هكذا يضع الأمتحانات أشخاص يتربصون بالطالب و لا يدركون أن هناك لغه بديله تدعى اللغه الألمانيه
و الحقيقه الأمر يحتاج إلى بلاغ إلى النائب العام
مفيش طالب فى مصر هايجيب خمسين فى الأمتحان الزباله بتاع الفرنساوى
فى الوقت اللى مفيش طالب مش ها يجيب 50 فى أمتحانات الدلع بتاع الألمانى و فين تكافؤ الفرص يا ساده
أنها مهزله و عدم إحساس بالمسئوليه و تربص بالطلاب صحيح الأمتحان فى مجمله تافه لكن القطعه غير منطقيه و أسئلتها ثير لتساؤلات عديده و تحتمل تأويلات و فى نفس الوقت هذا النوع من الغموض كثيرا ما يوقع بالطالب المتفوق إذن هذا المتحان لا يقيس القدرات الحقيقيه للطلاب

و بالنسبه للنقطه اللى بتسأل فيها هل على زوجها و لا أخوها و لا لا نعرف أنا شخصيا بأكد أنه زوجها
و اللى مش مصدق أنا معايا صوره من قسيمة جوازهم

الأخوه مدرسى اللغه الفرنسيه أنصحكم ( و أنا واحد منكم ) بإنشاء سلسلة مطاعم كشرى
و الله هانكسب أكتر ما البهدله دى و بعدين كده كده كله هايبطل دروس لأن أنا كمدرس فرنساوى لو طالب سألنى
الألمانى أحسن و لا الفرنساوى هاأقوله الألمانى لأنى ما أحبش أشهد زور

طيب من وجهه نظر حضرتك ايه اللى صعب فى الامتحان

اه على فكره امتحات يخنق بجد ................ ده استهبال وربنا

ده تعقيد والله مش اسئلة قدرات ايه ده مش عارف ايه جوزها ولا اخوها ولا ابنها

وايه يجيب كل القدرات فى سؤال واحد ويخلى باقى كل الاسئلة تافهه ويغفل عن قواعد كتير ويجيب حاجة مش من القواعد اللى احنا تعبنا فى مذكرتها

هوه ممكن يكون اخوها بس من ام تانية

الإمتحان سهل وبسيط جدااا متعقدوش الطلاب... حرااام
ربنا يهدي عبيده !!

الخطاب واضح إنه زوجها حرام ننقص درجة عشان سؤال ملوش معني زي ده

ده ملوش دعوة لا بمذاكرة و لا فهم و لا أي حاجة

الشعب يريد إلغاء :
السؤال الثالث صح و خطأ و الرابع اختياري

و ليه ما يكونش إبنها

عزيزى مدرسى اللغة الفرنسية
اولا الامتحان اليوم سهل جدا وارفع له القبعة والف تحية لواضع الامتحان لانه من النوع اللى عاوز تفكير مع انة اغفل نقاط عديدة فى المنهج ومواضيع عديدة يعنى اغفل كل الكتب الخارجية وشكله كدة ما عندوش اى كتاب الا كتاب المدرسة
واحب ان ارسل رسالة الى واضع الامتحان واضع الامتحان الف الف الف شكر لالتزامك بالكتاب المدرسى واغفالك كل التوقعات يعنى لا توقعات حمصية !!!!!!!!!!! ولا فولية !!!!!!!!!!ولا عمادية ولا تتتتتتت!!!!!!!!!!!!!!! الخ
الف شكر لان لن يرسب احد ولا يحصل على الدرجة النهاية الا الطالب الهادئ المتأنى شديد التركيز
الف شكر لادخالك البسمة على كل البيوت المصرية اليوم
واقول لك ربنا يعطيك الصحة ويبارك فيك ولا تلتفت الى اى لغة اخرى اذا كانت المانية او ايطالية فهذا ليس مبرر ان اوضع امتحان خالى من الفكر او حتى التركيز !!!!!!!!!!!!!!!!!!!!!!!!!!!!

