حـــــــلـــــــم .. قصير .. وواقـــــع كبير .. [الأرشيف]

مشاهدة النسخة كاملة : حـــــــلـــــــم .. قصير .. وواقـــــع كبير ..

usernamo

20-06-2011, 04:33 PM

بسم الله الرحمن الرحيم

كنت متعب كثيراً .. فاليوم عمل و غداً يوم عمل اخر و جديد فلابد من اخذ قسطاً من الراحة .. و فجأة انا فى عالم اخر .. عالم ملئ بالسيارات .. كبير فى شارع متسع و هناك بنت .. نعم انها بنت .. و كانت سيارة فى طريقها لتصدمها .. لكن توقف الوقت .. و الغريب انها لم تصرخ .. لكن بعد توقف الوقت و توقف سرعه السيارة و هرولة الناس كل منهم يحاول ان يمسكها قبل الاصطدام .. و بينما ادقق عينى .. ما هذا .. انها هى .. كيف هذا . الم تمت ؟؟ .. ! و فى دهشة وجدتها تضع يدها الملائكية ع ذقنى لتلفت انتباهى .. (( انها انا .. الا تذكرنى ؟؟ .. فقدتنى فى هذا المكان .. و دمعت عيناك بنقط ساخنة احسست بها قبل موتى .. )) و لم تكمل و اخذت انا الحديث و قلت نعم انك مروة .. انك هى .. يااااه يا حبيبتاه .. لقد كنت انتظرك .. لقد احسست بوحشتك .. (( قاطعتنى هنا )) ماذا قلت ؟؟ .. اوحشتك ؟ .. بل تزوجت و عندك اطفال و نسيت ما بيننا من ايام .. قلت لها .. لا لا .. انتى لا تفهمين .. فماذا كنت افعل .. ؟؟! قالت .. لا شئ .. لكن لا تظن انى جئت من اجلك انت .. بل جئت من اجل دموعك .. التى مازلت تبلل الارض .. فقلت لها انتظرى انا احبك .. قالت لى اعلم .. لكن عليك بزوجتك و اطفالك .. فهما زينتك الان .. اما انا فلى زينة اخرى .. استودعك الان .. قلت لها انتظرى انا اريدك .. و لكن لم تسمعنى .. و فجأة اسرع الوقت ووجدتها ترجع مجدداً امام السيارة .. فأسرعت لامسكها بها .. لكن للاسف .. فالقدر كان اسرع .. لكن الغريب انها غمزة لى غمزة غريبة قبل الحادثة .. و نزلت بعدها دموعى دمعة تلو الاخرى فى بطء دراماتيكى .. و لكن السواد اتى مرة اخرى و رأيتنى اهتز بطريقة عشاوئية و يهزنى شخص ضعيف .. فإذ به ابنى .. يقول لى يا ابى اصحى فلقد جاوزت العصر .. و كنت تبكى طوال الوقت .. فقلت له . يا ابنى .. لقد كانت مقابلة مع مخلوق عزيز ... و انا اقوم .. رأيت اخر دمعة لى تنزل و تتخذ شكل اسمها .. " مروة "

نعم انه حلم يعبر عن واقعى .. حلم يثبت لى انى اخطأت لكنك اخى القارئ اغفلت شئ مهم .. ان واقعنا دائماً لا يعبر عن احلامنا .. فهنا عقلى الباطن يؤنبنى على نسيانى ماضيى ..

فبالفعل .. حلم قصير قد .. يغنى عن سنوات واقع ..

(( ايه الموضوع الخنيق ده ؟! .. بس انا تعبت فى كتابته فهنزله و خلاص .. بس انا مش مقتنع بيه بصراحة ! ))

UseRnaMo
ThnAnwyA

المياة

20-06-2011, 04:40 PM

أنت خلتني أعيط الله يسامحك

"(شروق) "sh*m

20-06-2011, 05:05 PM

اممممممممم:bosyht9:

الاول مكنتش فاهمه الموضوع:excl:
ع العموم:)
انا فهمته:d وبجد فعلا لازم نهتم بالماضى بس ناخد منه العبره مش الذكريات المؤلمه:(
الى تتعبنا:(
ولازم نفكر فى حاضرنا الاول
وربنا يوفقنا

Arkenine

20-06-2011, 05:28 PM

بجد صعبت عليا ..... وخليتنى أعيط :lol::lol::lol: .....ز
المهم فى الآخر صليت العصر ولا لأ ؟؟؟ .

