انا مستغرب من اللى بيقول ان الامتحان صعب واللى بيقول صدمة لطلاب تانية ثانوى، انا شايف ان امتحان تانية ثانوى النهاردة من النادر انه يتكرر بنفس السهولة دى تانى وانا شخصيا مكنتش اتوقع ولا احلم انه يكون بالسهولة دى لان امتحانات تانية دايما معروف عنها انها بتيجى صعبة وتحرم الطالب من الدرجات العالية واللى مش مصدق يراجع امتحانات السنين اللى فاتت باستثناء مرة واحدة من كام سنة جه امتحان تانية سهل وغير كده كلها كانت امتحانات صعبة. ولو حسبنا درجات الاسئلة اللى المستشارة اتفزلكت فيها او كانت من منهج تالتة القديم هنلاقيها كلام فاضى المهم انه اغلب الطلاب هيجيبوا درجات عالية فى الامتحان وكتير ان شاء الله هيجيب النهائية. لكن السنين اللى فاتت كان قليل جدا اللى بيجيب الدرجة النهائية فى تانية واغلب الطلاب كانت درجاتهم منخفضة. وكمان اغلب الامتحان موجود فى الورك بوك والجمل بنفس النص ودى حاجة مش بتحصل كتير وكنا دايما نتهم الامتحان انه مش بيجى من كتاب المدرسة. اعتقد ان الطلبة النهاردة امهاتهم داعيالهم والمفروض عليهم يشكروا ربنا على الامتحان ده واحنا كمان بلاش نهول الموضوع واللى مش عارف ياريت بلاش يفتى بدون علم.

خالد عثمان - بنى مزار - المنيا

سهل ازاى وكل واحد خارج با اربع خمس غلطات

ازاى هيجيب درجة نهائية وهو فى 3 جمل غلط ارحونا بقى

شكلك بتاع نجاح بس

أساسا المنهج اتغير السنة اللي فاتت كفاية نوم بقه

حرام عليك يا راجل يا ظالم دا امتحان سهل دانتا فعلا بتاع نجاح
انتا اذا كنت طالب ولا مدرس فانتا متستحقش اصلا تكون فى ثانوية عامة لانك مش فاهم

وبمقارنة الامتحان بسوابقه فحضرتك بتفهم وتقدر تميز كويس بين الصعب والسهل والا غير ذلك
انا اسف لانى منفعل

بامانة انت مش فاهم حاجة ولا عارف حاجة امتحان ايةاللي سهل احنا كنا عاوزين امتحان مستواة متوسط في المجمل و فية بعض الحاجات للطالب الممتاز دة امتحان من منهج 3ث القديم يعني حاجات مش علينا اصلا في المنهج هو احنا هننجم و نخترع في اللغة
و بعدين كلة كوم و الquatation كوم تاني دي حاجة مش طبيعية محدش قالها لحد
و بعد كل دة جاي تتكلم يا راجل روح اقعد بعيد

اصلا المناهج اتغيرت من السنة اللى فاتت وكل امتحانات قبل كدة ملهاش علاقة بينا
انا خارجة من الامتحان المتخلف دة بـ 7 غلطات دة طبعا غير اللى هنقصه فى البراجراف والترجمة
وعندى سؤالين فى القصة غلط بتاع الكوتيشن وبتاع المدينة انا مش عارفة هما عايزين مننا ايه؟
حسبى الله ونعم الوكيل

امتحان متووووووووووووووووووووسط جدااااااااااا امال كنتوا بتعملوا اية في الدروس الخصوصية لازم من الاطلاع علي كل شئ
اما الامتحااان عادي وخيرها في غيرها

ربنا يستر هو ايه الاستهبال ده حلوة دي ال سهل ااااااال


الدنيا كلها بتقول صعب ورخم واكبر دليل انه خارج عن المنهج وانتو حضراتكو بتتفلسفو وتقولو سهل

ليه خير ؟؟

مش معقول للدرجة دي احنا متخلفين لا مؤاخذة مش بنفهم وحضرتك الي بتفهم الراي راي الاغلبية

ده الامتحان فيه غموض كتير واسئلة بره المنج وتقولي سهل

ربنا يرحمني برحمته الواسعة بس



الي شايفه سهل ميدخلش يتكلم ربنا يوفقه ويجيب ال full mark


لان احنا اعصابنا بايظة خلقة ومن غير حاجه مش ناقصين بقى قرف

ده ردى على كلامك
خالف تعـرف مش ناقصه


صدمه جديده لطلبه المرحله الأولى فى اللغه الإنجليزيه
ذهول و حيره و إستغراب


http://youm7.com/images/graphics/thanawaya1962011.jpg


إضغط هنا و أتفرج على صور ضحايا الثانويه العامه (http://www.facebook.com/home.php?sk=group_182878315079151&ref=notif&notif_t=group_r2j#%21/faris.ashraf)

