رسالة ليست منى شخصيا

ولكن هذه الرسالة من كل أم و أب تمزقت قلوبهم على أبنائهم الذين ضاع تعبهم فجأة وبدون مبرر


لكل زميل سوف يذهب للتصحيح اعتبر الورقة التي أمامك لإبنك أو بنتك اللي حاسس إنه اتظلم في ورقة الأسئلة


ضع في اعتبارك إن الأسئلة بها أخطاء فنية فادحة وبالجملة يبقى نحكم ضميرنا الله يخليكم

مع كل الطلاب لإن اللي محتاج درجة عشان يدخل كليات القمة بالظبط زي اللى محتاج درجة عشان ينجح
فلكل طالب هدفه


ارجوكم انسوا موضوع نموذج الإجابة لإنه هيبقى فيه أخطاء تانية صحح بما يمليه عليه ضميرك
فلا يصح منا ونحن نربي الأجيال .. أن ندفن رؤوسنا في الرمال ونستسلم ويضسع حق الطلاب
فيمكنكم أن تعيدوا البسمة لكل بيت مصري يبكي من أمس ستعيدون البسمة لهم مع إعلان نتيجة الجيولوجيا
أرجوكم ...... أرجوكم

بالله عليك إزاي هتصحح سؤال المصطلح العلمي ؟
والأول زي الرابع وبلاش نطنش والمصطلح التاني فعلا غير مفهوم هل هو الساعة الجيولوجية ؟ ولا تطور الحياة


إزاي هتصحح سؤال صخور المقطم ؟؟؟
على أساس اللي في دماغ المستشار ولا هتدي الدرجة لكل طالب اجتهد وكتب الإجابة من فهمه للمنهج ولا هتقدر تعوض الطالب اللي اتصدم من السؤال ولم يجد له إجابة محددة في المنهج ؟

سؤال الرسمة بتاعت السيال والسيما وهي سهلة جدا بس الرسمة اللي في ورقة الأسئلة فعلا غير واضحة ولو طالب رسمها بالمنظر ده لازم ينقص يبقى إزاى نطلب من الطالب يجيب عليها ؟

وهل ستعطى الدرجة كاملة لمن كتب غاز الفسوجين فقط ؟؟ ولا هتحاسبه على نموذج الإجابة دا إذا كان في أصلا غازات تانية

ارجو أن تكون الرسالة وصلت من قلب الأم الذي انفطر وقلب الأب الذي طفح الدم طول العام وحرم نفسه من كل شيء واشتغل لغاية الساعة 2 بالليل أو استلف عشان يعلم ولاده وانتوا عارفين كويس ظروف البيت المصري
وفي النهاية يرى ابنه أو ابنته لن تفعل شيئا وبسبب أخطاء في ورقة الأسئلة

ارجوكم ما تخلوش الطالب يدفع التمن مرتين وبسبب أخطاء محتملة في نموذج الإجابة فمن يطلب تقديم نقد لنظرية الانجراف القاري لا يستطيع أن يضع الإجابة العلمية الصحيحة لهذا السؤال

ارحموا قلوب آلاف الآباء والأمهات والأبناء والبنات

ورسالة لكل طالب سيقرأ هذه الرسالة ... اكتب اللي في قلبك واللي نفسك تبعته للمصححين والجزئيات اللي كنت متلخبط فيها هنا في التعليق وكلامك إن شاء الله هيوصلهم

ياريت فعلا يعملو كدا لانه بجد حرام اللى اتعمل فينا

والله العظيم والله العظيم انا اول لما شوفت الاسئله دى اعصابى كلها باظت ونسيت كل الاجابات وارتبكت جداااااااااا وخاااايف اوووى اووووى بجد لانى تعبت جدا فيهم يا جماعه حرام والله والله حرام هما بيعملوا فينا كدة ليه لو مش عايز يخلونا ناس محترمه يقولونا واحنا هنخدها من قصرها ونسيب التعليم ونوفر فلوس اهالينا الى بيتعبوا ويشقوا بالفلوس دى علشان يدهلنا حرام والله وحسبنا الله ونعم الوكيل فيهم كلهم

حسبنا الله ونعم الوكيل

فعلن حرام انا عمرى منقصت ولة درجة فى الجيولوجيا دى فى الدرس واسئلة الامتحان وحشة والله اعلم اية هيحصل انا مرعوبة لو نقصت بجد انا احتمال اخوش معهد مش هخوش كلية لانى ف امس حاجة لكل درجة حرام عليهم بيعجزونا احنا اخرنا معاهد والعلمى الفاشلة بتوعهم يخوشو كليات القمة بتاعت ادبى واحنا اخرنا اية اخرنا معهد والله ميرضيش ربنا