samar saad

20-06-2011, 09:05 PM

هههههههههههههههههههههههههه
لا حلوة القصه بجد
وفعلا لازم نهتم بالماضى لان من غيره مانعرفش نعيش حاضرنا
نايس توبك
تحياااااااااااااااااااااااااااااااااااااااتى

Mohamed.Helmy

20-06-2011, 09:26 PM

يااااه يا حبيبتاه

:d

يا واد انت يا واد ^^

جميل اوي بس بلاش " حلم قصير "

انا اطول منك :p

usernamo

20-06-2011, 09:40 PM

أنت خلتني أعيط الله يسامحك

ليه كده طيب ! ... ده مجرد موضوع مش اكتر :):) و شرفنى مرورك ^^

اممممممممم:bosyht9:

الاول مكنتش فاهمه الموضوع:excl:
ع العموم:)
انا فهمته:d وبجد فعلا لازم نهتم بالماضى بس ناخد منه العبره مش الذكريات المؤلمه:(
الى تتعبنا:(
ولازم نفكر فى حاضرنا الاول
وربنا يوفقنا

شكراً لمرورك يا شروق ^^

بجد صعبت عليا ..... وخليتنى أعيط :lol::lol::lol: .....ز
المهم فى الآخر صليت العصر ولا لأ ؟؟؟ .

هو صلى العصر اكيد يعنى ^^ ... و صعب عليك دى تريقة ولا ايه :p:p مش عارف مش مطمن للكلمة دى :blush::d:d
هههههههههههههههههههههههههه
لا حلوة القصه بجد
وفعلا لازم نهتم بالماضى لان من غيره مانعرفش نعيش حاضرنا
نايس توبك
تحياااااااااااااااااااااااااااااااااااااااتى

يا سلام يا سمر .. هى دى روح الامتحانات .. الموضوع كئيب و الناس بتعيط و البت ماتت و العالم بيخرب .. و انتى بدأتى مشاركتك بالضحكة دى ^^ .. استمرى ... و نورتينى

usernamo

20-06-2011, 09:42 PM

:d

يا واد انت يا واد ^^

جميل اوي بس بلاش " حلم قصير "

انا اطول منك :p

ليه ياعم .. (( انا اينعم قصير نسبياً ... بس بردو 174 سم بحالهم ^^ )) ...الحمد لله ياعم و انتى شكلك اسيوطى و طويل بقى و هتزلنى -.- بس قولى . ايه رأيك انت فى الحتة يا حبيبتاه دى .. حتة عربى اهو :d

samar saad

20-06-2011, 09:53 PM

ليه ياعم .. (( انا اينعم قصير نسبياً ... بس بردو 174 سم بحالهم ^^ )) ...الحمد لله ياعم و انتى شكلك اسيوطى و طويل بقى و هتزلنى -.- بس قولى . ايه رأيك انت فى الحتة يا حبيبتاه دى .. حتة عربى اهو :d

ههههههههههههههههههههههههههههههههههه يا امجد لازم نضحك طبعا وخصوصا بعد امتحان النهارده
لاول مرة فحياتى ادخل امتحان ثانوية عامة وانام عشان خلصت قبل الوقت بساعه ياه بجد كان يوم جامد
وعقبال الجولوجيا يارب
اما الطول فبلاش تتكلموا فالموضوع ده بليز ههههههههههههههههههههههههههه

وردة امل

20-06-2011, 09:58 PM

لو بدأنا معركة بين الماضى والحاضر
هنلاقى أننا هنخسر المستقبل

المياة

20-06-2011, 09:59 PM

usernamo

20-06-2011, 09:59 PM

ههههههههههههههههههههههههههههههههههه يا امجد لازم نضحك طبعا وخصوصا بعد امتحان النهارده
لاول مرة فحياتى ادخل امتحان ثانوية عامة وانام عشان خلصت قبل الوقت بساعه ياه بجد كان يوم جامد
وعقبال الجولوجيا يارب
اما الطول فبلاش تتكلموا فالموضوع ده بليز ههههههههههههههههههههههههههه