يعنى الأمتحان اللى يتجاهل كل قواعد المنهج و يجيب أفكار كلها بتاع أولى ثانوى + كام نقطه مثيره للجدل يبقى امتجان ثانويه عام ؟
يعنى لما الطالب المتفوق يجيب 49 و الضعيف يجيب 47 يبقى ده أمتحان ثانويه عامه ؟
أن واضع المتحان الذى تمتدحه يا سيدى الفاضل قد أخطأ أخطاء ساذجه جدا و أضاع الفرصه على الطالب الشاطر الممتاز فى الحصول على الخمسين درجه كامله و أتاح الفرصه للطالب اللى ما فتحش أى كتاب أنه يجيب فو ال 45 درجه و بكده يبقى الأمتان لا يقيم المستوى الفعلى للطلاب
و أتمنى أن ترد يا أستاذ إيهاب و الأن :
1- على زوجها و لا لانعرف ؟
2- جملة القواعد بتاع الشخص اللى بيرد على التليفون أيه إجابتها النموذجيه من وجهة نظر حضرتك ؟
و لك منى ألف سلام

لا نعرف
vous vous etes trompé

يا مستر محمد انا طالب و اللى حصل النهارده ده مهذله بمعنى الكلمه المدام اللى حاطه الامتحان هتلاقيها مركزه مع منى و على مش فاهم انا ايه ده على فكره هيا لو جابت جرامير زفت و الله محدش هيقدر يفتح بقه على الاقل ده الجزء اللى يتلعب فيه انما انها تلعب باعصاب الناس كده ده نص درجه تودينى سوهاج بدل طنطا او اسكندريه يعنى كل ده علشان احمد و منى مش فاهم انا ايه ده
و بعدين هيا ديه يعنى اللى هتفرق بين اللى ذاكر و مش ذاكر منى و على هيا اللى هتفرق بين اللى مذاكر الماضى المركب و المواقف و التعبيرات هوا ده اللى هيفرق
احنا معاك يا مسيو محمد لان ده مش عدل ان الالمانى تبقى خمسينات و الفرنساوى فى النازل كده علشان خاطر ست منى و على

الله برحم ايام المستشاره السابه راجيه كانت امتحانا ت فعلا ايه ده امتحان والله لاطعم له ولا رائحه
فين سؤال القواعد ايه ده والله الطالب الى بيفهم هيضيع

أنا بقول نبطل حكاية منى وعلى لأن دى أعرض ناس و أحنا معانا ولايا

هم يبكى وهم يضحك
وكما قال القذافى
الى الامام ثورة ثورة

الف شكر واحترام لواضع امتحان اللغة الفرنسية ولكن هناك بعض الملاحظات
بالنسبة للوثيقة مفهاش حاجة صعبة نشكي منها لانه ساهلة اكثر مما توقعناه
سؤال القواعد غير شامل المنهج ( ترك اهم القواعد اللي ركز عليها كل الطلبة والمدرسين واستبدلها بقواعد ليس لها اي اهمية)
معظم الطلبة حتحصل علي درجات متقاربة (المتوسط والممتاز) واللي يستحق الخمسين حيجيبها بغض النظر عن اي ملحوظة
الامتحان سهل ولا انتوا عايزين امتحان صعب وتشتكوا يعني لا نافع امتحان سهل ولا امتحان صعب احنا لا يعجبنا عجب
واخير الحمد لله رب العالمين الطلبة كلها فرحانة

امتحان ممتاز ولو فيه اسئلة عاملة مشكلة حيراعوها في التصحيح

منى بتقول لحضرتك ده امتحان 2011 يا أخ محمد مش 2012 وايه اللي خلاك تاخد قسيمة جوازها من غير ما تقلها

الامتحان ممتاز ولابد من الالتزام فى الكلمات التى تكتب هنا ولا داعى ان نحمل الناس اخطاء مش لهم
امتحان 2011 من وجهة نظر ى ليس به نقاط صعبة نهائيا وقد ر اع فيه ظروف العام وبسطه كثيرا ووضع بعض النقاط للمتفوقين ولا غبار فى ذلك
وارجو من طلابنا الكر ام الالتفاف الى ما هو اتى وقدر الله وما شاء فعل

