أنا بس حبيت اقول ايه هى مشكلتكم مع الغش انتوا راضييين اصلا عن مستواكم التعليمى و على المناهج اللى انتوا بتدرسوها احنا بلد هنفضل متاخره بسبب المناهج التعليميه الرجعية دى

فيها ايه لو نبقى زى البلاد الاوربيه تعتمد المناهجعلى مواضيع حديث و تفيد الطالب فى المستقبل و تعتمد فى الاساس على البحث و استخدام تكنولوجيا العصر الانترنت يعنى
يبقى منلومش اللى بيغش لان دى مناهج غبية سورى على اللفظ و مناهج رجعية جدا و تعتمد على الصم للمعلومات و الحفظ دون اعمال العقل و اظن ان الطلبه اللى بيدرسوا مادة علم النفس و الاجتماع عارفين كده كويس و بيدرسوا الكلام دا و المفروض طالما قومنا بالثوره دىعلشان نغير كل حاجه فى حياتنا من الاسوء الى الاحسن نبقى لازم نهتم بالتعليم و ترفع الوزاره من ميزانيه التعليم و نقوم بربط المواد مع بعضها بطريقه الفهم و شكرا........

يا ريت اداره المنتدى متحذفش الموضوع دا لانه برغم من انه صغير و تافه الا انه بيتشعب منه عده مواضيع هامه مثل : التعليم فى مصر و كيفيه علاجه و الإرتقاء به و ازاى نمنع الغش بطرق صحيحه مش بالشرطه الكلام ده ازاى نمنعه اننا نبتدى من البدايه اللى هى المستوى التليمى القائم على المناهج الدراسية

يا ريت اى حد من الاخوه الاعضاء يدخل يشارك معايا و دى يعنى اول مشاركه ليا يعنى عايزنها تبقى مشاركه فعالة

مشكلتي أني ذاكرت وأتعبت وفي الآخر خد مجهودي ناس ما فتحوش الكتب
والغاية لا تبرر الوسيلة
وتصحيح الخطأ لا يكون بخطأ أكبر منه
ثم أن الغش حرام حرام حرام

يا ريت تشيلوا الموضوع علشان مفيش حد معبرنى

شكرا على مشاركتك معايا

يا ريت تشيلوا الموضوع علشان مفيش حد معبرنى

أمال أنا بعمل أيه ولا نا مش عجباك ;)
صبرا بس لحد ما الناس تشوف الموضوع

انتى منوره الدنيا و على راسى من فوق

اصلى مختش بالى اصلى لسه جديدفى موضوع كتابه المواضيع

انا اسف ويا ريت تقبلى اعتذارى اصلى لسه جديد و مليش اوى فى كتابه المواضيع ارجو ان تقبلى اعتذارى مره تانية

انتى منوره الدنيا و على راسى من فوق

اصلى مختش بالى اصلى لسه جديدفى موضوع كتابه المواضيع

لا ولا يهمك ده نورك
أصبر بس لحد بكره وهتلاقي الموضوع ولع إن شاء الله :022yb4:

لا عليك أخي الكريم

عذرا هذا الأمر تمنعه ادارة المنتدى
راجع القوانين من فضلك

منا لسه جديد بقولك

لا بـــــــــــــــــــــــــأس

يا استاذ محمودعندك حق المفروض التعليم ما يبقاش كده بس انت قلت ماده وسبت مادتين الفزياء ورياضه2 كلهم فهم وبعدين انت عايز تساوى واحد قعد يومين من غير نوم بواحد نايم طول السنه ويروح تعبه هباء منثور مش معاك خالص كفايه ان الامتحانات سهله

يا ريت يا اختى المياه تعطينى اميلك على الياهو او الفيس بوك لنتواصل لانى زى مقلتلك مش اوى فى حكايه المواضيع و لو مش موافقه اوك على العموم انا اسمى مصطفى محمد و مش زى المكتوب محمود السعودى و مثلك طالب ادبى فى 3 ثانوى

السلام عليكم ورحمة الله وبركاته

هوا حضرتك جاي تاخد ايميل الطالبات ولا جاي عارض فكرة ؟

يعني علي اساس لما تاخد ايميلها هتديك كورسات في الانترنت وكتابة المواضيع؟


ارجوا من الجميع قبول اعتذاري ولكني لا احب ان اري خطأ مثل هذا







************************************************** *****


وبالنسبة لوضوعك انا متفق معاك في حاجات لان كده كده لو واحد غش وجاب مائة بالمائة مش هيفرق معاه في هندسة بينه وبين واحد ما غشش لأن المنهج مختلف تماما

فنحن في الفيزياء مثلا نأخذ قشور النظريات وليس بالتفصيل

فالطالب المجتهد في الثانوية ولكنه لديه معلومات خارجية هو اللي هينفع في الهندسة

ولكن الطالب المجتهد في الثانوية وميعرفش غير الحفظ فهوا والطالب اللي بيغش واحد لا يختلفان

