الســـلام عليكم ورحمة الله وبركاتة
فى البداية ببارك لكل طالب علي النجاح والتفوق فى الشهادة الاعدادية واتمنئ له مزيد من النجاح والتفوق فى الحياة باذن الله.
اليوم انا انشأت هذا الموضوع لكي اعرف ما هو تعليقك علي اختيار اللغة الثالث التي سوف تدرسهــا فى المرحلة الثانوية اى ماذا سوف تختار هل الفرنسي ام الالمانــي؟؟؟

الكثير منا يختار الفرنسي لان معظمهم يعتقدون ان الفرنسي اسهل من الالماني لان الاكثرية يختارون الفرنسي.
هذه كلام غير صحيح الالماني اسهل من الفرنسي. كل شيئاً له دليل سوف اقدم لكم الدليل


* لغة سهلة وشيقة فى دراستها فأنت تشعر معها بمتعة التعلم

* من السهل الحصول على الدرجة النهائية فى اللغة الالمانية

* الحاصلون على الدرجة النهائية يسافر منهم عدد سنوي الى المانيا لمدة شهر وتتحمل المانيا كل نفقات السفر والاقامة والانتقالات وهذه منحة غير متوفرة فى دراسة اى لغة اخرى

* لا يوجد حروف لا تنطق فكل ما يكتب ينطق

* لا تعوق دراسة الالمانية دخول اى كلية نظرية او علمية

* تتشابه الحروف الأبجدية الألمانية مع الأبجدية الإنجليزية مع وجود بعض الاختلافات البسيطة

* يوجد كلمات متطابقة بين الانجليزية والالمانية اى هى نفس الكلمات بنفس المعنى فى اللغتين
ويوجد كلمات كثيرة متشابهة بين الانجليزية والالمانية مع اختلافات بسيطة فى النطق او الحروف
لكن فى كل الاحوال القواعد فى اللغتين مختلفة

أمثلة ذلك

امثلة للكلمات المتطابقة

العربى
حاسب الى
طفل رضيع
سيارة اجرة

الانجليزى
computer
baby
taxi

الالمانى
computer
baby
taxi

امثلة للكلمات المتشابهة

العربى
أب
أم
أخ

الانجليزى
father
mother
brother

الالمانى
vater
mutter

bruder

هــا عايز تختار برده الفرنسي اوكي هديك دليل كمــان

تعرف على اللغة الالمانية

1 عالميا
الألمانية تعتبر أحد لغات العالم الرئيسية . فهى واحدة من اثنى عشرة لغة الاكثر انتشارا فى العالم


2 أوروبيا
تعتبر اللغة الألمانية هي اللغة الأولى في الإتحاد الأوروبي، إذ يتحدث حوالي 24% من سكان دول الإتحاد*الأوروبي الألمانية كلغة أم ، يليها كل من الإنجليزية والفرنسية بنسبة 16%


3 المتحدثون بها كلغة أم
اللغة الألمانية هي اللغة الأم لأكثر من ١20مليون إنسان فى العالم وهم متواجدون فى دول كثيرة منها

ألمانيا
في النمسا
ومعظم سويسرا
في فرنسا (منطقة ألزاس)
فى إيطاليا (تيرول الجنوبية)
لكسمبورج
مناطق في بلجيكا
فى الدنمارك (شليزيا الشمالية)
اقليات في بولندا و رومانيا
وبلدان من الاتحاد السوفيتى سابقا



4 الكتب بالألمانية

عشر الكتب في العالم تقريباً التى تنشر سنوياً تصدر باللغة الألمانية
اى ان كتاب من كل عشرة كتب فى العالم مكتوب باللغة الالمانية


5 الاهمية العلمية والثقافية
أهميتها والحاجة لتعلمها من خلال ما تفرضه هذه اللغة من أهمية ثقافية وعلمية
وتحتل المرتبة الأولي من حيث الترجمة إليها والثالثة من حيث الترجمة منها