انا خلصت الورقة .. و نزلت الساعه 11 إلا ربع بتصل بالمستر بتاعى بيقولى ايه عايز تغش .. بقوله خلصت خلاص و فى الشارع قالى نعم ! ليه ؟؟ هو الامتحان اتلغى (( غبى اوى )) ,,, بقوله كان و سهل و مليته الامتحان من كتر الفراغ !,,

بس كويس .. اهو الواحد يفضل يضحك بسبب و بدون سبب xD و بعدين ماله طولى بقى اللى هيكلم عن طولى ها .. ها ... ها .. مش عارف هعمل ايه فيه بس اكيد حاجة مش لطيفة ! .. انا مش قصير اوزعه انا طويل و اهبل ^^ (( 174 سم بردو )) :022yb4::022yb4:

usernamo

20-06-2011, 10:02 PM

لأ بقى سيب الأسيوطيين في حالهم :040vk0:
هو الحاج من اسيوط ولا ايه .. انتوا عائلة مشتتة و لا ايه النظام :d:d و كمان عادى انا اتولدت فى مستشفى اسيوط الجامعى ^^ .. والدى كان بيقضى الصعيد الشرطى بتاعه .. ^^

لو بدأنا معركة بين الماضى والحاضر
هنلاقى أننا هنخسر المستقبل

عندك حق .. بس عقلنا مش بيسيب الماضى ابداً و بيربطه بالحاضر .. و حاجة كمان يا فرح .. زى بيت كم تشتكى .. لازم نهتم بمضينا و حاضرنا .. لان المستقبل فى علم الله .. (( يا من تحن الى غد فى يومه ..قد بعت ما تدرى بما لا تعلم )) دى النظرية يعنى ^^

المياة

20-06-2011, 10:05 PM

هو الحاج من اسيوط ولا ايه .. انتوا عائلة مشتتة و لا ايه النظام :d:d

من أسيوط مركز منفلوط قبيلة بني عدي متسألش عن حاجة تانيه لأني معرفش غير كده

samar saad

20-06-2011, 10:07 PM

انا خلصت الورقة .. و نزلت الساعه 11 إلا ربع بتصل بالمستر بتاعى بيقولى ايه عايز تغش .. بقوله خلصت خلاص و فى الشارع قالى نعم ! ليه ؟؟ هو الامتحان اتلغى (( غبى اوى )) ,,, بقوله كان و سهل و مليته الامتحان من كتر الفراغ !,,

بس كويس .. اهو الواحد يفضل يضحك بسبب و بدون سبب xd و بعدين ماله طولى بقى اللى هيكلم عن طولى ها .. ها ... ها .. مش عارف هعمل ايه فيه بس اكيد حاجة مش لطيفة ! .. انا مش قصير اوزعه انا طويل و اهبل ^^ (( 174 سم بردو )) :022yb4::022yb4:

هههههههههههههههههههههههههههههههههههههههههههههههههه ههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههه
معلش عايزة اضحك كتير هههههههههههه
وبعدين انا كمان كان نفسى انزل اول لما خلصت بس كانت حتة لجنه ومراقبين شداد اوى روحت نمت احسن :(:(
وبعدين انت كده كويس جدا قصير ايه انا بتكلم عن نفسى هههههههه

usernamo

20-06-2011, 10:07 PM

من أسيوط مركز منفلوط قبيلة بني عدي متسألش عن حاجة تانيه لأني معرفش غير كده

امجد محمد .. شارع الهرم !! تشرفنا يا باشا .. بس المفروض نكون بنزاكر جيولوجيا (( المفروض ))

المياة

20-06-2011, 10:08 PM

امجد محمد .. شارع الهرم !! تشرفنا يا باشا .. بس المفروض نكون بنزاكر جيولوجيا (( المفروض ))

ههههههههههههه
ما أنا جيت أقفل المنتدى لقيت ردك استفزني قعدت

وردة امل

20-06-2011, 10:08 PM

عندك حق .. بس عقلنا مش بيسيب الماضى ابداً و بيربطه بالحاضر .. و حاجة كمان يا فرح .. زى بيت كم تشتكى .. لازم نهتم بمضينا و حاضرنا .. لان المستقبل فى علم الله .. (( يا من تحن الى غد فى يومه ..قد بعت ما تدرى بما لا تعلم )) دى النظرية يعنى ^^

