مشاهدة النسخة كاملة : أرجو المساعدة ما هي ميزة حقوق انجليزي أو حقوق فرنسي


ميدو ماجيك
17-06-2011, 01:05 AM
يا جماعة أرجوكم المساعدة ، يعني اية حقوق انجليزي أو فرنساوي ، وما هي مميزاتها بعد التخرج يعني بيبقى فيها فرص عمل أحسن من حقوق عربي ، أو ليها وظائف مثلا حكومية أعلى ، وهل يمكن أن يتم التعيين عن طريقها في النيابة ، وهل لابد من وجود مجموع معين في انجليزي وفرنساوي الثانوية العامة ، ساعدوني أثابكم الله ، اللي عنده معلومة حقيقية يقولها من فضلكم
شكرا

علمى ولا أدبى
22-07-2011, 06:01 AM
أولا أنا مش عندى اجابات لكل أسئلة حضرتك بس هحاول أفيدك يعنى
أنا اللى أعرفه ان حقوق انجليزى مستقبلها كبير جدا و خصوصا انها مش موجودة غير فى 3 أو 4 جامعات فى مصر يعنى عدد الخريجين منها بيكون قليل ودى طبعا ميزة.. ده غير انها مش سهلة "وأكيد حقوق فرنساوى أصعب كمان" و ده بردو بيخلي الخريجين منها عددهم محدود أوى ..
بالنسبة لشغلها بقى ف بيبقى مطلوب أوىىىىىى فى النيابة الادارية و خصوصا بالنسبة للبنات وده بيكون مركز مرموق و مرتبه عالى .. وطبعا ممكن تشتغل فى السفارات أو وزارة الخارجية لو معاك واسطة جامدة
و كمان مستقبلها شبيه بمستقبل سياسة واقتصاد (يعنى اللى مالحقش سياسة واقتصاد هى زيها كده)

أما بقى موضوع حقوق عربى ده ف مفيش مقارنة بينهم أصلاااااا ..أولا لأن مجموعها بيكون أعلى من حقوق عربى يعنى دفعتك مش هتبقى مليانه ناس من اللى يادوب عرفو يدخلو جامعة دول.. وعدد خريجينها مش كتير زى عربى .. و شغلها أسهل و بريستيجها كمان و مرتبتها طبعا أعلى .. اتوكل على الله لو مجموعك جايبها و أنصحك بانجليزي لأن فرنساوى صعبه أوىىىىىى و تكاد تكون مستحييييلة

mostafa law english
24-07-2011, 05:24 AM
شباب انا مصطفى من حقوق انجلش
انا حبيت افيدكو
كلية الحقوق شعبة اللغة الانجليزية من افضل الكليات الا ن وذللك لمجموعها العالى سواء المجموع الكلى او المجموع ف اللغة الانجليزية
فهى لا تاخد ف جامعتنا اقل من 92 % و45 ف الانجلش العدد قليل احنا مثلا 45 طالب ف القسم معظمنا كنا الاوائل ف مدارسنا
الدراسة صعبة حبة بس مش مستحيلة مادام بتحب القانون
من حيث المستقبل مش هكدب عليكو هى الغرض الرئيسى فيها هو التطوير ف كلية الحقوق بس
لكن هما بيفضلوها ف النيابات دة السبب الرئيسى اللى خلانا ندخلها
غير كدة تشتغل ف اى شركة دولية بمرتبات جامدة انا ليا صاحبى بياخد 3000دولار
مكاتب المحاماة الدولية والسفارات كملحق قانونى
بس لازم اعرفكو
ان محدش يشيل هم الشغل
بجد كلية جميلة
والطلبة اجمل بس صعبة شوية
واللى يحب يعرف اى حاجة عن الكلية يبقى يكتبلى

