مشاهدة النسخة كاملة : لولولولولولولوى مبرووووووووووووووووك
H_Dody 26-06-2011, 11:29 AM ازيكوا يا كماحة عاملين ايه ؟؟؟؟؟:)
جاية أبشركم بحاجة حلوووووووووووووة موووووووووووووووووووووووز
كلنا هندخل هندسة بإذن الله :av4056bb7jp3::av4056bb7jp3::av4056bb7jp3:
مكتوب النهادرة فى جرنال الجمهورية صفحة 3 ع اليمين
إن الحد الأدنى للقبول بكليات الهندسة من 88.5 % :o:o
يعنى احنا ضامنين هندسة باذن الله :049gc0:
مبرووووووووووووووووووووووووووووك
والطب كمان من 93 % وعلاج طبيعى من 90% والصيدلة وأسنان من 92%
عاوزة دعوة حلوة كده منكم قصاد الخبر الجميل ده
هاااا فين الدعوات
adly dodo 26-06-2011, 11:34 AM لالالالا طبعا كلام خاطئ طب ايه اللى 93 وهندسه من 88 :angry2:
(بس اتمنى يكون صح):d
H_Dody 26-06-2011, 11:37 AM طب انزل جيب الجرنال وشوف مش بجيب حاجة من عندى
ولا الصحفين جايبين حاجة من عندهم
ده المجلس الأعلى للجامعات هو اللى بيقول كده
adly dodo 26-06-2011, 11:45 AM مهو احنا لما نتكلم يبقى كلام على اساس من امتى والهندسه بتاخد 88 ولا الطب حتى 93 مش نشوف كلام ونكتبه وخلالالالالالالالالاص ربنا مديلنا حاجه اسمها عقل نفكر الاول بيه مع ذلك برضو انا اتمنى كدا بس مش عايز اقنع نفسى بحاجه خياليه
mo_wa_2977 26-06-2011, 11:45 AM والله العظيم انا فرحان علشا ن فى واحد صاحبى كده هيقدر يدخل معايا . ياااااااااااااااااااااااااااااااااااااا رب
H_Dody 26-06-2011, 11:57 AM مهو احنا لما نتكلم يبقى كلام على اساس من امتى والهندسه بتاخد 88 ولا الطب حتى 93 مش نشوف كلام ونكتبه وخلالالالالالالالالاص ربنا مديلنا حاجه اسمها عقل نفكر الاول بيه مع ذلك برضو انا اتمنى كدا بس مش عايز اقنع نفسى بحاجه خياليه
ميرسى ليك
أنا مش قولت الكلام ده من عندى
من حققك ما تقنعش نفسك بحاجة خياليه ..... بس مش من حققك تتكلم باللهجة دى معايا
وبكرة الأيام جاية ونشوف وساعتها هفكرك بالكلام ده
16 يوليو مش بعيد
H_Dody 26-06-2011, 11:58 AM إن شاء الله هيبقى معاك بإذن الله
يا باشمهندس
Mohamed Omran 26-06-2011, 11:59 AM يا بنتى الكلام ده من السنة اللى فاتت سنة الفراغ !!!
واضح ان المشرفين ع الجمهورية هيسوا وطبعوه الايام ده !!
طب ايه اللى هياخد من 93
كده مصر كلها كلها كلها هتخش طب وبكده ممكن يلغوا كليات زى كلية العلوم مثلاً
وبكده محدش هيخش تجارة برده مصر كلها هتخش هندسة
وده للأسف فى الاحلااااام
ahmed hegzi 26-06-2011, 12:02 PM يا جماعه الكلام كله غلط وطالما نازل فى الجمهورية محدش يصدقه ...... البيه الصحفى طرح3 فى الميه من تنسيق سنة الفراغ هههههههههه
عنانى22 26-06-2011, 12:05 PM ياجماعة لازم يبقى فيه تفاؤل انتوا بتكرهوا الخير لبعض انشاء الله يارب تيجى كدة شوفت الراجل بيتمنى التنسيق ينزل علشان خاطر صلحبه يدخل معاه والله العظيم جدع جدا وقليل لما تلاقى حد كدة دول زعلانين علشان الامتحانات جت سهلة علشان ميتساووش بزمايلهم بطلوا الغيرة والحقد اللى مليكم ده اعوذ بالله
الذليلة الى الله 26-06-2011, 12:08 PM يا جماعة مع احترامى للجميع كل ال بيتكتب على التنسيق اليومين دول خيالات وليس حقيقة انا ايمى قالوا اكتر من كده والسنة ال بعدى بعدها اتفاجأنا بتسيق جبار وعالى منحطش املنا على اى كلام ينزل دلوقتى هما بيطمنوا الطلبة وعلى العموم اتمنى ان التنسيق يكون كده لان اخواتى فى ثانوى وانتوا زى اخواتى برده اتمنى لكم التوفيق وتحققوا ال فى بالكم ان شاء الله
شيماء نصار 26-06-2011, 12:08 PM اصلا يا جماعه الامتحانات جايه سهله صعب ان التنسيق ينزل بالطريقه دى انا علمى رياضه واتمنى ان دا يحصل وربنا يوفق الجميع
يااااااااااااااااااااااااااااااااا رب
gogooo000ooo 26-06-2011, 12:09 PM الف مبرررررررررررررروك يا جماعه الكلام ده صحيح انا جريده الجمهوريه بتاعت النهارده معايا اهيه وفعلا الكلام ده صح
ahmed hegzi 26-06-2011, 12:13 PM والله العظيم الخبر متفبرك هو موجود فى الجمهورية بص الصحفى بصمجى غبى طرح من تنسيق سنه الفراغ مش التنسيق العادى بطلوا هبل بقى .......