6 التصنيف والأصل التاريخى
اللغة الألمانية تنتمي إلى مجموعة اللغات الجرمانية مع لغات أخرى مثل اللغة الإنجليزية، اللغة الهولندية، واللغة السويدية

المصدر : سلسلة بستا فى اللغة الالمانية لمستر اسامة سعيد
مع تمنياتى لكم بدوام التوفيق


هـــا برده فرنســي اوكي كمان دليل



اللغة الالمانية لغة سهلة جدا


انا في مدرسة الرمل و شايفة ان اللغة الالانية لغة حلوة اوي و سهلة و كل الشهور اللي فاتت قفلت الامتحانات و ان شاء الله حاقفل الالماني الشهور الجاية


فعلا الالمانى لغه جمييييييييله

جزاك الله خيرا



فعلا الالمانى لغه جميلة اوى اوى وانا ماخترتش اللغه الالمانيه كلغه تانيه لمجرد انها لغه سهله لكن فعلا لانها لغه جميله وانا بحبها اوى اوى
danke schön herr osama



هو فعلا الالمانى سهل وبسيط
بس كل واحد يفكر قبل ما يختار
وعلى فكر الفرنش جامد وممتع جدا



انا دخلت المانى وبجد هو حلو اووووووووووووى وعجبنى جداااا وربناا يوفقنا ويوفق الجميع
danke herr


يا جماعة انا فى اولى ثانوى بس اخترت فرنساوى بس لقيته صعب احول المانى ولا اعمل ايه حد ير د عليه انا متحيرة جدا


الالمانى لغة سهلة كتير و انا جربتها و هى اسهل من الفرنساوى لان الكتابة ذى النطق +كلماتها مشابه للانجليزى و انا فى مدرسة تجريبى فدرست فرنساوى لمدة ثلاث سنوات و لكن انا الان ادرس المانى لان اسهل كتير وانا احبة كتير
وشكرا herr osama





انا كنت بدرس فرنساوي وبعدين حولت لاالماني ولاقيت اسهل بكتييييييييييييييييييييييير من الفرنساوي ودرجته مضمونة



الالمانى سهلللللللل


هى لغة سهلة جدا


:):dانا فى اولى ثانوى وبجد اول ما دخلت المدرسة كنت خائفة من الالمانى بس انا حبيت الالمانى جدا والفضل لfrau reda


انا شايفة ان الالمانى اسهل
انا كنت فرنساوى فى الثانوى بس اخدت المانى فى الكلية وهو جميل جدا وهتقدرى تمشى فيه ان شاء الله طلبة كتير بتجيب فيه 50


دي بعض تعليقات بعض الاعضاء فى المنتدي عن اللغة الالمانية
هـــا هتختار فرنسي ولاالماني انا عن نفسي هختار الماني وانا كنت مصمم علي الالماني قبل مااعرف هذا الكلام والحمد لله اتاكدت حينما شاهدت بعض ردود الاعضاء عن اللغة الالمانية
طبعاً فى الاول والاخر اختار اللغة اللي نفسك بتميل لها يعني لو فعلاً حاسس انك هتكون كويس في الفرنسي علي طول اخترها.
منتظر تعليقاتكم علي الموضوع ويارب يعجبكم وتستفيدو منه

اللغة الفرنسية سهلة وجميلة وفيه كلمات كتير متشابهة بينها وبين العربي والانجليزي cinema stade classe football acteur professeur arabe anglais art lettre
touriste- pyramide- examen- universite - tennis -

السلام عليكم ..
انا هنصح حضرتك وعن تجربة وشفت اللغتين .. حضرتك مهما قرأت مش هتشوف الاتنين
اللغة الفرنسية بالفعل اصعب من اللغة الالمانية لكن الامتحانت الفرنسية تكون اسهل بمرااااحل من اللغة الالمانية
امتحانات الثانوية العامة السنادي خير دليل لما سألت اللي امتحنوا فرنسي قالولي الامتحان كان كويس جدا على عكس كلام الالماني ..