اكتر بيت بكره فى حياتى من ساعة ما اخدت عربى
والشاعر ده مش عارف حاجة
واصلا النص كله غلط فى غلط
ده شاعر عايش فى وهم مش عايش فى الدنيا
الماضى فترة وانتهت ولو فكرنا ف الماضى يبقى مش هنعيش
صحيح الغيب فى علم الله
لكن ده ميمنعش اننا منفكرش
لازم نفكر فى المستقبل عشان نفوق

وردة امل

20-06-2011, 10:10 PM

من أسيوط مركز منفلوط قبيلة بني عدي متسألش عن حاجة تانيه لأني معرفش غير كده

احنا كده مطلعناش معرفة:o
انا من هوارى
تعرفيهم !!

usernamo

20-06-2011, 10:12 PM

ههههههههههههه
ما أنا جيت أقفل المنتدى لقيت ردك استفزني قعدت

و ماله اه علامة اكس اللى بتقفل المتصفح تاهت ! ^^ ... ربنا يوفقكم فى الجيلوجيا و يوفقنى فى التاريخ ..

اكتر بيت بكره فى حياتى من ساعة ما اخدت عربى
والشاعر ده مش عارف حاجة
واصلا النص كله غلط فى غلط
ده شاعر عايش فى وهم مش عايش فى الدنيا
الماضى فترة وانتهت ولو فكرنا ف الماضى يبقى مش هنعيش
صحيح الغيب فى علم الله
لكن ده ميمنعش اننا منفكرش
لازم نفكر فى المستقبل عشان نفوق

لا بس انا مقتنع اننا لازم نربط بين الماضى و الحاضر ... و المستقبل بيد الله .. ان كان خيراً فخيراً و ان كان شراً فشراً ...

المياة

20-06-2011, 10:12 PM

احنا كده مطلعناش معرفة:o
انا من هوارى
تعرفيهم !!

هما مين دول هما في أسيوط أصلا :d
أنا أصلا عمري ما شفت البلد ديه من يوم ما أتولدت وأنا في القاهرة

المياة

20-06-2011, 10:14 PM

و ماله اه علامة اكس اللى بتقفل المتصفح تاهت ! ^^ ... ربنا يوفقكم فى الجيلوجيا و يوفقنى فى التاريخ ..

لأ ما أنا لازم اقفل صفحة صفحة
حالا هختفي :d

usernamo

20-06-2011, 10:16 PM

هما مين دول هما في أسيوط أصلا :d
أنا أصلا عمري ما شفت البلد ديه من يوم ما أتولدت وأنا في القاهرة

حرام عليكى ... دى قبيلة الهوارة دى اشهر من نار ع علم انا اعرف منهم . (( عبد الرحمن الهوارى .و محمد الهوارى )) و ناس كتير ادنا فى السن .. و تقريباً تبع شيخ العرب همام .. عشان كده بيسموا انفسهم الهوارة الهمامية ..

samar saad

20-06-2011, 10:16 PM

يالا يا جماعه على الجولوجيا ربنا يستر

وردة امل

20-06-2011, 10:17 PM

هما مين دول هما في أسيوط أصلا :d
أنا أصلا عمري ما شفت البلد ديه من يوم ما أتولدت وأنا في القاهرة

دى اسم عيلة كبيرة فى الصعيد
ومفيش حد فى الصعيد ميعرفش يعنى ايه الهوارى
هما مش فى اسيوط بالظبط
هما اصلا منتشرين فى انحاء الصعيد كله:d

وردة امل

20-06-2011, 10:19 PM

حرام عليكى ... دى قبيلة الهوارة دى اشهر من نار ع علم انا اعرف منهم . (( عبد الرحمن الهوارى .و محمد الهوارى )) و ناس كتير ادنا فى السن .. و تقريباً تبع شيخ العرب همام .. عشان كده بيسموا انفسهم الهوارة الهمامية ..

ايوة هما دول الهوارة
لكن الهمامية دول فرع من فروع الهوارى
الهوارى ليهم فروع كتيرة

Heartbeat

20-06-2011, 11:50 PM

ياااااااربى عالنكد:d
نتذكر الماضى لنأخذ منه العبرة لنبتعد عن اخطاءنا التى ارتكابناها
لا لنندب حظنا ونستمر فى الندم على مافات
العيش فى ظلال واحلام الماضى سيجعلنا نبغض حاضرنا
المستقبل
فقط نخطط له بطريقة عقلانية ولا نجعل الغد هو شغلنا الشاغل
فمهما فعلنا وخططنا لن نعرف ماهو اّت
فقط سنعيش فى نكد ومش هنقدر نفرح بحاضرنا
وعلى رأى الشاعر
يامن تحن الى غد فى يومه..... قد بعت ما اتدرى بما لاتعلم

