السلام عليكم
أكيد كلنا عارفين مكان وزارة المالية
فى امتداد رمسيس عند التقاطع مع طريق النصر
حيث أنه بعد كلام سيادة الوزير على القناة الأولى الليلة 14/6/2011 و فى حوار طويل بدون فواصل استغرق ساعة و ربع الساعة
فواضح انه يتجاهلنا تماماً و مش عاوز يجيب سيرتنا
المتعاقدين المساعدين
و واضح انه نبه على المذيعة و معدين البرنامج بعدم الخوض فى امر المعلمين المتعاقدين تماماً. و تلاحظوا انه عند عمل حوار مع وزراء التعليم فانه يتم تلقى اتصالات هاتفية من اداريين او تلاميذ او مسئولين مدارس خاصة او حتى اساتذة فى كليات التربية او اى عنصر فى المجتمع الا
المعلمين
ممنوع الرد على تليفون او اتصال من معلم مساعد او غيره من المعلمين
هل هذه هى مكانتنا و قدرنا فى المجتمع؟
بإختصار
مش هناخد حقنا غير بالتحرك و اثارة الراى العام معنا
لانه مبارك ما كان ليتنحى غير بالثورة
و مش عارفين ان كان مشى فعلا و لا لا ؟
عددنا كبييييير و خصوصا الناجحون فى امتحانات 1/4/2011
نحن اكثر من 60 الف معلم
و التجاهل واضح
و وزارة المالية هتكون موجودة فى مكانها
يوم 3/7/2011
و نحن أيضاً سنكون واقفين بالآلاف أمامها
و صدقونى لو عملناها ليوم واحد او بيتنا أمامها زى
رجالة التحرير
سنأخذ حقنا
لأنه أنا دمى اتحرق من حوار لأكثر من ساعة مع الكبير بتاعنا و مايجيبشى سيرتنا نهائياً
ان شاء الله بكرة نخلى مصر كلها تتكلم عننا
لأنه كفاية كده بقى مهانة و اذلال
حضروا المطالب الغير مُبالغ فيها و صيغوا البيان
و نتقابل كل يوم فى المنتدى و نتقابل يوم الاحد 3/7 أمام وزارة المالية

لالالالالالالالالالالالالالالالالا انا مش معاك الراجل لم يتجاهلكم وحدكم هو تجاهل التربيه والتعليم بحالها وكانه جاي يرغي وخلاص هههههههههه بلاش تلاكيك بقه ونقول مجابش سيرة العقود يعني هوة جاب سيرة المثبتين يا راجل بلاش ظلم

والهي انا بحس انه بياخد حبوب منومه قبل ما ييجي اي لقاء الظاهر بينسي وبيفتكر نفسه داخل ينام معندوش فن جذب الانتباه خالص وحسيت ان كل كلامه مبني علي نيته في التعليم يعني من الاخر الراجل بيقول ادوني فرصه والنبي نفسي اقوله سيب المكان لحد تاني يعرف يجيب حقوق الناس الي معاه

الصبر حتى شهر يوليو وهانت البلد قربت تستقر وان شاء الله ان ارى مصر قريبا افضل دول العالم بشبابها ومعلميها والشرفاء

مصطفي كامل قال: لا يأس مع الحياة
وسعد زغلول قال: مفيش فايدة
نصدق مين فيهم ؟؟؟؟؟؟؟؟؟؟؟؟؟؟؟؟

مصطفي كامل قال: لا يأس مع الحياة
وسعد زغلول قال: مفيش فايدة
نصدق مين فيهم ؟؟؟؟؟؟؟؟؟؟؟؟؟؟؟؟

اكيد لازم نصدق سعد زغلول

الأمل فى الله

تفكير سليم جدا هي دي الديمقراطية وان شاء الله هيكون ليها تمن

سعد زغلول صح

سياده الوزير مشغول بامتحان الثانويه العامه ومش فاضى حتى ينظر لنا فلابد من التحرك السريع حتى ينظر سياده الوزير ويصدر قرار تعين الناحجين فى الكادر 1/4 حرام والله اللى بيحصل فينا دا