حبيت اوضحلكوا بس قبل ما تدخلوا وكدا واللغة الفرنسية جمييلة جدا علفكرة هي بس صعبة في البداية .. لكن انا كانت دايما الامتحانات بتيجلنا سهلة ودايما الاملاني بيقولوا الامتحان صعب ودي حقيقة فعلا ..

والسلام عليكم

انا صراحة مش عارفة انا داخلة برده اولى ثانوي بس مش عارفة اختار ايه

الصراحة انا سمعت من كذا مصدر عن سهولة الالمانى لكن لقيت اللغه الفرنسية اكثر شيوعا وكمان في مدرستنا مفيش غير مدرس واحد المانى لكن الفرنساوى مدرسينه كتير حتى هنا في المنتدى قسم الفرنساوى اكثر نشاطا من قسم الالمانى عشان كده قررت هاخد فرنساوى ان شاء الله

الاخوة المدرسين الالمانى اللى دخلوا على المنتدى الفرنسى وعاملين نفسهم طلبة بينصحوا الطلاب باختيار الالمانى دا اسلوب عير لائق تماما ولا يليق باسلوب حضارى
انا اسمى محمود ناصف مدرس لغة فرنسية................ وبقول لاى طالب فى مصر لك كامل الاختيار اللى فى مصلحتك وماتسمعش كلام ناس يهمها مصلحتها بس وانتم فهمين لية
اللى هيختار الفرنسى لنا كامل الشرف انة يكون معانا

الاخوة المدرسين الالمانى اللى دخلوا على المنتدى الفرنسى وعاملين نفسهم طلبة بينصحوا الطلاب باختيار الالمانى دا اسلوب عير لائق تماما ولا يليق باسلوب حضارى
انا اسمى محمود ناصف مدرس لغة فرنسية........ وبقول لاى طالب فى مصر لك كامل الاختيار اللى فى مصلحتك وماتسمعش كلام ناس يهمها مصلحتها بس وانتم فهمين لية
اللى هيختار الفرنسى لنا كامل الشرف انة يكون معانا
استاذي الفاضل فى البداية انا لست مدرس كما تعتقد انا طالب بالصف الاول الثانوي وانا حبيت انبه الاعضاء علي اخيتار المادة الاسهل بسبب كثرة التحويل من لغة للغة.انا لست مستفادً بهذا الموضوع شيئً ولكن اكسب الثواب والاجر من الله سبحانه وتعاله واذا كنت تعتقد اني مدرس يمكنك مراجعة مواضعي وستتاكد اني طالب
انا فى اخر الموضوع كتبت اذا كان الطالب يريد الفرنسي بالطبع يختاره علي طوووووول ولايتردد لان كل انسان حينما يحب شيئً سوف يكون مبدعاً فى هذا الشيئ .

يا جماعة متنسوش ان احنا درسنا الفرنساوى ف الاعدادى وعندنا فكرة عن المنهج بتاع اولى كله يعنى كله هيبقى تمام يعنى اما الالمانى لسا منعرفش عنه اى حاجة على الرغم من سهولته

زوتوا الحيره اوف بقى اعمل ايه فى اولى ثانوى
المانى ايطالى فرنسىالخ؟؟؟؟؟؟؟؟؟؟؟؟؟؟؟؟؟

يا مدرسى الالمانى عينى المانى الالمانى جاية من الم فية حد عاقل فى الدنيا يأخذ المانى دى رجلى المانى

اؤكد لكل المعلمين الناس اللى دخلت على المنتدى معلمين لغة المانية واسلوبهم واضح جدا اللى كاتب الكلام ده مسحيل يكون طالب

