السلام عليكم

أطللقنا حملة جديدة علي الفيس بوك بعنوان "شباب ضد الغش"

بعدما كثرت الشكاوى من طلاب الثانوية العامة بوجود حالات غش جماعي في لجان المراقبة

هدف الحملة إننا نجمع من الطلبة أسماء المدارس اللي فيها غش جماعي وتسيب ونبلغ الوزارة حتي يتم تدارك الأمر ...

إحقاقا للحق ولكي يتم إمتحان جميع الطلاب تحت نفس الظروف وتتحقق المساواة ويتم التحقيق مع المراقبين اللي بيسمحوا بكده

ده لينك الشكاوى علي موقع وزارة التربية والتعليم اللي بيوضح تعدد الشكاوى وجدية الأمر

http://www.facebook.com/topic.php?uid=192739377423484&topic=3808

إحنا أنشأنا الحملة في محاولة لتوصيل صوتنا للوزارة

وبالفعل معانا أسماء لأكثر من 25 مدرسة في مختلف المحافظات ومعانا مسؤول من وزارة التربية والتعليم المصرية مهتم بالموضوع والتحقيق مع لجان المراقبة في المدارس ...

إحنا في حاجة لمساعدتكم في نشر الصفحة بشكل سريع جدا لتدارك الأمر قبل إمتحان الفيزياء والكيمياء والأحياء وباقي الإمتحانات ....

تذكر إن الطالب هو المتضرر الأول والأخير من موضوع الغش

سجل في الصفحة وإكتب إسم مدرستك والإدارة التابع ليها وإيه حالة الغش في المدرسة بالظبط

ده لينك صفحتنا .... منتظرينكم

شباب ضد الغش

http://www.facebook.com/Againstcheating

http://i54.tinypic.com/992nw2.jpg (http://www.facebook.com/Againstcheating) http://i54.tinypic.com/1zgtjrl.jpg (http://www.facebook.com/Againstcheating)

شكرا لك على هذا الموضوع الجميل الذى كنت انتظره
انا متضرر جدا والله من الغش
ساعة الامتحان اللجنة كلها بتكون فيها صوت والكل شغال يتكلم
والملاحظون واحد داخل واحد خارج وكمان كان فى اللجنة 4 ملاحظون
وحتى هذا العدد لا يمنع الغش فى اللجنة
انا مش عايز اضييق على احد ولا اتسبب فى مشاكل لاحد بس مش
الواحد مش عارف يحل اى حاجة فى هذا الجو فى جو الغش
ولذلك اشكرك جزيل الشكر على هذا الموضوع
وانا معاك فى كل حرف

طيب ممكن تسجل في الصفحة وتكتب إسم المدرسة والإدارة التابعة ليها

أكيد عندك أكونت عالفيس بوك ... ولو مش عندك إكتب إسم المدرسة هنا وانا هنقله

يا جماعه محتاجين مساعدتكم ... ياريت اللي يقدر يقدم حاجة ميتأخرش