انا حبيت اوضح حاجه مهمة بس

السنة دى التصحيح ماشى بطيخ وده لان المدرسين عاوزين كل الطلبه تقفل النهاية وده ظهر فى السماح باعراب الف مفعول به والوحدة العضوية تمشى الاجابتين وده معناه للاسف ان المدرسين والمستشارين بيستهبلوا لان كده مفيش فرق بين طالب ذاكر نحو وبلاغة 3 ثانوى وطالب دخل الامتحان مفتحومش من اصله......... انا حاسس انهم بالطريقة دى هيمشوا بعد كده بنظام الاغلبية .......... االاغلبية عاملة اجابة معينة يبقى نمشى عليها سواء صح او غلط ......... ليست هناك عدالة فى التمييز بين الطلبة .......... محدش يزعل لان هى دى الحقيقة ...... كل الناس عاوزة تقفل كل الامتحانات بغض النظر عن مستواها الدراسى فى الاصل ........ اذا تم الاستمرار على هذا النظام يبقى عليه العوض

عندك كل الحق
على الرغم من انى عاملها مفعول به
وعاملها تتحقق الوحده العضويه
بس استفسار رفيع
هل حضرتك شايف أساسا ان باقى الامتحان بيقيس مستوى اى طالب
معانى من وجهه نظرى على حسب أجساسك (حادى بادى)
أدب سازج (ياريتنى ما زاكرت ادب)
وهكذا

................

معاك حق بس الكلام ده يمشى لو كان الامتحان محطوط بمعاييره الاساسية

انما مش تحط امتحان تخمين وفوازير ........

متستنوش تغيير فى نظام واسئلة الامتحان لان دم الوزارة لم يتغير ومازال واضعى الامتحان هما هما وبنفس التفكير المستفز بتاع الالغاز والمعانى المتشابهة

ومين قال ان رايك اللي صح وباقي الاراء غلط

ومين قالك ان راي اللي حاطط نموذج الاجابة بتاعه البلاغه صح ؟؟؟؟

مع ان اغلب المدرسين متفقين انها تحققت الوحدة العضوية

ومين قال ان رايك اللي صح وباقي الاراء غلط

ومين قالك ان راي اللي حاطط نموذج الاجابة بتاعه البلاغه صح ؟؟؟؟

مع ان اغلب المدرسين متفقين انها تحققت الوحدة العضوية

انا طالب شوفت قطعة البلاغة وحللتها وطلع مفيهاش وحده عضوية ايه المشكلة انى اخد درجتى ........... وعلى فكرة المدرسين مش منفعلين عشان تحققت ولا لم تتحقق هما منفعلين عشان الطلبة اللى بياخدوا عندهم دروس هيغلطوا فيها...

كلمه واحده
حسبى الله ونعم الوكيل

الله ينور عليك
المدرسين منفعلين عشان الطلبة اللى بياخدوا عندهم دروس
وسيادة المستشار المتردد اللى بيستجيب لضغط أى حد واللى معندهوش ثقة ف نفسه ده مينفعش يبقى مستشار

انا طالب شوفت قطعة البلاغة وحللتها وطلع مفيهاش وحده عضوية ايه المشكلة انى اخد درجتى ........... وعلى فكرة المدرسين مش منفعلين عشان تحققت ولا لم تتحقق هما منفعلين عشان الطلبة اللى بياخدوا عندهم دروس هيغلطوا فيها...


حضرتك صح
بالذات تاة غشوا بالتليفون

انا كواحد عاملها مفعول به فى النحو بصراحة برفض انها تتحسب مفعول به لازم تتحسب نائب بس لانى مكنتش مركز ساعتها وده الفرق بينى وبين واحد ركز بس انا بردهwould ‎ فى الانجليزى صح بس علشان الاغلبية خلوها اجابة تانية مانا كدة اتظلمت

بص بالنسبة للبلاغة أنا مش متفق معاك فيها
البلاغة النقاد نفسهم بيختلفوا فيها ف متقدرش تحجم رأى معين
انا شايف انها فيها و جبت أدلة لكلامى غيرى شاف لأ و جاب أدلة لكلامه دى آراء و مينفعش الاستجابة فيها لنموذج الاجابة

