مشاهدة النسخة كاملة : اقر أنا المفروم أعلاااه !!
احمد رضا 24-12-2007, 09:41 AM النهارده كلامـــي تمام
كلام امبارح كان افتكاسه
اه بتاع الحـكم و النظام
و بتاع البلــد و الرئاسه
النظام معلهوش مـــلام ..
ولا الحكـم و لا الرئاسـه ..
انا إرهابي ..و انا اللـي غلط !!
ده اخر كلام ..ودي الخلاصه !!
* ؟؟؟؟؟؟ !!
مستغرب ليه ؟!
يا عمي يا سيدي ..
متستعجبـــش ..
اصل الضرب اللي انا خدته لو انت اخدته متستحملش !!
* لاء اتـ .... !!
يا بيه .. اسكت انا عندى عيال !!
عايز الامان و راحـه البـــال ..
مش كل يومين مشدود ع القسم ..
والضمانه عم او خال !!
* كلامك ده ؟ !!
ايوه كلامي و بدون تهديد
قررت امشي .. جنب الحيط
بدل ما كل يوم مفــروم
وكل يوم ايدي في حديــد
* طب قولي حكايتك .. احكي و فضفض .. حصلك ايه .. قولي رجعت في كلامك ليه ؟!
بص يا بيه ..
شتمت الريس و شتمت الحكومه ..
قولت حكومه وكلاها البارومه ..
قلـــت الريس ده ابن .... !!
قولت هو رمز النهــــــب ..
قولت و هتفت و بدون خوف
الاولي عدت علي خير ..
التانيه بعتولي غفير ..
لكن التالته يا بيه .. كات تابته
خدوني القسم ..
شوفت ع القفيان الرسم !!
اتضربت ..
اتهانت ..
اتجلدت ..
قالولي خلاص ؟ !
استكفيت ؟
قولتلهم لاء
هقول الحق
هقول و اصحي اهل البيت
هقول ان البلد بلدنا
و ميراثنا الغيط
قالولي براحتك
كيف ما تحب
كمل يا عبد المعطي الضرب
جلدوني تانـي
ادوني ف سناني
وراحوا سأليني .. خلاص حنيت ؟
قولتلهم لاء !!
هقول الحق !!
و اصحي كل اهل البيت ...
وهقول ان البلد بلدنا و ميراثنا الغيط !!
قالولي براحتك
كيف ما تحب
بس يا شاطر لازم تعـرف
ان السب .. مش اكل لب
خطفوا مراتي !!
قالولي طاطي ..
قولتلهم لاء !!
فداكي يا بلدي ..
قولة الحق !!
اغتصبوها !!
قتلوها !!
ف البحر رموها ..
قالولي شبعت ؟!
قولتهم لاء !!
هقول الحق
انتوا حكومه عايزة الحرق
راحوا .. راجعوا العيله فرد فرد
من اكبر حد لاصـــــغر حد
قالولي جبنالك ست الغالييييييييييين
حزر فزر تطلـــــع مييييين ؟
امي يا بيه !!!!
يبقي عايزني اقول الحق ..
ولا اقول للحق لاء ؟!!
هتفت و قولت
بطل الحق
وحق الباطل
انتم تمام و انتم أفاضل !!
شرفي و عرضي بقوا في الأرض ..
انا وولادي عايشين في البرد !!
و الناس ساكتة مبتتكلمش
واللي شجاع .. مبقاش له وش ..
وبعد ده كله .. اقول الحق ?!!..
* عندك حق ....