انت عبيط يلا ولا ايه بظبط اظاهر انك كنت بتمتحن امتحان غير بتاعنا

طيب أنت فى تالته إعدادى أيش عرفك سهل و ألا صعب
بعدين أيه اللى دخل الدروس الخصوصيه فى الموضوع
مش ناقصه يا شاطر

هل طلاب مصر كلهم يتدلعون
اطيب يالى بتقول سهل
انت فى سنة كام

الامتحان فعلا ليس صعب إنه تافه جدا
ولكننا نتحدث عن أخطاء فنية من واضع الإمتحان
كما أنها أخطاء متعددة وخطيرة وليس خطأ واحد
ثلاث جمل من منهج الصف الثالث القديم (لايتم تدريسه الآن)
ثلاث جمل من وحدات محذوفة
خطأ فى وضع سؤال الأقتباس
تلك الأخطاء مجتمعه تفقد أى طالب ثلاث درجات ونصف (كفيلة بتحطيم مستقبل الطالب وتغيير أحلامه فى المنافسة على كليات القمة)

وباقى الإمتحان تافة ولا يقيس أى قدرات لدى الطالب

كلامك صح يا مستر ويا ريت تتعاطفوا معانا في التصحيح وتعدوا الأخطاء دي

بقولك انت شكلك مش فاهم حاجه خالص
هما اللى مابيفهموش كده لانهم مش عارفين اذا كان كده صح ولاا غلط

السلام عليكم ...............
بصراحة الأمتحان أتفه من التفاهة واحمدوا ربنا لأنكم لو كنتم قابلتوا إمتحان زى السنة اللى فاتت كنتم بجد هتعيطوا :slap1qk6: .......... ع العموم الوزارة السنة دى بتستهبل إمتحانات كلها غلطات وتافهة مش ع المستوى خااااالص وبتساوى بين اللى ذاكر واللى ماذاكرش فى السنة السودة دى ............ يالا ربنا يوفق الجميع .

هو حضرتك عايز تعمل شاطر علينا وباقى الجمهورية مش عارفين يحلو ولا ايه

الامتحان فى اسئلة مش علينا اصلا

دة بقي الاسطورة اللي في الاختيارات الغلط .........

السلام عليكم ...............
بصراحة الأمتحان أتفه من التفاهة واحمدوا ربنا لأنكم لو كنتم قابلتوا إمتحان زى السنة اللى فاتت كنتم بجد هتعيطوا :slap1qk6: .......... ع العموم الوزارة السنة دى بتستهبل إمتحانات كلها غلطات وتافهة مش ع المستوى خااااالص وبتساوى بين اللى ذاكر واللى ماذاكرش فى السنة السودة دى ............ يالا ربنا يوفق الجميع .

والله لو شاف امتحان السنة اللى فاتت ليعيطوا

الامتحان فعلا ليس صعب إنه تافه جدا
ولكننا نتحدث عن أخطاء فنية من واضع الإمتحان
كما أنها أخطاء متعددة وخطيرة وليس خطأ واحد
ثلاث جمل من منهج الصف الثالث القديم (لايتم تدريسه الآن)
ثلاث جمل من وحدات محذوفة
خطأ فى وضع سؤال الأقتباس
تلك الأخطاء مجتمعه تفقد أى طالب ثلاث درجات ونصف (كفيلة بتحطيم مستقبل الطالب وتغيير أحلامه فى المنافسة على كليات القمة)

وباقى الإمتحان تافة ولا يقيس أى قدرات لدى الطالب

ده كلام مدرس أهو

وبعدين الامتحان صعب على الكل ..

ايه يا جماعة الامتحان فعلا كان سهل جداا انتوا عايزين اي حد يجيب الدرجة النهائية
وبعدين الطلبة جايين بعد الامتحان يقولوا الترجمة صعبة والقصة اول مرة يشوفو الاسئلة دي
واسئلة اختر كانت من المنهج لا صعبة ولا حاجة

iهو لازم نجيب الدرجه النهائيه يعنى كلنا مولودين فى امريكا
تفاوت الدرجات مطلوب هو اللى رجعنا ورا الا الدرجات النهائيه
انا عايز اعرف لما معظم الطلبه يجيبوا الدرجه النهائيه فى الماده
يبقى على كده الغرض من الامتحان لم يتحقق
احنا تعودان على الكل ينجح باقل مجهود ومعظمنا يجيب الدرجه النهائيه
عايز اعرف فيها ايه الناس تنقص درجه ولا اتنين طالما دا على كل الطلبه