السلام عليكم:
أولاً: مستوى الامتحان كان مفاجأة للجميع لكنه أضفى راحة للعديد من الطلبة والطالبات خاصة من لم يكن كل همه هو الحصول على الدرجة النهائية.
ثانياً : فلننتظر حتى نرى نموذج الاجابة ثم نحكم عليه وسنرى مفاجأة فى التصحيح أؤكد لكم.
ثالثاً: لما كل هذا الهجوم سواء ممن كانوا يريدون امتحاناً على مستوى أعلى أو من كانوا يريدون امتحاناً أكثر مباشرة.
مع حفظ حقى فى الإعتراض على جملة وحيدة و هى جملة الاختيارى(رقم4).
رابعاً: هل عدد الحاصلين على الدرجة النهائية أصبح هو معيار الحكم على أى امتحان.
خامساً: من قال أن مستشار أى مادة هو من يقوم بوضع الامتحان، بل يكلف من يراه مناسباً من موجهى العموم.
أخيراً تحياتى لك أخى محمد زيدان وتقديرى لغيرتك على المادة ولكن حنانيك

:av4056bb7jp3::av4056bb7jp3::av4056bb7jp3:
يا جماعة ده إمتحان أولى ثانوي مش تانية
الإمتحان مفيش فيه أي جملة عن الازمنة لا ماضي مركب ولا ماضي مستمر ولا مضارع الشك ولا si الشرطية ولا حتى المباشر وغير المباشر
مفيش أبواب الجريدة ولا ماذا تعبر بإختصار الإمتحان لا يخرج عن منهج أولى ثانوي

بس لو غيرو نقاط صح او خطأ في الوثيقة من الماضي المركب

وجملة القواعد y يكون امتحان اولى محترم

لقد لاحظت جدلا كبيرا حول الإجابات النموذجية لامتحان الفرنساوي وخاصة من المدرسين فكيف يكون حال الطالب
وطالما وصلنا جميعا ان هناك خطأ لابد من تصحيحه فلماذا لا نرفع الامر لوزير التعليم على موقع الوزارة على الفيس بوك لقد بدأت الثورة على الفيس بوك فلماذا لا نحاول توصيل الامر ولا نتركه للصدفة وخاصة ان اولادنا سيظلمون في هذا الهراء

انا اول من سيفعل ذلك وياريتنا كلنا نفعل ذلك حتى يجد عددا كبيرا يعترض على هذه المهزلة

على فكره أنا أول واحد كتبت بعد الأمتحان و قولت رأيى و الأجر على الله
و هاجمت الأمتحان وواضعيه
ثم مررت على كثير من الأراء ووجدت أن هناك الكثيرين يتفقون معى و عجبنى جدا تحليل أحد الخوه تناول نقاط المتحان بالنقد
و كان موضوعيا فمثلا ماذا لو قال الطالب فى سؤال أكمل فى القواعد :
- ....................ta pointure ?
C'est ta pointure ?
و بعدين أنهى بائع فى أنهى محل فى العالم بيخاطب الذبون باستخدام صفة الملكيه : Ta
إذا كنا بنعلم طلابنا أنهم يقولوا للجارسون فى المطعم و كذلك للبائع Vous - ?

هذه نقاط ضعف لا يمكن إغفالها حتى لو لم تكن مؤثره
و على فكره أنا باحترم جدا رأى الأخوه اللى قالوا أن الأمتحان سهل و كويس و جميل كل واحد حر فى رأيه
بس أنا كمان أحب أنى أعبر عن رأيى بمنتهى الحريه
و بلاش حكاية أن الإلتزام بالكلام اللى بيكتب هنا و بلاش نظام الوصايه و التخويف و التخوين كفايه إرهاب هذا منتدى نعبر فيه عن أرائنا للصالح العام و مازلت أؤكد على أن الأمتحان الذى يساوى بين القوى و الضعيف و لا يجعل هنك فرق بينهما سوى درجه أو أتنين على الأكثر لا يصح أن يكون أمتحان ثانويه عامه بالمره و كذلك تجاهل منهج تانيه ثانوى تقريبا
باستثناء 3 أ 4 نقاط هذا استخفاف بجهود طلاب قاتلوا و تعلموا و اتقنوا و منهم من لا يسأل بطريقة :
quelle est ta pointure ?
فهو يعلم جيدا أن البائع يكلم الزبون بلغة احترام ياساده والله لو حضراتكم شايفين الملاحظات دى فزلكه فأنا أعتذر لكم جميعا
و أنا متفق مع العبقرى المصرى فى أن هناك مفاجأة متوقعه فى نموذج الإجابه لـ 3 نقاط فى الأمتحان على الأقل
بمعنى أنا كمدرسييين ممكن نكون جاوبنا على نقاط عكس ما هو مكتوب فى نموذج الإجابه الرسمى
وهذا ما جعل الأخوه الأفاضل من أعضاء المنتدى غير قادرين على وضع نموذج إجابه خوفا من أن يخطئوا و أحيى بشده الستاذ محمد عياد على جهده حتى لو طلع فيه ما يخالف النموذج الرسمى فهذا جهد مشكور و وجهة نظر محترمه جدا و جرأه تدل على ثقة صاحبها بنفسه
أما لو تحول المنتدى إلى حلقة مدح فى الموجهييين و المستشاريين و السيد الوزير و رجال القوات المسلحه و فده بيقلل كتير جدا من فائدة المنتدى فالفائده الحقيقيه لهذا المنتدى هى أننا بنتعلم من بعض و النقد يولد الأبتكار