Nesma Mohammed
25-07-2011, 02:03 AM
شباب انا مصطفى من حقوق انجلش
انا حبيت افيدكو
كلية الحقوق شعبة اللغة الانجليزية من افضل الكليات الا ن وذللك لمجموعها العالى سواء المجموع الكلى او المجموع ف اللغة الانجليزية
فهى لا تاخد ف جامعتنا اقل من 92 % و45 ف الانجلش العدد قليل احنا مثلا 45 طالب ف القسم معظمنا كنا الاوائل ف مدارسنا
الدراسة صعبة حبة بس مش مستحيلة مادام بتحب القانون
من حيث المستقبل مش هكدب عليكو هى الغرض الرئيسى فيها هو التطوير ف كلية الحقوق بس
لكن هما بيفضلوها ف النيابات دة السبب الرئيسى اللى خلانا ندخلها
غير كدة تشتغل ف اى شركة دولية بمرتبات جامدة انا ليا صاحبى بياخد 3000دولار
مكاتب المحاماة الدولية والسفارات كملحق قانونى
بس لازم اعرفكو
ان محدش يشيل هم الشغل
بجد كلية جميلة
والطلبة اجمل بس صعبة شوية
واللى يحب يعرف اى حاجة عن الكلية يبقى يكتبلى
معلش لو سمحت 92% دى علمى ولا أدبى أصل أنا 91.7 علمى

mostafa law english
31-07-2011, 02:55 PM
بصى هى السنادى واخدة من 96 علمى بس بجد ماعرفش واخدة ادبى من كام ع عموم انا هسالك هى خدت ادبى من كام وهارد عليكى اول ما اعرف ان شاء الله

mostafa law english
31-07-2011, 02:56 PM
96 ادبى معلش مش علمى

mostafa law english
31-07-2011, 02:58 PM
طب يا ريت اعرف مجموعك ف الانجلش كام
وكنتى مدرسة لغات ولا لا

reham reda
31-07-2011, 04:24 PM
:)انا جاتلى حقوق انجليزى جامعة القاهرة وخايفه منها بيقولوا عليها صعبه يا ترى اعمل ايه علشان مش ادخل الكليه والترم الاول يعدى عليا وانا مش عارفه ايه اللى بيحصل واكيد الدكاترة لما بيدخلوا المحاضرة بيتكلموا انجلش فى انجلش فاعمل ايه يا ترى اخد كورسات من الاجازة ولا لما ادخل الكليه ولما ادخل اخد كورسات ايه وفين ؟؟؟

وياترى فيها الامتحانات ميد تيرم زى تجارة انجليزى ولا امتحانات عاديه زى حقوق عربى :)

reham reda
31-07-2011, 04:26 PM
انا جاتلى حقوق انجليزى جامعة القاهرة وخايفه منها بيقولوا عليها صعبه يا ترى اعمل ايه علشان مش ادخل الكليه والترم الاول يعدى عليا وانا مش عارفه ايه اللى بيحصل واكيد الدكاترة لما بيدخلوا المحاضرة بيتكلموا انجلش فى انجلش فاعمل ايه يا ترى اخد كورسات من الاجازة ولا لما ادخل الكليه ولما ادخل اخد كورسات ايه وفين ؟؟؟

وياترى فيها الامتحانات ميد تيرم زى تجارة انجليزى ولا امتحانات عاديه زى حقوق عربى

The king Boy
31-07-2011, 08:04 PM
ياعم 96% ازاي دي واخدة من 84.6 لان الكليات الانجلش بتاخد مجموع اعتباري يعني
المجموع الكلي + مجموع الانجليزي + المستوى لو انجليزي
يعني تحسبها بدل ما تبقى من 410 تبقى من 460 علشان زودنا درجة الانجليزي والدليل ان واحد صاحبي جاب 92.5 ودخلها

mostafa law english
01-08-2011, 04:24 PM
بصى يا ريهام انتى اول ما هتدخلى الكلية هتكونى تايهة مش عارفة اى حاجة ودة طبيعى جدا
المواد هتلاقيها صعبة حبة بس الترم الاول هتلاقى معظمة مواد عربى وحبة صغيرة اجلش
وعادى مش محتاجة كورسات خالص غير لم تخلصى وهتلاقى بجد المتعة ف دراسة المواد الاجنبة
وهتكون اسهل من المواد العربية بس لازم تجيبى تقدير ف اول ترم عشان يشجعك بعد كدة
مفيش امتحانتا ميت ترم ولا حاجة بس الغياب والحضور عليهم 25 % من الدرجات يعنى لازم تحضرى
وع فكرة هتحبى الكلية جدا
وانا نتيجتى لسة باينة النهاردة ولحمد لله جبت الترم دة امتياز ولاول ع عالدفعة
والتراكمى ف السنتين جيد جدا مرتفع
وعقبالك يا ريهام ان شاء الله

cheeta55
04-08-2011, 04:45 AM
يا جماعة انا علمي رياضة و للأسف دخلت مرحلة تانية و مجموعي الاعتباري 406 ممكن الحق حقوق انجليزي القاهرة او عين شمس ...................... ارجو الرد سريعا

