أنا واحد من اعضاء المنتدي الكرام

بس بتواجهني كتير وخصوصا في الاوقات الحرجه زي ما بيقولوا :d

مشكله إن الموقع مشغول جدا

The Server Is Too Busy

وده مينفعش خالص عشان المفروض ان مثلا انا واحد مستني النتيجه

وبعرفها من الموقع وبتابع اخبارها اول بأول

لكن اول ما تنزل النتيجه الضغط يشتغل والسيرفر يزدحم

ومعرفش اخش ودي بتبقي مشكله كبيره

بتخليني في ضغط عصبي كتير

وأكيد دي مش مشكلتي انا لوحدي أكيد الجميع بيعانوا منها

فياريت حل لمشلكه السيرفر ونقل الموقع علي سيرفر جديد يكون جيد ويستحمل الضغط

أنا بقول كده لمصلحه المنتدي وللصالح العام

شكرآ ... آسف علي الاطاله

بالتوفيق للجميع

ياريت الرد ؟

ماهو الناس مش ذنبها ياغالى

ده نتيجة للضغط الجامد ال من الزوار والاعضاااء

ما هو عشان كده المفروض ننقل المنتدي علي سيرفر قوي يستحمل الضغط بدل ده

السيرفر تغير خلال العام الدراسى الماضى فقط 3 مرات
حجم السيرفر لدينا كبير والحمد لله
ولكن لك أن تتخيل مدى الضغط على الموقع فهو ليس موقع نتائج فقط
بل وطلاب الثانوية العامة الذين يراجعون ويتناقشون فى أمور امتحاناتهم بعد اللجان
أو من يدخلون للمراجعة بالغرف الصوتية
وطلاب الأزهر والتى تعقد امتحاناتهم حالياً
لأن المنتدى به قسم أزهرى قلما تجد مثيل له فى أى منتدى مشابه
أو المدرسين للأقسام التعليمية أو الوظيفية مثل التثبيت أو التعيين وخلافه
إلى جانب طلاب الجامعات ومتخصصى السياسة فى الأقسام العامة
الموضوع كبير كبير كبير

وشركة هايل لا تتوانى عن محاولة توفير السعة اللازمة
لكن اسمح لى فى التشبيه
كل ما نكبر البيت شوية عشان يكفينا
الأسرة تكبر فى العدد

طيب نعمل ايه ؟
ههههههههه

بالتوفيق للجميع

انا عارف بس دي مشكله تواجه الجميع
وكل ما العيله تكتر نكبر البيت ههههههههه

كلامك صح يا أخ هشام

انا حسام
والله بس انا بقول كده عشان بس مصلحه المنتدي

والله أنا كنت بأعنى من هذه المشكلة يوم ظهور نتيجة الشهداة الاعدادية بالمنوفية ورفعت النتيجة بعد ما نزلتها فى أول ظهروها وحاولت ادخل علشان أخبر الاعضاء بمكان الملفات التى رفعتها ولكن السرفر سقط