولين بالوزارة ورجع الوكلاء ومديري المدارس يقولون لو رأيت الطالب بيغش أعمل نفسك مش شايفة حتى لا يقوم الطلاب باعتصامات
نرجو من السيد الوزير تتبع الاجتماعات السابقة للإمتحانات وأكيد هي مسجلة وسوف يكتشف من صاحب هذه الفتنة







حضرتك عندك حق
وانا كمان عملت كده ومافيش حاجة حصلت
ده المراقب فى لجنة اختى كان بيعدى على الطالبات ويقولهم الاجابات فى مادة الانجليزى
فى اكتر من كده وكمان قام بتمليتهم علنيا سؤال الترجمة

حسبى الله ونعم الوكيل
بجد حاجة تحرق الاعصاب

موضوع ممتاز جزاك الله كل خيرررررر

يا جماعة انا من العريش البلد الى حصلت فيها بلاوى بسبب الغش دة لدرجة فى اشخاص كانوا داخلين بجموع بالعافية يداخلهم ثانوية عامة جايبين فى تانية ثانوى 96 و كمان قبل الامتحان بفترة بسيطة مكنوش بيعرفوا يرسموا رسم بيانى فى الرياضة
المدرسة الى حصل فيها كدة مدرسة الثانوية العسكرية بشمال سيناء
و بوضوح اكتر الطالب كان يستخدم مع المراقب اسلوب التخويف علشان عارف ان المراقبين جايين البلد و خايفين من البدو و الى ممكن يعملوة فيهم لدرجة انة كانوا بيحطوا رصاص مسدس على كرسى المراقب فى الجنة و الراقب يشوف الرصاص يخاف و يسيب الجنة تغش براحتها
و كمان هحكلكم على نكتة و انا مسافرة الاسماعلية علشان اعمل تظلم فى الكمياء و لد مسافر معايا رايح يقدم بردو تظلم فى علم النفس و قال لبابا ازاى ينقصونى فى الدرجات و انا كنت فاتح مزكرة الاستاذ بتاعى و حالل منها كل الاسئلة
بجد دى موش حاجة تشل؟

ههههههه
يمكن هو نقل الكلام غلط ولا حاجه !

yareeet el naaaas k0laha m7dsh y3'ash tany f ay amt7an w 5al0na nkbar bbladna p2a msh bl3'sh

واللهى حضرتك مش عايز ابقا يائس او حاجه بس المشكله دى مش هتتحل لان مهما المراقبين بيكونو شادين اللجنه برضه الطلبه بيلاقو طريقه يغشو بيها المشكله ف الطلبه طبعا الغش بيسبب فقدان التركيز ف اللجنه تماما والحمد لله انا لو اضطريت اسقط مش هغش وشكرا ع التوبيك الجميل ده

يا جماعة انا من العريش البلد الى حصلت فيها بلاوى بسبب الغش دة لدرجة فى اشخاص كانوا داخلين بجموع بالعافية يداخلهم ثانوية عامة جايبين فى تانية ثانوى 96 و كمان قبل الامتحان بفترة بسيطة مكنوش بيعرفوا يرسموا رسم بيانى فى الرياضة
المدرسة الى حصل فيها كدة مدرسة الثانوية العسكرية بشمال سيناء
و بوضوح اكتر الطالب كان يستخدم مع المراقب اسلوب التخويف علشان عارف ان المراقبين جايين البلد و خايفين من البدو و الى ممكن يعملوة فيهم لدرجة انة كانوا بيحطوا رصاص مسدس على كرسى المراقب فى الجنة و الراقب يشوف الرصاص يخاف و يسيب الجنة تغش براحتها
و كمان هحكلكم على نكتة و انا مسافرة الاسماعلية علشان اعمل تظلم فى الكمياء و لد مسافر معايا رايح يقدم بردو تظلم فى علم النفس و قال لبابا ازاى ينقصونى فى الدرجات و انا كنت فاتح مزكرة الاستاذ بتاعى و حالل منها كل الاسئلة
بجد دى موش حاجة تشل؟

ممكن يكون المدرس بتاعه غاشش غلط اصلا
بجد حاجة تفلق احنا هندنا مدرسة فى اسكندرية اسمها حسان بن ثابت ممكن تلاقى لجنة كاملة كلهم 94% و95% ازاى يعنى كلهم كانوا بيذكروا مع بعض طول السنة ولا عقولهم زى بعض بس صدقونى سنة 3 ثانوى هتبقى فيصل ومش بيهم رياضة وفيزياء ودخل علمى هيتظبط السنة ده
http://images1.masress.com/ahrammassai/34277

بجد الموضوع مه
متهيألى الفصل بتاعى كله مفهوش أكتر من 3 أو 4 طلبة بس مبيغشوش
الله المستعان

السلام عليكم ورحمة الله وبركاته

بارك الله فيك علي هذا الطرح الرائع وجزاك الله خيرا

فى مدرسين كانوا بياخذوا السنة دى مع طلاب فى المرحلة الثانية 10 جنيه على كل سؤال
وده حصل حقيقى وبعد كده فى اخر اللجنه يقولوا للمراقب انت واخد رشوة وهنعمل فيك مذكرة وياخذوا الفلوس تانى
ده بجد ده؟؟؟؟!!!!!!!!

