الحمد لله يا أخواننا انا قررت توجهى السياسى ايه أنا هكون أيه هيكون أيه؟
ليبرالى بس بيقولوا اللليبرالية دى كفر
طب علمانى برضه بيقولوا عليها أنيل
اه لقيتها أكون يسارى اشتراكى أؤمن بتوزيع الثروة والكلام الحلو ده اهو عالاقل أكون من اللى هيتوزع عليهم بعد ما فلوس مبارك أتاخرت بس بيقولوا اليسار ده يعنى الحاد وانا مش ممكن اكون ملحد
بس نمسك الختام أنا أخوان ايوه أنا أخوان مفيش احلى ولا اجمل من كده الناس كلها بتحترمهم والواحد يقرب من ربنا ويقرب من الاخوان ويمكن لما اكبر اترشح للمجلس واللى مع الاخوان ميغلبش
لقيت عم حنكش بيقولى بس ياأهبل يا عبيط دول بيغلبوا مصالحهم عالبلد وأهم حاجة عندهم الكرسى
رديت عليه وقلت خلاص انا لا يمكن ابقى كده
بس قولى يا عم حنكش اكون ايه
قالى يا مدحت يا ابنى اعمل كونتيل
قلتله قصدك كوكتيل
قالى ايوه اللى انت قولت عليه ده
قلتله طب هو الكوكتيل ده بيتباع فين
قالى انت مسمعتش التلفزيون قال ايه
رديت باستغراب وقلت فى عقل بالى معقولة التلفزيون بيبيع كوكتيل والله مش بعيد المهم قلتله حصل ايه فى التلفزيون
قالى اسكت مش اتحالفوا مع بعض
عينى زغللت وافتكرت هانى رمزى فى الفيلم لما قال هل يختلط الزيت بالماء
والكلمة رنت فى ودنى لمدة ساعة لحد ما صفرت
قالى يا ابنى فوق زيت ايه بس ما شالوه من التموين
الحكاية وما فيها انهم تحالفوا مع بعض فى المجلس الجاى
قلتله يا عم حنكش يا حبيبى ده صبحى صالح قال ان الاسلام مفهوش لا ليبرالى ولا علمانى وكل الناس قالولنا كده ازاى التيار الاسلامى الاقوى يعمل كده
هى دى مش تجارة برضه يا عم حنكش ده ال4 ميركبوش مع بعض ولا حتى 2 مع بعض
قالى ايش فهمك انت اساسا يعنى هتعرف اكتر منهم
قلتله بس المبدا يا عم حنكش
قالى مبدأ ايه بس المجلس هيبقى متقسم بينهم وبين الاحزاب المتحالفة معاهم واخيرا هناكل عيش بقى
ومن يومها وانا قطعت علاقتى مع عم حنكش بسبب الاخبار السودة دى
وانا مروح رجعت بفكرى لورا وقد ايه الناس هاجمت العلمانية والليبرالية ومنهم الاخوان والسلف وجايين دلوقتى يتحالفوا معاهم صحيح مبادئ على ما تفرج
للعلم كل التيارات الدينية اتحالفت مع بعضها يعنى الحكاية هتبقى كشرى والليبرالى والعلمانى مش هيكونو حرام النهاردة مع ان امبارح كانوا كفرة
انا قررت اكون مصرى وبس ومش هنضم لاى تجار لا تجار دين ولا تجار سياسة ورحمة الله عليكى يا مصر
الفاتحة
كتب لكم
مدحت محمد حسين

أنا ليبرالى وأخوانى وعلمانى ويسارى
ليه بس كده يا مدحت فين وسلفى كده السلفيين يزعلوا ليه العنصرية دى وعلى فكرة التحالف دا لا يصب إلا فى صالح الأحزاب الكرتونية وهذا خطأ فادح من التيارات الاسلامية أنها تتحد مع هؤلاء دا طبعا رأى شخصى بس لو كانوا كما يقولون تحالف من أجل مصر فكله يهون ونتحمل لعلهم صادقون والأفضل كما تقول
انا قررت اكون مصرى وبس