احنا معاك من اجل التعيين

ياعم الصبر وماصبرك إلا بالله ، يعني الدنيا حتتغير من يوم وليلة

الوزير بيمتحن مع الطلبه يعني ولا ايه عاوز افهم

الاستاذه شغاله المفروض يشوفنا بقي ويشوف مكافة المتحانات

ربنا معاكم ، بس دي ملهاش لازمه الروحة حناك ، ربما تأتي الريح بما لاتشتهي السفن

لابد من الاعتصام من الان حتي يتم تثبيتنا وتطبيق الحد الادني ولكن يكون الاعتصام امام وزارة المالية لان التربية والتعليم مش هتحل ولا تربط

وخلق الانسان عجولا

لالازم كلنا نروح ادام المالية ويشوفلنا حل وفعلا انسب ميعاد 3/7 لو في نيتهم التثبيت اهو شهر سته لسه مخلصش لكن لو بدا شهر سبعه ومفييش خطوه تدل علي التعيين لازم كلنا نروح ونبقي اد المسئوليه ده حقنا ولازم ندافع عنه

عايزين الحركة ارع ده حقنا مش هبة من احد

طبعا حقنا طب ايه رايكم كلنا نبعت فاكسات للوزارة نشكي فيها من تاخر اصدار قرار التعيين للي امتحنوا 1/4 ده حقنا ولازم ندافع عنه

فعلا ياجماعة احنا فى البحيرة لم يأتى شىء عن تثبيت من أمتحن الكادر على درجة معلم مساعد ولكن دة لو حصل انا واحد من الناس سوف أرفع قضية على الوزارة لان دة قانون الكادر ينص على تثبيت المعلم المساعد الى معلم دة اسمه لعب عيال ولازم كلنا نرفع قضية وياريت تكون كل مجموعة تكون مع بعض فى رفع القضية

فعلا ياجماعة احنا فى البحيرة لم يأتى شىء عن تثبيت من أمتحن الكادر على درجة معلم مساعد ولكن دة لو حصل انا واحد من الناس سوف أرفع قضية على الوزارة لان دة قانون الكادر ينص على تثبيت المعلم المساعد الى معلم دة اسمه لعب عيال ولازم كلنا نرفع قضية وياريت تكون كل مجموعة تكون مع بعض فى رفع القضية :049gc0:

يعنىايه تثبيت كل من امتحن الكادر على معلم مساعد ايش معنى الدفعة الى قبلنا الى امتحنوا شهر 11 الماضى اتعينوا وخدو درجة معلم ليه هما ولاد البطة البضا واحنا اولاد البطة السودا والله لو الكلام دا كان صح لازم الدنيا تقوم لازم يبقى فى كرامة وفى اعتزاز بالنفس اما لو معملتوش كدا يبقى انتوا ملكوش اى لازمة انكم تكونوا معلمين معلم بلا نخوة بلا كرامة الصفر افضل منه

ها نحن منتظرين حتى نهاية شهر يونيو , ان لم يعبرونا فالتحرك السلمى هو واجب علينا قبل أن يكون حق لنا.
أريد كرامتى فى عملى و مهنتى. "وزارة المالية" هى اللى بتدى فلوس و الوزير قالها بنفسه: المالية مش راضية تدينى يا جماعة, أعملكم ايه بس؟..
نرد عليه: طيب يا شاطر خليك يا حبيبى نايم مكانك و احنا هنروح نجيب مستحقاتنا بأنفسنا, بلا خيبة.

لازم نتحرك

[quote=مدرس علي ما تفرج;3548824]مصطفي كامل قال: لا يأس مع الحياة

وسعد زغلول قال: مفيش فايدة

نصدق مين فيهم ؟؟؟؟؟؟؟؟؟؟؟؟؟؟؟؟

بدون سؤال اكييييييييييييييييد
سعد بيه زغلول
وربنا يجعله عامر

ضاقت فلما احكمت حلقاتها فرجت وكنت اظنها لا تفرج

ممكن نتفق يا جماعة علي يوم لكل المعلمين المساعدين علي مستوي الجمهورية لنقف امام مبني وزارة التربية والتعليم التي مازالت تربينا حتي بعد ان صرنا مربين مطالبين بالتعيين الفوري ولاسيما بعد ان اجتزنا الكادر فلم يصبح لذوي الردود حجة الا انهم يستضعفوننا وكأنهم يطبقون المثل الشعبي " لو مش عاجبك اخبط دماغك في الحيط :stickjo4:" لكن وبكل ثقة لا كبرا ولا قلة من الادب اقول من يطبق علينا هذا المثل فهو اولي به لاننا مصريون نعشق مصر وتعشقنا ونعمل مهما كان الاجر لكي ولعيونكي يا فتاة النيل المدللة ويا عشق الفرعوني والقبطي ويا دم المسلم العافي ويا أم الدنيا انت يا مصر لكي انت كهيئة الريم الوديعة في غضن البيد البهيمة وفي اعاصير الليل الصفيرة احضنكي ومهما كان الامر حتي لو كان عمري فما قيمة العمر وانت تختنقي يا مصر .
عسكر الاسواني:stickjo4:

الصبرررررررررررررررررررررررررررررررررررررررررررررر رررررر

مفتاااااااااااااااااااااااااااااااااح الفرررررررررررررررررررررررررررررررررررج

بصراحة انا اتغاظت منه لانه لم يتكلم عن المدرسين خالص

الصراحه هيفضل المعلم مهان فى هذه الدوله كيف نربى روح الوطنيه والقوميه فى بلد لا تحترم معلميها و كأنهم عايزنها تبقى صلصه مفيش تقدم ولا غيره عشان الغرب عايز كده هنديكم تبرعات بس متطوروش التعليم هههههههههههه بقالهم اكثر من 30 سنه بيتكلموا عن تطوير التعليم ومفيش فايده لا لا لا لا للتطوير
نعم نعم للجهل و التخلف و الرجعيه
والله مش هنتقدم طول ما المعلم مهان ولا يأخذ حقه
اللهم اصلح حال هذه الامه وانصر الاسلام واعز المسلمين

حاولو ياجماعه بدل مانسخن عالفاضى حد يتاكد من خبر الحد الادنى اللى وزير الماليه بيبخل علينا بيه وكمان بتاع التربيه شايل ايده عشان بدل مانروح وزارة الماليه ودى صعبة على معظمنا لاننا من محافظات مختلفة وصعب تجميعنا ف يوم واحد وف نفس المكان
احنا ممكن نعمل حاجه احسن
نقطع السكة الحديد زى قنا وغيرها
اقله هانقدر نعملها مع بعض وف نفس الوقت
واضعف الايمان لو محافظة او اتنين عملتها يبقى كده صوتنا اتسمع وكلنا نكمل على بركة الله
بس اهدو شويه وخلينا نشوف اخرتها ايه

أحنا كلنا معاكم لحد ما نجيب حقنا
لا يضيع حق وراءه مطالب
و الساكت عن الحق كشيطان أخرس

بصراحة حكاية قطع السكة الحديد و دى شريان حيوى مش كويس, و مش هتخلى ناس كتير تتعاطف معانا انما بالعكس دى هتعطل احوال ناس كتيييير, و يسخط علينا المجتمع اللى فاكرنا عايمين فى مهلبية الكادر و المكافاة و الدروس الخصوصية ياااا حسرة... لكن نعمل ايه؟ نعمل ايه ؟ لازم نتحرك .... أنا محتاااار لكن صدقونى ثم صدقونى, ان لم نتحرك محدش هيسأل فينا و كل شىء هينام, و الأسعار شغالة فى العالى هنقدر نشتغل فى الزمن الأسود ده بـ 12 ملطوش فى اليوم؟ فكروا معايا فكروا.......... عاوزين وعى يا معلمين ,, لأنه بجد الدولة لسه متخلية عنكم تماماً و عن قضية التعليم برمتها.

و بعديييين الوقت بيمر

يا جماعة شهر يوليو عن قريب قبل الاستعجال في اخد اي قرار لكن انا عن نفسي معكم قلبا وقالبا لانني من الناس اللي ظلمتهم الوزارة حيث انني متعاقد بالحصة وبالعقد العادي والعقد المميز من سنة 2000 ولم اثبت لحد الان على العلم ان لي زملاء خريجي 2007اتثبتوا السنة دي 14/3/2011 .......... لكن اللي مصبرني ان المدارس مش هييجي يوم ويقولوا مش عايزين تعليم السنة دي فلو مثبتوناش فتكون ثورة اخرى للمعلمين

ثورة أخرى للمعلمين ؟؟؟!!!!!!!!!
إن كان على المعلمين , فعمرهم ما ثاروا و لا يعرفوا يثوروا و لا يعرفوا ثورة و لا الكلمة دى واصلة فى قاموسهم أصلاً
اقروا عن مناسبة عيد العمال و ليه واحد مايو عيد للعمال

