ازيكو يا جماعة
انتوا اكيد فهمتوا المقصود من الموضوع
ايووووووووووووة
التعليم فاشل ...فاشل .....فاشل
وكل لما يقولوا هنصلح التعليم يغيروا الغلاف بتاع الكتب ويحطوا رسمتين فى الكتاب
ااااااااادى اللى بيعملوه
بالعكس ده بيهبلوا مش بيصلحوا
....................المهم ..................
انا تبع الدفعة اللى رايحة 2 ث
وهما بيقولوا هيصلحوا التعليم بعدينا يعنى اللى رايحين 1 ث دلوقتى
وايه التصليح اللى هيعملوه .......موضوع السنه الواحدة
انا مش هقول نغير مناهج ولا نظام امتحانات ولا بطيخ
لان اصلا والله العظيم التعليم فى مصر هيفضل فاشل للابد
مهما عملوا هيفضل فاشل
واقولكوا مصر كمان عمرها ما هتتصلح ابدااااااااااا ابدااااااااااااا وادينا بقولهالكوا
المهم مش هندخل فى السياسة
ايه المطلوب بقى!!!!!!!!!!!!!!!!!!!!!!!
يا جماعة فيه شوية حاجات لازم نعملها فى الوقت ده علشان مستقبلنا ميضعش. فيه ناس بتتظلم فى التصحيح.وناس بتروح الامتحان مش بتلاقى مكان ليها وناس بيروح تعبها على الفاضى من الغش
سبق وذكرت ان مشكلات التعليم فى مصر كتيرة جداااااااااااااااااا واكيد كلكوا عارفينها يعنى
(يا رييت تقصر يا عم الحاج )
حاااااضر .بصوا بقى لازم نعمل المطالب دى والكل يشارك فيها وياريت حد يعملها جروب على الفيس بوك .انا مش بحبه بس تقريبا البلد بقت ماشية بالفيس بوك
وناس كتيرة تشترك فيه كتير اوى .....اوى ......اوى
ونوصل المطالب دى للوزير علشان بس يفوقوا شوية
مش هقول منع الغش والدروس الخصوصيه ولا الحاجات دى. هقول حاجات اعتقد معظمكم متفقين معايا فيها
( انجز فى السريع)
1- بقى نذاكر السنة كلها وبعدين نروح نمتحن فى 2 ولا 3 ساعات .فيه ناس بطيئة فى الكتابة وناس بتتوتر من الوقت فبيأثر عليهم وناس مش بتلحق تخلص. المفروض يذودوا الساعات شوية يعنى هما وراهم ايه. خلونا مطمنين واحنا بنحل مش قاعدين متوترين الساعة فى ايدنا والقلم فى الايد التانية.يعنى العربى مثلا كدة 4 او 5 ساعات . واللى عايز يطلع يطلع براحته .وبالنسبة للمدرسين.دول بيبقوال قاعيد رجل على رجل مش تعبانين فى حاجة .احنا ادينا بتبقى هتتكسر من الكتابة .مفيش راحة اصلا .
2- مش بقول يسهلوا الامتحانات ولا يصعبوها بس يحطوا حاجات يبقوا هما عارفين اجابتها.مثلا امتحان اللغة الانجليزية 3 ث المستشار كاتب اجابه فى نموذج الاجابه وبعد كدة قام مصححها .طيب افرد مكنش صححها كان العيال هيروحوا فى خبر كان. مش بتعرفوا تحطوا امتحانات بتحطوها ليييييييييييييييييه
المفروض الامتحانات تبقى 25% للطالب الضعيف.30% للمتوسط.25% فوق المتوسط.20% للممتاز (ده مجرد رأى خاص).ويبقى ده على كل الامتحانانات مش امتحان يبقى فى منتهى الصعوبة .وامتحان يبقى فى منتهى السهولة.لازم تتطبق فى جميع الامتحانات .
3-الغش يا جماعة والموبايلات اللى بتبقى مع العيال دى والورق اللى بيتسرب ده .نقول ايه بس
4- المصححين بيبقوا قاعدين يصححوا ولا كانهم بيدوك الدرجة من جيبهم .ده ايه ده امال الفلوس اللى بياخدوها دى ايه والله حرام عليهم كدة .عندنا والله ناس كتيير جدا بيتظلموا فى التصحيح .ودى كمان ثانوية يعنى تحديد مصير مش لعبه يعنى . ثم سمعت ان مفيش حاجة اسمها يصححوا من تانى هما يشوفولك الدرجات اللى جوة الورقة نفس اللى برة ولا لا.شوف الاستهبال
5- اهم حاجة بقى الكليات الخاصة دى. مش حرام والنبى .ايه هو يعنى واحد يذاكر طول السنه وممكن يتظلم .وواحد تانى حاطط رجل على رجل ويدخل اى كليه عاوزها بالفلوس .امال الدكاترة والمهندسين الفاشلين فى مجالهم دول بيبقوا جايين منين؟؟؟؟؟؟؟
6- المدارس اما يحكموها كويس واى مدرس ميشرحش بضمير يتعاقب بالفصل على طوووووول .اما انهم يخلونا نغيب بقى نروح نعمل ايه احنا؟؟؟؟؟؟؟؟؟
7-مفهوم ان المواد لازم اجابتك تبقى بالنص زى نموذج الاجابة دى. المفروض تتصلح طبعا.هو مش فى كل المواد بس المفروض يتصلح فى المواد اللى عايزة ان كل واحد يعبر عن اللى فهمه باسلوب علمى ولغوى صحيح.
يعنى مثلا ميكنش اعراب كلمه مبتدأ .وواحد كاتبها خبر (ليييييه؟ ) لانه شايفها كدة ههههههه. لا طبعا مقصدش كدة. واكيد انتوا فاهمين اللى اقصده .مش عايز اطول بس
8- المناهج (الحاليه ) فيها حاجات ملهاش اى 70 لزمة بندرسها كدة وخلاص احفظ والصق .طيب ميحشوها من علينا طيب .هى بواخة وخلاص؟؟؟؟؟؟؟؟
بصوا اللى هيجيب عيوب التعليم المصرى مش هيخلص .لانه مليان .
وانا والله عندى افكار تخلى التعليم فى مصر ملهش مثيل وهيكون فىه استجابه من الطلاب وحب للتعليم والبحث ومصر هتبقى عال العال .بس هتقول لمين وتعيد لمين بس
على العموم دى حاجات لازم نلحق ونحققها قبل مندخل 2 و3 ث والكلام ده موجه لدفعتى ودفعة 2 ث السنادى اللى هما بيمتحنوا السنادى. وبعد كدة عايزين يصلحوا .يبقى يصلحوا براحتهم وعلى الله يعرفوا يعملوا حاجة فى البلد الخربانه دى
عايز الكل يدخل والموضوع يكبر ....يكبر .......يكبر .......وبعدين
ييجوا يقبضوا علينا هع.زهع.هع
يا سلااااااااااااااااااااااااااااااااااااااااااااااام