لو كلنا توحدنا تحت هذا لصلح الحال تقبل مرورى

وأنا قررت أكون مصرى وشكرا

أنا ليبرالى وأخوانى وعلمانى ويسارى
ليه بس كده يا مدحت فين وسلفى كده السلفيين يزعلوا ليه العنصرية دى وعلى فكرة التحالف دا لا يصب إلا فى صالح الأحزاب الكرتونية وهذا خطأ فادح من التيارات الاسلامية أنها تتحد مع هؤلاء دا طبعا رأى شخصى بس لو كانوا كما يقولون تحالف من أجل مصر فكله يهون ونتحمل لعلهم صادقون والأفضل كما تقول


لو كلنا توحدنا تحت هذا لصلح الحال تقبل مرورى


يا استاذى كلنا سلفيين من الاساس ولا ايه:d نيجى بقى التحالف فعلا يصب فى مصلحة تلك الاحزاب من جهة لانهم هياخدوا مقاعد وفى صالح الاخوان لانه هيضيف عليهم بريق ليبرالى ولكنهم هيخسروا كتير لان ده تضارب ازاى اشتمك امبارح وتلاقينى بكره قاعد جمبك

يا استاذى كلنا سلفيين من الاساس ولا ايه:d نيجى بقى التحالف فعلا يصب فى مصلحة تلك الاحزاب من جهة لانهم هياخدوا مقاعد وفى صالح الاخوان لانه هيضيف عليهم بريق ليبرالى ولكنهم هيخسروا كتير لان ده تضارب ازاى اشتمك امبارح وتلاقينى بكره قاعد جمبك

أعتقد ودا رأى شخصى يعنى مش معنى اتحادى معاك إن أنا راض عن أفكارك ولكن هم يعلنون أننا نتخلى عن خلافتنا لصالح البلد ونرجو إن يكون دى النية فعلا ويقدموا مصالح الوطن على المصالح الفردية لكل حزب وأولا وأخيرا سواء علمانى ليبرالى اخوانى يسارى كلهم أبناء مصر وله حقوق نختلف ولكن تبقى الحقوق محفوظة

أعتقد ودا رأى شخصى يعنى مش معنى اتحادى معاك إن أنا راض عن أفكارك ولكن هم يعلنون أننا نتخلى عن خلافتنا لصالح البلد ونرجو إن يكون دى النية فعلا ويقدموا مصالح الوطن على المصالح الفردية لكل حزب وأولا وأخيرا سواء علمانى ليبرالى اخوانى يسارى كلهم أبناء مصر وله حقوق نختلف ولكن تبقى الحقوق محفوظة


طب المنافسة فين
يعنى انتخابات بلا منافسة
ينفع الاهلى والزمالك مع بعض
طب دول عايزينها مدنية بحتة ودول عايزينها مدنية ذات مرجعية اسلامية
اساسا فيه خلاف جذرى انتظر اراء استاذ حسين الجاويش والاستاذ ابو اسراء واستاذ خالد سليمان لانهم ياما قالوا على الليبرالية والعلمانية كتير بس ماهى طلعت حلوة اهو ولو التحالف لصالح مصر
خلاص يبقى اسرائيل وفلسطين يتحالفوا لصالح السلام الدائم

