السلام عليكم ورحمه الله وبركاته\


انا طالبه فى تانيه ثانوى ومستوى الحمد لله كويس وكنت بطلع من الاوائل ديما بس فى الامتحانت السنه دى حصلتلى حاجات غريبه خصوصا فى امتحان الرياضه والعربى بالرغم ان الحمد لله الامتحانات كانت سهله بس كنت بدخل الامتحانت انسى القوانين وفى امتحان التفاضل نسيت مساله وحاجات غريبه جدا حصلتلى الايام اللى فاتت بس الحمد لله على كل شى



انا بس كنت عايزه اسال هو لو انا لو جبت 92 او 93 يعنى مجبتش فوق ال95 هل ممكن اعوض فى تالته وكمان بالمستوى الرفيع واجيب مجموع عالى اصل انا بجد نفسى خالص انى ادخل طب اسنان ومش عارفه هل كده خلاص مينفعش ولا ايه انا عارفه ان الامتحانات لسا ما خلصتش وكمان النتيجه لسا بس انا الحاجات دى بتشغلنى خالص وكمان اللى حصلى فى الامتحانت السنه دى اكدلى ان مش هزيد عن المجموع ده لو سمحتم بس حد يقولى هو فى امل ولا لا لازم الواحد يجيب اكتر من 95

لو سمحتم اللى يعرف اى حاجه عن الموضوع ده يرد عليا ضرورى بجد متتصوروش انا يائسه اد ايه ومش قادره افتح الكيمياء خالص

انا اصغر منك بسنه بس يعنى ممكن اقولك اللى اعرفه

بصى

متحاوليش تفكرى فى اللى عملتيه فى المواد اللى فاتت

والكميا اظن لسا فاضل زى 6 ايام عليها يعنى مده حلوه

خلى اعتمادك على الله

بجد بجد

قربى من ربنا

متخافيش ده مش هيضيع منك وقت او مش هيخليكى تذاكرى لا بالعكس خالص

وحاولى تقرى ادعية تفريج الهم

وتدعى ربنا يوفقك وخاصه لو انتى ساجده

وتختارى اوقات استجابة الدعاء وتدعى ربنا من قلبك بجد

والرسول بيقول ان الدعاء بين الآذان و الأقامة لا يرد

ادعى ربنا وتوكلى عليه

وذاكرى

حاولى تراجعى الاجزاء المهمة والرئيسية فى المنهج

وربنا يوفقك يارب ويوفق كل الطلبه ويسهل الحال

أتمنى ان اكون افدتك

ومتنسيش تقرى قرآن

مرسى ربنا يخليكى بس انتى برضوا مردتيش على سوالى انا عايزه اعرف بالنسبه للمجموع لانى عايزه اطمن لو ينفع اكمل واحسن المجموع لان بجد نفسى فطب اسنان

متقلقيش
لو جبتي خمسة و تسعين هتقدري تدخاي طب اسنان بس ممكن محافظة مختلفة
سنة واحدة و بعد كده حولي للجامعة القريبة منك
كلها اختلاف محافظات مش اكتر و علي اساسها المجموع
بس شدي حيلك عشان في حالتك دي هتحتاجي مجهود كبير عشان تعوضي
انا زيك في تانية و بإذن الله ربنا يكرمنا جميعاً في اﻻمتحان

مرسى ربنا يخليكى بس انتى برضوا مردتيش على سوالى انا عايزه اعرف بالنسبه للمجموع لانى عايزه اطمن لو ينفع اكمل واحسن المجموع لان بجد نفسى فطب اسنان


ذاكرى الاول دلوقتى كويس واما النتيجة تتطلع يحلها الحلال

وعلى فكره انتى ممكن تدخلى طب اسنان برده إذا شاء الرحمن بس هتكون فى محافظة بعيده يعنى شويه

السلام عليكم ،،


عارفة لما واحد يبقا واقع في مشكلة كبيرة ويرمي المشكلة دي على حد هو بيثق فيه جدا عارفة هو بيرتاح اد اي ؟؟
بصي يا حبيبتي متشيليش هم اي حاجة وتوكلي على ربنا فوضي امورك لربنا بثقة شديدة ان ربنا مش هيضيع تعبك ابداااا
وان ربنا هيقدرلك الخير .. قولي " فوضت امري ليك يا رب " وخلي في قلبك ثقة كبيييرة ان محدش في ايده الخير ليكي غير ربنا وطالما انتي فوضتي امرك ليه وتوكلتي عليه بكل ثقة هيقدرلك الخير ان شاء الله ...
يعني متقوليش هجيب 92 او 93 اوعي تقولي كدا خلي عندك أمل كبييير انا هحكيلك حكاية بسيطة حصلت معايا اكيد هتفيدك ان شاء الله