حرام بجد اللى بيحصلنا ده احنااقل من غيرنا فى ايه زي ماهما عاوزين يحققوا احلام احنا كمان زيهم يعنى بجد حرام اوى اللى حصلنا ده

حسبى الله ونعم الوكيل

والله العظيم ابنى قالى كنت حاسس ان قلبى حيقف

أنا اللي في قلبي بجد أن حضرتك قايم معانا بالواجب وزياده وياريت كل الناس تنظر لينا بمنظور حضرتك
وياريت يراعوا ضيق الوقت لأني أضطررت أن اختصر في الاجابه ولم أجد متسع من الوقت للمراجعه وبعض الأسئله كتبت الاجابه الصحيحة وشطبتها وكتبت الخطأ

الدكتور المحترم أمجد

اقشعرت الأبدان مع احساسك ونعلم نحن أبنائك الطلبة كم قاسيت معنا فى تقديم روائع المنهج لدرجة اننا أحببنا الجيولوجيا
والبيئة من خلال شرحك المتميز وكم كانت ظروف المصريين الصعبة هذا العام فعندهم الشهيد والمصاب والعاجز والضرير ويكفينا
توتر الأعصاب من هروب السجناء وكيف عانت الأسرالكثير هذا العام وطلبك من الأباء والأخوات المدرسين والمدرسات بمراعاة الله وعدم وقوع الظلم علينا هو طلب القلب الحنون صاحب الضمير الحى ويكفى ان واضع الأمتحان قد أطاح بالامال وقتل الأحلام وأسودت الدنيا أمامنا وتكفى كلمات المستشارة المستفزة بان نتقى الله بأن الأمتحان سهل وتجاهلت عدم تناسبه مع الوقت وطوله الغير مبرر وعدم مراعاته للمواصفات وجود سؤال يحتوى على علل وفسر ووضح الأسباب فى سؤال واحد وطلاسم اخرى ليس الهدف منها سوى الانتقام من طلبة أصلا هاربين من العلمى ووجدوا انفسهم فى الشعبة الادبية الا أن اعداء شباب الثورة موجدين فى صور مختلفة وحسبى الله ونعم الوكيل

ايوة بجد ربنا ستر لان الامتحان كان وحش اوى مع انى كنت داخلة مذاكرة كويس

رساله الي كل معلمي المادة قبل أن ننظر بعين العطف لأبنائنا لنعلم
أحبائي معلمي المادة المحترمين جميعا أن السيدة المستشارة وكل من يتشدد معها يرتكب خطأ كبير لآننا نقضي علي المادة وبعد سنه أو أكثر لن يختا الجيولوجيا في الثانوية العامة سوي عدد قليل
ولنتذكر ما حدث في مادة الجغرافيا عندما تشدد مستشارها في وضع الإمتحانات وتشدد المعلمون في التصحيح وتمسكوا بالنموذج الإجابة وأغفلوا روح القانون وروح الإحابة وتمسكوا بالنص ضاعت مادتهم
انظروا الي حالهم معنا في المدارس لايدرسون إلا للصف الأول وينتدبون للإعدادي والأعمال الأخري فهذا مصيركم انقذوا المادة

ياريت كل مصحح يراعي ان الوقت مكانش سامح لأنى اراجع الاجابات خالص

حتي لما راجعت في البيت لاقيتني ناقصه نقطه في سؤال واللى مضايقني اكتر انى حافظه الاجابه صم بس مش لقيت الوقت اللى احل فيه

انا بجد كنت بعمل انى اقفل في الجيولوجيا دي علشان النتيجه تطلع كويسه وافرح بابا وماما

بس دلوقتي انا متأكده انى مش هقفلها

ياريت بجد كل المصححين يراعوا تعبنا طول السنه ولو في اي حاجه الطالب كاتبها يستحق عليها الدرجه ياريت ميبخلش عليه بيها