البيت دا انا مؤمنة بيه جدا;)
وبصراحة بحاول اطبقه فى حياتى
لانى كتير اوى بخاف من بكرة

موضوع جميل اوى بصراحة
يااااارب تكونوا حليتوا كويس فى الفلسفة النهارده

usernamo

21-06-2011, 12:53 AM

العروبة2

21-06-2011, 12:57 AM

موضوع حلو قوى

بس انا من رائ ذاكروا أفضل ربنا يوفقكم

THE CodeR

21-06-2011, 01:37 AM

طب وربنا
وربنا كمان مرة
ما فهمت اي حاجة :d :d
بس عشان فاتح موبايل
بس المؤمن ﻻ يلدخ من جحر مرتين
بمعني انه بيعتبر من ماضيه و يأخذ منه العبرة في حياته كي ﻻ يخطئ نفس الخطأ مجدداً
تحياتي ليك استاذ امجد

BaNZeR

21-06-2011, 02:03 AM

بغض النظر عن اللى جابوا في سيرة اسيوط
سواء مع او ضد ومحدش فيهم فيها اصلاً :d

وبغض النظر عن فكرة الموضوع واحساسي ببعد المضمون عن الهدف
بس انت اسلوبك وطريقة في الكلام جميلة فعلاً
بس هو
ان واقعنا دائماً لا يعبر عن احلامنا
ولا العكس ؟! وايه الفرق بينهم

usernamo

21-06-2011, 02:17 AM

بغض النظر عن اللى جابوا في سيرة اسيوط
سواء مع او ضد ومحدش فيهم فيها اصلاً :d

وبغض النظر عن فكرة الموضوع واحساسي ببعد المضمون عن الهدف
بس انت اسلوبك وطريقة في الكلام جميلة فعلاً
بس هو

ولا العكس ؟! وايه الفرق بينهم

يمكن وجهة نظرك صحيحة فى البعد عن الهدف .. لكنى اردت ان اسرد قصة ... هدفها البعيد ان نعرف الواقع و الحلم .. و هدفها القريب لمن يرأها بهدف التسلية هو التعاطف مع الكاتب .. و ده اسلوبين من احد اساليب القصة القصيرة .. و قد يسميها البعض مغزى القصة ..

بخصوص الواقع و الحلم ... هما فعلان (( فالحلم فعل يقوم به الانسان فى عالم غير واقعى )) ام الواقع فهو فعل يقوم به الانسان فى عالمه الخارجى .. او هو غطاء افعال الانسان.. و من هنا نخرج بأن الواقع اعم من الحلم فهو يشمله .. لكن لا يطبق فى العالم الواقعى .. مثال : انا ردت مثلاً الزواج من اجمل امرأة ع الارض .. نعم هناك من هى اجمل امرأة .. لكن حلمى لن يطبق واقعياً.. فمن المستحيل ان يحدث او نسبة حدوثه (( 01.0% ))

فالواقع لا يعبر عن احلامنا .. لكن قد تعبر احلامنا عن الواقع ..

Jehad Mohamed

21-06-2011, 11:27 AM

nooneasme1

21-06-2011, 12:41 PM

أنت تمارس فن كتابة القصة القصيرة ولا ايه

المياة

21-06-2011, 01:03 PM

حرام عليكى ... دى قبيلة الهوارة دى اشهر من نار ع علم انا اعرف منهم . (( عبد الرحمن الهوارى .و محمد الهوارى )) و ناس كتير ادنا فى السن .. و تقريباً تبع شيخ العرب همام .. عشان كده بيسموا انفسهم الهوارة الهمامية ..

