يا جماعه هيا القوه ولا التمكن؟

فى مصححين بيقولوا التمكن ومصححين بيقولوا القوه

رايى انها التمكن

ما هو ممكن يكون واحد قوى لكنه لا يقدر يملك نفسة فى موت ابنه مثلا وينهار بالبكاء

لكن التمكن قدر يتمكن انه يملك نفسه يعنى تمكن انه يملكها اية دخل القوه؟؟؟

هو ده اللى فكرت فيه فى لجنة الامتحان و عملتها التمكن . ولما كنت براجع مع مدرس العربي ( مع العلم انه مدرس ممتااااز ) قالى اكيد التمكن وقالى نفس الكلام اللى حضرتك قولته , ازاى بقى تيجي القوة فى نموذج الاجابة ؟؟؟؟
بس فى الآخر بردو كل واحد هياخد نصيبه , لا اكبر ولا اقل .

لا اله الا الله التعليم باظ من شويه يا جماعه

والله العظيم هما دول اللى مبوظين التعليم ومعيشنا فى رعب ويضيعوا مستقبلنا بحاجات تافهه وهما اصلا فى خلاف متحط حاجه محدده ولا انت اية

حسبى الله ونعم الوكيل

يا بني أنا من المدرسين المقدرين وأعرف أن نموذج الإجابة أتى بكلمة " القوة " وأنا كمعلم للمادة أجبتها قبل أن أعرف نموذج الإجابة " التمكن " وأظنها هى الصواب وليست القوة ولكن نموذج الإجابة دال على ضعف واضعه وبعض المقدرين لايعرفون عن المنهج شيئا والله وجزء منهم غير قليل لا يهمه مصلحة الطلاب وهذا يرجع لنيته والله أعلم " مدرس مقدر درجات بقطاع اسيوط "

ربنا يكتر من امثااااااااااااااااااااال حضرتك وخصوصا فى قطاع اسيوط
واخبار الدرجات ايه ياااااااامستر طمنااااااااااااااااا

وبالنسبه للتسهيل والتخويف ؟؟؟؟؟؟؟

التمكن تعنى القدرة أو الاستطاعة .. أما القوة ، وهى الإجابة الأدق ، فتعنى قوة التحمل عند المحن .. والله أعلم

يكتب قوه التحمل واحنا ايش عرفنا ان القوه متكنش قوه بدنيه؟؟؟؟؟؟؟؟؟ ولا احنا معلش يعنى المفروض نعرف نيه اللى حاطط الامتحان

وحضرتك قولت قدره واستطاعه يعنى استطاع انه يملك نفسه صح من البكاء ولا انا غلطان على حسب القطعه مش على حسب اللغه يا استاذىلو قوه تحمل كان تحمل لما بنته ماتت صح ولا انا غلطااااان يا جمااااااعه ( هيا اتعملت ليا غلطه وخلاص لكن بوضح بس) مع احترامى

أعتقد إن الدرجات إن شاء الله هتكون كويسة .. لإن المصححين بالفعل فى مصلحة الطالب دائما ..

هى اكيد التمكن ولوكانت غير كدة يبقى نموذج الاجابة غلطان

حسبي الله ونعم الوكيل في اللي حاطط الامتحان

بجد كده كتير علينا...نحفظ ونذاكر طول السنة مناهج العربي والايام اللي ما يعلم بيها الا ربنا علشان يجي سؤال كده اخر السنة طب ليه يعني ؟؟؟ هو انتقام وخلاص حسبنا الله ونعم الوكيل ويا ريتها الجزئية الوحيدة اللي كده..
ربنا الأعلم بحالنا..وفعلا كل واحد هياخد نصيبه