· ملحوظة : هذا الكلام في بلد ما .. عن حكومه ما .. عن رئيس ما .. عن شخص ما .. بقلمي انا مش بقلم ما
مستني آرائكم
ويارب تعجبكم
TEMO_KHALED 24-12-2007, 09:59 AM جامدة اوي و بتعبر عن كل الي بيحصل وللاسف الحكومة الي انت بتتكلم عنها بقيت عايشة باسلوب التعذيب والترهيب يعني الي يتكلم كلمة حق يودوه ورا الشمس . وانا بحب اوي جرأتك يا أحمد و بحب اوي اسلوب كلامك وتعبيرك.. بس في نفس الوقت صعبان عليا وخايف عليك..ههههههههههههه
احمد رضا 24-12-2007, 10:01 AM هههههههههههههه ربنا يخليك يا تيمو يا حبيبي
ياسيدي خليها علي الله
هيا الحكومه فاضيه للكلام ده
نورت يا تيمو
zizo2_2 24-12-2007, 11:44 AM أخواني الأعزاء، السلام عليكم ورحمة الله وبركاته. في بلد ما يحدث مثل هذا من جهاز أمن الدولة. كيف ننسى الاعتقالات العشوائية للمفرج عنهم بأمر النيابة؟ كيف ننسى التعذيب في أقسام الشرطة والسجون؟
كثير من الأمور التي يندى لها الجبين تحدث في كافة ربوع تلك البلد الآمنة. الكثيرون يخافون من الكلام والكتابة. الكثير من المفكرين المحترمين طردوا خارج البلاد،
fares elnet 24-12-2007, 11:50 AM عايزنى اقول رأيى وانا مش عارف فين الحق
لا حكومة ولا ريس بلا بطيخ
ياعم دا انا مصرى ومش عارف ازور شرم الشيخ
مع انهم بيقولوا انها بلدى
والله خايف عليك يا احمد لطرورح ورا المريخ
شكرا ليك يا احمد على الموضوع الجامد ده بجد روعة
_GUIDE_ 24-12-2007, 12:16 PM جميلة يا احمد
منتظرين المزيد بس كان ليه تعليق صغير
ياريت تحاول تظبط الوزن بتاعها شوية
وشكرا
احمد رضا 24-12-2007, 08:08 PM أخواني الأعزاء، السلام عليكم ورحمة الله وبركاته. في بلد ما يحدث مثل هذا من جهاز أمن الدولة. كيف ننسى الاعتقالات العشوائية للمفرج عنهم بأمر النيابة؟ كيف ننسى التعذيب في أقسام الشرطة والسجون؟
كثير من الأمور التي يندى لها الجبين تحدث في كافة ربوع تلك البلد الآمنة. الكثيرون يخافون من الكلام والكتابة. الكثير من المفكرين المحترمين طردوا خارج البلاد،
هنعمل ايه بس يا استاذ زيزو
آه لو كنت اعلم ان " ما " ستكون بلدى
لقطعت بنفسي حبلي السري
ربنا يستر من الايام اللي جايه
نورتني يا استاذ زيزو
عايزنى اقول رأيى وانا مش عارف فين الحق
لا حكومة ولا ريس بلا بطيخ
ياعم دا انا مصرى ومش عارف ازور شرم الشيخ
مع انهم بيقولوا انها بلدى
والله خايف عليك يا احمد لطرورح ورا المريخ
شكرا ليك يا احمد على الموضوع الجامد ده بجد روعة
ههههههههههه عندي بيت صغنن هناك يا استاذ حسام
بدعوك انت و العائله الكريمه تشرفوني
جنب البنزينه بتاعت الحج مصطفي
ربنا يخليك علي الرد الجميل
نورتني
جميلة يا احمد
منتظرين المزيد بس كان ليه تعليق صغير
ياريت تحاول تظبط الوزن بتاعها شوية
وشكرا
ربنا يخليك يا اسلام
لو تقترح عليا اغير ايه و مغيرش ايه تبقي مشكور والله
وياريت تساعدني في تنقيحها
شكرا لردك يا اسلام باشا
احمد رضا: معتقل سياسى
السن: 15سنة تعذيب
الجريمة: شتم الحكومة البريئة
الاجراءات: عذبوه-ضربوه-وفى الاخر اعتقلوه
بياناتك بعد الى انتا بتكتبه متخفش انا بهزر وبجد رائعة
CrazY Bo$S 27-12-2007, 11:01 PM هههههه يابنى حرام عليك ... خاف على نفسك ليحصلك اللى انت بتحكى عليه ده
وشوف كده الوزن
Mr.h3ll 27-12-2007, 11:20 PM لا بجد يا مان عندك موهبه حلوه اوى بس خاف على نفسك شويه ومتقلش الحجات ديه فى اى حته يا عنى الحيطه ليها ودااااااااااااااااان وبجد شكرا يا مان
أسيل رزق 28-12-2007, 03:37 PM جميلة اوى يا احمد
بس ربنا يستر عليك
وتسلم ايديك
google 28-12-2007, 03:46 PM حلوووووووووووووة ..