مصر حتتغير ان شاء الله و التغير دلوقتى لازم يبدأ بينا احنا هى ثقافه شعب مش اكتر و حتتغير واحده واحده ان شاء الله

لا يغير الله ما فى قوم حتى يغيروا ما بأنفسهم بالنسبه للتعليم لازم يتصلح و لكن للأسف حيبدأ يتصلح لما احنا نكون فى الجامعه ! لانهم لازم يبدأوا بالصغار و لازم اللى يمسك التعليم يكون واحد زى احمد زويل مثلا واحد متخصص فى المجال اللى حيشتغل فيه

و ده كله حيبان بعد لما نتخب رئيس جمهوريه فاهم و همه فعلا مصلحه البلد !! و اقرب واحد ممكن يصلح الحاجات ديه فى وجهه نظرى البرادعى

لان اصلا والله العظيم التعليم فى مصر هيفضل فاشل للابد
مهما عملوا هيفضل فاشل
واقولكوا مصر كمان عمرها ما هتتصلح ابدااااااااااا ابدااااااااااااا وادينا بقولهالكوا


حضرتكـ بتحلف بدون اى وجه و دا طبعا حرام لان ايه اللى عرف حضرتكـ ان التعليمـ مش هايتغير

ليه النظرة المتشائمة جدااا دى ( التشاؤمـ مش من الاسلامـ ) .. اكيد فى سلبيات كتيرة فى التعليمـ بس باذن الله هايتغير بإدينا احنا

" إن الله لآ يغير ما بقومٍ حتى يغيروا ما بأنفسهمـ " صدق الله العظيمـ

انا بقول ان التعليمـ هايغير بادينا احنا

اذا وقفنا الغش و اذا درسنا الحاجات اللى بناخدها و نطبقها على حياتنا العملية مش نحفظها على ظهر قلب

و اكيد فى حاجات كتيرة ممكن نغير بيها التعليمـ

بس ارجوكـ بلاش نظرة التشاؤمـ دى :(

تعال بينا نطلع علي الوزير و نقوله الكلام ده...

