حوار بين جعيدى من كفر ابو طشت وواحد من النخبة من حى راقى فى القاهرة ( الدستور اولا )



جعيدى : السلام عليكم يا سعت البيه


البيه : وعليكم السلام يا سيدى ..عايز ايه


جعيدى : لو سمحت يا بيه احنا حادنا فى البلد بنشوف سعتك فى التلفزيون مع الناس المهمة


البيه : ايوة بنبقى فى اجتماعات يا ابنى علشان البلد



جعيدى : يا ماشاء الله يا ماشاء الله


بس قولى يا بيه على كدة ممكن تفهمنى ايه اللى بيحصل فى البلد




البيه : ايه يا ابنى انت مش معانا ..البلد فيها ثورة


جعيدى : ثورة كدة يا بيه زى بتاعة عبد الناصر


البيه : اه حاجة زى كدة بس على احسن طبعا


جعيدى : يعنى يا بيه انتم طردوا ملك مصر زى عبد الناصر


البيه : لا يا ابنى احنا بقى حبسنا عياله وهنحبسه قريب


جعيدى : انتم مين يا بيه


البيه : احنا النخبة يا ابنى اللى عملنا الثورة


جعيدى : يعنى ايه نخبه يا بيه


البيه : احنا اللى بنفكر ازاى نصلح احوال البلد


جعيدى : طيب يا بيه باقى الشغب ما عملش حاجة فى الثورة وانتم النخبة اللى عملتوا كل حاجة


البيه : احنا يا ابنى اللى بدأنا الثورة بعد كدة الشعب ساعدنا شويه


جعيدى : طيب يا بيه انا عمال اسمع عن ناس كدة اسمهم الاخوان مين دول


البيه : دول يا ابنى اللى كانوا موالين للنظام السابق


جعيدى : يعنى ايه يا بيه


البيه : يعنى كانوا متفقين مع النظام السابق على ظلم الشعب


جعيدى : مش دول يا بيه بتوع الاسلام هو الحل


البيه : اه هم


جعيدى طيب ازاى يا بيه بتقول عليهم كده دول ما شاء الله كانوا عاملين مستشفيات ومشاريع خيرية وكانوا بيتحبسوا من الحكومة كل شوية واتبهدلوا ..هو انت يا بيه كنت ضد النظام السابق واتحبست زيهم كدة


البيه : لا يا ابنى انا لى علاقتى


جعيدى : طيب يا بيه والسلفيين دول اللى بدقن دول ..بيقولوا عليهم ارهابيين ليه


البيه : اه يا ابنى دول كانوا عملاء لامن الدولة ..وبيقطعوا ودان الناس


جعيدى : ازاى يا بيه دة الشيخ محمد اللى حدانا فى البلد دايما بيسعى فى الصلح بين الناس اللى بينها مشاكل وبيعلمنا كلام ربنا فى الجامع وبيعملوا عندنا مشاريع خيرية كتير زى الاخوان


البيه : ما هم بيعملوا كدةو علشان الانتخابات


جعيدى : طيب وهو انتم مش بتعملوا خير زيهم ليه


البيه : ما هو يا ابنى احنا مش عايزين الانتخابات


جعيدى : طيب ما تعملوا خير وتخلوه لله


البيه : يا ابنى احنا مش فاضين للحاجات الصغيرة دى ..احنا بندور على مصلحة البلد


جعيدى يعنى الاخوان دول والسلفين مش خايفين على مصلحة البلد


البيه : ايوة دول بيدوروا على مصلحتهم


جعيدى : طيب يا بيه انا ملاحظ انك عمال تتكلم عليهم وحش وهم مش بيجيبوا سيرتك الا بالخير


البيه : علشان يا ابنى ........احم احم ..يا هانى هات كوباية ميه


جعيدى : طيب يا بيه ايه اللى حصل فى الاستفتاء وسمعت انكم بينكم مشاكل عليه


البيه : اه يا سيدى دول راحوا يجمعوا الناس باسم الدين علشان يقولوا نعم ..مش شيخ الجامع عندك قالكم قولوا نعم