*******************************
بس اختلف معك في حاجة وهيا ان بلد ذي مصر حاليا لا يمكن تطبيق المناهج الاوروبية حاليا

لان اغلب الطلبة عايزين يخشوا كليات القمة وعلي رأسها {طب وهندسة} علي الرغم انك هتلاقي تلات ارباعهم ميعرفوش حاجة في الرياضة ولا الفيزياء او الاحياء{ولكنهم عايزين كليات القمة علشان الفلوس والمنصب}
*****
فيجب قبل تغيير المناهج تغيير العقليات من سن الطفولة وجعلهم يعرفوا انه يجب ان يكون هناك تنوع في الوظائف {فكما المهندسين مطلوبين فالسباكين مطلوبين ايضا }: مزحة طبعا للتوضيح p:p:p:p



تقبل مروري

التعليم المصرى فاشل جدا ودة شئ واضح وطبعا زى مقال (khalid) ان لازم الاول العقليات هى اللى تتغير وبالنسبة للغش فأنا حزينة جدا جدا لان انا والله والله ف امتحان التفاضل كنت شايفة البنات مطلعين ورق وبيغشوا وطبعا كدة اتساوو مع اللى ذاكر ويمكن كمان احسن

مين اللي قال إن مناهجنا وحشة ؟ لو قارنت منهج الفيزياء اللي إحنا بناخد بمنهج الثانوية الإنجليزية هتلاقي إن المنهج بتاعنا وصل لدرجة al و دي درجة عالية، المشكلة مش في المنهج المشكلة في طريقة تدريس، هما بيعرفوا يستخدموه في الحياه العملية، إحنا بيننا و بينهم حاجة بسيطة جدا إن الكلام اللي أنت حافظه تعرف تطبقه على الحياه، نفس الكلام بالنسبة للرياضة، برضو في حاجات كتير مترابطة في المناهج و يوصل لدرجة al
أنا معاك بقى في إن العربي مثلا مفيهوش غير النحو و الباقي شغل بهايم - أستغفر الله العظيم - إحفظ و أنت مش فاهم حاجة !
أما بقى عن موضوع الغش فدا أصلا مرفوض، ماتتحايلش على ربنا - أستغفر الله العظيم - لو في غلط و أنت فعلا عايز تعمل حاجة أحسن، روح اشتكي بس ما تغشش و تقول يا رب الظروف !

حضرتك يا استاذ khaled222 انا نيتى انى اعرف ازاى اكتب المواضيع و دا عادى لما تنقدنى انا بس حبييت اقول اننا لازم نرتقى شويه بالتعليم فى مصر
و ان زى لما حضراتكو قولتوا يبقى دراستى للمناهج تفيدنى فى الحياه العمليه و فى المستقبل

الرد عليك بسيط جدا جدا جدا

"من غشنا فليس منا "

مشكلتي أني ذاكرت وأتعبت وفي الآخر خد مجهودي ناس ما فتحوش الكتب
والغاية لا تبرر الوسيلة
وتصحيح الخطأ لا يكون بخطأ أكبر منه
ثم أن الغش حرام حرام حرام

أشكرك بصراحة علي ردك ده ... فعلا جملتين جايبين المفيد من الآخر

تفتكر يا درش لو إنت قاعد في بيتكم في أمان الله ودخل عليكم حرامي ... سرق الفلوس اللي إنتوا فضلتوا تحوشوها طول السنة ... وبعدين لما إتقبض عليه قال: البلد كلها فاسدة، وأنا أصلا مش راضي عن مستوي المعيشة اللي إحنا عايشينها، والنظام في اليلد كله بايظ، ومحدش يلومني بقي لما أسرق، ولما النظام في البلد يتصلح إبقوا لوموني لو سرقت

تفتكر هل كلامه منطقي ؟؟ هل ده يعطيه المبرر الكافي لأنه يسرق ؟؟
طب لو البلد كلها فاسدة هل هو كمان المفروض يبقي فاسد ويقول "مجتش عليا" ؟؟
عارف أول حاجة هتقولهاله إيه ؟؟ هتقوله "هو إحنا اللي ظلمناك ؟؟ إحنا ذنبنا إيه ؟؟ ماحنا مظلومين في البلد دي إحنا كمان".

نفس الوضع بالنسبة للغش يا درش ... إحنا بنذاكر طول السنة وطالع عينينا ... والناس اللي بتغش بتسرق مجهودنا اللي حوشناه طول السنة ... وهم شايفين إن نظام التعليم فاشل - ودي حقيقة - ... بس هل ده يعطيهم المبرر إنهم يسرقوا تعبنا ؟؟
وهسألك نفس الأسئلة ... إحنا ذنبنا إيه ؟؟ هل إحنا اللي ظلمناك ؟؟ ماحنا مظلومين في النظام ده إحنا كمان.