يا جماعة المشكلة إن واضع الامتحان نسى يضع قسيمة جواز منى وعلى أعلى الوثيقة لأن الوثيقة إتأخرت عند المأذون لانهم ضحكوا عليه فى الفلوس ..........هههههههههههههه


هم يضحط وهم يبكى

الشعب يريد إلغاء :
السؤال الثالث صح و خطأ

الشعب يريد إلغاء :
السؤال الثالث صح و خطأ



شكلي هاعمل حملة في الفيس

ارجو من الاخوة المصححين ان يراعوا صالح الطالب وميحبكوهاش وكفاية الامتحان . ميبقاش واضع الامتحان والمصحح على الطالب
( ابو كريم )

انا في رايي طالما هناك خلاف حول الامتحان فهذا دليل على انالامتحان به نقاط ضعف بس لازم يراعى ان هناك لغات اخرى تنافس المادة ومنزعلش لما الطالب يختار لغة غير الفرنسية ا

الاخ اللي بيقول الامتحان سهل : فعلا الامتحان سهل لدرجة التفاهه وده عيب وليس ميزه عل الاطلاق
اما حكاية ان الامتحان فيه بعض النقط التي تقيس الطالب الذكي او المتميز فهذا شئ غير موجود علي الاطلاق . لان المتحان ليس فيه اي نقطة لقياس الذكاء الا اذا اعتبرنا ان مقياس الذكاء هو اني احط سؤال يحتمل الثلاث اجابات فهذا غباء وليس ذكاء .
وبعدين الامتحان الذي لا يراعي الفروق الفردية بين الطلاب ولا يراعي توزيع المنهج هو امتحان يدل علي جهل واضعه بابسط اسس التقييم الموضوعي المنهجي

الشعب يريد إلغاء :
السؤال الثالث صح و خطأ


معاك عالفيس بس اشتغل انت بس

الشعب يريد إلغاء :
السؤال الثالث صح و خطأ


معاك عالفيس بس اشتغل انت بس

على فكره ياجماعه الامتحان كان عادى واقل من العادى ايه يعنى الامتحان فيه درجه او اثنين للمتميز والمركز احنا المفروض طول السنه بنعلم الطلبه التعامل مع الوثيقه بنصها مش بالاستنتاج ومفيش كامه فى الوثيقه تبين علاقة على بمنى علشان جابت on ne sait pas بس الى انا متفق مع حضرتك فيه المساواة بين الفرنسيه والالمانيه

شكرا لكل الذين أبدوا رأيهم و نحب أن نؤكد على معنى حميل و هو الإيمان بأن الأختلاف فى الرأى ليس شىء بشع بل شىء صحى جدا