جعيدى : لا يا بيه هو قلنا روحوا وقولوا اللى انتم عايزينه


البيه : لا قال بس انت ما اخدتش بالك


جعيدى هو انت يا بيه كنت قاعد معانا


البيه : لا بس انا لى مصادرى اللى اكدت لى انه قال


جعيدى : انت ادرى يا بيه ما انت من النخبة وعارف كل حاجة:d


البيه : انت قلت ايه فى الانتخابات يا جعيدى


جعيدى : قلت نعم يا بيه


البيه : طيب بص يا جعيدى احنا دلوقتى بنجمع 15 مليون توقيع علشان نقول لا توقع معانا


جعيدى : انتم مين يا بيه


البيه : احنا الجمعية الوطنية للتغير


جعيدى : هو مين اللى عمل الجمعية دى يا بيه


البيه : الاحزاب وشباب الثورة


جعيدى : يعنى الشعب انتخبكم يا بيه


البيه : لا يا سيدى احنا اللى جمعنا نفسنا


جعيدى ..اممممممممم يعنى انتم لميتوا نفسكم وقلتوا تتكلموا باسم الشعب اللى قبل كدة نعم


البيه : ما انا قلت لك ان الشعب اضحك عليه فى الاستفتاء


جعيدى : طيب ليه ما يكونش انتم اللى بتضحكوا عليه دلوقتى


البيه : يا ابنى احنا بنفهم احسن من الشعب ..احنا فاهمين لكن الشعب بيحفظ بس;)


جعيدى : بقولك ايه يا بيه ...بيه ايه استنى هو انا بقولك يا بيه ليه والله ولا تستهال انى اقعد اتحاكى معاك:slap1qk6:


الناس اللى زى الفل الاخوان والسلفيين طالع عينيهم لخدمة الشعب بمشاريع خيرية وانت والناس اللى معاك عمال تغلط فيهم:slap1qk6:


وكمان عايز تتكلم باسم الشعب وانت ولا حد من الشعب رشحك تتكلم باسمه:slap1qk6:



شوف انت تشرب كوباية لموناتة ساقعة وما اسمعشك تتكلم باسم الشعب تانى فى التلفزيون ...هو الشعب دة عيل صغير مش هيعرف يتكلم عن نفسه



وبقولك ايه انت اخرك تلم 4 مليون يقولوا لا زى الاستفتاء فنصيحة من اخوك جعيدى الغلبان اللى بيحفظ ومش بيفهم وفر الورق ...الا اذا كنت هتزور توقيعات للناس




طبعا واضح ان النوعيات اللى زى البيه واللى بقينا نشوفها كتير فى التفلزيون


لم تكتفى انها بتتكلم باسم الشعب


بل اصبحت تتكلم باسم شباب الثورة والجمعية الوطنية للتغير وكأنهم هم كل حاجة فى البلد



والاستاذ عصام سلطان قال عليهم ان اغلبهم ليهم اصحاب فى الجمعية الوطنية للتغير لكن مش اعضاء فيها


شوفتوا الخيبة:bosyht9: :bosyht9:

ههههه حوار روعه يا مستر

بارك الله فيك يا استاذ محمد وكثر من امثالك
حوار تعبيرى صحيح

البيه : علشان يا ابنى ........احم احم ..يا هانى هات كوباية ميه


مين هانى ده ؟؟؟

حواررائع جدا
ياريتوا يسمع
هههههه

هانى دا الراجل اللى ورا البيه

فعلا الاخوان و السلفيين مش بيجيبوا سيرة الاحزاب التانية الا بالخير.
هو في احلى من لما يتقال عليك كافر و ملحد و مش هتورد على جنة.
على فكرة كلمة النخبة اللي مش عاجباكم و بتتريقوا عليها موجودة في كل العالم حتى الدول اللي مفيهاش ولا واحد جاهل.
بالعكس اللي بيعمل نفسه نخبة متعالية على البسطاء مثلا شيخ في زاوية في الارياف يجمع الناس حوليه و يقولهم روحوا صوتوا لفلان او ضد فلان .. يقولهم فلان ده هينصر الاسلام و فلان ده /تآمر على الاسلام.

جزاكم الله خيراً بجد الموضوع روعة .