أحم أحم أحم
أيه يا عم أمجد طلعتني جهله :slap1qk6:

المياة

21-06-2011, 01:12 PM

دى اسم عيلة كبيرة فى الصعيد
ومفيش حد فى الصعيد ميعرفش يعنى ايه الهوارى
هما مش فى اسيوط بالظبط
هما اصلا منتشرين فى انحاء الصعيد كله:d
والله يابنتي أعذريني أنا حتى معرفش يعني أيه مركز منفلوط بس أهو بابا بيحفظني الجمله دي من 17 سنه

usernamo

21-06-2011, 01:15 PM

كلماتك اعجبتنى كثيرا ولقد فكرتنى حقا بالماضى ولكن يظل الماضى ماضى والحاضر حاضر فلن يتغير اى شئ مهما فعلنا

لاتخالف سنة الحياة فتتعب،
فالناس لاينظرون إلى الوراء،
لأن القافلة تسير في الأمام،
وهـــــي سنـــــة الحيـــــــاة،
فالحياة ماض وحاضر ومستقبل،
فعليك بحاضرك الذي أنت فيه،
ولاتجعله سيئاً كونك أخطأت في ماضيك،
بل انسى الماضي وفكر كيف يكون مستقبلك مشرقاً

ومفعما بالحيوية والنشاط والجد والاجتهاد

فعلينا ان ننظر الى المستقبل لنتعلم كل ما مررنا به فى الماضى حتى لا نقع مرة اخرى

وعلينا الا نياس فيجب ان نكون متفائلين دائما :d

وبوجه كلمة التفائل دى لناس كده :d

احسنت الكتابه وصدقت مشاعرك واحساسيك

فاشكرك على هذه الكلمات الطيبة والرائعه

تمنياتى لييك بالنجاح والتفوق:blush:

كويس انك بتضحكى و انتى بتقولى متفائلين ها .. صح متفائليييين .. :romarioxp6::romarioxp6: و نورتينى

أنت تمارس فن كتابة القصة القصيرة ولا ايه

اه .. من زمان على فكرة .. من قبل 3 ثانوى كمان ^^ .. نورتنى

أحم أحم أحم
أيه يا عم أمجد طلعتني جهله :slap1qk6:
لا لا اطلعك جاهله ايه بس حاشى لله ... انتى مش عارفه حاجة بس ^^ .. (( الجيولوجيا بعد بكرة ها .. ))

Sofia El-behairy

21-06-2011, 01:42 PM

usernamo

21-06-2011, 05:41 PM

عالفكره الماضى مش شئ وحش بالعكس فيه ذكريات حلو تقدر تخلينا نبتسم لما نفتكرها و ذكريات مؤلمه نبتسم برده انها عدت و اننا لسه عايشين بخير و نقدر نفتكرها و نتعظ بيها

اخلى شئ اننا نتفائل بالمستقبل

حلو الحلم اوى يا امجد

عندك حق ^^ ... و كل سنة و انتى طيبة بقيتى 16 سنة بحالهم اهو ^^ .. :022yb4::022yb4: طلعى البطاقة بقى انا عندى 19 سنة و لسه مطلع البطاقة من شهرين xD بس كل سنة و انتى طيبة يا صوفيا مرة تانية .. و لو كنا مش فى ثانوية كنا احتفالنا بعيد ميلادك ^^

Sofia El-behairy

21-06-2011, 05:53 PM

عندك حق ^^ ... و كل سنة و انتى طيبة بقيتى 16 سنة بحالهم اهو ^^ .. :022yb4::022yb4: طلعى البطاقة بقى انا عندى 19 سنة و لسه مطلع البطاقة من شهرين xd بس كل سنة و انتى طيبة يا صوفيا مرة تانية .. و لو كنا مش فى ثانوية كنا احتفالنا بعيد ميلادك ^^

ههههه انت حتخم من اولها يا امجد ؟؟ انت 18

يعنى مش كبير اوى و عالفكره انا اتولد و بعدها كتبونى باربع سنين يعنى عندى 20 سنه

يعنى انا اكبر منكم كلكم ( حد عنده مانع )

المهم بقى ان شاء تجيبوا مجموع حلو و تدخلو كليات الى انتوا عايزانها و انا حعزمكم عندى كلكم فى اليكس و حعمل ليكم حفله بسيطه ( يعنى محدش يطمع اوى )

الـشـيـمـ ء ـا

21-06-2011, 06:07 PM

انا مش فاهمة حاجة
هى القصة دى عن الوقت الحاضر والماضى والمستقبل
ولازم نتعلم من الماضى وكدة
ولا عن القصة المأسوية اللى فى الحلم بتاع مروة:d

usernamo

21-06-2011, 06:14 PM

انا مش فاهمة حاجة
هى القصة دى عن الوقت الحاضر والماضى والمستقبل
ولازم نتعلم من الماضى وكدة
ولا عن القصة المأسوية اللى فى الحلم بتاع مروة:d