اللى بيدخلو المنتدى ده بيسخنو بعض بس و محدش بيعمل حاجه
كل واحد يدخل يقول ثوره المعلمين
يوم الكرامه
و كلام من ده
يسخن الناس و يستنى يشوف حيحصل ايه
هوا ده اللى بيحصل و الله

يا عزيزى cabrel نحن لا نسخن بعض انما نعمل على زيادة وعى المعلمين بقضيتهم و مشاكلهم و أهميتهم فى المجتمع و ها كلامنا منذ عام ليذكرك باننا فى دوامة مع هذا الاهمال من جانب الدولة للمعلم

بسم الله الرحمن الرحيم
عزيزى المعلم المساعد عزيزتى المعلمة المساعدة
لقد حصل معظمنا منذ سنوات على شهادة تخرجه من إحدى كليات التربية بجامعات مصر, و هى شهادة وحدها كفيلة بإعطائك حق العمل كمعلم بمدارس جمهورية مصر العربية, بل و يمكنك بهذه الشهادة أن تُعَار إلى احدى الدول العربية و تعمل معلماً مُكرماً بأعلى الرواتب.
إلا أن حكومتنا المصرية الرشيدة خطرت لها فكرة تسمى اختبار المعلم, و هو اختبار تضمن به وزارة التربية و التعليم أن الناجحين فيه هم مؤهلون للعمل كمعلمين, و عليه فقد ارتضينا بهذا الاختبار طبقاً للقانون 155 الجديد, و تقدمنا له مع وعد من الحكومة بأن نحصل على ترخيص لمزاولة مهنة المعلم حال نجاحنا فى الاختبار و استهلك هذا منا الوقت و المال و الجهد العصبى, و الحمد لله فقد نجح العدد الأكبر من المعلمين المساعدين المتقدمين للاختبار فى شهر نوفمبر الماضى و عددهم حوالى 70 ألف و هنأتهم أكاديمية المعلم بهذا النجاح. ثم وضعت الوزارة شرطاً أخر و هو إلمام المعلم المساعد ببعض الخبرات فى الحاسب الالى و قد بذل المعلمون الجهد أيضاً فى دراسة بعض البرامج المهمة و المفيدة فى سبيل أن يكونوا مؤهلين للحصول على رخصة مزاولة مهنة معلم.
و منذ بداية العام 2010 و المعلمون يمرون بفترة طويلة عصيبة احترقت فيها أعصاب المعلمين المساعدين وذلك بسبب الصمت و التجاهل التام من الحكومة للوعد بتثبيت هؤلاء المعلمين و إعطائهم حقوقهم كاملة و تضمينهم ضمن كادر المعلم, الذى طالما تغنت به الحكومة و وعد به الرئيس مبارك نفسه, فهذا الكادر قد تم تشريعه ليضمن للمعلم كافة الحقوق الأدبية و المادية و المعنوية.
لقد أكمل عشرات الآلاف من المعلمين كل المطلوب منهم, و اجتازوا كل الاختبارات, و جاء دور الحكومة لتنفذ ما وعدت به,
ثم . . . . . . . . .يحدث السيناريو المخيف و تأتى الصفعة القوية المحبطة لمعلمى مصر فى مطلع الشهر الحالى, و هذا لم يكن أى مواطن مؤمن بالشرعية و القانون يتصور حدوثه فلا هناك ترخيص لهؤلاء المتعاقدين و لا ترقية و لا تثبيت لهم فى وظائفهم و انما مجرد تجديد العقود ليبقى حال هؤلاء المعلمين على ما هو عليه. و هذا مخالف للكتاب الدورى رقم 1 لسنة 2009 و خاصة البندين رقم 14 و 15و تعالوا لنرى ما هو حال المعلم المصرى؟
سـ 1 : من هم المعلمون المساعدون؟
جـ 1 : هم القوة الفاعلة النشيطة من خيرة شباب و بنات مصر الذين يشغلون معظم الأماكن فى هيئات التدريس بمدارس المحروسة. لذلك فالعملية التعليمية فى مصر كلها تعتمد عليهم الآن و بدونهم ستغلق المدارس.