فعلا الاخوان و السلفيين مش بيجيبوا سيرة الاحزاب التانية الا بالخير.
هو في احلى من لما يتقال عليك كافر و ملحد و مش هتورد على جنة.
على فكرة كلمة النخبة اللي مش عاجباكم و بتتريقوا عليها موجودة في كل العالم حتى الدول اللي مفيهاش ولا واحد جاهل.
بالعكس اللي بيعمل نفسه نخبة متعالية على البسطاء مثلا شيخ في زاوية في الارياف يجمع الناس حوليه و يقولهم روحوا صوتوا لفلان او ضد فلان .. يقولهم فلان ده هينصر الاسلام و فلان ده /تآمر على الاسلام.

انا واحد اتشرف اننى من الاخوان المسلمين واحب ان اقول لحضرتك واوضح ومش لازم احلف علشان تصدقنى
ان كلمة كفر محذوفة من قاموسنا نهائيا ولا نشغل بالنا بها فالله وحده من يعلم ايمان الناس ودرجات قربهم وبعدهم به وايمانهم وكفرهم ايضا فليس هناك داعى ابدا لهذا الافتراء الذى اظنه غير مقصود
كما احب ان اوضح لك اننا نحترم كل الناس المخالفين لنا قبل المؤيدين ماداموا التزموا بادب الحوار
كما احب ان اؤكد لك وهذا امر هام جدا جدا ان الاخوان ليس لهم توجه معين فى شخصية محددة لرئيس الجمهورية القادم وان الوقت مازال مبكرا على هذا الامر لكن هناك قرار ملزم لكل الاخوان الا يترشح احدا منا للرئاسة
كما احب ان اؤكد لك اننى شخصيا احترم د/ محمد البرادعى لانه جاء فى وقت صعب ووقف ضد التيار فى زمن كثر فيه اللمتملقين للسلطةلكن ليس هذا معناه عندى اننى سوف اختاره رئيسا للجمهورية ولايعنى كلامى ايضا اننى سوف لا اختاره لاننى وببساطة انتظر التقييم النهائى للمرشحين واسأل الله ان يولى من يصلح وان يوفقنا لحسن الاختيار
ارجو من الله ان اكون اوضحت لحضرتك وللاخوة الاعزاء موقف الاخوان الذى يحلو للجميع جلدهم لا للشىء الا لانهم القوة المنظمة الملتزمة تنظيميا
دمتم فى ود وحب وتآلف واخوة صادقة فى وطن عزيز على نفوسنا جميعا لابد للجميع ان يتعالى على خلافاته وان تكون اختلافاتنا صحية ونرتقى باسلوب حوارنا وصولا الى بر الامان

شكراً على الموضوع الراااااااائع

جزاكم الله خيرا قصة معبرة عن الواقع الذى نعيشه الآن الآن ولكن أفضل أن نستبدل كلمة النخبة ونسميهم الملأ كما سماهم رب العالمين فالمتتبع لذكر الملأ فى القرآن يجدهم جماعة يمتلكون المنصب والجاه ويساهمون فى صنع القرار وصوتهم عال ومسموع .

وَقَالَ الْمَلَأُ مِنْ قَوْمِ فِرْعَوْنَ أَتَذَرُ مُوسَى وَقَوْمَهُ لِيُفْسِدُوا فِي الْأَرْضِ وَيَذَرَكَ وَآلِهَتَكَ قَالَ سَنُقَتِّلُ أَبْنَاءَهُمْ وَنَسْتَحْيِي نِسَاءَهُمْ وَإِنَّا فَوْقَهُمْ قَاهِرُونَ (127) سورة الأعراف
{‏‏قَالَ الْمَلأُ الَّذِينَ اسْتَكْبَرُواْ مِن قَوْمِهِ لَنُخْرِجَنَّكَ يَا شُعَيْبُ وَالَّذِينَ آمَنُواْ مَعَكَ مِن قَرْيَتِنَا أَوْ لَتَعُودُنَّ فِي مِلَّتِنَا قَالَ أَوَلَوْ كُنَّا كَارِهِينَ قَدِ افْتَرَيْنَا عَلَى اللّهِ كَذِبًا إِنْ عُدْنَا فِي مِلَّتِكُم بَعْدَ إِذْ نَجَّانَا اللّهُ مِنْهَا وَمَا يَكُونُ لَنَا أَن نَّعُودَ فِيهَا إِلاَّ أَن يَشَاء اللّهُ رَبُّنَا}‏‏

