طبعا كلنا عرفنا الخبر الجميل ده واللى ما يعرفش يعرف:

64 طالبا يمزقون أوراق إجاباتهم بامتحانات الثانوية الأزهرية فى سوهاج

قام اليوم عدد من طلاب الثانوية الأزهرية بسوهاج بتمزيق أوراق إجاباتهم فى مادة الفقه، اعتراضا على عدم سماح المراقبين للطلاب بالغش فى مادة النحو بالأمس، وبلغ عدد الأوراق التى تم تمزيقها 64 ورقة إجابة.

ومن جانبه، أكد الشيخ إبراهيم أبو حسوب وكيل المنطقة الأزهرية بسوهاج، أن عدد الطلاب الذين قاموا بتمزيق الأوراق 64 طالبا بالشهادة الثانوية، وذلك فى امتحان مادة الفقه عقب دخولهم اللجنة.

وأضاف أنه تم احتواء الموقف، لافتا إلى أنه رغم قيام الطلاب بتحطيم بعض الأدراج تم امتصاص غضبهم بعد ساعة من مضى الوقت، وقال إنه تم الاتصال مباشرة بفضيلة الإمام الدكتور أحمد الطيب وفضيلة وكيل الأزهر، والذى قرر تعويض الطلاب عن الوقت الذى فقدوه واحتواء الأزمة حرصا على مستقبلهم.

وأشار إلى أنه تمت إحاطة محافظ سوهاج علما بالواقعة والذى قام بدوره بإبلاغ مدير الأمن، وقال إن الطلاب جميعهم من معهد الصفيحة الأزهرى بغرب طهطا.

ومن جانب آخر، أكد أحد الطلاب أن سبب ما قاموا به أن امتحان مادة النحو كان فى غاية الصعوبة، ورفض المراقبون باللجنة السماح لهم بالغش.

وشكرا ليكم اوى بصراحه وانا مش عارفه اودى جمايلكم دى فين يا طلاب يأزهريين بصراحه بهدلتونا والسيئة عمت علينا كلنا الازهريين شوفو بقى يا اممير ايه اللى اتقأل علينا بسببكم ...............
وانا بشوف الخبر شوفتو فى موقع مسيحى وطبعا تعليقتهم جميله جدا ممكن تعرفوها عشان تفرحوا شويه:
واحد يكتب:من غشهم فهو منهم
والثانى:ويروحوا بعد كدة طب الازهر ويموتوا اللى يقطع أديهم ،، دى لو بلد نظيفة ومحترمة مايكونش فى كليات الازهر اقسام يطلعوا منها دكاترة ومهندسين خريجين الازهر لأنهم بيطلعوا هما والحمير واحد دول اّخرهم دروس محو الأمية ؟؟؟؟؟؟؟؟؟؟؟

وكمان واحد:هو اية لزومة الامنتحان فى الازهر
كدة كدة بينجحو وبياخذو مناصب عليا فى البلد
هو التخلف والجهل قليل فى البلد
من مفرخة الازهر



وبعد كدا ازعل؟ لا طبعا ازعل ليه مانتوا شرفتونا .......................
جزاكم الله خيرا

يا خبر؟؟!!!!
معقول ده حصل!!!!
انا لله وان اليه راجعون
لاحول ولا قوة الا بالله

ما إتخذه السادة المسئولين أعتقد انه خطأ . كان من المفروض إلغاء الامتحان لهؤلاء الطلبة . حتى يكونوا عبرة لغيرهم لكن عندما يسمع طلاب آخرون بذلك سيحاولون تقليدهم ولوى ذراع المراقبين إما الغش وإما تقطيع الأوراق وعظيم الأسف لكونهم أزهريين

لاحول ولا قوة الا بالله
هو كل ما طالب يتزنق يقطع ورقته
امبارح كان 3 والنهاردة 64 و يا عالم هيبقوا كام بكره

هل هذا منطق ؟؟؟؟؟ ولا حول ولا قوه الا بالله

لا بجد مينفعش
هما ازاى خلوهم يمتحنوا اصلا ؟؟
ليه ماطلعهمش من اللجنه و يقولوا مالهمش امتحان
ليه يتصلوا بشيخ الازهر و المحافظ و الناس دى كلها
ما بكل بساطة يطردوهم
طالب عايز يغش و علنا كدة عامل اعتراض و لو مغشتش هقطع الورقة قطع يا حبيبى هو احنا و لا انت
لما يلاقى محدش بيسال فيه هيلم نفسه و يسكت
هما اللى غلطانين
المراقبين انهم عملوا كدة
و بجد فى ازهريين و داخلين طب و صيدلة و بمجهودهم فعلا مش كل الازهريين قليل منهم بس طبعا مغطيين على الكل ذى ما قلتى السيئة تعم
بس ربنا يهدى

انا من سوهاج وبغترف اني افشل مدارس عندنا هي مدارس الازهر وافشل طلبة هما طلبة الازهر دول كانوا بيتصلوا بالمدرسين وهما في اللجنة وحكاية انهم يقطعوا الورق عادي

ألعقاب يشمل الجميع ليس معنى مسلمين واقباط .؟.. فقط هم ذوى النفوس الضعيفة من يفرقوا

لن ينصلح حال الازهر مادام هناك غش لانه اصبح مرض فى المدرسين و اصبح عند الطلاب حق يطالب به وان لله وان اليه راجعون

دة تسسسسسسسسسسسسسسسسساهل وتحفيز على الغش لوكانو ا اتحرموا من الامتحان كان أفضل........وكان الباقى يحترم نفسة .

بصراحه مش عارفه اقول ايه بس مهما كانت صعوبه الامتحان كل واحد لازم يعرف ان الله لايضيع اجر من احسن عملا وانهم لازم يحافظوا على دينهم اكتر من كده ويعرفوا ان الغش هيضرهم اكتر ما ينفعهم لا بجد بهدلوا صورتهم قوى