هو فين الوزير ده اساسا ياعم الحاج!!!!!:slap1qk6:
الا معرفنا حتا شكله داحنا هنموت ونعرف صوته تخين ولا رفيع!!!!!:p

مصر حتتغير ان شاء الله و التغير دلوقتى لازم يبدأ بينا احنا هى ثقافه شعب مش اكتر و حتتغير واحده واحده ان شاء الله
واحدة ......واحدة. مش واضح اى حاجة ان احنا هنتغير ;)

لا يغير الله ما فى قوم حتى يغيروا ما بأنفسهم بالنسبه للتعليم لازم يتصلح و لكن للأسف حيبدأ يتصلح لما احنا نكون فى الجامعه ! لانهم لازم يبدأوا بالصغار و لازم اللى يمسك التعليم يكون واحد زى احمد زويل مثلا واحد متخصص فى المجال اللى حيشتغل فيه
ممكن تقولى هيتصلح ازاى...؟؟؟؟؟؟؟
هو معنى انهم هيصلحوا التعليم يبقى يحطوا رسومات فى الكتاب ويغيروا الغلاف . ويعملوا حاجات تافهه جدا زى الحقيبة.............لازم تعترف انه تعليم فاشل والدكتور احمد زويل قالها :friendsxs3:

و ده كله حيبان بعد لما نتخب رئيس جمهوريه فاهم و همه فعلا مصلحه البلد !! و اقرب واحد ممكن يصلح الحاجات ديه فى وجهه نظرى البرادعى
لما....................ننتخب..................واحد فاهم!!!!!!!!!!!!!!!
البرادعى اعتقد انه مش هامه مصلحة البلد ابداااااااا.ده بتاع مصلحته وبس. يعنى بالعقل كدة هو قاعد يطنطط ويعمل مؤتمرات وغيرها .علشان ننتخبه.ليه علشان هو عايز يبقى اسمه رئيس الجمهورية.
لو هو عامل على مصلحتنا يقعد فى بيته.( ودا وجهة نظر )
شكرا على المشاركة
:d:d:d

حضرتكـ بتحلف بدون اى وجه و دا طبعا حرام لان ايه اللى عرف حضرتكـ ان التعليمـ مش هايتغير
اتمنى انه يتغير والله بس امتى؟؟؟؟؟؟؟؟؟؟؟؟؟:p

ليه النظرة المتشائمة جدااا دى ( التشاؤمـ مش من الاسلامـ ) .. اكيد فى سلبيات كتيرة فى التعليمـ بس باذن الله هايتغير بإدينا احنا
يعنى ايه بقى بأيدنا احنا .عايز افهمها دى. يبقى الحال كما هو عليه الواحد يذاكركلام فاضى ويحفظ كلمتين يروح يحطهم فى الامتحان يطلع الاول ويجيب مجموع كبير بعديها باسبوه ينسى اللى ذاكره لانه مش هيحتاجه فى حاجة وبعدين.......يقعد 5 او 6 سنين يدور على شغل .حتى الدكاترة والمهندسين بيسيبوا البلد ويمشوا يبقى مين اللى هيصلح البلد. مش المفروض عقول الشباب دى يستفادوا منها......:blush::blush:

" إن الله لآ يغير ما بقومٍ حتى يغيروا ما بأنفسهمـ " صدق الله العظيم
ـ

انا بقول ان التعليمـ هايغير بادينا احنا

اذا وقفنا الغش و اذا درسنا الحاجات اللى بناخدها و نطبقها على حياتنا العملية مش نحفظها على ظهر قلب
نطبق ايه والنبى. ايه اللى هنطبقه. هاتى حاجة واحدة فى الكتب هنطبقها فى حياتنا .حتى لوهنطبق فين اللى يساعدنا ويهتم بينا وينموا المواهب .وياخدوا افكارنا .عايزانا نطبق الكلام اللى بناخده فى الكتب فى بيتنا يعنى:bosyht9::bosyht9:


و اكيد فى حاجات كتيرة ممكن نغير بيها التعليمـ

بس ارجوكـ بلاش نظرة التشاؤمـ دى :(
احااااااااول :d:d

اتمنى انه يتغير والله بس امتى؟؟؟؟؟؟؟؟؟؟؟؟؟:p

ان شآء الرحمن هايتغير :):)

يعنى ايه بقى بأيدنا احنا .عايز افهمها دى. يبقى الحال كما هو عليه الواحد يذاكركلام فاضى ويحفظ كلمتين يروح يحطهم فى الامتحان يطلع الاول ويجيب مجموع كبير بعديها باسبوه ينسى اللى ذاكره لانه مش هيحتاجه فى حاجة وبعدين.......يقعد 5 او 6 سنين يدور على شغل .حتى الدكاترة والمهندسين بيسيبوا البلد ويمشوا يبقى مين اللى هيصلح البلد. مش المفروض عقول الشباب دى يستفادوا منها......:blush::blush:

طب حضرتكـ بتتكلمـ عن اناس بتعمل كدا .. طيب ايه رأيكـ نعمل احنا غير كدا .. بلاش نحفظ عن ظهر قلب و لازمـ نفهمـ اللى بنحفظه كويس و اذا فهمناه عمرنا ما هاننساه .. و بكدا يبقى الدكاترة و المهندسين يطلعوا فعلا متمكنين ف شغلهم و خصوصا المهندسين لان المواد اللى بيدرسوهمـ ما ينفعش اصلا يحفظوهمـ و يحطوهمـ فى الامتحانات كدا لان اغلب موادهمـ فهم × فهم ( انا بقول الكلامـ دا مش من نفسى لكن انا عيلى اغلبها مهندسين و اولهمـ اخويا لان اخويا بيقولى كتير عن كليته و بيكلمنى عليها على طول ) لكن الدكتور هوا اللى ممكن قبل ما يدخل طب يكون حافظ مادة الاحياء صمـ فعلا الا اللى بيفهمـ على عكس الرياضة 2 طبعا


نطبق ايه والنبى. ايه اللى هنطبقه. هاتى حاجة واحدة فى الكتب هنطبقها فى حياتنا .حتى لوهنطبق فين اللى يساعدنا ويهتم بينا وينموا المواهب .وياخدوا افكارنا .عايزانا نطبق الكلام اللى بناخده فى الكتب فى بيتنا يعنى:bosyht9::bosyht9:

نطبق ايه !!!!!!! طبعا فى مليون حاجة ممكن نطبقها .. على سبيل المثال فاكر درس نمل و نحل اللى كان فى القراءة الترمـ الاول .. عجبنى اوى الدرس دا لانه كان بيتكلمـ عن ان الانسان لازم يطبق اللى بيذاكره عشان يثبت فى دماغه اكتر زى مثلا الشخصيات اللى بندرسها ف الانجلش زى شكسبير ، دانيال ديفو ، جوليه فيرن .. الناس دى بدل ما ناخد احنا ملخص عنهمـ نتعمق فى شخصيتهم اكتر و اكتر سواء من النت او من الكتب التانية الكبيرة .. اى حاجة بناخدها نعمل فيها كدا زى القصص اللى بناخدها فى الانجلش برده اصلى بحبها جداا زى اولفر توست و كينج لير و حاجات كتيرة ممكن نتعمق فيها اكتر .. اما اذا اتعمقنا فى اللغة نفسها ممكن نقوى نفسنا فيها باننا نسمع كلام للاجانب كتير و هما بيتكلموا و بكدا نكون عرفنا اللغة و نكون عارفين نطق الكلمة قبل ما نحفظها طبعا .. دا فى الانجلش .. مثلا مادة زى الفيزيا .. انا عجبنى اوى جروب هنا فى المنتدى اسمه " دعوة لنكون معا علماء " كان اللى عامله ذا كودر و مشتركـ فيه طلاب عقليتهمـ كبيرة اوى لدرجة انهمـ قبل ما كانوا يدخلوا ث2 كانوا عارفين النظرية النسبية كويس و عارفين يعنى ايه فيزيا كويس و ايه هيا المادة و يعنى ايه آله زمن و حاجات جمييييلة اوى ف قسمـ محبى العلمـ و العلماء .. الطلاب دول فعلا انا بحترمهمـ جدااا لانهمـ ما اكتافوش بحاجات بسيطة يدرسوها فى كتاب المدرسة لكن بحثوا ف النت و جابوا حاجات كتيرة تانية يدرسوها .. مثلا الدرس اللى اخدناه فى حساب المثلثات الترمـ التانى اللى كان اسمه زوايا الارتفاع و الانخفاض دا فعلا اسمه تطبيق عملى .. يعنى انا فاكرة انى لما كنت بعدى على صحبتى و برن الجرس و تتطلعلى كانت تقولى انتى حاليا لما بتشوفينى انا المرصود و انتى الراصد يبقى دى زاوية ارتفاع و لا انخفاض ؟؟

و حاجات كتيـــــــرة اوى مش لازم حد ياخد بإدينا و يقولنا ياولاد انتو قدراتكوا ايه و مواهبكوا ايه عشان انميهالكوا :d !!!

احنا نقدر نعمل اى حاجة بنفسنا و مش بمساعدة اى حد تانى :romarioxp6:



احااااااااول :d:d

ان شاء الله

هو فين الوزير ده اساسا ياعم الحاج!!!!!:slap1qk6:
الا معرفنا حتا شكله داحنا هنموت ونعرف صوته تخين ولا رفيع!!!!!:p
علي فكرة من السهل اني ادخل اقابله
و هندخل بإذن الله نقابله في الاجازة انا و طلبة من تالتة ادبي و علمي علوم و رياضة
و بإذن الله هنوصله رأينا في اللي اتعلمناه و احنا عايزين يكون التعليم ازاي
و هنوصله بإذن الله اننا مش المفروض ندرس حاجة بنكرهها و اننا المفروض ندرس في مجال تخصصتا بس
و ربنا يسهل و نقدر نعمل الكلام ده (و هقد حدث مسبقاً )