قال الملأ الذين كفروا من قومه إنا لنراك في سفاهة ،وإن لنظنك من الكاذبين )الاعراف

فالقاسم المشترك بين جميع الملأ المذكور فى القرآن أنهم من أصحاب القرار وتجدهم وهذا الموحد بينهم يعادون كل ما هو دينى لو تتبعت قالتهم لأى نبى موسى أو شعيب أو هود أو صالح أو نوح تجد التهم المعلبة أنهم جهلاء أو كاذبون أو يريدون الافساد فى الارض ويحذرون أهل القرى منهم .
لو تتبعنا الملآ عندنا الآن هل يفعلون غير ذلك ليل نهار تحذير من التيارات الدينية ومعاداة لكل ما هو اسلامى وأنهم يريدون مصالحهم وسيخربون مصر وهم سفهاء عقول ضلمة فهم يواجهوننا كما واجه اخوانهم أنبياء الله من قبل ولنا فى القرآن عظة وعبرة ودائما وأبدا يكون الغلبة لأتباع الدين والخسأ لأتباع الهوى

انا واحد اتشرف اننى من الاخوان المسلمين واحب ان اقول لحضرتك واوضح ومش لازم احلف علشان تصدقنى
ان كلمة كفر محذوفة من قاموسنا نهائيا ولا نشغل بالنا بها فالله وحده من يعلم ايمان الناس ودرجات قربهم وبعدهم به وايمانهم وكفرهم ايضا فليس هناك داعى ابدا لهذا الافتراء الذى اظنه غير مقصود
كما احب ان اوضح لك اننا نحترم كل الناس المخالفين لنا قبل المؤيدين ماداموا التزموا بادب الحوار
كما احب ان اؤكد لك وهذا امر هام جدا جدا ان الاخوان ليس لهم توجه معين فى شخصية محددة لرئيس الجمهورية القادم وان الوقت مازال مبكرا على هذا الامر لكن هناك قرار ملزم لكل الاخوان الا يترشح احدا منا للرئاسة
كما احب ان اؤكد لك اننى شخصيا احترم د/ محمد البرادعى لانه جاء فى وقت صعب ووقف ضد التيار فى زمن كثر فيه اللمتملقين للسلطةلكن ليس هذا معناه عندى اننى سوف اختاره رئيسا للجمهورية ولايعنى كلامى ايضا اننى سوف لا اختاره لاننى وببساطة انتظر التقييم النهائى للمرشحين واسأل الله ان يولى من يصلح وان يوفقنا لحسن الاختيار
ارجو من الله ان اكون اوضحت لحضرتك وللاخوة الاعزاء موقف الاخوان الذى يحلو للجميع جلدهم لا للشىء الا لانهم القوة المنظمة الملتزمة تنظيميا
دمتم فى ود وحب وتآلف واخوة صادقة فى وطن عزيز على نفوسنا جميعا لابد للجميع ان يتعالى على خلافاته وان تكون اختلافاتنا صحية ونرتقى باسلوب حوارنا وصولا الى بر الامان


يا باشا هم عارفين الكلام ده كويس بس بيحب يكرروه كتير عشان زي ما تقول كده العيار اللي مايصبش يدوش:d
المهم, أن الكلام والله إلي بيقولوه ده تجنّي هتتحاسب عليه يوم القيامة, وأسهل حاجة عند الناس دول, "إلحق ده فلان الفلاني بيكفر مش عارف مين عشان قال الدستور أولاً:d" كلام فارغ وعار على صاحبه, وأكيد يا فوكس أنت فاكر الجريمة بتاعة اليوم السابع اللي عملتها مع الشيخ محمد حسان.
الخلاصة: يا محمد.فوكس (إلعب غيرها), ويا ريت أسمع حاجة جديدة:d بلاش الكلام اللي اسمعه من هاني, أو من نجيب ساويرس, أو من البرادعي, أو من عمرو حمزاوي, أو منك يكون كوبي , بيست, كأنك حافظين مش فاهمين على رأي البيه:d
تقبل مروري.......................