بالنسبة ل ألف رغم إنى عاملها مفعول به مكنش نفسى تتحسب صح و اللى كاتبها كده ينقص ّلأن دى من أسئلة التميز فا لو عدوها يبقى يعدوا الامتحان كله بقى لكله
ملحوظة : ان درجة البلاغة لوحدها علت نسبة النجاح 6 % فيمكن يكون ده دليل ان رغم التسهيل فى بعض الحاجات بس الدرجات عموما مش حلوة

بص بالنسبة للبلاغة أنا مش متفق معاك فيها
البلاغة النقاد نفسهم بيختلفوا فيها ف متقدرش تحجم رأى معين
انا شايف انها فيها و جبت أدلة لكلامى غيرى شاف لأ و جاب أدلة لكلامه دى آراء و مينفعش الاستجابة فيها لنموذج الاجابة

بالنسبة ل ألف رغم إنى عاملها مفعول به مكنش نفسى تتحسب صح و اللى كاتبها كده ينقص ّلأن دى من أسئلة التميز فا لو عدوها يبقى يعدوا الامتحان كله بقى لكله
ملحوظة : ان درجة البلاغة لوحدها علت نسبة النجاح 6 % فيمكن يكون ده دليل ان رغم التسهيل فى بعض الحاجات بس الدرجات عموما مش حلوة

انا مع كلامك فى الموضوع ده المفروض ان كل واحد فينا ياخد حقه زى ما هو حالل بالظبط كده ناس اللى حالة كويس هتعترض واللى حالل وحش هيعترض ولكن المفروض ان كل واحد يرضى بنصيبه سواء حلو اوحش ويقول الحمد لله ربنا يعدى السنة دى على خير

لان الامتحان بيوضح قدرات الطالب

بالنسبة للبلاغة المفروض انها مفتوحة
بمعني لو انت فسرت رأيك بشكل منطقي يبقي اجابتك صح و تمشي
انت شايف حاجة استعارة مكنية بس انا شايفها كناية عن كذا و احنا الاثنين فسرنا رأينا يبقي ليه لا ؟

ما دامت اجابتك متعللة تعليل منطقي او وفقا لما فهمته يبقي خلاص كلامك صح

طيب اشمعنا اتجه في غربة و حنين للوحدة العضوية و هنا لا ؟ رغم اني اقدر اقولك ان الوحدة لم تتحقق فيه
و البيتين دول زي ناجي بالظبط اشمعنا تحققت في بتاع ناجي و هنا لا

العقول مختلفة و يا ريت تقدروا كدا مش كلنا عقل واحد انت شايف حاجة بس انا شايف حاجة تانية علشاني ببساطة " مش انت ".

النحو للاسف انا متفق مع الناس لازم تفرق بين دا و دا الي فاهم و الي مش فاهم او سها في الحتة دي بس علشان مظلمش حد

لكن في الف انا عاملها مفعول به ! ليه : علشاني اعتبرت الجملة دي تعبير بمعني لا يقصد العدد لذاته يعني مش الف حساب بالتمام و بالملي يعني عايز تقول ان لما اقولك حعملك الف حساب يبقي الف نائب ؟ دا لو كان عدد يقصد ذاته يعني بقولك : ادي حساب , 2 , 3 , 4 ....1000 تمام كدا عملتلك الف حساباية !

لا طبعا بالمعني و المنطق مش بيقصد عدد لذاته انما كلمة عادية جدا

انا الحلين كانو في دماغي بس عملت الي مشا مع عقلي اكثر و مقدرش الوم الي عمل غيري لان العقول مختلفة في الاول و اللاخر
علشان كدا الحمد لله انهم مشو الاجابتين علشان يرضو العقليتين و النحو حصلت كتير يجوز اعرابين و انت عارف في المدح و الذم و كمان في القرأن علي حد علمي كتير اوي اعراب يختلف علي حسب تفسيرك للاية !