اؤكد لكل المعلمين الناس اللى دخلت على المنتدى معلمين لغة المانية واسلوبهم واضح جدا اللى كاتب الكلام ده مسحيل يكون طالب
كلامك هذا يجعلني ان افتخر بنفسي بان اكون احسن الطلاب فى الحوار والنقاش
استاذي الفاضل انت وبعضك يظن اني لست طالب ولكن اؤكد غير هذا الكلامـ انا بفضل الله امتلك هواية الكتابة باسلوب علمي علي فكرة انا بالرغم من صغري ولكن استطيع التحدث مع اى شخصً باسلوب يجعله يظن اني استاذ وليس طالب
عموماً لو كنت اعرف ان هذا الموضوع سوف يسبب هذه المشاكل كنت اقتصرت علي نفسي ولم اعمل الموضوع ولكن هذا الموضوع تم انشاءه ليكون علمً لكل طالب
واتمنئ التوفيق لجميع الطلاب

كلامك يااستاذ ليس باسلوب طالب فى الصف الاول
وياريت لما تيجى تنصح انصح فى قسم اللغة الفرنسية
وياسيدى الفاضل ليس هناك لغة سهلة او لغة صعبة
اهم شىء الممارسة مملرسة اللغة
وكما تعلمون ان اللغة الفرنسية لغة التذوق والجمال والادب ومن ينكر هذا فهو حاقد
وارجو من الله ان يختار كل طالب اى لغة شاء سواء الفرنسية او الايطالية اوغيرها حسب رغبته هو دون تاثير من احد
واتقو الله ويعلمكم الله
واخر دعوانا ان الحمد لله رب العاملمين
اخوكم عبدالله فرج
معلم اول لغة فرنسية .................

كلامك يااستاذ ليس باسلوب طالب فى الصف الاول
وياريت لما تيجى تنصح انصح فى قسم اللغة الالمانية الالمانييييييييييييييييييييييييييييييييييييييييييي يه
وياسيدى الفاضل ليس هناك لغة سهلة او لغة صعبة
اهم شىء الممارسة مملرسة اللغة
وكما تعلمون ان اللغة الفرنسية لغة التذوق والجمال والادب ومن ينكر هذا فهو حاقد
وارجو من الله ان يختار كل طالب اى لغة شاء سواء الفرنسية او الايطالية اوغيرها حسب رغبته هو دون تاثير من احد
واتقو الله ويعلمكم الله
واخر دعوانا ان الحمد لله رب العاملمين
اخوكم عبدالله فرج
معلم اول لغة فرنسية

استاذ الفاضل/عبد الله فرج
كما قلت فى الردود السابقة ان كل انسان لديه شعور باللغة الذي سوف يخترهــا وهذا هو شعوري باختياري الالماني
وكما قلت لكل الطلبة والطالبات لديهم حرية الاختيار اذا كنت فعلاً حاسس بانه سوف يكون مبدعً فى لغة معينة بالفعل لاتترد اختارهـا حتي لو كانت صعبة لان كل انسـان حينما يجب شيئً سيبدع في هذا الشيئ وسيكون باذن الله من المتفوقين
اخر كلامي اتمنئ لجميع الطلاب التوفيق ان شاء الله
اخوكـم عمرو عبد الفتاح سعد

نرجو أن يكون الحوار هادف لتبين الإختلاف بين اللغتين محل الإختيار
كل واحد يعرض مايراه
ليس من حق شخص أن يوجه اتهامات
كله لازم يكون عرض أفكار لخدمة الطلاب

انا فى الصف الاول الثانوى واخترت المانى خلاص وان شاء الله هيبقى سهل وشكرا على هذا الموضوع الجميل واحييك جدا جدا على هذا الفكر الجميل