شيماء نصار 26-06-2011, 12:14 PM صعب الكلام ده كدا كلو زى بعضوا اللى اجتهد زى اللى نام طول السنه طب ايه اللى من 93 وهندسه 88 خلى الجرايد والاعلام يحلمو براحتهم
Mohamed Omran 26-06-2011, 12:14 PM ياجماعة لازم يبقى فيه تفاؤل انتوا بتكرهوا الخير لبعض انشاء الله يارب تيجى كدة شوفت الراجل بيتمنى التنسيق ينزل علشان خاطر صلحبه يدخل معاه والله العظيم جدع جدا وقليل لما تلاقى حد كدة دول زعلانين علشان الامتحانات جت سهلة علشان ميتساووش بزمايلهم بطلوا الغيرة والحقد اللى مليكم ده اعوذ بالله
يارب تيجى كده يا حج
احنا نكره :)
ياريت نشوف بعض كلنا فى الهندسة
لكن فى حاجة اسمها عقل ادهولى ربنا عشان افكر بيه
ومش اى حاجة اسمعها اصدقها خصوصاً لو جرنال زى الجمهورية
كل همة يبيع نسخ على قد ميقدر
فى الوقت بتاع الامتحانات ده
لانه ازبل جرنال ومحدش بيشتريه فى الايام العادية
الملاك السعيد 26-06-2011, 12:16 PM بالعكس التنسيق هيكون عالى
امتحانات السنة دة سهلة جداااااااااااا
وبعدين طب لما ياخد من 93
بذمتك ده هيكون دكتور كويس
!KIMO! 26-06-2011, 12:25 PM انا شوفت الخبر فعلا
بس دى توقعات بس
بالعكس التنسيق هيكون عالى
امتحانات السنة دة سهلة جداااااااااااا
وبعدين طب لما ياخد من 93
بذمتك ده هيكون دكتور كويس
بص النجاح فى الحياة العملية مش بالمجموع مش كل واحد يجيب 99 يبقى دكتور كويس او مهندس كويس
خصوصا مع نظام تعليم بلدنا اللى مبينفعكش بشلن اما تتخرج:)
ahmed_nadder2003 26-06-2011, 12:31 PM ايه يا جماعة الاحلام الوردى ده ايه اللى طب 93 % ده احنا كنا منعنا الموضوع ده اصلا ده مهزلة لطلبة طب بشرى ولصيدلة ولكل الكليات العلمى الكلام ده برده قالوه من ايام تنسيقنا من كام سنة وفى الاخر طلع غير كده خالص كان طب 98 .3 %يعنى بلاش دماغ واسعة علشان متصدموش صدمة عمركم وقت التنسيق
UniTed 26-06-2011, 12:35 PM يارب يكون كلامك مظبوط يا معلم و إن شاء الله يكون الخبر ده صح
مع إن العملية صعب جداً تكون كدا
, لكن تفاؤلوا بالخير تجدوا بإذن الله
لكن قولي أنت متوقع الهندسة كـ حد أقصي تأخد من كام ؟!
