الاساتذة المحترمين القائمين على نقابة بندر كفر الدوار جالهم هاتفهم دعاهم قالهم اصرفوا لكل معلم بيروح ملاحظة ثانوية عامة مبلغ خمسين جنيه عشان حتى يحن قلبهم و بالمرة يعرفوا سكة نقابة المعلمين فين !!!!!!! بس يا ريت حد من الاخوة المسؤلين عن النقابة يقولنا من اعطاك الحق فى توزيع اموال النقابة كرشوة انتخابية و اذا كانت حق للى بياخدوها طيب و فين بقية المعلمين ثم ان حقوق المعلمين المهدرة فى النقابة فى كفر الدوار اكتر من كدة بكتير اوى ؟ و بعدين هى الناس دى بتتعامل لسة بنفس الفكر العقيم بتاع العصر البائد اللى مشى و سابهم لنا . لأ المدرسين مش شحاتين عشان يستنوا احسان من فلول النظام البائد و لا هم اغبياء عشان تخيل عليهم الاعيبكم لانها كلها معروفة . و كمان معدناش بنخاف من التهديد و الوعيد اللى وصل ان بعض مديرى المدارس بيقولوا للمعلمين ان دفاتر الحضور و الانصراف حتروح النقابة يوم الانتخابات و اللى مش حيروح حيتشطب عليه و ياخد جزا . لا كلامكم و تهديدكم مش حينفع لاننا مش سذج و عارفين واجباتنا و حقوقنا كويس اوى .

انا سمعت الكلام دة وتعجبت منه --- الناس دى شغاله فى عزبة ---

وخد عندك دى كمان ( المدرسين اللى مأجرين عربيات للذهاب الى اللجنة النقابة بتدفع لهم نصف الأجرة بشرط اعداد كشوف باسماء هؤلاء المعلمين وطبعا لازم يروحوا الانتخابات ويعطوا صوتهم للى بالى بالك )

مش قلتلكم دى عزبة ابوهم

الواضح ان الثورة موصلتش لهم لسه

ياناس بطلوا خيابة بقةاحنا بعد الثورة

ده ولا انتخابات مجلس الشعب

لاحول ولاقوة إلا بالله

لاا لاه الا الله

بس كدة هم بأكدوا فسادهم

خدوا ألفلوس وانتخبوا الى انت عايزة عملا بمبدأ .. اسرق الندل وطيعة
الناس دى محدش بيسألهم الفلوس فين دى عزبة وصاحبها غايب .... الصناديق الخاصة دى وزارة المالية مش راضية نجيب سيرتها خالص
حلال عليكم الخمسين جنية ... طب نقابة مصر فين ؟

خدوا ألفلوس وانتخبوا الى انت عايزة عملا بمبدأ .. اسرق الندل وطيعة
الناس دى محدش بيسألهم الفلوس فين دى عزبة وصاحبها غايب .... الصناديق الخاصة دى وزارة المالية مش راضية نجيب سيرتها خالص
حلال عليكم الخمسين جنية ... طب نقابة مصر فين ؟
صح الكلام خد الفلوس وانتخب اللى انت عايزة والمدير اللى يقول دفتر الحضور والانصراف فى النقابة يأخذ بالجزمة ،انتهى زمن الكلام ده