موضوع جامد جداً والله, اسلوب رائع, بس انتوا عارفين أنا تخيلت مين البيه؟, وأنا بقرأ القصة:d:d ,أكيد عارفين...........
ساويرس

أضحك الله سنك وفرج همك أستاذ محمد
ودي بقة قصيدة واحد من النخبة بس مش من بتوع الدول الغربية اللي مفهاش ولا واحد جاهل
دا واحد من النخبة المصرية إللي كان منها الطبال أحمد عز والراقص انس الفقي والحرامي ..... و ..... إلخ
يستغيث بالمجلس العسكري

يا مجلِسَ الشُّمِّ الرواسِي
يا جيشنا الحرَّ العظيمَ لكَ احترامي
وإليكَ أبعثُ- مُسْتَغِيثًا- بالتماسي
أنتَ الملاذُ لعبقريٍّ لوذعِيٍّ ليبرالِي
فإذا تركتَ الحكمَ في زمنٍ قياسِي..
لنْ يستطيعَ الشعبُ والغوغاءُ فهمًا لافتكاسي
***
يا مجلِسَ الشُّمِّ الرواسِي
هذا رجائي والتماسي
اردمْ على استفتاءِ شعبٍ لا يبالي
بالعبقريِّ اللوذعيِّ الليبرالي
يا مجلِسَ الشُّمِّ الرواسِي
عدمُ احترامِ الشعبِ مبدؤنا الأساسي
فالشعبُ موقِفُهُ السياسي
مُخْزٍ.. سيأْتِي بالمآسي!
ولربما منحوا الرئاسةَ والكراسي
بالانتخابِ الحُرِّ للإخوانِِ
فالجهلُ يحكمُ شعبنَا..
تصويتُهُ دومًا حماسِي
أَنَسيتمُ استفتاءَه... كيفَ التناسي؟
***
يا مجلِسَ الشُّمِّ الرواسِي
هذا رجائي والتماسي
إنِّي أُطالِبُكُمْ بمجلسِ الحُكْمِ الرئاسي
أيضًا أطالبُ أنْ يكونَ على مقاسي
وإذا أردتمْ لن أمانعَ أنْ يكونَ معي ثنائي أو خماسي

شعر: جمال عبد الغفار بدوي

الديموقراطيه الغربيه الليبراليه العلمانيه تعنى شيئاً واحداً و هو ان كل حزب يمكن ان يصل للحكم الا ان يكون اسلامياً و هذا ما حدث مع حماس وهذا ما يريد ان يفعله الليبراليون فى مصر,

فعلا الاخوان و السلفيين مش بيجيبوا سيرة الاحزاب التانية الا بالخير.
هو في احلى من لما يتقال عليك كافر و ملحد و مش هتورد على جنة.
على فكرة كلمة النخبة اللي مش عاجباكم و بتتريقوا عليها موجودة في كل العالم حتى الدول اللي مفيهاش ولا واحد جاهل.
بالعكس اللي بيعمل نفسه نخبة متعالية على البسطاء مثلا شيخ في زاوية في الارياف يجمع الناس حوليه و يقولهم روحوا صوتوا لفلان او ضد فلان .. يقولهم فلان ده هينصر الاسلام و فلان ده /تآمر على الاسلام.

شكرا وألف شكر لصاحب الحوار الر ائع ويسلم جعيدي الذي يمثل المصريين ولا شكر للبيه الذي يمثل الملأ كما ذكر القرآن

ويا صاحبي المحترم صاحب التعليق أستحلفك بالله هل سمعت بإذنك أن أحد المشايخ كفر من قال لا ,إن قضية التكفير كبيرة وهل الناس بالسذاجة التي تدعونها بأن يضحك عليهم شيخ في زاوية ولماذا لم تقل مسجدا ومنذ متي والمشايخ يضللوا الناس وهم المصلحون الذين يدعون دائما لله وللأمر بالمعروف والنهي عن المنكر هل تحول المشايخ كما تزعمون إلي دعاة ضلال حسبي الله ونعم الوكيل فيكم وصدق الله فيكم : وإنا أو أياكم لعلي هدي أو في ضلال مبين