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،

بشكرك علي الرد الساخر
و حضرتك اكتر من مرة تردي عليا ردود تحمل من اﻻهانة ما يفوق لفظاتها و انا صبرت علي كده اكتر من مرة
لكن اعتقد اني اكتفيت من كده و انا مش هتناقش في مناقشة تتفاعلي معها و لن اتدخل في حديث انتي طرف من اطرافه
و يكفيني الي اﻻن ما قد حدث

بشكرك علي الرد الساخر
و حضرتك اكتر من مرة تردي عليا ردود تحمل من اﻻهانة ما يفوق لفظاتها و انا صبرت علي كده اكتر من مرة
لكن اعتقد اني اكتفيت من كده و انا مش هتناقش في مناقشة تتفاعلي معها و لن اتدخل في حديث انتي طرف من اطرافه
و يكفيني الي اﻻن ما قد حدث
ايه ده ايه ده ايه ده ايه ده ايه ده ؟!!!!!!!!!!!!!!!!!!!!!!!!!
انت زعلت بجد ولا اييييييييييييييييييييه؟؟؟؟؟؟!!!!!!!!!!!!!!!!!!!!
لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالا
والله العظيم انا مكنش قصدى انى اسخر منك ولا اى حاجة من الحاجات دى انتى فهمت غلط خاااااااااااالص ياخبر اسود ايه الكلام ده لالالالالالالالالالالالالالالالالالالالالالالا انا مبحبش حد يفهمنى غلط ومش بحب حد يزعل منى والله مكنش قصدى حاجة من دى خالص انا بس كل اللى قصدته ان فى مجتمعنا ده اللى انت عاوزه مش هيحصل مكنش قصدى انى اهينك ابدا والله العظيم وعلا العموم لو انت شايف انى اهانتك بكلامى (مع انى والله مقصدت كده خاااااااااالص والاعمال بالنيات) فانا بقولك انا اسفة جدااا بس ياريت حضرتك متزعلش منى

ايه يا كودرررررررررررر انت هتسيب الناس تفهمنا غلط كتير كده ولا ايه؟؟؟؟؟؟^^

صلوا على النبى يا جماعة
جاست مكانتش تقصد يا ذا كودر .معلش
ويارييت كل واحد يقول فكرة لتتطوير التعليم المصرى
وخلونى انا فى الاخر

خلاص يا احمد محصلش حاجة........سوء تفاهم و توصلنا فيه لمرضاة الطرفين
بس يعني خلاصة كلامي اننا لازم نعمل موضوع كبير عن الحوار ده في الاجازة و نقدر نوصل بيه لمقابلة الوزير
و بإذن الله احنا اتفقنا علي كده و هنسعي وراء هذا الغرض في الاجازة

ان شاء الله
وانا يشرفنى انك تشترك فى الموضوع.وباذن الله نرتقى بالتعليم شوية لانه اهم حاجة