طب المنافسة فين
يعنى انتخابات بلا منافسة
ينفع الاهلى والزمالك مع بعض
طب دول عايزينها مدنية بحتة ودول عايزينها مدنية ذات مرجعية اسلامية
اساسا فيه خلاف جذرى انتظر اراء استاذ حسين الجاويش والاستاذ ابو اسراء واستاذ خالد سليمان لانهم ياما قالوا على الليبرالية والعلمانية كتير بس ماهى طلعت حلوة اهو ولو التحالف لصالح مصر
خلاص يبقى اسرائيل وفلسطين يتحالفوا لصالح السلام الدائم
يا أخى أنا بقولك دى وجهة نظرى وليس معنى التحالف الرضا التام عن الفكر وعلى فكرة كلامك له اعتبار منطقى جدا لأن النقيضين لا يجتمعان وظنى إن الاختلاف سيحدث وقت توزيع المقاعد ونصبر لنرى كيف ستصاغ الأمور والأفاضل الذين أسلفت ذكرهم الاستاذ عصام الجاويش وأبو اسراء والاستاذ خالد آراؤهم على العين والرأس وأنا أتفق معهم ولكن التحالف كما قلت لك ليس معناه الرضا التام وظنى أنه لن يستمر إلا بتنازلات من جميع الاطراف سواء اسلامى أو غيره

عذرا صاحب المقال فهذا يدل علي عدم فهم أي تيار وكونك ترفض أن تكون كوكتيل فكلنا أيضا نرفض ذلك السلفيون يرفضون الخلط وكذلك الإخوان وغيرهم من الليبراليين والعلمانيين الجميع يرفض اختلاط الزيت بالماء كما سمعت في الفيلم ولكن الجميع أراد أن ينحي الاختلاف جانبا من أجل مصلحة مصر ودائما ونحن نصدر اختلافتنا ونتحاور ونتحاور في اختلافات وأحب أن أعرفك يا أخي أن الأحزاب الدينية لا تنظر لمصلحة خاصة وإن نظروا لمصلحة الدين ففيه مصلحة مصر وليست مصلحة أشخاص

عذرا صاحب المقال فهذا يدل علي عدم فهم أي تيار وكونك ترفض أن تكون كوكتيل فكلنا أيضا نرفض ذلك السلفيون يرفضون الخلط وكذلك الإخوان وغيرهم من الليبراليين والعلمانيين الجميع يرفض اختلاط الزيت بالماء كما سمعت في الفيلم ولكن الجميع أراد أن ينحي الاختلاف جانبا من أجل مصلحة مصر ودائما ونحن نصدر اختلافتنا ونتحاور ونتحاور في اختلافات وأحب أن أعرفك يا أخي أن الأحزاب الدينية لا تنظر لمصلحة خاصة وإن نظروا لمصلحة الدين ففيه مصلحة مصر وليست مصلحة أشخاص

حياك وبياك وجعل الجنة مثوانا ومثواك نعم الرأى بارك الله فيك فمصلحة مصر فى التمسك بدينها وتطبيق شرعها

يا استاذى الفاضل مصلحة مصر فوق الجميع وانا فاهم ودارس التيارات دى وتصريحاتها كويس ولكن المشكلة ازاى انا مثلا يا استاذ ايمن افضل اشتمك لمدة سنين واجى فى يوم تلاقينى قاعد جنبك وحباين وحاضنين بعض مش معقولة حتى خلوها تدخل علينا مثلا شهر ولا 2 مدح
ويا استاذى التيار الدينى على عينى وعلى راسى وانا اغلب غضبى من الليبراليين وغيرهم انهم تحالفوا مع الاخوان وغضبان من الاسلامين على تغيير مواقفهم
ده مثار الخلاف مفيش حاجة اسمها مصلحة مصر هم ااختارو مصلحتهم للاسف الاول
ملحوظة التيار السلفى لم يكن فى الاجتماع ولكنه اتفق مع الاخوان على حدا ولا اعلم هل سيقبلوا التحالف ام لا

حياك وبياك وجعل الجنة مثوانا ومثواك نعم الرأى بارك الله فيك فمصلحة مصر فى التمسك بدينها وتطبيق شرعها


وهل يريد اليبراليين والعلمانين وتوجهاتهم افكارهم تتوافق مع هذا الامر

اهو لسه حاصل كسر للتحالف شوفوا كده 40 حركة وحزب منهم الوفد طالبوا بالدستور اولا وهيعملوا توقيعات

بإذن الله الانتخابات أولا مهما قالوا لأن كل الاستفتاءات تقول الانتخابات أولا