من زمان اوي وانا صغيرة من حوالي ست سبع سنين كدا كان ليا صاحبة متفائلة جدا جدا من واحنا اطفال في ابتدائي
كنا ندخل الامتحان ونطلع منه مثلا تكون غلطانة تلات اربع غلطات وتقول الغلطة دي ان شاء الله مش هيحاسبوني عليها
ودي اللي بيصحح مش هياخد باله وان شاء الله اجيب اعلى درجة بس كانت بتقول الكلام دا بجد من قلبهااا وكانت بتبقا مقتنعة مليوون في الميا انها مش هتنقص في الامتحان والله العظيم الكلام اللي كانت بتقوله كان اللي بيحصل كنت ببقا مستغربة اووي ومفهمتش غير لما كبرت وسمعت الحديث القدسي دا " انا عند ظن عبدي بي " فخلي عندك ثقة كبيييرة وظن حسن بربنا
بدل ما تقولي انا هجيب 92 قولي ان شاء الله ربنا هيوفقني وهدخل الكلية اللي انا عاوزاها قوليها من قلبك وانتي مقتنعة بيها
وبقسملك بالله لو ظنيتي ظن حسن بربنا وانو هيقدرلك اللي بتتمنيه ربنا مش هيخذلك ابدااا ،، متقوليش بقا عاوزة اعرف لو جبت المجموع دا ينفع اعوض ولا لا ... لا مش عاوزين الافتراض دا يبقا موجود اصلااااا

يارب اكون افدتك لو عاوزة اي حاجة انا تحت امرك ..
وبالتوفيق ان شاء الله ،،

السلام عليكم ،،


عارفة لما واحد يبقا واقع في مشكلة كبيرة ويرمي المشكلة دي على حد هو بيثق فيه جدا عارفة هو بيرتاح اد اي ؟؟
بصي يا حبيبتي متشيليش هم اي حاجة وتوكلي على ربنا فوضي امورك لربنا بثقة شديدة ان ربنا مش هيضيع تعبك ابداااا
وان ربنا هيقدرلك الخير .. قولي " فوضت امري ليك يا رب " وخلي في قلبك ثقة كبيييرة ان محدش في ايده الخير ليكي غير ربنا وطالما انتي فوضتي امرك ليه وتوكلتي عليه بكل ثقة هيقدرلك الخير ان شاء الله ...
يعني متقوليش هجيب 92 او 93 اوعي تقولي كدا خلي عندك أمل كبييير انا هحكيلك حكاية بسيطة حصلت معايا اكيد هتفيدك ان شاء الله

من زمان اوي وانا صغيرة من حوالي ست سبع سنين كدا كان ليا صاحبة متفائلة جدا جدا من واحنا اطفال في ابتدائي
كنا ندخل الامتحان ونطلع منه مثلا تكون غلطانة تلات اربع غلطات وتقول الغلطة دي ان شاء الله مش هيحاسبوني عليها
ودي اللي بيصحح مش هياخد باله وان شاء الله اجيب اعلى درجة بس كانت بتقول الكلام دا بجد من قلبهااا وكانت بتبقا مقتنعة مليوون في الميا انها مش هتنقص في الامتحان والله العظيم الكلام اللي كانت بتقوله كان اللي بيحصل كنت ببقا مستغربة اووي ومفهمتش غير لما كبرت وسمعت الحديث القدسي دا " انا عند ظن عبدي بي " فخلي عندك ثقة كبيييرة وظن حسن بربنا
بدل ما تقولي انا هجيب 92 قولي ان شاء الله ربنا هيوفقني وهدخل الكلية اللي انا عاوزاها قوليها من قلبك وانتي مقتنعة بيها
وبقسملك بالله لو ظنيتي ظن حسن بربنا وانو هيقدرلك اللي بتتمنيه ربنا مش هيخذلك ابدااا ،، متقوليش بقا عاوزة اعرف لو جبت المجموع دا ينفع اعوض ولا لا ... لا مش عاوزين الافتراض دا يبقا موجود اصلااااا

يارب اكون افدتك لو عاوزة اي حاجة انا تحت امرك ..
وبالتوفيق ان شاء الله ،،


بجد ربنا يجزيكي الف خير

بجد ربنا يجزيكي الف خير

ويجزيكي يارب الف خير :)