وزي ما أختك قالتلك : تصحيح الخطأ لا يكون بخطأ أكبر منه ...

طبعا انا بوجهلك الكلام اللي بيخاطب العقل ... إنما لو هنتكلم من ناحية الدين فالأمر محسوم ولا نقاش أو جدال فيه ... من غشنا فليس منا

الاصدقاء الاعزاء فعلا مناهجنا محتاجة نظرة كبيرة من السادة المسئولين

من غشنا فليس منا
منهج صالح لكل زمان ومكان و في كل الظروف
وحرام مجهودنا طول السنين دي يضيع في لحظة

ولو التعليم فاشل يبقى مش فارق تدخل طب أو حتى أي كلية

ولو التعليم فاشل ___ شوية المعلومات الفاشلة و الهايفة دي مش قادر تدرسهم في سنة كاملة

أرجو تقبل وجهة نظري

http://i54.tinypic.com/992nw2.jpg (http://www.facebook.com/Againstcheating)

شكرا للاخ sanawyastudents لرده و تعقيبه على كلامى انا مش قصدى اقول ان الغش صح انما قصدى اننا لو حتى ابتدينا منالبدايه زى المدارس ازاى نرجع الطلبه تانى ليها و ازاى نقدر نقضى على الدروس الخصوصيه لان دى برده مشكله فى حد ذاتها لان فى طلبه متقدرش انها تدفع 5000و اكتر فى مرحله واحده بس و هديكو مثال على المنهج الثانوى مثلا ماده التاريخ انا بدرسها و كلها حفظ بس انا علشان مبعرفش احفظ ذاكرتها فهم فى غيرى ميعرفش يذاكرها يكون محول من علمى لادبى فميعرفش يذاكرها و لو ابتدا يفهمها يبقى ناقص شهرين على الامتحان انا عايز برده اديكو سؤال فى النقطه دى انا هستفيد ايه من ماده التاريخ الحاله الوحيده الى هستفيد منها من التاريخ انى اطلع استاذ تاريخ او فى ما شابه ذلك

برده فى حاجه تانيه ان طرق القاء الدروس من جانب الاساتذه فى المدرسه او المراكز و الدروس الخصوصيه تعتمد بشكل قاطع على الحفظ و متطلبات الامتحان فلازم وزاره التربيه و التعليم قبل متبنى مدارس جديده و قبل متعدل فى المناهج اللى نفس الناس هما الى بيحطوها كل سنه يهتموا بالمدرس فى كيفيه القاء الدروس بطريقه تعتمد على الفهم و الحفظ معا و لا يطغى احدهما على الاخر

فى الاخر اسيب التعليقات لحضراتكم و شكرا ليكم

أشكرك بصراحة علي ردك ده ... فعلا جملتين جايبين المفيد من الآخر

تفتكر يا درش لو إنت قاعد في بيتكم في أمان الله ودخل عليكم حرامي ... سرق الفلوس اللي إنتوا فضلتوا تحوشوها طول السنة ... وبعدين لما إتقبض عليه قال: البلد كلها فاسدة، وأنا أصلا مش راضي عن مستوي المعيشة اللي إحنا عايشينها، والنظام في اليلد كله بايظ، ومحدش يلومني بقي لما أسرق، ولما النظام في البلد يتصلح إبقوا لوموني لو سرقت

تفتكر هل كلامه منطقي ؟؟ هل ده يعطيه المبرر الكافي لأنه يسرق ؟؟
طب لو البلد كلها فاسدة هل هو كمان المفروض يبقي فاسد ويقول "مجتش عليا" ؟؟
عارف أول حاجة هتقولهاله إيه ؟؟ هتقوله "هو إحنا اللي ظلمناك ؟؟ إحنا ذنبنا إيه ؟؟ ماحنا مظلومين في البلد دي إحنا كمان".

نفس الوضع بالنسبة للغش يا درش ... إحنا بنذاكر طول السنة وطالع عينينا ... والناس اللي بتغش بتسرق مجهودنا اللي حوشناه طول السنة ... وهم شايفين إن نظام التعليم فاشل - ودي حقيقة - ... بس هل ده يعطيهم المبرر إنهم يسرقوا تعبنا ؟؟
وهسألك نفس الأسئلة ... إحنا ذنبنا إيه ؟؟ هل إحنا اللي ظلمناك ؟؟ ماحنا مظلومين في النظام ده إحنا كمان.

وزي ما أختك قالتلك : تصحيح الخطأ لا يكون بخطأ أكبر منه ...

طبعا انا بوجهلك الكلام اللي بيخاطب العقل ... إنما لو هنتكلم من ناحية الدين فالأمر محسوم ولا نقاش أو جدال فيه ... من غشنا فليس منا

ردك بجد جميل جداً ومقنع جدا جدا