عزيزى مدرسى اللغة الفرنسية
اولا الامتحان اليوم سهل جدا وارفع له القبعة والف تحية لواضع الامتحان لانه من النوع اللى عاوز تفكير مع انة اغفل نقاط عديدة فى المنهج ومواضيع عديدة يعنى اغفل كل الكتب الخارجية وشكله كدة ما عندوش اى كتاب الا كتاب المدرسة
واحب ان ارسل رسالة الى واضع الامتحان واضع الامتحان الف الف الف شكر لالتزامك بالكتاب المدرسى واغفالك كل التوقعات يعنى لا توقعات حمصية !!!!!!!!!!! ولا فولية !!!!!!!!!!ولا عمادية ولا تتتتتتت!!!!!!!!!!!!!!! الخ
الف شكر لان لن يرسب احد ولا يحصل على الدرجة النهاية الا الطالب الهادئ المتأنى شديد التركيز
الف شكر لادخالك البسمة على كل البيوت المصرية اليوم
واقول لك ربنا يعطيك الصحة ويبارك فيك ولا تلتفت الى اى لغة اخرى اذا كانت المانية او ايطالية فهذا ليس مبرر ان اوضع امتحان خالى من الفكر او حتى التركيز !!!!!!!!!!!!!!!!!!!!!!!!!!!!


دلوقتى يا حاج إيهاب النموذج الرسمى بتاع الحكومه ( حكومة تسيير العمال )
طاع أن :
je ne vais jamais au cinema

السؤال عليه : Est -ce que tu vas toujours au cinema ?

طبعا الكلام ده لا يكمن يكون صح بس ده كلام الحكومه و ما حدش يقدر يكسر كلام الحكومه
يا ترى لسه رافع القبعه وواقف إنحناء لواضع أمتحان 2011

-

نحن نؤكد على حقنا فى النقد و ابداء الراى
بشرط الا نشتم أحد يا أخى

ارجو من مدرسين الفرنساوي قبل التصحيح الالتفاط الي سؤال الصح والغلط والرابع في الاختيار قبل التصحيح لان هذا ظلم للطلاب وان يكون لهم مشاركه في ذلك لمصلحه الطالب ................................ ارجوكم

يلا نعمل حمله علي الفيس ضد واضع الامتحان اللغه الفرنسيه

اخوانى ..............السلام عليكم ورحمة الله
ايه رأيكم فى السؤال الخامس النقطه التانيه
tu ne vais.............
ياترى؟ ماذا تكون الاجابه
اختلف العديد من المدرسين................ايه رأيكم

ياريت يطبقوها بس في مشكلة كبيرة جدا ان القائمين على تعليم اللغة الفرنسية كانهم مش معانا ولا حاسين بالدنيا
الالماني كاسح الدنيا والفرنساوي بيقل اكتر كل سنة عن التانية دة حتى السنة الجاية الطلبة الاخدوا فرنساوي فالاعدادي وعارفين انهو سهل هيدخلوا بردة الماني عشان بيقولوا عايزين نجيب الخمسين
دي مشكلة الفرنساوي
لاززززززززززززززززززززززززم امتحانات الثانوية العامة تبقا سهلة جدا والطلاب كلهم او اغلبيتهم يجيبوا خمسين
والمنهج بتاع الثانوية العامة يخلوة 10 دروس زي الالماني
والا حل اخر

ان الفرنساوي يبقا اساسي على المرحلة الثانوية ويبقا في لغة تالتة يعني يبقا الطالب بياخد فرنساوي وانجليزي اظافة الى الماني او ايطالي او اسباني
عشان لو غير كدة والله محدش هياخد فرنساوي تاني
انا مدرس فرنساوي بس لو فضلت الامتحانات كدة هدخل ابني الماني عشان يجيب الخمسين

ولا اية رؤيكووااااااااااااااااا؟

يا جماعه عالفكره الامتحان مش صعب
انا حجيب والحمد لله 49 انا غلطان فى 3 واحده صح وغلط بس الحمد لله

السلام عليكم

احب اقولكم انى مختارة المانى وامتحاننا كمان كتير منه اولى ثانوى

وسهل مفيهوش قياس مستوى خاااالص
وبردو سايب جرامر كتير علينا زى امتحان الانجلش اللى انا مش عارفة جاى من كوكب ايه
تقريبا هما حاطين الامتحان سوا ههههه ان شاء الله كلنا نجيب درجات حلوة

الامتحان بسيط ولا يحتاج لكل هذة الشوشرةوجملة اخوه ولا زوجها واضحة لان وضع on ne sait pas