وربنا يستر

صاحب الإمتحان ده منه الله حرام عليه ليه كده

ربنا يستر بجد انا خايفة جدا من درجة المادة دى

بس ربنا يسهل واقدر اعوض فى سنة تالته

لانى أخدت قرارى انى ادرسها ف 2 بس للأسف حظى جه وحش جداااااا

وربنا يخلصنا من الظلم اللى احنا فيه ده

مع احترامى لسعادتكم لم توجدطاء فنية بورقة الامتحان هذا العام ولكنة امتحان جيد جدا يفرق بين الطالب المذاكر وفاهم جيولوجيا وبين الطالب الذى يعتمد على المذكرات المختصرة وربنا يوفق الجميع
محمد
مدرس أول جيولوجيا وعلوم بيئة

بالنسبة لسقوط هطبة المقطم موجودة ولكن لسيت بالنص بالكتاب المدرسى صــ 37بالجزء الخاص بالجيولوجيا كعامل هدمى ميكانيكى للمياه الأرضية ولك نقديرى واحترامى

بالنسبة لسقوط هطبة المقطم موجودة ولكن لسيت بالنص بالكتاب المدرسى صــ 37بالجزء الخاص بالجيولوجيا كعامل هدمى ميكانيكى للمياه الأرضية ولك نقديرى واحترامى


تحياتي لسيادتك

ولا بد أن نحترم كل الآراء

الامتحان مليء بالأخطاء الفنية ولابد أن نحترم رأي الطالب الذي اجتاز الامتحان

يعني مين يقولنا الفرق بين الزحف الصحراوي وزحف الرمال ما هو ده خطأ فني فادح
الرسمة بتاعت خاصية التوازن الأيزوستاتيكي اللي رسمها يفتقد مهارة الدقة في الرسم العلمي وارجع للرسمة هتلاقيه راسم قاع البحر في مستوى قريب جدا من الجبل وهذا استهتار لا مبرر له فالرسمة موجودة في كتاب المدرسة سيادته لو يعرف يتعمل اسكنر كان خلصنا من المشكلة دي

و إيه الفرق بين المصطلح العلمي الأول والرابع إفرض طالب جاوب الاتنين " موارد غير متجددة "
هتحسبهم صح ولا غلط وده خطأ فني ولا لأ ؟؟؟

وهل أحد يستطيع أن تذكر أنواع الغازات المسيلة للدموع ؟؟؟؟ وهل هذا وضوح في السؤال لماذا لم يقل اذكر اسم هذا الغاز وتأثيره على الإنسان هو ده صعب يعني
طب ما الناس كلها مجوباه الفسوجين ليه انا ادخل الطالب في متاهة يقعد يفكر هو في غازات إيه تاني ونضيع له وقته

ثانيا ولله الحمد لا يوجد طالب عندي خرج اشتكى إلا من طول الأسئلة ولكن الأغلبية من طلاب مصر اشتكت ولابد أن نحترم ذلك ونساندهم حتى لو ليهم نص درجة فده حقهم
وعايز اوضح إن الطلبة المتفوقون هم الأكثر شكوى لإحساسهم بضياع أحلامهم وآمالهم


ثالثا : هو المقطم فيه مياه جوفية بتنزل على الصخور وتفتتها ؟؟؟؟؟؟؟؟؟؟ وكمان فيها ثاني أكسيد الكربون ؟؟؟؟

دا المقطم لما سيادتك تطلعه بتلاقيه مفهوش ولا نقطة مياه وحتى لو ده موجود في نموذج الإجابة فدا كمان خطأ آخر
لإني سمعت إن في جرايد مجوباه كده

الإجابة هنا : سنختلف كثيرا عليها فما بالك بطالب موجود في لجنة الامتحان ويقع تحت ضغوط


فالمقطم صخوره جيرية ضعيفة تمتليء بالفواصل والشقوق والتشوهات لأنه أساسا نتج من حركة أرضية
وبالتالي فإن الهزات الأرضية البسيطة سوف تعمل على سقوط كتل من الصخور

وفي النهاية نحن لا نعترض على امتحان يقيس كل المهارات من أول التذكر والفهم والتحليل والاستنتاج إلى مهارة استخدام الأرقام ودقة الرسم العلمي
لكن فقط نرفض الأخطاء الفنية ولابد أن يتحملها صاحبها وليس الطالب

ربنا يكرمك يا استاذ امجد
و يعملوا كده ياااااااااااارب

شكرا لمجهودات حضرتك معانا يا استاذ امجد ووقوف حضرتك ممعنا وفى صفنا

و إيه الفرق بين المصطلح العلمي الأول والرابع إفرض طالب جاوب الاتنين " موارد غير متجددة "
هتحسبهم صح ولا غلط وده خطأ فني ولا لأ ؟؟؟