وانا معاكو ان شاء الله ،،،،،،،،،،^^

مفيش حد رد فانا هقول فكرتى وامرى لله
بصوا بقى اللى هيضحك عليها يخبى وشه ولااقولكوا .........يطلع برررررررره
هى الفكرة دى لازم تعمل من 1 ابتدائى .بسبردو المفروض يراعوا ظروف الغلابةاللى هما احنا ويصلحوا شوية حاجات وانا قولت عليهم فوق.ميسبوناش كدة يعنى
..............ندخل بقى .............
ابتدائى هيذاكروا
عربى +رياضيات+انجليزى+علوم+دراسات+دين+رسم+كمبيوتر
5 سنين هتبقى امتحانات موحدة على كل ادارة
سنه 6 هتبقى امتحانات على مستوى الجمهورية
المواد اللى بتضاف .........عربى+رياضيات+علوم+دراسات+انجليزى
مواد لا تضاف ولكن فيها نجاح وسقوط.........رسم +كمبيوتر+دين
بصوا بقى
الدين مينفعش يبقى مادة تضاف لان ممكن امتحان الدين الاسلامى ييجى سهل والمسيحى ييجى صعب والعكس بردو .بس لازم الشرح فى المدرسة والامتحان ميبقاش فيه غش علشان العيال تذاكر الدين شوية
الرسم...علشان ننمى المواهب ويكبروا يبقوا يعرفوا يرسموا علشان بس الكليات اللى بتبقى عايزة رسم ولازم المدرس يشرح للعيال ازاى يرسموا ويدربهم كويس جدا.بس مينفعش تبقى مادة تضاف للمجموع لانها بتضيع ناس كتير
الكمبيوتر........لازم يكون فيه امتحان عملى +نظرى ويشرحوا حاجات العيال يستفادوا منها.وبردوا مادة نجاح وسقوط.بس لا تضاف للمجموع .ومفيش غش بردواعلشان العيال تذاكر شوية
6 ابتدائى من وجهة نظرى انها تبقى على مستوى الجمهورية احسن بحيث العيال لما يدخلوا ثانوى يبقى متعودين على الجو ده.
......................الاعدادية................... ..
المواد اللى هتدرس
عربى+رياضيات+علوم+دراسات+انجليزى+فرنساوى+دين+كمبيو تر+رسم
المواد اللى هتضاف.......عربى+انجليزى+فرنساوى+علوم+دراسات+رياضي ات
والمواد اللى مش هتضاف........دين+رسم+كمبيوتر
ونفس اللى قلته فوق
1+2 اعدادى على مستوى الادارات
3 اعدادى على مستوى الجمهورية بردوا
...............................الثانوية........... ...............
هنبدأ نقسم الطلاب الى (ادبى.علمى علوم.علمى رياضه.)
الادبى............مذاكرة( تاريخ+جغرافيا+فلسفة+علم نفس+اقتصاد واحصاء+انجليزى+فرنساوى+عربى)
علمى علوم.........مذاكرة( كيمياء+احياء+فيزياء+جيلوجيا+انجليزى+فرنساوى+عربى)
علمى رياضه........مذاكرة(رياضه1+رياضه2+فيزياء+كيمياء+ان جليزى+عربى+فرنساوى)
كليات علمى علوم معروفه ورياضة بردو معروفة و الادبى بردو معروفه
بس المفروض يحددوا ان اللى فى علمى مينفعش تدخل كليه ادبى والعكس
يعنى مثلا تربية اوتجارة ممكن تدخليها من علمى او ادبى وادبى المجموع يبقى اقل .طبعا لازم تتلغى خالص دى
اولى ثانوى+2 ثانوى على مستوى المحافظة
3ثانوى على مستوى الجمهورية ودى اللى تحدد الكليه
نييجى للتقسيمة المهمه جداااااااااااااااااااااااااااا
الادبى.....هيذاكروا حاجات مهمه مشعلى تاريخ مصر بس ولكن على العالم كله.ولكن ميبقاش الموضوع ممل زى تاريخ 2 ث
الجغرافيا ...كذلك الامر
فلسفة وعلم نفس واقتصاد واحصاء. مفيهاش مشكلة
انجليزى+فرنساوى .....مستوى 2
عربى مستوى 1
علمى علوم
كمياء+فيزياء+احياء .....جيبوا مناهج مفيدة شوية
جيلوجيا...معرفش عنها حاجة
انجليزى+فرنساوى...........مستوى 1
عربى ..............مستوى 2
علمى رياضيات
رياضة 1+رياضة2........المفروض يكترو شوية ويجيبوا حاجات كويسة فى الرياضة
فيزياء..............زى علمى علوم
انجليزى+فرنساوى ...........مستوى 1
عربى..............مستوى 2

يعنى ايه بقى مستوى 1 ولا مستوى 2
مثلا فى العربى ........مستوى 1 يعنى هتكون دروس كتيرة نصوص وقراءة وادب ونحو وبلاغة ومنهج كبير يعنى ولو هيجيبوا قصة تبقى حاجاةمفيدة والنبى
مستوى 2 ...........هيكون منهج قليل جدا زى النحو والبلاغة وشوية نصوص على شوية قراءة بس يكونوا قليلين جدا يعنى
انجليزى وفرنساوى مستوى 1 يعنى حاجات صعبة يخلوا الطلاب ورور فى اللغات يعنى بحيث الواحد لمايطلع برة يعرف يتكلم ميبقاش عامل زى ال..............
مستوى 2 ......حاجات قليلة مش كتيرة