جزاك الله خيرا على هذا الموضو ع انة موضوع مهم جدا جدا جدا ونرجو الاهتمام لانة بيضيع حق ناس كثيرة نرجو الاهتمام بهذا الموضوع

احييكم هذه حمله رائعة

السلام عليكم

روعة الموضوع هذا

فعلا عندك حق

انا معاكم ان شاء الله
من غشنا فليس منا

تسسسسسسلممممممممم

يوجد مدرسه اسمها معالى السلام الخاصه بالهانوفيل العجمى بالاسكندريه ومشهوره بالغش فى اليانويه العامه بالذات ارجوا الاهتمام بالامر وابلاغ المئولين بالوزاره

موضوع غاية فى الاهمية ارجو التثبيت

جزاكم الله خيرا

لا للغش لا للغش
لكن فيه نقطه اريد ان اوضحها:
المراقب اذا لم يغشش الطلبة بيلاقى رد فعل عنييف جدااااااااااااااااااااااااااااااااااااااااااااااا احنا عندنا فى الاعدادية مراقب الادوار كان بيشد اللجان وبيعلى صوته فى وجه المراقبين فى اخر يوم الموتو سكل بتاعة ادمر وكانوا هيولعوا فيه والاستاذ انضرب ضرب شديد جدااااااا غير ان الطلبة معظمهم كان بيرمى طوب وزلط عليه وهو ماشى المشكلة مش فى المراقبين المشكلة فى الطلبة اللى بيلجؤا الى العنف الشديد الى المراقبين

السلام عليكم ورحمة الله
اشكر ابنى الحبيب على هذا الموضوع وكم بلغت سعادتى بوجود مثلك فى مصر وان شاء الله امثالك كثيرين ولكن عديمى الضمير قليلين ان شاء الله ولكننا نشعر بكثرتهم لانه من الطبيعى ان الخبيث تفوح رائحته فتشعر وكأنه حولك فى كل مكان وصدقنى الغش لا يرفع من صاحبه فربا يحصل على مجموع افضل منك فى الثانوية ولكن هذا ليس هو النجاح لانه قد يدخل اعلى كلية وهى الطب بالغش ولكنه لن يوفق فيها او بعدها لان التوفيق من عند الله والنجاح ليس نجاح الشهادات ولكن النجاح هو توفيق الله فى الحياة فقد تتدخل كلية اقل من الغشاش ولكن يصبح لك مكانة عالية ووضع اجتماعى افضل منه بكثير واذكرك ان الله لايضيع عمل احد وان من غشنا ليس منا واخيرا لك منى تحياتى

أتمنى أن تكون حملة (لا للغش) تشمل كل أنواع الغش الفردي والجماعي .. الغش في الامتحانات أو في التجارة .. غش الأخرين أو غش النفس
بالتوفيق يا شباب وكل الشرفاء معكم .. وطبعا ربنا معكم قبل الجميع

ف ناااس بتغش والله وجابت 98.5 واتساااوت بحد حل بمجهوودهم مش ده حرااام

أنا معكم أويد هذه الحركة من باب الغش حرام شرعا وأنه يضيع الحقوق ويعطيها لمن لايستحقها

الغش دة سبب كل المصايب
والانسان مش ناسى ان الغش حراااااااااااااااام ولا اية

موضوع ممتاز جدا ............ وفيه خير لمصر ولطلابها المجتهدين
ربنا يوفق الجميع

موضوع ممتاز

بعد ما حدث في الثانوية العامة هذا العام و الأعوام الماضية
أصبحمن الضروري منع الغش و محاربته
و على كل طالب متفوق أن يفهم هذا
فلا يجبأن يسمح بالغش داخل اللجان
و أن يساند الملاحظ الذي يقوم بدوره على الوجه الأكمل في منع الغش
لأن الغش في الأولو الأخر حرام
ثانيا الغش ليس في مصلحة الطالب المتفوق بل يضيع عليه الفرص
ثانيا المعلمون في المدارس
لا بد و أن يقوموا بدورهمفي منع الغش في مراحل النقل
حتي لا ينجح إلا من يستحق
و يعرف الطالب أنه لن يوجد غش
و تقوا الله يا معلمي مصر في أماناتكم و عهدكم

الحل باختصار فى تعدد الامتحانات بمعنى ان اللجنة 20 طالب تتطون من 7علوم 7 رياضة 7 ادبى ولكل طالب نموذج امتحان مختلف بنفس المستوى اى انه سيكون هناك 7 امتحانات مختلفة لكل تخصص فلا يستطيع الطالب ولا المدرس ان يغش او يغشش لان للكل طالب شان مختلف هذا هو الحل الوحيد للغش فى مصر