هو ده اللي حصل بالفعل
أنا كتبت الوقود الحفري/الموارد الغير متجدده
وفي الأولى الموارد الغير متجدده

ربنا يخليك لينا يا دكتور امجد يا رب المصححين يراعوا كل دة فعلا و الله اللى بيشتكى من الامتحان هو الطالب المتميز المذاكر طول السنة عشان كدة هو عارف مستوى الامتحان و فاهم الاخطاء الفنية الموجودة فية انما الطلاب اللى مش مذاكرة عمرها مهتعرف تطلع الاخطاء دى من الامتحان بس بردة فالاخر كلنا بنتعلق حتى فدرجة واحدة ترفع مجموعنا بعد متخسف بية الارض السنة اللى فاتت ظلم
هما نسيوا ان اللى نجح فالجيولوجيا السنة اللى فاتت طالب و احد بس ا عايز يعيدوا نفس الغلطة تانى و يظلموا هما مشفوش اخرت الظلم ا السنادى فمصر احنا مش محتاجين دلوقتى غير ستر ربنا و توفيقة لينا و بعدين ضمير المصححين ربنا يباركلنا فيهم و يخدوا بالهم مننا

يارب المصحيين يراعو ضمايرهم معانا
واى اجابة بها الشى المطلوب يحسبوها صح على طوول بجد احنا تعبنا اووووووووووووى طول السنة واهالينا تعبوا معانا اووووووووووووى
الامتحان كان طوووووووويل ومركز على الحاجات الصعبة الى ف الفصل الخامس جيولوجيا واعصابنا تعبت جدا من اول ما اخدنا الورق
ارجوا ان يراعى جميع المصححين احوالنا
ويرفعوا الدرجات لنا كلنا
لان يجب ان تشمل درجات الرافة الجميع ليس فقط الطالب الذى اوشك على الرسوب
لانى انا بخطط من زمان انى ادخل اعلااااااااااااام حرااام اوى انى اتعب واذاكر كويسسسسس جدا طوال عاامين كاملين وفى الاخر انقص ف الجيولوجيا ولاقدر اللة لا استتطيع تحقيق حلمى والله حررررررررررررررررررررام حرررررررررررررررررررررررررررررام لان جميع المواد العلمية ما عدا الجيولوجيا كانت تاااافة وسهاه جدا اشمعنا الجيولوجيا يعنىىىىىىىىىىىىىى

اخى وحبيبى الدكتور /امجد
دائما سباق لكل خير وصاحب كل مبادرة جميلة
اخى الحبيب كن متأكد ان ابنائنا الطلاب بين ايدى امينة ونحن لانقل حب لهم عن ابائهم فهم مجهود سنة كامل لنا فما وصلوا اليه هو نتاج مجهودنا معهم وبالتالى ان نضيعهم فى التصحيح ورفضنا اجابات النموذج وقبانا كل اجابة صحيحة مثلا المصطح هو فى النموزج ومن غير ضحك(استنزاف الوقود الحفرى)
واحنا بنصححها(الوقود الحفرى-او-الموارد الغير متجدده-او البترول -او الفحم -او الغاز الطبيعى )كله صح
وكذالك الحال فى جميع الاسئلة أتمنى ان يكون التصحيح فى باقى الكنترولات ذى عندنا من غير ما اقول عندنا فين

ياااارب يا استاذ وائل يكون كلامك صحيح لان انا فعلا عملت رقم 4 فى المصطلح العلمى ( البترول والغاز الطبيعى )

اخى وحبيبى الدكتور /امجد
دائما سباق لكل خير وصاحب كل مبادرة جميلة
اخى الحبيب كن متأكد ان ابنائنا الطلاب بين ايدى امينة ونحن لانقل حب لهم عن ابائهم فهم مجهود سنة كامل لنا فما وصلوا اليه هو نتاج مجهودنا معهم وبالتالى ان نضيعهم فى التصحيح ورفضنا اجابات النموذج وقبانا كل اجابة صحيحة مثلا المصطح هو فى النموزج ومن غير ضحك(استنزاف الوقود الحفرى)
واحنا بنصححها(الوقود الحفرى-او-الموارد الغير متجدده-او البترول -او الفحم -او الغاز الطبيعى )كله صح
وكذالك الحال فى جميع الاسئلة أتمنى ان يكون التصحيح فى باقى الكنترولات ذى عندنا من غير ما اقول عندنا فين

بعد اذن حضرتك يا استاذ وائل فى نقطة رقم واحد ناقش ( النشاط البشرى يؤدى الى اختلال فى المنظومة البيئية )

انا كتبت اخر جزء فى الباب الاول بيئة بتاعت الانسان ليس مركز مثلث التفاعلات وكتبت دى :

إساءة الإنسان للمحيط الحيوي :
1- السماح لمخلفات الصناعة بتلويث البيئة .
2-باستخدام المبيدات دون دراسة لآثارها السلبية.