هتلاحظوا ان مناهج ادبى اكبر من مناهج علمى
بس انتوا متاخدوش بالعدد .طبعا مناهج علمى هتبقى حاجات اصعب واكبر
طيب ايه لزمة الهبل ده
لزمة الهبل ده ان كل واحد يختار اللى يناسبه واللى عايز يذاكروه بحيث ينجح فيه ويتفوق.
مش ادبى يذاكر رياضة وعلمى يذاكر فلسفة ........كلام فاضى
حاجات مهمه
مفيش اعمال سنه نهااااااااائى .واى طالب هيشاغب او مش هيطيع المدرس بتاعه هيدفع غرامه
اى مدرس مش هيشرح بضمير ...........يتحرم منه مرتب شهر.واذا تكررت الحاله 3 مرات ينفصل من المدرسة
اى طالب يغش .......يحرم من الامتحان على طوووووووول. يعنى يسقط فى المادة دى
اى مدرس هيغشش...........مش هياخد مرتب شهرين متتاليين
وطبعا كل مدرسة فيها الحلو والوحش .....بس بالنظام ده ويكون فيه جد فى الموضوع هيبقى كله حلو
اى مدرس مش هيعلم الورقة بضمير او يغلط فى التصحيح.........يتحرم منه المرتب بردو شهرين تلاتة يعنى
( ايه حكايه المرتب ...المرتب)
لان ده اهم حاجة للمدرسين ههههههههه
الامتحانات لازم يشرف عليها كذا واحد ويراجعوها مرة واتنين وعشرة .مش يحطوها قبل الامتحان بيومين والنتيجة ان فيه حاجات تبقى من برة او اسئلة غلط اصلا
زى امتحانات 2 و3 ثانوى فى الانجليزى .واسمع الفرنساوى والالمانى كان فيه نقطة غلط .معرفش الصراحة كلام صح ولا غلط
الكليات تبقى محدده وثابته يعنى مش كل سنه تتغير يبقى معروف ان طب مثلا من 98 فى جميع السنين
بس طبعا الدرجات هتختلف لما النظام يتغير
مفيش حد يدخل كليه الا لما يمتحن امتحان قدرات او امتحان فى القسم اللى هيدخله ولازم ينجح طبعا
مفيش حاجة جاية فى دماغى داوقتى بس لما تيجى هقول

مممممممممممممممممممممممممممممم والله هيا حلوة التقسيمة بس انا مش موافقة عليها كلها يعنى نشوف اراء الكل كده ^^

wOw

بجد التقسيمة الاوللانية جميلة جداا

بس بعد كدا حسيت ان الكلامـ الباقى فيه بعض الخطأ

زى مثلا ان ادبى كدا مافيهاش رياضيات خالص .. انت كدا خليت عقل الطالب فيه جمود لانه هايقعد يحفظ يحفظ يحفظ لغاية ما مخه يتعود ع الحفظ كدا مفيش حاجة لتشغيل المخ ابداا

فانا من رأيى ان الرياضة 1 تبقى معاهمـ و كمان علمى علوم معاهمـ رياضة 1 ..

و من رأيى برده ان الاحصا تضاف على مواد علمى علوم و رياضة لانها بتدرس ف كليات علمى علوم و رياضة كلها فلازمـ نكون واخدين فكرة عنها

و موضوع الغش دا انا من رأيى الامتحان اللى غش فيه يتحرمـ منه و باقى الامتحانات يودوه اودة لوحده يمتحن فيها عشان يتجازى و مايغشش تانى

أما المدرسين فدول لازمـ يعملولهمـ دورات ازاى طريقة الشرح تكون صحيحة و لا اختبارات كادر و لا حاجة من الكلامـ الفاضى دا و دورات تخليه متمكن من المادة بتاعته

لان بالطريقة دى المدرس واحدة بواحدة هايتعلمـ ازاى يشرح كويس و هاتلاقى الطلبة بتحد من الدروس الخصوصية واحدة واحدة

و بكدا نكون قضينا على فكرة الدروس الخصوصية ..

و عجبتنى فكرة امتحان القدرات دى اوى عشان نكون داخلين الجامعة و احنا متمكنين ..

و الانجليزى و الفرنساوى عندى فكرة ليهمـ .. اننا نعملهمـ امتحانين امتحان speaking و امتحان عادى لدراسة الجرامر و الفوكابلارز

و الدرجة الاعلى لامتحان الاسبيكنج

و من رأيى العلمى علومـ يبقى ليهمـ مشروع ف الاخر يعملوه هما عشان ينموا مواهبهمـ زى اوروبا و كدا

اممممم بس كدا و لما الاقى حاجة على دماغى هاكتبها .. بس بجد اذا كان ذا كودر يقدر يوصل كلامنا للوزير تبقى حاجة كويسة اوى :)