شـروق 26-06-2011, 12:36 PM بصو آدي صورة الحرنان أهي
هي شكلها إشتغالة بس يا ربت تكون صح D:
http://img802.imageshack.us/img802/9904/fotoflexerphotol.jpg
زياد إبراهيم 26-06-2011, 12:41 PM نظام التنسيق ان كل كلية بتحدد عدد الطلبة اللي تقدر تستوعبهم وليكن مثلا 2000 وتاخد اعلي 2000 قدموا عليها وبالتالي عمرنا مانعرف التنسيق من كام قبل ظهور الدرجات والتقديم علي التنسيق
لؤي وائل الخطيب 26-06-2011, 12:42 PM انا اصدق لسبب
جريدة المساء اللي زي جريدة الجمهورية كده هي اللي نزلت ان الامتحانات هتيجي من اخر 5 سنين
وقد كان
يااااااااارب يكون حقيقي
زياد إبراهيم 26-06-2011, 12:43 PM وكما نفي الخبر قال ويتوقع المصدر مش يصرح
UniTed 26-06-2011, 12:44 PM لو لحد بكره منزلش تكذيب لـ الخبر في الجمهورية ,
أعتقد ساعتها بـ نسبة كبيــَرة جداً إن الخبر و الحمد لله صحيح بإذن الله !
ربنا يوفقنا جميعــاً يا شباب
قولوا أميــــــَن
علاء بيه 26-06-2011, 12:46 PM كلام الجمهورية تهريج فى تهريج
المتوقع هذا العام أن التنسيق لن يقل عن تنسيق 2008-2009 وإذا قل لن يقل عن 1 فى المائة نظرا لسهولة إمتحان هذا العام والتى تؤدى بالتبعية إلى زيادة المجاميع الكبيرة و رفع الحد الأدنى للكليات بوحه عام وكليات القمة بوجه خاص
هذه ليست نظرة تشائمية وإنما واقع
نور سامى عبد الله 26-06-2011, 12:53 PM لازم متكنوش انانين
حبوا الخير للناس
ممكن تقعوا فى الشر انتوووووووووووووووووووووووووووووووووووووووووووا
ningooooo 26-06-2011, 01:03 PM يا جماعة انتم فاهمين غلط
اولا لا يمكن ان يصدر الحد الادني دلوقتي
اللي الكلام اللي في الجرنال ده معناه بس ان مثلا طب مش هتقل عن 93 % لك هتزيد يعني ممكن تبقي 95 - 96 -97 مثلا يعني
لؤي وائل الخطيب 26-06-2011, 01:13 PM يا جماعة انتم فاهمين غلط
اولا لا يمكن ان يصدر الحد الادني دلوقتي
اللي الكلام اللي في الجرنال ده معناه بس ان مثلا طب مش هتقل عن 93 % لك هتزيد يعني ممكن تبقي 95 - 96 -97 مثلا يعني
بدراسة العام السابق المرتبط بالحالي يمكن ان تتوصل للحد الادنى ,
ابو بشير 26-06-2011, 01:39 PM انخفاض الحد الأدني للقبول بالجامعات 3%
كتب- مجدي طنطاوي:
أعلن مصدر مسئول بالمجلس الأعلي للجامعات انخفاض الحد الأدني هذا العام للكليات الجامعية أكثر من 3% عن العام الماضي.
ومن المنتظر ان يكون الحد الأدني للكليات هذا العام 63%.
وتوقع المصدر ان يصل الحد الأدني لكليات القطاع الهندسي إلي 88.5% والحاسبات والمعلومات 85% وكليات القطاع الطبي المنتظر ان يكون الحد الأدني للطب 93% والصيدلة والاسنان 92% بينما ينخفض العلاج الطبيعي إلي 90% ويكسر الطب البيطري حاجز ال 90%.
أشار المصدر إلي ان المكتب الرئيسي وفروعه بالمحافظات سيبدأ العمل فور بداية من 16 يوليو القادم لاستقبال الطلاب الراغبين في الالتحاق بكليات الفنون التطبيقية والجميلة والموسيقة والرياضية والتربية النوعية شعبة فنون لصرف استمارات اختبارات القدرات مقابل 10 جنيهات لكل اختبار بحيث يقوم الطالب بتسليم صورة رقم الجلوس وصورة شخصية لكل اختبار.
حيث يسمح للطالب باجراء اختبارات القدرات لكل الكليات.