فى حاجة محدش خد باله منها ان اى حد عنده اخ كان فرنساوى يبقى هوكمان فرنساوى ولو المانى يبقى هو كمان المانى ياجماعة والله مكبرين الموضوع على الفاضى انا لسة واخد المانىمس Deutsch مادة سهلة وبسيطة انا مدرستش الفرنساوى بس مش اى حد يقولك خد فرنساوى ولاالمانى تمشى ورا كلامه بس انا سمعت ان امتحانات الالمانى بتيجى صعبة حتى لوجت صعبة هو انت مش هتذاكر ومفيش حاجة صعبة قدام المذكرة

وعلى فكرة نور المستقبل طالب

اختار ايييييييييييييييه فرنساوى ولا المانى ولا اسبانى؟؟؟؟؟؟؟؟؟؟؟؟

انا لسة جاى من درس الفرنساوى انا من وجهة نظرى المتواضعة الالمانى اسهل

وانا على فكرة مختار المانى

وانا طالب علشان محدش يقول استاذ وعامل نفسه طالب علشان يقول ان الالمانى اسهل

انا خلاص اخترت الماني وان شاء الله سابداء الدروس فيه من اول ثمانية
اتمنئ التوفيق لجميع الطلاب ويارب يوفقنا جميعاً

كلام جميل اخوانى الكرام انا محتار ايضا هل يوجد فى جميع المدارس الثانوية المانى و لا فى مدارس اللغات بس !!!!!!!!! لانى درست الفرنساوى فى الاعدادى وجب فيه درجة كويسة جدا لكن مسترخمة بس ياريت حد يجاوبنى على سؤالى وشكرا لكم جميعا

اخى العزيز دراسه اللغه الالمانيه متاحه فى كل مدارس الدوله الحكوميه والغير حكوميه الا القليل وكذلك الحال بالنسبه للغات الاخرى منها الفرنسية وفعلا يا جماعه اللغه الالمانيه سهله جدا انا درستها فى الثانويه والكليه وهبقى مدرس ان شاء الله كمان سنه وانا لسه مشترك فى الموقع ... وفى خدمه اى طالب أو طالبه يحب يستفسر عن اى حاجه فى اللغه الالمانيه وربنا يوفقكوا ودا ايميلى darshstar2000***********

السلام عليكم ... انا قرأت معظم تعليقاتكم.... واتمنى ان مشاركتى تقلل من الاختلاف فى وجهات النظر انا والله العظيم طالب بكليه التربيه قسم اللغه الالمانيه ..تمام وفاضل سنه ان شاء الله واتخرج واحب اقول لكل طالب لسه داخل ثانوى بعيد عن اللغه نفسها ... انت فكر شويه اى دوله تستحق تدرس لغتها ... مين الدوله اللى بيقوم عليها الاقتصاد الاوروبى والصناعه العالميه جاوبوا انتو .. لما ربنا يكرموكوا وتدخلو هندسه هتحتاجو اى لغه فى ماده الميكانيكا .. انا صحابى اللى دخلوه هندسه احتاجونى ... لما الرئيس المخلوع الله يحرقه كان بيجيلوا مرض يخاد اجله كان بيتعالج فين .. المانيا ... صح؟؟؟؟. ادى الطب دا بعيد عن اللغه .. تمام اما بالنسبه للغه ... والله كفايه انى اقول ان كل ما يكتب يقرأ ... ولكم الاختيار ولا مانع لدى للترغيب فى اى من اللغتين وانا مش بدى دروس ولا حاجه ومش هتسفيد من كلامى باى حاجه غير انى اشيل من عقولكوا الحيره انتوا اخواتى واتمنلكوا التوفيق ... واى حد يحب يتواصل معايا ويستفسر عن اى حاجه انا تحت امره .... يواصلنى على darshstar2000*********** والميل ياهو

انا من رائ حرام كده حضرتك كده بالموضوع ده ممكن تكون لخبط تفكير ناس كتير
و الالمانى و الفرنساوى مش بالري
ممكن حد يكون بيحب الالمانى فيبقى شاطر فيه و ممكن حد يحب الفرنساوى فيبقى شاطر فيه
و الى ربنا كتبه هيشوفه
و الامتحانات مش دليل فمعروف انها سهلة على الشاطر صعبه على الى::::::::::::