خادم ابا القاسم
06-08-2011, 02:25 AM
كلية حقوق شعبة اللغة الانجليزية هذا العام اخذت من مجموع حد ادني 87 و نصف بالمئة لجامعة القاهرة و 86 و نصف بالمئة لجامعة عين شمس و 81 لجامعة طنطا و 84 لجامعة الزقازيق

خادم ابا القاسم
06-08-2011, 02:27 AM
يجب ان تكون درجتك في اللغة الانجليزية لا تقل عام 45 من 50 و يستحسن ان تكون درست المستوي الرفيع لغة انجليزية و حصلت علي درجة ممتازة

خادم ابا القاسم
06-08-2011, 02:30 AM
ياعم 96% ازاي دي واخدة من 84.6 لان الكليات الانجلش بتاخد مجموع اعتباري يعني
المجموع الكلي + مجموع الانجليزي + المستوى لو انجليزي
يعني تحسبها بدل ما تبقى من 410 تبقى من 460 علشان زودنا درجة الانجليزي والدليل ان واحد صاحبي جاب 92.5 ودخلها
كلية الحقوق شعبة اللغة الانجليزية في جامعة القاهرة حدها الادني 87 و نصف بالمئة و في جامعة عين شمس حدها الادني 86 و نصف و في جامعة طنطا حدها الادني 81 بالمئة و انا واثق من ذلك كما اني واثق بان اسمي احمد

خادم ابا القاسم
06-08-2011, 02:34 AM
انا جاتلى حقوق انجليزى جامعة القاهرة وخايفه منها بيقولوا عليها صعبه يا ترى اعمل ايه علشان مش ادخل الكليه والترم الاول يعدى عليا وانا مش عارفه ايه اللى بيحصل واكيد الدكاترة لما بيدخلوا المحاضرة بيتكلموا انجلش فى انجلش فاعمل ايه يا ترى اخد كورسات من الاجازة ولا لما ادخل الكليه ولما ادخل اخد كورسات ايه وفين ؟؟؟


وياترى فيها الامتحانات ميد تيرم زى تجارة انجليزى ولا امتحانات عاديه زى حقوق عربى
سؤال اختي ريهام حضرتك مجموعك كام في الثانوية العامة و كنتي جايبة كام في الانجليزي من 50 ارجو الرد لاني اريد ان التحق بهذه الكلية ايضا

The king Boy
06-08-2011, 05:15 AM
كلية الحقوق شعبة اللغة الانجليزية في جامعة القاهرة حدها الادني 87 و نصف بالمئة و في جامعة عين شمس حدها الادني 86 و نصف و في جامعة طنطا حدها الادني 81 بالمئة و انا واثق من ذلك كما اني واثق بان اسمي احمد

انا هكتفي بعين شمس
389.5
389.5 * 100 /460 = 84.6

zizoninja
06-08-2011, 06:42 AM
انا هكتفي بعين شمس
389.5
389.5 * 100 /460 = 84.6
باشا علي 465 مش 460
انا جايب
348.5
بدون المستوي
و 45 في الانجليش
و 8 في المستوي انجلييش
والحمد لله جالي حقوق انجليش القاهرة

The king Boy
06-08-2011, 09:49 PM
باشا علي 465 مش 460
انا جايب
348.5
بدون المستوي
و 45 في الانجليش
و 8 في المستوي انجلييش
والحمد لله جالي حقوق انجليش القاهرة

ده صح بالنسبة للي واخد مستوى انجليزي

خادم ابا القاسم
07-08-2011, 05:46 AM
انا واثق من ما قلته لان ذلك مكتوب في جريدتي الاهرام و الجمهورية

mostafa law english
09-08-2011, 05:24 PM
طب هو فية حد من الناس اللى عمالة تتكلم هنا فى حقوق انجلش ولا اييييييييييييييييييييييييييية

The king Boy
10-08-2011, 12:36 PM
الي انا بقوله من موقع الحكومة في التنسيق وممكن تتأكد بنفسك

mostafa law english
22-08-2011, 04:03 AM
لا يا عم ولا هتاكد ولا حاجة
بس انا حقوق انجلش ودى كليتى وعارفها كويس