سـ 2 : ما هو حال المعلم المساعد المتعاقد الآن؟
جـ 2: هو شاب مصرى متوسط عمره 28 عاماً, يعمل بأحد المدارس البعيدة عن مسكنه بحوالى 15 كم و قد تصل ل 30 كم. يستيقظ فى السادسة صباحاً ثم يخرج من بيته إلى الموقف ليركب سيارة نقل البضائع من الخلف (الربع نقل مكشوفة أو مغطاة بالخوص) ليذهب بها الى مدرسته. و يحصل من عمله هذا على دخل شهرى حوالى 375 جنيه مصرى بالمكافأة و الحوافز و العلاوات , و ينفق منهم 50 جنيه شهرياً مواصلات ليتبقى له 325 جنيه.
هذا المعلم يريد منه المجتمع أن يعلم أبنائنا الفضيلة و الأخلاق و حب العلم و الانتماء الانتماء للوطن, و نريد منه أن يكون مجتهداً فى عمله الى اقصى حد لأن عمله هو بناء النفس الانسانية و ليس بناء الابراج او محطات الصرف الصحى.
و هذا الشاب يريد أن يعيش و يأكل و يلبس و يسكن و يتزوج و يُكَوِن أُسرة مطمئنة مستقرة غير مهددة بالطلاق منذ العام الأول للزواج.
فهل يستطيع المعلم أن يوفى بهذه الالتزامات و المسئوليات فى ظل أوضاعه الحالية؟
و خطابى الآن موجه للسادة المسئولين بالحكومة المصرية الراعية لهذا الشعب و المؤتمنة على حقوقه و أملاكه.
بالله عليكم هل قضية التعليم من وجهة نظركم لها أهميتها القصوى من أجل خير هذا الوطن و رفعة شأنه؟
أم أنكم ترون أن بناء بعض الطرق و الكبارى و محطات الصرف الصحى هو أهم من بناء الانسان المصرى؟
لقد شبعت قضية التعليم فى مصر من فرط المناقشة و التحليل فى كافة وسائل الاعلام و كافة المؤتمرات و اللجان التى تنبثق منها لجان فرعية أصغر, و تعاقبت الحكومات و تعاقب الوزراء على وزارة التربية و التعليم ...... فماذا كانت النتيجة و ما هى محصلة كل هذا؟
النتيجة كلكم تعرفونها, و هى صادمة و لكن يجب ألا ندفن رؤوسنا فى الرمال و نصرح مع الأسف فإن الشعب المصرى فى عمومه أصبح مصاب بمرض الأمية
أمية اللغة و أمية الأخلاق و السلوكيات, الأمية الثقافية و الامية التقنية, الأمية السياسية و حتى الأمية العاطفية. صدقونى ان كل مشاكل المجتمع المصرى من فقر و جهل و فساد و مرض, كلها نتجت بسبب تدهور النظام التعليمى فى هذا البلد.
يا سيادة وزير التربية و التعليم من الواضح ان مسألة دخول المعلمين و رواتبهم و تثبيتهم ليس الأمر الكامل فيها بيدك و انما بالتنسيق مع رئيس الوزراء و وزير المالية و التنمية الادارية و (أحمد عز).
و نحن المعلمون الآن نريد أن نسمع منكم كلمة تطمئننا على مستقبلنا و حياتنا.
لذلك نطلب منك - بصفتك المسئول عن التعليم و التنوير و التوعية و الثقافة فى مصر- أن تُصَعِد مشاكلنا و ان تبلغ شكوانا و أحوالنا الى القيادة السياسية أى الرئيس مبارك نفسه الذى وعد المعلمين بالكادر قبل أن تكون أنت وزيراً. و نحن لا نشك فى وطنية و اخلاص الرئيس مبارك و لا فى وطنيتك.
و السلام عليكم و رحمة الله و بركاته.
زملائى المعلمين المساعدين أقول لكم أنه مازال الاقتراح بتنظيم وقفات احتجاجية يوم 25/7/2010 قائم. و لكنى أتعشم خيراً فى جهود السيد الوزير و حكمة رئيس الجمهورية . و الله الموفق.