انا واحد اتشرف اننى من الاخوان المسلمين واحب ان اقول لحضرتك واوضح ومش لازم احلف علشان تصدقنى
ان كلمة كفر محذوفة من قاموسنا نهائيا ولا نشغل بالنا بها فالله وحده من يعلم ايمان الناس ودرجات قربهم وبعدهم به وايمانهم وكفرهم ايضا فليس هناك داعى ابدا لهذا الافتراء الذى اظنه غير مقصود
كما احب ان اوضح لك اننا نحترم كل الناس المخالفين لنا قبل المؤيدين ماداموا التزموا بادب الحوار
كما احب ان اؤكد لك وهذا امر هام جدا جدا ان الاخوان ليس لهم توجه معين فى شخصية محددة لرئيس الجمهورية القادم وان الوقت مازال مبكرا على هذا الامر لكن هناك قرار ملزم لكل الاخوان الا يترشح احدا منا للرئاسة
كما احب ان اؤكد لك اننى شخصيا احترم د/ محمد البرادعى لانه جاء فى وقت صعب ووقف ضد التيار فى زمن كثر فيه اللمتملقين للسلطةلكن ليس هذا معناه عندى اننى سوف اختاره رئيسا للجمهورية ولايعنى كلامى ايضا اننى سوف لا اختاره لاننى وببساطة انتظر التقييم النهائى للمرشحين واسأل الله ان يولى من يصلح وان يوفقنا لحسن الاختيار
ارجو من الله ان اكون اوضحت لحضرتك وللاخوة الاعزاء موقف الاخوان الذى يحلو للجميع جلدهم لا للشىء الا لانهم القوة المنظمة الملتزمة تنظيميا
دمتم فى ود وحب وتآلف واخوة صادقة فى وطن عزيز على نفوسنا جميعا لابد للجميع ان يتعالى على خلافاته وان تكون اختلافاتنا صحية ونرتقى باسلوب حوارنا وصولا الى بر الامان
طبعا مش هتصدق لو قلتلك اني طول عمري مع الاخوان و ما ختلفتلش معاهم غير في الفترة الاخيرة.
و لو دورت على مشاركاتي في المنتدى هتلاقيني دايما بدافع عن الاخوان و ساعة موضوع النقاب بتاع شيخ الازهر كنت هنفجر من الغيظ.
المهم ...
فكرة ان الاخوان يكفروا هم اذكى من كده انا عارف انهم مش بيكفروا... بس برضه عارف ان في لعبة توزيع ادوار.
و بالنسبة للدكتور البرادعي انا عارف ان الاخوان المسلمين بيحترموه لانهم اشتغلوا معاه و لمسوا بنفسهم شخصية الراجل الوطنية و المحترمة و شافو عن قرب التشويه اللي اتعرض ليه.
لكن للاسف في كتير جدا من الاخوان عشان في مرشحين اسلاميين منافسين ابتدوا ينقلبوا على الراجل و مش معنى انهم ينقلبوا انهم مش هينتخبوه .. انهم يقولو نفس الكلام اللي قاله عنه النظام و اللي كانو بيدافعوا عنه ساعتها.

ويا صاحبي المحترم صاحب التعليق أستحلفك بالله هل سمعت بإذنك أن أحد المشايخ كفر من قال لا ,إن قضية التكفير كبيرة وهل الناس بالسذاجة التي تدعونها بأن يضحك عليهم شيخ في زاوية ولماذا لم تقل مسجدا ومنذ متي والمشايخ يضللوا الناس وهم المصلحون الذين يدعون دائما لله وللأمر بالمعروف والنهي عن المنكر هل تحول المشايخ كما تزعمون إلي دعاة ضلال حسبي الله ونعم الوكيل فيكم وصدق الله فيكم : وإنا أو أياكم لعلي هدي أو في ضلال مبين
انا ممكن ارد خصوصا اني بصلي ساعات في القائد ابراهيم في اسكندرية.
لكن انا عايز اسأل سؤال بنفس الطريقة.
هل سمعت واحد ليبرالي او بالمعنى الاصح واحد لا ينتمي للتيار الديني.
يقول انه يريد دولة لا دينية.
تقولو على ناس علمانيين غصب عنهم و هم طول عمرهم ببقولو انهم مش علمانيين.
منقدرش نلوم حد لو فقد احترامه لشيخ بعد ما قاله روح انتخب فلان او صوت لصالح كذا.
لانه هو ما احترمش ان اللي قدامه ده ليه عقل.
و طبعا ده اللي حصل في الاستفتاء و هيحصل في الانتخابات.