انا لو فهمته و الله هقولك ^^... بس يعنى حاجة عن الواقع و الماضى .. ولا الاهتمام بالمستقبل .. كده يعنى و نورتينى

الـشـيـمـ ء ـا

21-06-2011, 06:26 PM

انا لو فهمته و الله هقولك ^^... بس يعنى حاجة عن الواقع و الماضى .. ولا الاهتمام بالمستقبل .. كده يعنى و نورتينى
اصل العنوان (( حلم قصير و واقع كبير))
ففهمت كدة ان الموضوع بيتكلم عن واقع مرير اللى هو ان الاخت مروة وماشابهها دائما لازم تتجوز واحد غير اللى كانت مرتبطة بيه:d
لكن ردود الاعضاء انصبت على موضوع الاستفادة من الماضى دا
خصوصا الابيات اللى حطتها اسيرة الصمت الحزين

ففى الحالة دى قولت لازم اطبق مبدأ
أسأل استشير
:d

Jehad Mohamed

21-06-2011, 07:43 PM

كويس انك بتضحكى و انتى بتقولى متفائلين ها .. صح متفائليييين .. :romarioxp6::romarioxp6: و نورتينى

ومين قال انى بضحك عادى خالص وبعدين سبت كل الكلام جيت على الضحكايه على العموم كنت بوجه كلمة التفائل للعضوة .................... ( اكمل بنفسك ):d

usernamo

21-06-2011, 08:22 PM

ومين قال انى بضحك عادى خالص وبعدين سبت كل الكلام جيت على الضحكايه على العموم كنت بوجه كلمة التفائل للعضوة .................... ( اكمل بنفسك ):d

على فكرة كلنا نتمنى انك تضحكى ^^ .. مكنش rقصدى حاجة و الله .. و انا عرفت خلاص :d :d :d

Arkenine

21-06-2011, 08:37 PM

هو صلى العصر اكيد يعنى ^^ ... و صعب عليك دى تريقة ولا ايه :p:p مش عارف مش مطمن للكلمة دى :blush::d:d

لا إوعى تفهمنى صح ... بجد صعب عليا أصل أنا عاطفى قوى :006et4::006et4::006et4:، ع العموم موضوع جميل وهادف ، لكن يتهيألى إننا ننظر للمستقبل أحسن ما نعيش على ذكريات لن تجدى نفعا ( إيه الكلام الكبير ده !!!!)
تقبل مرورى .

Dr. Hoda Ahmed

22-06-2011, 11:59 AM

Jehad Mohamed

22-06-2011, 12:06 PM

على فكرة كلنا نتمنى انك تضحكى ^^ .. مكنش rقصدى حاجة و الله .. و انا عرفت خلاص :d :d :d

مفيش اية مشاكل خالص ليش بتعتذر مفيش اية اعتذارات عادى يعنى ما هى عضوة كاشفه نفسها:p

usernamo

22-06-2011, 12:17 PM

لا بجد يا امجد ما شاء الله عليك موضوع جميل

واسلوبك ف الكتابة رائع والله ربنا يوفقك ويكرمك وتبقى كاتب كبير

مش ده احسن من قصة نظرة اللى درسناها ف العربى

الهدف من الموضوع واضح

بجد شكرا على موضوعك وف انتظار موضوعاتك الاجمل حتى لو حزينة بس كويسة

على رأسى من فوق و الله .. طول منتى فى المنتدى يا محبة اللغة على راسى انت شيلتينا كتير و افادتينى و افدتى الناس كلها فى حزب طلاب الثانوية فى الانجليزى .. انا منساش فضلك عليا ابداً ^^ .. و بخصوص ردك ده طبعاً شركاً ع الاطراء الجميل ده .. و شكراً على رأيك اللى بيشجعنى دائماً ^^.. و نورتينى

مفيش اية مشاكل خالص ليش بتعتذر مفيش اية اعتذارات عادى يعنى ما هى عضوة كاشفه نفسها:p

لا عادى .. لازم اعتذر بردو ^^

المياة

22-06-2011, 12:53 PM

مفيش اية مشاكل خالص ليش بتعتذر مفيش اية اعتذارات عادى يعنى ما هى عضوة كاشفه نفسها:p

أحم أحم
خلاص يا جودي فضحتيني