شكرا على ردك ومشاركتك
كلامك صح ولكن .وجهة نظرى على الكلام اللى قلته
1- معظم اللى داخلين ادبى ميولهم حفظ وبيكرهوا الرياضيات والكلام ده مش من عندى ولكن انا سألت اللى فى المدرسة عندنا واللى خدوا ادبى قبل كدة بردو. ولكن هما مش هيكونوا متبرمجين على الحفظ بس يعنى. وكدة كدة كل اللى بيبقى ادبى ويدخل كليه ادبى بينسى كل صغيرة وكبيرة .لانه مش حاببها كان بيدرسها كدة و خلاص علشان يجيب مجموع فيها.
2- بالنسبة لعلمى علوم رياضه 1 مش هتعملهم حاجة اصلا . لو هيشغلوا مخهم معاهم الكيمياء والفيزياء. وهم اصلا تخصصهم هيبقى مثلا طب.صيدلة .اسنان. علاج طبيعى كدة يعنى
يعنى معظم اللى هيدرسوه هيبقى فى الاحياء والكيمياء وشوية فيزياء
3-من رأى انهم يفصلوا الاحصاء عن الاقتصاد لان واحد زميلى فى 3 ث دلوقتى قالى ان المادتين مختلفين تماما عن بعضهم . علشان كدة قولت يا خليها فى الادبى. مع ان فعلا المقفروض علمى يدرسوها. فلو اتفصلوا هيبقى افضل
4-بالنسبة لموضوع الغش فرأيك تمام مع ان المفروض اللى يغش يقطعوا راسوا ويعلقوها على باب المدرسة
5- دورات المرسين هتفيدهم جامد وفكرة ممتازة. وامتحانات الكادر كلام فاضى ..فاضى..فاضى. واسئلة غريبة بجد. تخيلى ماما راحت تمتحن جالها سؤال طبعا باللغة العربية بس هكتبه بالعاميه( لو عندك بقعة فى قماشة هل تغسايها 1- من اليمين للشمال 2- من الشمال لليمين 3- من فوق لتحت 4- من تحت لفوق ) لا تعليق........
6- والمفروض يلتقوا بالطلبة فى كل مدرسة يشوفوا بيشتكوا من مادة ايه والمدرس بيشرح ولا لا. الطلبة كانوا بيخافوا يتكلموا علشان موضوع اعمال السنة وحكاية هسقط العيال والكلام الفاضى ده
7- المشروع ده فعلا المفروض يتعمل واصلا احمد زويل كان هيعمله قبل كدة بس انتى عارفة البير وغطاه ورئيس الجمهورية وزمايله الحلوين ربنا يسامحهم
لازم يتعمل والله هنلاقى نفسنا احسن من امريكا واليابان واوروبا.

صح عندك حق انا طول السنة مذاكرتش الفلسفة و الجغرافيا ونجحت مش ناقصة الا اعمال السنة

ااه فعلا حلوة فكرة ان الاقتصاد و الاحصا ينفصلوا لانهمـ بجد مختلفين عن بعضهمـ جدااا لان اخواتى الاتنين اخدوهمـ و عندى الكتابين و عرفت ان الاقتصاد بعيد اوى اوى عن الاحصا و لازمـ ينفصلوا بجد

و مش عارفة بجد موضوع الادبى دا بس هما صاعبانين عليا ان عقلهمـ هايحصلوه "جمود فكرى"

و يآآآآآآآآرب بجد تتحقق الحاجات دى :)

تماااااااااااااااااااااااااااااااااااااااااااااااا ااااااااااااااااااااااااااااااااااااااااااااااام
يا رب تحقق ولو نصه حتى

الموضوع ده اتكلمنا فيه مع مسئولين في اﻻدارة التعليمية عندنا قبل كده
و قلت فكري و مشروعي في تطوير التعليم و ساعتها احد العلماء اللي انا محظوظ بمعرفتهم من الطلاب عرض تخيل عبقري لشكل التعليم في مصر بس بفكر عالي و متميز ...تشابهت افكاري مع افكاره لكن اللي قاله يدل انه باحث عملاق
هبقي اعرض عليكوا تصوره للتعليم في مصر لما افتح الكمبيوتر تاني

مبروووووووووووووووووووووووووووووووووك على الاجازة يا ذا كودر
يلاااااااااااااااااااا فين المشاركات
:(:(:(:(:(:(:(:(

لان اصلا والله العظيم التعليم فى مصر هيفضل فاشل للابد

فعــلاًَ بصراحه هى دى الجمله الصح جداًَ فى الموضوع ده كله

وبصــراحـــه تعليـم فاشل

لان التعليم هنا والله بيتحدوا الطالب وعايزين يعقدونا فى التعليم والحياه كلها

حسبــى الله ونعـم الوكــيل

وبصـــراحه ميت ما نعمل مصر هتفضل مصر رمـــز الفشل والظلم

الموضوع ده اتكلمنا فيه مع مسئولين في اﻻدارة التعليمية عندنا قبل كده
و قلت فكري و مشروعي في تطوير التعليم و ساعتها احد العلماء اللي انا محظوظ بمعرفتهم من الطلاب عرض تخيل عبقري لشكل التعليم في مصر بس بفكر عالي و متميز ...تشابهت افكاري مع افكاره لكن اللي قاله يدل انه باحث عملاق
هبقي اعرض عليكوا تصوره للتعليم في مصر لما افتح الكمبيوتر تاني

منتظرين :bosyht9::bosyht9::bosyht9::bosyht9:

الكلام الصراحة مفيش بعده..و ادينا مستنيين يا كودر
بس كلنا عارفين ان الكلام دا بالنسبة لحالنا ناو هياخد كتييير ع مايحصل بس اهو عندنا امل ان يحصل
و الله المستعان عشان بجد ناس كتير جامد ضاعت بسبب العبط اللي بندرسه وانتوا وانا من الناس دول