يا فوكس بصراحة انتوا حيرتوا الواحد,
دخلتونا في علمانية, وليبرالية, ومش عارف ايه؟
يعني أنا حاسس ان الناس التانيين"اللي لا ينتموا للتيار الاسلامي, بقوا حسب التساهيل......................

لما تتطلب معاهم دين يقولوا الدين السلامي الحنيف, وكام كلمة كده"زي البرادعي على أون تي في لما سألوه على المادة التانية من الدستور, وقال أن هذه المادة ستكفل الحرية للمسيحين, وبعد كده مع منى الشاذلي رجع قال يعني ايه دولة لها دين؟ الدولة عبارة عن مؤسسات, إزاي أقول أن دين وزارة الصحة اسلامي!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!"
أنا مش عايز تبرير على كلام البرادعي لأنه ليس نقطة البحث الآن, ده غير أن البرادعي مكنش بيتكلم لاوندي عشان حد يفهمنا هو كان يقصد ايه؟
بس هي النقطة في كده: أن التيارات الأخرى عامله زي السائل, يأخذ شكل الاناء الموضوع فيه:d

فعلا الاخوان و السلفيين مش بيجيبوا سيرة الاحزاب التانية الا بالخير.
هو في احلى من لما يتقال عليك كافر و ملحد و مش هتورد على جنة.
على فكرة كلمة النخبة اللي مش عاجباكم و بتتريقوا عليها موجودة في كل العالم حتى الدول اللي مفيهاش ولا واحد جاهل.
بالعكس اللي بيعمل نفسه نخبة متعالية على البسطاء مثلا شيخ في زاوية في الارياف يجمع الناس حوليه و يقولهم روحوا صوتوا لفلان او ضد فلان .. يقولهم فلان ده هينصر الاسلام و فلان ده /تآمر على الاسلام.

استاذ محمد دعني اختلف معك كل الاختلاف ..
الصورة المأخوذه عما يسمي بالسلفيين وغيرهم فيها مبالغة كبيرة وتعميم ظالم ..
والتشبيه الذي قلته عن النخبة والشيخ .ليس بهذه الصورة .زالشعب المصري لايساق .
الشعب المصري بطبعه متدين .الشعب المصري ظلم سنوات طويلة آن له أن يتنفس الحرية .ويعبر عن رأيه .
مايسمي بالنخبة التي تجتمع في المكاتب المكيفة .بعيدة كل البعد عن الشعب وعن مشاكله .
ودعني أسألك:
* أليس من مبادي الديمقراطية التسليم برأي الاغلبية ؟؟
*لماذا النقلاب علي الاستفتاء وفي هذا الوقت بالذات ؟؟
*لماذا لمهذا الانقلاب بعد الاستفتاء مباشرة ؟؟
*لم السكوت حتي اليوم ؟؟
العالم كله شهد بما حدث في الاستفتاء .من شفافية واقبال ..
وان كان هناك من أثر علي الشعب فهو نجاح لهم ..ولمقدرتهم علي الاقناع ..وفشل لمن لم يستطع اقناع الشعب ...نحن اليوم في حاجة تطبيق نتائج الاستفتاء .
نحن اليوم جميع افراد الشعب بكل اطيافة علينا ان نكون صفا واحد للنهوض بالوطن .وكفي ثرثرة ..
**********************
تحياتي للحوار الرائع ..وتحية من القلب لعم جعيدي

يا محمد فوكس

لا تفترى على العلماء وأئمة المساجد
حد قالك قبل كده ولا لغيرك انت كافر ولا ملحد ؟؟؟!!!!!!!!!!
عايز البرادعى وبتحبه خلاص انت حر
" يحشر المرء مع من احب "
ربنا يجمعك معاه دنيا وآخرة