هو كل شخص مش حاسس بيتكلم

تعب سنة وتامل فى النتيجة وسهر ورايحين جايين وفلوس ودروس خصوصيه وحمل هم وعدم متعه تمام ومرشوق فى البيت 24 وفى الاخر

على كده حرام والله بجد انا كنت بقول الانجلش ده هقفله هقفله كل اللى اقدر اقوله ان الكلام ممنوش فايده وان اللى انكتب انكتب وفى

الاخر حسبى الله ونعم الوكيل والحمد لله على كل شئ بقى وكل اللى يجيبه ربنا كويس ويا رب المصححين يرفقوا بينا

يجب تعديل سؤال ال quatation B رقم 1 لأنه ليس ليس quatationهذا حرام يا سيادة الوزير

شكرا لكل اللى رد على الموضوع سواء بأدب أو بغيره وانا مش هازعل من الناس اللى قالت كلام مش كويس وهاقدر ان ده توتر طبيعى بعد الامتحان اذا كانوا طلبة، بس العيب انهم يكونوا مدرسين وفاهمين ويدعوا ان الامتحان صعب جدا بشكل مبالغ فيه، افتكر ان العيب هيكون فيهم لانهم قصروا فى شغلهم وفى النهاية كلها وجهات نظر بس الفيصل فى الموضوع ده هو النتيجة ونسبة الدرجات اللى هيجيبها الطلبة وعدد اللى هيجيبوا النهائية. وبالنسبة للى بيقول انى بدور على درجة النجاح يبقى مقراش ومفهمش اللى انا كنت كاتبه كويس وانصحه يقراه مرة تانية ويفهمه كويس وبعد كده يرد، وفى النهاية ليا رجاء ان كل واحد يعبر عن رأيه زى مايحب بس من غير مايشتم ولا يجرح فى الرأى الآخر، وشكرا


خالد عثمان - بنى مزار - المنيا

الامتحان بجد تافه وانا الحمد لله الاسئله اللى بتقولو عليها صعبه لو واحد حافظ شويه كلمات وفاهم هيحل بسهوله بجد الامتحان المتوسط فى الانجليزى يقفله انا مش عارف احنا عايزين ايه منهج تالته اعدادى

خلاص يا جماعة قدر الله وماشاء فعل . انا والله حليت الاسئلة بتاعة 3 ثانوى دى صح لانها عاوزة تفكير بسيط يس

المهم دلوقتى الكوتيشن هيتعمل فيه ايه ؟

لان دة اللى قالقنى بجد

على فكرة يا جماعة الامتحان مش كويس شوية بصراحة انا فى 3 ثانوي 80% من الامتحان تمام و الجمل الى فى الاختيارى مش ليها علاقة بالمنهج بس هى تتجاوب لو الواحد فكر فيها شوية بس طبعا جوة الامتحان بيكون فى توتر و كدة و الكوتيشن عجيب بصراحة ،، ربنا يوفقكم فى الجبر و يوفقنا فى الميكانيكا
ركزوا فى الى جاى و خلاص و ربنا مش بيضيع مجهود واحد ذاكر ابدا

الامتحان بجد تافه وانا الحمد لله الاسئله اللى بتقولو عليها صعبه لو واحد حافظ شويه كلمات وفاهم هيحل بسهوله بجد الامتحان المتوسط فى الانجليزى يقفله انا مش عارف احنا عايزين ايه منهج تالته اعدادى


والله انت بتكلم صح .......ربنا يوفقك

هو فرح كل الى له فيه والى ملهوش بيخش يتكلم مين الاخوه الى بيقولوا ان الامتحان سهل وتافه ده لو كان لك كنت عملت اكتر من الى بيحصل وبعدين انت شكلك لسه مكبرتش ع الحاجات دى صح؟ ياحبيبى انت وهو روحوا العبوا فى حوض النعناع

بخلاف الجمل الملغية
وبخلاف الاقتباس
انا بقول الامتحان مش صعب
انا حليت الجمل الملغية صح الحمد لله لانى عندى كلمات فى اللغة حلوة
لكن مش كل الناس عندها الكلمات الحلوة
دة غير ان ال 3 دول عليهم درجة الا ربع
بس غير الحاجات دى انا مش شايف ان الامتحان صعب يعنى
قطعة سهلة السنة اللى فاتت قطعة عن الايماءات محدش فهم منها حاجة

اى امتحان صعب المذاكرة والاجتهاد بينهوا ده
طب نعمل فى امتحان ملئ بالاخطاء نصححوا فى اللجنة ونحلوا
بالنيابة عن كل طلبة المرحلة الاولى
حسبنا الله ونعم الوكيل