حـسام النبوى
30-08-2012, 10:39 PM
لو سمحت يا مصطفى انا مان جاتلى حقوق وهنا ف البيت بيقنعونى بحقوق انجلش بس خااااااااااااااايفة مش اعرف امشى فيها ولا اجيب تقدير واخيب املهم من اول ترم فالمطلوب كلمة نهائية منك ادخل انجليزى واذااااااااكر اوى ولا اكمل ف العربى وخلاص وياريت تعرفنى لو هدخل انجلش هذاكر من القاموس ولا منين بالظبط ؟وميرسى اوى ليك تعبتك معايا

مهند محمد خالد ح
07-08-2013, 04:41 AM
ارجو المساعدة لو سمحتوا انا جايب فى الثانوية 76فى المية وجايب فى اللغة الانجليزية 46 من 50 يعنى 92 فى المية ومجموعى جاب حقوق بس نفسى ادخل حقوق انجليزى هينفع ولا لأأ؟

نارنيا
13-08-2013, 05:50 PM
السلام عليكم ورحمة الله وبركاته..

بداية، كل عام وأنتم بخير ..

مما قرأت هنا فأنا متحمسة بحق للالتحاق بكلية الحقوق انجلش..

رغم إن مجموعى الحمد لله كان يجيب أعلى منها بس دى كانت رغبتى..

وإن كان عندى شوية تردد فقد حسمته هنا حين قرأت ردودكم ^_^

شكراً لكم بحق..

فى حفظ الرحمن..

sayed_sicoo
30-11-2013, 12:09 PM
ماهى الجماعات التى بها حقوق e

ahmed aboelnour
21-07-2014, 05:00 PM
يا استاذ مصطفى انا جايب 91.3 و46 انجليزى ممكن تكلمنى شويه عن حقوق انجليزى وتفضلى اخشها ولا لا

ahmed aboelnour
21-07-2014, 05:07 PM
استاذ مصطفى انا جايب 91.3 و46 انجليزى ممكن حضرتك لو عندك فيس بوك تديهونى استفسر منك عن الكليه

EhabAmmar
05-08-2014, 08:38 PM
بالتوفيق يا شباب

mahmoudadelelkady
23-08-2014, 05:48 PM
انا يامصطفي داخل اولي ان شاء الله وقدمت حقوق انجلش القاهرة
بس كنت محتار اوي بين عين شمس والقاهرة ...القاهرة دراستها في الشيخ زايد وهاتبقي مشوار بعيد اوي
وعين شمس بيقولوا موادها اكتر وامتحاناتها اصعب وانا ساكن في عين شمس ..مش عارف اعمل ايه واختار ايه
ماتعرفش عين شمس بتاخد من كام في الانجلش السنة دي ؟

mahmoudadelelkady
23-08-2014, 05:53 PM
انا زيك بالظبط ياريهام قدمت في حقوق انجلش القاهرة وبيقولوا صعبة بس المشكلة مش في كدة
المشكلة انها في الشيخ زايد وده مشوار بعيد اووي وعين شمس بيقولوا احسن بس امتحاناتها اصعب
وبالنسبة للكورسات لو عايزة فيه كورسات في الكلية نفسها للمواد ودي هاتنفع اكتر لان الكورسات التانية انجلش عامة ملوش علاقة بالكلية وممكن يعطلك عن المذاكرة والكلية نص موادها عربي ونصها انجلش يعني مش كلها انجلش صرف

ميدو ماجيك
10-01-2015, 04:12 PM
يا جماعة جامعة القاهرة حقوق انجليزي وتجارة انجليزي موجودين في الكلية نفسها وفي الشيخ زايد ، لكن اللي في الجامعة بيبقى مجموعها أعلى من الشيخ زايد يعني تنسيق داخلي ، والناس اللي في مدينة 6 أكتوبر طبعا بيفضلوا الشيخ زايد

mahmoud Essam 1999
18-01-2015, 03:50 PM
لو سمحت ممكن اي حد يقولي خريج حقوق انجلش او فرنسي بيشتغل ايه ومرتبه بيبدا من كام وبيعلي علي حسب ايه وحقوق انجلش احسن ولا فرنسي

mahmoud Essam 1999
18-01-2015, 03:53 PM
بعد اذنكوا حد يرد عليا ؟