rere12 26-06-2011, 01:40 PM يا جماعة الطب البيطري ممكن يبقي كاام
بلييييييييز حد يرد
IBN EL WALEED 26-06-2011, 01:44 PM سمعت الكلام ده بس معتقدش انه الا بقى لو كانت الكليات هتاخد أضعاف الأعداد اللى كانت بتاخدها
rock book 26-06-2011, 02:11 PM انا فعلا شوفت الخبر دا النهارده ومن ساعتها وانا طاير من الفرحه حتى شوفوا هييييييييييييييييييييييييييييييييييييييييييييييييي يييه
El-Hassan Ali 26-06-2011, 02:38 PM يا جدعان السنة اللي فاتت كانت سنة فراغ بالتالي الاعداد في الكيات هتزيد علشان الكليات عايزة تقلل من النقص دا
H_Dody 26-06-2011, 03:28 PM يا جماعة ده كان مجرد خبر ف الجرنال عجبنى وقولت يمكن يفرحكو
بس واضح أنكم واخدين جرعة زيادة من التشاؤم معندكوش شوية أمل ...... حتى مش سايبين نفسكم تفرحو شوية
ع العموم سورى ممكن تتطلبو من الأدارة تحذف الموضوع مع أنه مش من عندى
بس أحب أوضحلكم حاجة
إن قبل كده أيام الحكم الفاسد كانو بيعلو التنسيق عشان يفتحو مجال للكليات الخاصة
أنما السنة دى هيفتحو كليات كتير وخصوصا جامعة زويل
وعاوزة أوضح حاجة كمان مش معنى ان واحد يجيب 99 % يبقى ده عبقرى
لأ ده مكن يكون غش أو حظ أو .....وما أنكرش أن فيهم ناس عباقرة فعلا ً
وممكن تلاقى واحد جايب 80 % بس عقليته حلوة ..ممكن يكون حصلتلو ظروف مقدرش يحصل مجموع أو من رهبة الأمتحان مش جاوب كويس أو ........
لؤي وائل الخطيب 26-06-2011, 03:33 PM يا جماعة ده كان مجرد خبر ف الجرنال عجبنى وقولت يمكن يفرحكو
بس واضح أنكم واخدين جرعة زيادة من التشاؤم معندكوش شوية أمل ...... حتى مش سايبين نفسكم تفرحو شوية
ع العموم سورى ممكن تتطلبو من الأدارة تحذف الموضوع مع أنه مش من عندى
بس أحب أوضحلكم حاجة
إن قبل كده أيام الحكم الفاسد كانو بيعلو التنسيق عشان يفتحو مجال للكليات الخاصة
أنما السنة دى هيفتحو كليات كتير وخصوصا جامعة زويل
وعاوزة أوضح حاجة كمان مش معنى ان واحد يجيب 99 % يبقى ده عبقرى
لأ ده مكن يكون غش أو حظ أو .....وما أنكرش أن فيهم ناس عباقرة فعلا ً
وممكن تلاقى واحد جايب 80 % بس عقليته حلوة ..ممكن يكون حصلتلو ظروف مقدرش يحصل مجموع أو من رهبة الأمتحان مش جاوب كويس أو ........
وهو اصلاً منهج الثانوية العامة اللي يجيب فيه 99 % علمي رياضة يبقى عبقري؟
اللي يدخل حافظ المنهج والمسائل يجيب 100%
لإن ديه مش مناهج تقيس قدرات انسان
وانا اتفق معاكي في الكلام
وحسن بيقول في المشاركة اللي قبلك إن الكليات اعداد الطلاب فيها قليل السنة ديه
وده حقيقي
فالمفروض ياخدوا من دفعتنا ضعف الدفعة اللي قبل اللي فاتت تقريباً
ده رأيي
عبدالرحمن فوزي 26-06-2011, 05:33 PM هحاول اصدق الكلام ده
عبدالرحمن فوزي 26-06-2011, 05:35 PM يا جدعان السنة اللي فاتت كانت سنة فراغ بالتالي الاعداد في الكيات هتزيد علشان الكليات عايزة تقلل من النقص دا
الكلام ده كلام مظبوط:av4056bb7jp3:
malak_el7ob 26-06-2011, 05:59 PM انخفاض الحد الأدني للقبول بالجامعات 3%
كتب- مجدي طنطاوي:
أعلن مصدر مسئول بالمجلس الأعلي للجامعات انخفاض الحد الأدني هذا العام للكليات الجامعية أكثر من 3% عن العام الماضي.
ومن المنتظر ان يكون الحد الأدني للكليات هذا العام 63%.
وتوقع المصدر ان يصل الحد الأدني لكليات القطاع الهندسي إلي 88.5% والحاسبات والمعلومات 85% وكليات القطاع الطبي المنتظر ان يكون الحد الأدني للطب 93% والصيدلة والاسنان 92% بينما ينخفض العلاج الطبيعي إلي 90% ويكسر الطب البيطري حاجز ال 90%.
أشار المصدر إلي ان المكتب الرئيسي وفروعه بالمحافظات سيبدأ العمل فور بداية من 16 يوليو القادم لاستقبال الطلاب الراغبين في الالتحاق بكليات الفنون التطبيقية والجميلة والموسيقة والرياضية والتربية النوعية شعبة فنون لصرف استمارات اختبارات القدرات مقابل 10 جنيهات لكل اختبار بحيث يقوم الطالب بتسليم صورة رقم الجلوس وصورة شخصية لكل اختبار.