يبقي اجي و اقولك ليه علشانك عامل الي كان المفروض صح مضايق من اخواتك الي بيفكرو بطريقة غير طريقتك
انت حللت و ملقتش وحدة عضوية بس انا حللت و لقيت ايه مشكلتك انا عندي دماغ غير دماغك و اجابتي غير اجابتك

لو عايز تلوم حد لوم الي وضع الامتحان الي جاب حاجات كتير تجوز فيه

على فكرة كل اللى عملها وحدة عضوية كان حافظها و كان مدرسين قدام بس هم اللى قالوها يعنى مفيهاش تمييز
لو فيها تمييز يبقى ميز بين طالب حظه حلو و استاذه قالهاله و طالب مامته داعية عليه و استاذه مش قالها له
احب اقولك و الله استاذى و اساتذة كتير قالوا هيبقى فيها وحدة عضوية يعنى اساتذة غلطوا فيها و هم بيدرسوا المنهج من 20 سنة يبقى الطالب هو اللى هيجيبها صح كون ان يبقى فيه تساهل فى دى و بعض الاختيارات ماشى بس مينفعش تساهل فى النحو

بالنسبة لكلمة الف انا مسمعتش انها هتمشى لصالح الطرفين هى نائب عن المفعول المطلق و السبب عدده مفيش خلاف الا بين الطلبة و اللى عاملها غلط و عايزها تمشى صح بأى طريقة

انا مش بقول كده لانى عاملاها وحده عضوية غلط و نائب عن المفعول المطلق صح انا عندى غلطة فى النحو للاسف كانت غلطت عدم تركيز منى و مع ذلك انا ضد التساهل فى تصحيح النحو و عند رأيى ان النحو كان سهل اى حد يحله

و على فكرة الامتحان كله مميزش بين طالب مذاكر و فاهم و طالب لأ
لان الامتحان الاسئلة فيه سهلة يحلها اى حد و اللى صعب فيه قائم على التذوق الفنى للطالب يعنى بيختلف من طالب لطالب و اللى حظه حلو هو اللى يبقى ذوقه من ذوق اللى حط الامتحان

هو لو كان عايز يميز بجد كان ميز فى النحو اللى بيفرق طالب عن طالب و مكنش جاب النحو سهل كده لكن ده ركز على الاختيارات المتشابهة و اللى المدرسين نفسهم بيغلطوا فيها

الله ينور عليك
المدرسين منفعلين عشان الطلبة اللى بياخدوا عندهم دروس
وسيادة المستشار المتردد اللى بيستجيب لضغط أى حد واللى معندهوش ثقة ف نفسه ده مينفعش يبقى مستشار

يعني مش عشان ابن حضرتك عاملها لم تتحقق متتمنيش الخير لبقية الطلبة
حضرتك قلتي ان ابنك جايب ما شاء الله السنة اللي فاتت 203
يعني مشوا الاجابتين ولا ممشوهاش مش هتفرق معاه
لكن فيه ناس تانية كتير في امس الحاجة للنص درجة
اهالينا تعبوا وصرفوا علينا دم قلبهم وحرموا نفسهم من كل حاجة عشانا واحنا تعبنا وكافحنا كفاح لا يقل عن كفاح الجنود في الحروب
والامتحانات في مصر وخاصة امتحانات اللغة العربية والانجليزية لا تقيس ابدا قدرات الطالب
انا ضليعة جدا في اللغة العربية وبكتب شعر وروايات مفيش مدرس شافها الا واثنى عليها بكل ما تحمله الكلمة من معنى.
ونزلي كتاب قبل كده في الشعر
ومع ذلك اسوا امتحان حليت فيه هو العربي وكتبت الوحدة لم تتحقق
والغباء في اللي واضع الامتحان انه يجيب شعر لشوقي وشوقي عارفين ان عنده اتجاه للوحدة العضوية يعني لا محصل كده ولا كده

اتمنى ان تعملوا بحديث الرسول عليه الصلاة والسلام بقوله حب لأخيك ما تحبه لنفسك

يعني ابن حضرتك يحسبوها الاتنين ميحسبوهاش ضمن ان شاء الله مجموع كويس وكلية كويسة
لكن فيه طلاب كتير انا منهم السنة اللي فاتت جبت 94 والسنة دي بدايتي في اللغة العربية غير موفقة ومازال الفيزياء والكيمياء وفي امس الحاجة

لدرجة البلاغة ليس من اجلي بل من اجل والدي ووالدتي

El kartha , en el tasahool ( al eshal ) da hai7sal fel physics & biology & math II & phsychology & .. Etc .

Fe3lan da esthbaaaaal .

Abshrkoo b tansee2 3thl 3thl 3thl , a3la mn 2007 .

W bel shefaa 3alena most2blna ,
ana msh taleb motmaiz awy , ana kont gaib el sana elly fatet 199 , y3my bel shakl da hadeee3 ,,, !

7asby Allah w n3m el wakeel ...

وفق الله الجميع