فهل دى تقبل فى التصحيح ولا هيمشوا على النموذج وهنقص ؟؟؟؟ اجوا الرد ضروووورى بعد اذن حضرتك

بجد انا تعبت من بعد الامتحان لان مجهود السنة كلها ضاع على الارض ولغبط فى الاسئلة و الرسمة ج فى السؤال الاول فهمتها على انها صخور نارية سطحية وجوفية وسوال قبة المقطم فهمت انة بسب مرور الرياح فتاكلت صخور رخوة اقل صلابة من صخور اخرى فادى الى سقوطها وبجد دة حرام لانها مادة بخمسين درجة ولو نقصنا فيها بكمية الغلطات دة يبقى المجموع ادمر بجد حرام انا مخلصة الامتحان الساعة 12 الاعشرة ومش لحقت ازاكر بجد اخر كلمة حسبى اللة ونعم الوكيل علشان لو كل مدرس بيحط الامتحان عارف انة لابنة مش هيفكر يحطمة نصف صعوبة دة ممكن سوال لية كل واحد مش بيراعى ضميرة بس عموما اللى نصبنا فية هنشوفة ويابخت من نام مظلوم وليس ظالم وبجد اللى حط الامتحان ربنا هينتقم منة ومش هيضيع تعبنا وربنا هياخد زنب كل طالب تعب وسقطت دموعة بعد الامتحان وانا عن نفسى ضاعت احلامى

د\ اشكرك على دعوتك بس ياريت اساتذتنا يسمعوها ويكونوا كلهم زى كنترول ا\وائل يارب وبجد انا بشكرك كل الشكر لأنى لولا ورق حضرتك كان زمانى شيلت الجيولوجيا الحمد لله على كل حال وجزاك الله عنا كل خير يارب
وارجو من الله ان يكون كل مجهوداتك ودعوتنا لحضرتك فى ميزان حسناتك ان شاء الله

هيا الساع الجيولوجيه ولا تطور الحياه
-----------
انا بس عاوز اقول لاى مصحح كما تدين تدان
لو انت التزمت بالنموذج وانت عارف انو غلط ربنا مش هيسب حقنا وهيعمل كده فى ولادك

ماشى يا ميجا هية تطور الحياة وبنصححها الساعة الجيولوجية وانا بأصر على تصحيح الحفرية المرشدة كمان صح علشان خاطرك وربنا بالمرصاد وشكرا

ماشى يا ميجا هية تطور الحياة وبنصححها الساعة الجيولوجية وانا بأصر على تصحيح الحفرية المرشدة كمان صح علشان خاطرك وربنا بالمرصاد وشكرا

ربنا يكرمك يا استاذ وائل
:))))

أرجو أن ان أذكركم عندما جاء امتحان المرحلة الأولى انجليزى العام الماضى مجحفا للطلبة ولم يعطى الوزير احمد زكى بدر اى اهمية لنداءات اولياء الامور والطلبة خرج علينا الشرفاء والغيورين على مادتهم من الأساتذة والمصححين ليدافعوا عن مادتهم وما أيقنوا وأمنوا به طوال عمرهم المهنى فى تدريس مادتهم وأراحوا الطلبة ليس بتسهيل التصحيح ولكن بايمانهم القوى بطول الامتحان وعدم مناستع للوقت المحددوفزلكة وفزلكة وفزلكة الممتحن كما حدث فى مادتكم حيث اختلفتم انتم مدرسوا المادة فى الأجابات النموذجية وحاشى لله أنا أنتقص من معلوماتكم ولكن عدم وضوح السؤال فكثيرون اختلط عليهم الحل وماذا يريد الممتحن فكيف بأبنائكم الطلبة وهذه تذكرة اضعها أمام الله وأمام ضميركم وما علمتموه لأبنائكم

ما سبب انهيار صخور جبل المقطم ممكن الاجابة بسبب الفواصل + التعريف ؟؟

على اعتبار ان من الاماكن التى بها فواصل هى جبل المقطم و من الطبيعى انه مع حدوث كسر ان تسقط بعض الصخور نتيجة هذا الكسر