للتنشيط بمناسبة جمعةالشعب ورفضه للوصايا
جمعة 29/7

وأنهم يريدون مصالحهم وسيخربون مصر وهم سفهاء عقول ضلمة فهم يواجهوننا كما واجه اخوانهم أنبياء الله من قبل ولنا فى القرآن

شاتيم فى كل حته

استاذ محمد دعني اختلف معك كل الاختلاف ..
الصورة المأخوذه عما يسمي بالسلفيين وغيرهم فيها مبالغة كبيرة وتعميم ظالم ..
والتشبيه الذي قلته عن النخبة والشيخ .ليس بهذه الصورة .زالشعب المصري لايساق .
الشعب المصري بطبعه متدين .الشعب المصري ظلم سنوات طويلة آن له أن يتنفس الحرية .ويعبر عن رأيه .
مايسمي بالنخبة التي تجتمع في المكاتب المكيفة .بعيدة كل البعد عن الشعب وعن مشاكله .
ودعني أسألك:
* أليس من مبادي الديمقراطية التسليم برأي الاغلبية ؟؟
*لماذا النقلاب علي الاستفتاء وفي هذا الوقت بالذات ؟؟
*لماذا لمهذا الانقلاب بعد الاستفتاء مباشرة ؟؟
*لم السكوت حتي اليوم ؟؟
العالم كله شهد بما حدث في الاستفتاء .من شفافية واقبال ..
وان كان هناك من أثر علي الشعب فهو نجاح لهم ..ولمقدرتهم علي الاقناع ..وفشل لمن لم يستطع اقناع الشعب ...نحن اليوم في حاجة تطبيق نتائج الاستفتاء .
نحن اليوم جميع افراد الشعب بكل اطيافة علينا ان نكون صفا واحد للنهوض بالوطن .وكفي ثرثرة ..


فعلا لابد ان نحترم نتائج الاستفتاء

يا محمد فوكس

لا تفترى على العلماء وأئمة المساجد
حد قالك قبل كده ولا لغيرك انت كافر ولا ملحد ؟؟؟!!!!!!!!!!
عايز البرادعى وبتحبه خلاص انت حر
" يحشر المرء مع من احب "
ربنا يجمعك معاه دنيا وآخرة



يغضبون جداً من
" يحشر المرء مع من احب "

اذا قلت له انتخب فلان
يقول نعم
اذن أنت تحبه
لا ليس بالضرورة
ليس معنى أنتخبه أني أحبه
طالما لا تحبه فلماذا تنتخبه
"كده وخلاص"
.
.
.
المحصلة
ينتخبون أي كائن
طالما أن توجهه ليس ....

اسلامياً

هنا مربط الفرس

ابتعد عن الاسلام

نحبك

تقول شريعة ودين

بيننا وبينك




ماصنع الحداد
.

تقبلوا تحياتي

عارفين مين هاني
هاني ده زيه زي
الراجل اللي ورا عمر سليمان

بالنسبة لجعيدي
من ابو تشت مش ابو طشت
ده واحد كدة حدانا في البلد
من قنا معروف هو اكيد بعد الموضوع ده

زبالنسبة للثورة
مفيش حد وقف جمب الثورة قدي
مفيش حد ساند الثورة قدي
انا اول واحد فتحت التليفزيون
ايام ما كان في واحد بس في الميدان
قعدت ع التليفزين
لغاية ما الملاين اتجمعوا
عرفتوا انا مين
عرفتوا انا ساندت الثورة ازاي
ده انا دفعت فتورة كهربا محصلتش

يارب بعد ده كله نكون عرفنا هاني وجعيدي وهبة الرحمن


الفتايين بيشجعوا واحنا معاهم

لا جعيدى
ولا السعب
والاخوان
ولا السلف
ولا البيه
ولا الثورة
ولا الجمعية الوطنية للتغيير
ولا غيرهم
ولا عاد حد ينفعم فى ام الورطة الهباب الى البلد وقعت فييه
معتش ينفعش غير
رحمة ربنا