halaelshourbagy
19-06-2011, 02:41 PM
حرام عليكم بجد
الناس اللي بتقول ان الامتحان صعب انا شايفة ان الامتحان هاااااااااااااااااااااااااااايف جدا بالنسبة لبتاع السنة اللي فاتت هوا احنا مش بيعجبنا حاجة خالص؟؟؟؟؟؟؟
وبعدين بالنسبة للكلمات الخارجية فهيا اساسا مش الاجابة الصحيحة وبعدين ده اسمو امتحان ثانوية عامة ليه؟
بجد الامتحان هايف جدا
marwa.m
19-06-2011, 02:43 PM
اعملى حساب غيرك ياحبيبتى انتى شايفه انه سهل خلاص مبروك عليكى
بس اعملى حساب اخواتك وصحابك الى ذكروا ليل نهار والاخر يلاقوا امتحان من برا المنهج
تفرق لما نقول امتحان صعب او سهل
وتفرق لما نقول انه من برا المنهج
ياريت نحس بغيرنا شويه
neighbour2moon
19-06-2011, 02:46 PM
كلام مروه سليم ، محدش قال الإمتحان صعب .. الإمتحان فيه حاجات من بره المنهج
وعموماً ربنا يوفقنا جميعاً ..
Hemo0o
19-06-2011, 02:49 PM
يا اختى الفاضله احنا حالا بنحل على اللى خدناه وقالولنا ادرسووه يجبلنا اسئلة غير كده ليه
moustafa1993
19-06-2011, 02:51 PM
الامتحان عادى و الحاجات الى برا المنهج عليها بالكثير درجة و نص يعنى مش هى دى الى هتفرق فى الكون أهم حاجة الى ذاكر رينا حيوفقوا و يجاوبهم صح
abanoubemad
19-06-2011, 02:51 PM
يا عم انت متفوق شوية احنا عيال خايبة استحملنا.
Signore.Ahmed
19-06-2011, 03:00 PM
اعملى حساب غيرك ياحبيبتى انتى شايفه انه سهل خلاص مبروك عليكى
بس اعملى حساب اخواتك وصحابك الى ذكروا ليل نهار والاخر يلاقوا امتحان من برا المنهج
تفرق لما نقول امتحان صعب او سهل
وتفرق لما نقول انه من برا المنهج
ياريت نحس بغيرنا شويه
يا أ/مروة ... حضرتك فى جامعة وعارفة يعنى أيه امتحان لغة !! هو مش لازم يجيبلهم كلمات جديدة ؟؟!! ولا أنا غلطان !
هل هو فى الامتحان جابلهم قواعد جرامر جديدة ؟؟؟ لو كلمات بس يبقى أعذرينى ده تهريج ! محنا كان بيجيلنا كذا كلمة جديدة ومكناش بنعمل فرح ولا حاجة !
marwa.m
19-06-2011, 03:06 PM
انا عارفه ان الانجليزى ماده تراكميه
بس التراكم يكون من الى خدووه فى السنين
الى فاتم
مش من الى لسه هايخدوه فى تالته
يعنى هما يعملوا ايه يضربوا الودع تطلع اجابه
احنا كان بيجى امتحانات صعبه وزى الزفت اه
بس من برا المنهج مشفتش
وسخيف جدا كمان برجراف عن الفيس بوك
يعنى الى معندوش نت فى بيتهم او معندوش فيس بووك يعمل ايه
Signore.Ahmed
19-06-2011, 03:22 PM
انا عارفه ان الانجليزى ماده تراكميه
بس التراكم يكون من الى خدووه فى السنين
الى فاتم
مش من الى لسه هايخدوه فى تالته
يعنى هما يعملوا ايه يضربوا الودع تطلع اجابه
احنا كان بيجى امتحانات صعبه وزى الزفت اه
بس من برا المنهج مشفتش
وسخيف جدا كمان برجراف عن الفيس بوك
يعنى الى معندوش نت فى بيتهم او معندوش فيس بووك يعمل ايه
أكيد أنا فاهم رأى حضرتك ومعك حق فى نقطة أن التراكمى من اللى فات مش من اللى مخدهوش ! بس بردو لازم تيجى نقط جديدة والا ميكونش أمتحان لغة ! أنا فعلا بيصعب عليا الطلاب وخصوصا الشاطرين اللى عايزين يقفلوا المادة بس ده امتحان لغة يعنى توقع أى حاجة .
بالنسبة للبراجراف : مظنش مفيش حد _ وخصوصا من جيل الشباب فى الثانوية العامة _ مسمعش عن الفيس بوك ! مش شرط يكون عنده حساب عليه بس المصطلح بتاع " ثورة الفيس بوك " بقى منتشر !! والشباب هيقولوا أى كلام لذيذ عن الحرية و حرية التعبير على النت وكام جملة كده وشكرا .. مش لازم يتعمقوا فى الفيس !
ربنا يكرمهم بدرجات حلوة ، بس بجد كل نقط الاختيارى الصعبة مش مكلملة حتى درجة واحدة !! يعنى لو حد شاطر هيجيب 24 من 25 ويحتسب الدرجة ديه عند ربنا ، أكيد هيعوضهاله فى أى مادة تانى :)
تحياتى .