المادتين صعبيين عشان جداد انا خدت المانى بس هو سهل

السلام عليكم ... انا قرأت معظم تعليقاتكم.... واتمنى ان مشاركتى تقلل من الاختلاف فى وجهات النظر انا والله العظيم طالب بكليه التربيه قسم اللغه الالمانيه ..تمام وفاضل سنه ان شاء الله واتخرج واحب اقول لكل طالب لسه داخل ثانوى بعيد عن اللغه نفسها ... انت فكر شويه اى دوله تستحق تدرس لغتها ... مين الدوله اللى بيقوم عليها الاقتصاد الاوروبى والصناعه العالميه جاوبوا انتو .. لما ربنا يكرموكوا وتدخلو هندسه هتحتاجو اى لغه فى ماده الميكانيكا .. انا صحابى اللى دخلوه هندسه احتاجونى ... لما الرئيس المخلوع الله يحرقه كان بيجيلوا مرض يخاد اجله كان بيتعالج فين .. المانيا ... صح؟؟؟؟. ادى الطب دا بعيد عن اللغه .. تمام اما بالنسبه للغه ... والله كفايه انى اقول ان كل ما يكتب يقرأ ... ولكم الاختيار ولا مانع لدى للترغيب فى اى من اللغتين وانا مش بدى دروس ولا حاجه ومش هتسفيد من كلامى باى حاجه غير انى اشيل من عقولكوا الحيره انتوا اخواتى واتمنلكوا التوفيق ... واى حد يحب يتواصل معايا ويستفسر عن اى حاجه انا تحت امره .... يواصلنى على darshstar2000*********** والميل ياهو
الله ينور عليك انا اخترت لابني الماني بس يا ترى له تأثير على كلية الشرطة:078111rg3:

الالمانية سهله جدا جدا جدا

ميرسى يا باشا الف مليون شكررررررررررررررررررررررررررررررررر :)

انا دخلت الماني ومعظم مدرستنا الماني

انا حقولكوا المفيد الالماني نفيش زيه ومهما لفيتوا مش حتلاقوا امتع منه
انا كنت فرنساوي وحولت

مشاركة جميلة

كلامك يااستاذ ليس باسلوب طالب فى الصف الاول
وياريت لما تيجى تنصح انصح فى قسم اللغة الالمانية الالمانييييييييييييييييييييييييييييييييييييييييييي يه
وياسيدى الفاضل ليس هناك لغة سهلة او لغة صعبة
اهم شىء الممارسة مملرسة اللغة
وكما تعلمون ان اللغة الفرنسية لغة التذوق والجمال والادب ومن ينكر هذا فهو حاقد
وارجو من الله ان يختار كل طالب اى لغة شاء سواء الفرنسية او الايطالية اوغيرها حسب رغبته هو دون تاثير من احد
واتقو الله ويعلمكم الله
واخر دعوانا ان الحمد لله رب العاملمين
اخوكم عبدالله فرج
معلم اول لغة فرنسية
والله الفرنسيه دي للغه انا بحبها جدا وهيا رقيقه جدا في كلمها ونطقها وسهوله
حفظها لكن مع ذلك لايمنع ان اللغه الامانيه لغه العصر وانا عن نفسي الماني
مش معني اني الماني اني مش بحب الفرنساوي لآن الصعب والسهل دي نظريات
اتمني النجاح لكل منا اي كان مدرس او طالب الماني او فرنساوي كلها لغات

انا دارس الفرنسية واجزم بانها اسهل من الانجليزي ومن اي لغة اخرى ولكن ابنتي واختي وزوجتي جميعهم ومن قبلهم والدي درسوا الالماني وبيشكروا فيه قوي وكفاية ان الكلمة بتنطق زي ما تكتب والدليل monseiur