طبعاً كنت أنافق الرئيس المخلوع وقتها ,, و يجب أن أعترف بهذا. و ربنا معانا أهم من أى مسئول أو غيره و طالما اننا نعمل بضمير و أمانة و عندنا الوعى بقضيتنا و مكانتنا فبإذن الله ستتحسن أوضاعنا. و نلتقى يوم 3 /7 أمام وزارة المالية

يايت شهر سبعه كان فى رمضان علشان ندع عليهم ربنا ياخداجلهم

هو ده اللى وصل لتفكيرك ( ندعى عليهم ياخد أجلهم) انت مدرس ؟

3/7 امام وزارة المالية و دواوين المحافظات الاخرى

«المالية» توافق على تعيين ١٢٣ ألف مدرس بعقود مؤقتة.. و«التنظيم والإدارة» يثبّت ١٠ آلاف موظف

كتب محمد أحمد السعدنى ٢٣/ ٦/ ٢٠١١http://ggmedia.gazayerli.net/photo.aspx?ID=127436&ImageWidth=240 (http://www.almasry-alyoum.com/popimage.aspx?ImageID=127436)
سمير رضوان

أكد مصدر مسؤول بالجهاز المركزى للتنظيم والإدارة، أن وزارة المالية وافقت على تعيين نحو ١٢٣ ألفا من مدرسى الحصة، بنظام العقود المؤقتة، وتحويل من يعملون بنظام المكافأة، أو ما يعرف ببند «٣ -١٠» إلى بند «٢-٢-٣» بالباب الأول أجور، تمهيدا لتثبيتهم بعد مرور ٣ سنوات.
وقال المصدر إن الوزارة شددت على تحويل العاملين بالمكافأة بنفس أوضاعهم المالية، لمنع زيادة العبء على الموازنة العامة.
من جانبها، انتقدت الدكتورة آية ماهر، أستاذ الموارد البشرية بالجامعة الأمريكية، تعيين المدرسين بنظام العقود المؤقتة بنفس المستحقات المالية التى كانوا يحصلون عليها وفقا لنظام الحصة، مؤكدة أن هذه الخطوة ستؤثر على إنتاجيتهم، وطالبت الحكومة بضرورة إيجاد بدائل.
من جهة أخرى، وافق جهاز التنظيم والإدارة على تثبيت موظفى الإدارات القانونية العاملين بعقود مؤقتة فى الجهاز الإدارى للدولة، البالغ عددهم نحو ١٠ آلاف موظف، وقال المستشار طنطاوى محمد الطنطاوى، المستشار القانونى للجهاز، إنه نظرا لوقف التعيين فى هذه الإدارات منذ ما يقرب من ١٠ سنوات، فإن الإدارات القانونية لجأت إلى هذا الحل بشكل مؤقت.

http://www.almasry-alyoum.com/photo.aspx?AdCreativeID=20 (http://www.almasryalyoum.com/multimedia/video)

«المالية» توافق على تعيين ١٢٣ ألف مدرس بعقود مؤقتة.. و«التنظيم والإدارة» يثبّت ١٠ آلاف موظف كتب محمد أحمد السعدنى ٢٣/ ٦/ ٢٠١١ [ سمير رضوان] سمير رضوان أكد مصدر مسؤول بالجهاز المركزى للتنظيم والإدارة، أن وزارة المالية وافقت على تعيين نحو ١٢٣ ألفا من مدرسى الحصة، بنظام العقود المؤقتة، وتحويل من يعملون بنظام المكافأة، أو ما يعرف ببند «٣ -١٠» إلى بند «٢-٢-٣» بالباب الأول أجور، تمهيدا لتثبيتهم بعد مرور ٣ سنوات. وقال المصدر إن الوزارة شددت على تحويل العاملين بالمكافأة بنفس أوضاعهم المالية، لمنع زيادة العبء على الموازنة العامة. من جانبها، انتقدت الدكتورة آية ماهر، أستاذ الموارد البشرية بالجامعة الأمريكية، تعيين المدرسين بنظام العقود المؤقتة بنفس المستحقات المالية التى كانوا يحصلون عليها وفقا لنظام الحصة، مؤكدة أن هذه الخطوة ستؤثر على إنتاجيتهم، وطالبت الحكومة بضرورة إيجاد بدائل. من جهة أخرى، وافق جهاز التنظيم والإدارة على تثبيت موظفى الإدارات القانونية العاملين بعقود مؤقتة فى الجهاز الإدارى للدولة، البالغ عددهم نحو ١٠ آلاف موظف، وقال المستشار طنطاوى محمد الطنطاوى، المستشار القانونى للجهاز، إنه نظرا لوقف التعيين فى هذه الإدارات منذ ما يقرب من ١٠ سنوات، فإن الإدارات القانونية لجأت إلى هذا الحل بشكل مؤقت. http://www.almasryalyoum.com/multimedia/video