المهم ان الغش يبقى مش موجود فعلا فى اى امتحان بالمدارس كلها فى جميع بلاد وجمهوريه مصر العربيه كلها ومع ذلك برضو من وجهه نظرى ان ده هيبقى مستحيل اصل دى عاده عندينا فى مصر وشئ لا بد منه

لابد من اجراءات صارمة ضد الغشاش مثل ان ينزل سنة اي طالب تانية يرجع اولى
غشاش اليوم هو وزير فاسد و دكتور فاشل في الغد

كيف تستطيع منع الغش ؟
ما الآليات التي في يد المراقب لوقف الغش ؟
ماذا حدث للطلاب الذين اعتدوا بالضرب علي من رفض الغش ؟
اقرأ هذا الخبر:في 17/10/0/2012
علقة مووووووووووووووووووت
بلطجة طلاب مدرسة اسنيت الثانوية المشتركة

قام مجموعة من الطلاب بمدرسة أسنيت الثانوية المشتركة
بمدينة كفرشكر التابعة لمحافظة القليوبية
بالتعدى على مدرس علم النفس بالمدرسة
ولم يستطع زملائه من المعلمين بالمدرسة التدخل لانقاذ زميلهم من ايدى الطلاب
حتى فرغ الطلاب من الضرب وتركوه مغشيا عليه وسط دمائه وذهول المعلمين وجبنهم



http://www.thanwya.com/vb/style12/buttons/quote.gif (http://www.thanwya.com/vb/newreply.php?do=newreply&p=4916423) http://www.thanwya.com/vb/style12/buttons/multiquote_off.gif (http://www.thanwya.com/vb/newreply.php?do=newreply&p=4916423)

فين الإعلام الفاشل يشوف حال المعلمين وينقله
وسيادة الوزير هيعمل ايه ؟؟
والسيد النقيب هيعمل ايه ؟

مبادرة طيبة
والحقيقة أن المشكلة لها العديد من الأبعاد منها :
الثقافة الخاطئة السائدة فى المجتمع حول الامتحانات حيث يعتبرون الشخص الذى يمنع الغش هو إنسان متطرف يريد تدمير مستقبل الطلاب !!
ومنها عدم شعور المعلمين بالأمان بسبب عدم توفير أمن فى اللجان وحماية دورية من الشرطة - قد يكون المراقب نزيها ويرغب فى منع الغش لكنه فى النهاية يؤثر السلامة إذا لاح له تهديد فى الأفق
والسلام

الحل باختصار فى تعدد الامتحانات بمعنى ان اللجنة 20 طالب تتطون من 7علوم 7 رياضة 7 ادبى ولكل طالب نموذج امتحان مختلف بنفس المستوى اى انه سيكون هناك 7 امتحانات مختلفة لكل تخصص فلا يستطيع الطالب ولا المدرس ان يغش او يغشش لان للكل طالب شان مختلف هذا هو الحل الوحيد للغش فى مصر
يبدو لى حلاً جيداً ... فقط فى حالة جلوس الطلاب فى أماكن متباعدة

السلام عليكم طيب بالنسبة للغش بالبلاك بيرى على مرأى ومسمع الجميع والوزير يعلم بكده فين العدل لما يكون طالب من المتفوقين طول عمره وميعرفش يحل امتحان مثل امتحان العربى لانه جاء صعي وطالب غيره ضعيف ويغش الامتحان عن طريق البلاك بيرى والوزارة تعلم ولاتستطيع غلق الموقع يبقى اين العدل حراااااااااااااااام مجهود سنتين واحباط وكمان بيولدوا الحقد فى الطلاب المتفوقين

http://www.d3m-vb.com/vb/imgcache/1283.imgcache (http://www.s1h1up.com/)

انا ارجو من الاستاذ الفاضل صاحب الدعوة انه يتصل بية علي 01226350039
او يسيبلي رقم موبايله عشان اقدر افهم ايه اللي اقد اعمله باظبط لاني مش ضليع في النت اوي انا بتمني اتصدي للظاهرة دي بكل شدة وانا بعمل كده فعلا مع امتحانات النقل اول ثانوي و2 ثانوي في مدرستي لكن بتكره وده مش بيهمني لاني بعمل كده لوجه الله بس فعلا بتمني يكون في لجان متخصصة ترعب الادارات المدرسية والمدرسين وتمر بشكل دوري عشان اللي ضميره نايم يصحي عشان اكل عيشه لانه مش حايحارب الظاهرة دي عشان ربنا لا
عشان القانون بيجرمها وده المطلوب تفعيل القانون لان الضمير مش كافي شكراا جزيلا

والعملية عايزة شوية مجهود من الملاحظين داخل اللجان