مهندس مساعد 29-12-2007, 08:16 PM بسم الله ماشاء الله علييييييييييييييك
بجد جميل جدا نرجو الاستمرار
بس نفسي اقرالك لغة عربية فصحى ممكن ؟
احمد رضا 30-12-2007, 01:56 PM احمد رضا: معتقل سياسى
السن: 15سنة تعذيب
الجريمة: شتم الحكومة البريئة
الاجراءات: عذبوه-ضربوه-وفى الاخر اعتقلوه
بياناتك بعد الى انتا بتكتبه متخفش انا بهزر وبجد رائعة
هههههههههههه ايه البيانات الحلوة دي
بس يا سيدي مبيحصلش حاجة
وحتي لو حصل حاجة
هيعملوا ايه ولا حاجة
كلامي مفيهوش اي حاجة
هههههه
يالا منورني والله يا مش عارف اقولك يا واي ام ولا ايه ؟
هههههه يابنى حرام عليك ... خاف على نفسك ليحصلك اللى انت بتحكى عليه ده
وشوف كده الوزن
هههههههههه اوك يا ابو حميد
منورني يا باشا
لا بجد يا مان عندك موهبه حلوه اوى بس خاف على نفسك شويه ومتقلش الحجات ديه فى اى حته يا عنى الحيطه ليها ودااااااااااااااااان وبجد شكرا يا مان
ربنا يخليك يا هيل باشا هههههههه هيا عيشه ولا موته ولا فوته في حارة سد
جميلة اوى يا احمد
بس ربنا يستر عليك
وتسلم ايديكط
هههههههههه ربنا يخليك يا اسيل
منورني يا باشا
حلوووووووووووووة ..
ربنا يخليك يا جوجل
منورني
بسم الله ماشاء الله علييييييييييييييك
بجد جميل جدا نرجو الاستمرار
بس نفسي اقرالك لغة عربية فصحى ممكن ؟
ربنا يخليك يا باش مهندس
فيه ليا فصحي هجبلك الروابط بتاعتها و احطهالك هنا وياريت تتكرم و تديني رايك فيها
منورني يا جماعه
احمد رضا 30-12-2007, 01:59 PM http://www.thanwya.com/vb/showthread.php?t=29035
دي اجتماعيه فلسفيه
http://www.thanwya.com/vb/showthread.php?t=28857
دي اجتماعيه فلسفيه برده
http://www.thanwya.com/vb/showthread.php?t=33591
دي ممكن تقدرها زي ما تحب
http://www.thanwya.com/vb/showthread.php?t=33591
اتمني اشوف رايك فيهم واتقبل الانتقاد بصدر رحب
TEMO_KHALED 30-12-2007, 01:59 PM العنوان حلو جدا يا أحمد و حضرتك بتكتب حلو و المواضيع التي من هذا النوع جميلة جدا زي موضوع (احنا ضايعين ضايعين)لكن المشكلة ان العواقب صعبة جدا و حضرتك لازم تخاف على مستقبلك..;)
احمد رضا 30-12-2007, 02:11 PM ههههههههه ايه كميه حضرتك اللي في الرد دي يا كيم
ما تيجي نشيل التكاليف
انا اقولك كيم عادي كدا
وانتي تقوليلي استاذ احمد :p
ربنا يخليكي شكرا لردك و مرورك
نورتيني يا كيم
TEMO_KHALED 30-12-2007, 02:19 PM ههههههههه ايه كميه حضرتك اللي في الرد دي يا كيم
ما تيجي نشيل التكاليف
انا اقولك كيم عادي كدا
وانتي تقوليلي استاذ احمد :p
ربنا يخليكي شكرا لردك و مرورك
نورتيني يا كيم
حاضر يا أستاذ أحمد أنا قلت كدة نظرا لفرق السن انا عارفة انه مش كبير لكن في ناس بتضايق من كدة.
شكرا والمنتدى منور بيك و بكل الاعضاء
احمد رضا 30-12-2007, 02:20 PM هههههههه ايه يا كيم بهزر قولي اللي انتي عيزاه
انتي اختي الصغيرة مفيش حاجة يعني
منوراني
TEMO_KHALED 30-12-2007, 02:22 PM هههههههه ايه يا كيم بهزر قولي اللي انتي عيزاه
انتي اختي الصغيرة مفيش حاجة يعني
منوراني
شكرا يا أحمد(مش انا أختك بردوا أكيد مفيش أختك بتقول لأخوها يا أستاذ):lol:
أمة الرحمن 31-12-2007, 01:56 PM ما شاء الله عليك يا أستاذ أحمد حضرتك فعلا انسان موهوب بس ابقى خاف على نفسك وفى انتظار المزيد وشكرا ليك
عاشقـــ الانمى ـــة 17-02-2008, 01:59 AM اغتصبوها !!
قتلوها !!
ف البحر رموها ..
عجبنى المقطع دا أوى
شكرا ليك يا أحمد
احمد رضا 19-02-2008, 11:09 PM ما شاء الله عليك يا أستاذ أحمد حضرتك فعلا انسان موهوب بس ابقى خاف على نفسك وفى انتظار المزيد وشكرا ليك
ربنا يخليكي يا امه الرحمن
نورتيني والله
هههههههه هخاف علي نفسي حاضر
احمد رضا 19-02-2008, 11:10 PM عجبنى المقطع دا أوى
شكرا ليك يا أحمد
ربنا يخليكي يا حنان
نورتيني والله
شموخ مسلمة 21-02-2008, 02:40 PM للاسف انا لسة شايفة القصيدة دى دلوقتى بس بجد قصيدة جميلة فعلا تستاهل الانسان يبكى و هو بيقراها
شكرا ليك يا احمد
gamal saber 22-02-2008, 09:57 AM اية يا مان دة شكلك كدة مجهز نفسك على الاخر
امن الدولة بينديلك وفتحلك درعاتة على الاخر
اهم حاجة عندك حد يخدلك عيش وحلاوة ولا ابق اقوم انا بالواجب
جامدة يا مان
بس توضيح صغير
النيل من ذات رئيس الجمهورية باى صورة من الصور سواء بالسب او السخرية او التهكم جريمة يعاقب عليها القانون
وفق المادة [مش فاكر رقمها]من الدستور المصرى
بس بجد حلوة اوى يا بوب
بس متعملهاش تانى ياعم العمر مش بعزقة اتمتعلك يومين بشبابك قبل ما متتسحب على المعتقلات
مشتاقة لرضا الله 22-03-2008, 07:34 PM ههههههههههه
حلوه اوى ربنا يستر ع المنتدى ليتقفل
جميله وعايزين تانى من الحاجات اللى تودى فى داهيه دى
الف شكر
لؤلؤة 08-04-2008, 04:55 PM امممممم دايما برد متاخر معلش
بس بجد
جااااااااااااامده يا مان
احمد رضا 09-04-2008, 09:24 PM للاسف انا لسة شايفة القصيدة دى دلوقتى بس بجد قصيدة جميلة فعلا تستاهل الانسان يبكى و هو بيقراها
شكرا ليك يا احمد
ربنا يخليكي يا أرق ملاك
هنعمل ايه
هو اللي بيحصل والحقيقة لازم يوجعنا
:)
نورتيني بردك الجميل
احمد رضا 09-04-2008, 09:25 PM اية يا مان دة شكلك كدة مجهز نفسك على الاخر
امن الدولة بينديلك وفتحلك درعاتة على الاخر
اهم حاجة عندك حد يخدلك عيش وحلاوة ولا ابق اقوم انا بالواجب
جامدة يا مان
بس توضيح صغير
النيل من ذات رئيس الجمهورية باى صورة من الصور سواء بالسب او السخرية او التهكم جريمة يعاقب عليها القانون
وفق المادة [مش فاكر رقمها]من الدستور المصرى
بس بجد حلوة اوى يا بوب
بس متعملهاش تانى ياعم العمر مش بعزقة اتمتعلك يومين بشبابك قبل ما متتسحب على المعتقلات
هههههههههههه انت تقصد ريس مين يابا
انا اقصد الريس متقال
ههههههههه
خلاص ربنا يبارك في باقي العمر بقي
نورتني يا جمال
:)
احمد رضا 09-04-2008, 09:27 PM ههههههههههه
حلوه اوى ربنا يستر ع المنتدى ليتقفل
جميله وعايزين تانى من الحاجات اللى تودى فى داهيه دى
الف شكر
ههههههههه يالا بالسلامه
يقفلوه
هههه
ربنا يخليكي علي المرور الجميل ده
نورتيني يا تمر حنه
:)
احمد رضا 09-04-2008, 09:28 PM امممممم دايما برد متاخر معلش
بس بجد
جااااااااااااامده يا مان
ربنا يخليكي يا لؤلؤة
مش عارف ليه حاسس اني اعرفك
انتي مغيرة اسمك ولا عامله عضوية جديدة ولا ايه بالظبط ههههههه
جزاك ِ الله خيرا علي المرور الجميل
:)
|