حيث يسمح للطالب باجراء اختبارات القدرات لكل الكليات.
ههههههههههه 10 جنيه ايه ياعم ده انا سحبت استمارة من كلية الفنون الجميلة ب 145 جنيه
MOSTAFA ASHOUSH 26-06-2011, 06:03 PM يا جماعة يااااااااااااااااااااااااااا ريــــــــــــــــــــــــــــــــت بجد يكون الخبر ده صح
فى ناس كتير جدا اتظلمت السنة اللى فاتت ف النتيجة مع انهم شاطرين جدا
انا ليا 2 صحابى كل واحد اتظلم فى مش اقل من 10 درجات ........... فيا رب يكون الخبر بجد عشان الناس دى
والله نفسى يخشوا هندسة عشان هم يستحقوا
MOSTAFA ASHOUSH 26-06-2011, 06:06 PM كلامك مظبوط وعاقل جداااااااااااااااا يا لؤى
فعلا مش بالمجموع خااااااااالص
بس هو نظام تعليمنا هو اللى اى كلام ...................... يا ريت الثورة تغيره
princea7mad 26-06-2011, 06:40 PM يا جماعة على ما اعتقد ان الجمهورية مش هايكتبوا خبر بالبونط العريض فى الصفحة الاولى وكمان التفاصيل فى التانية ويبقى مفبرك !!!!!!
ainmo 26-06-2011, 07:44 PM يا جماعة دى توقعات اولا
بس بجد بجد اتمنى ان ده يحصل
يااااااااااااااااااااااااااااااااااااااااااارب
اتمنى ان ده يكون ده حقيقى يارب
ربنا معانا
وربنا باذن الله مش هيضيع تعبنا طول السنة
حسن عبده 26-06-2011, 08:07 PM انا كنت فى درس رياضة دلوقت والاستاذ عمل الى عليه واحبطنى وقالى ان الهندسة هتاخد من 97 سبتله الدرس ومشيت ومن ساعتها مش طايق افتح كتاب وبجد تعبان ياريت حد يطمنى
لؤي وائل الخطيب 26-06-2011, 08:12 PM انا كنت فى درس رياضة دلوقت والاستاذ عمل الى عليه واحبطنى وقالى ان الهندسة هتاخد من 97 سبتله الدرس ومشيت ومن ساعتها مش طايق افتح كتاب وبجد تعبان ياريت حد يطمنى
ياعم سيبك من الناس ديه
اذا كان اصلاً اعلى سنة 2007 الهندسة ماخدتش من 97 %
وبعدين ده مدرس رياضة يعني المفروض يكون فاهم ان في مجاميع قليلة السنة اللي فاتت وحاجات كتير اوي تقول على الاقل ان التنسيق هيبقى طبيعي ان ماكانش اقل
غير ان الكليات الاعداد فيها قليلة بسبب سنة الفراغ وعاوزين عدد كبير
ياعم صلي على النبي وذاكر والخبر ده في جريدة الجمهورية وهي من الناحية التعليمية ممتازة جداً اخبار وتوقعات ماتنساش ان جريدة المساء هي اللي قالت ان الامتحانات من اخر خمس سنين
توكل على الله وذاكر
حسن عبده 26-06-2011, 08:36 PM ربنا يكرمك يا لؤى ويطمنك والله ده كان نفس ردى على زمايلى بس تعمل ايه فى الناس المتشائمة ولازم يحبط الى قدامه باى طريقة ربنا يسهل تتوقع انها ممكن تاخد كام يا لؤى
لؤي وائل الخطيب 26-06-2011, 08:46 PM ربنا يكرمك يا لؤى ويطمنك والله ده كان نفس ردى على زمايلى بس تعمل ايه فى الناس المتشائمة ولازم يحبط الى قدامه باى طريقة ربنا يسهل تتوقع انها ممكن تاخد كام يا لؤى
جزاك الله خيراً
بالنسبة لكام انا اظن انها النسبة اللي بتقول عليها جريدة الجمهورية وده الاقرب للمنطق
وان لم تكن هي فهيكون المعدل الطبيعي فأقل بإذن الله
لكن اكثر العقل والمنطق بيقولوا لأ
وماتسمعش من زمايلك علشان بعض الناس دلوقتي يسوءها ان الامتحانات تيجي سهله ويشعروا انهم تساووا مع ناس يظنوا انهم اقل منهم :)
شوف كمان هنا : http://www.thanwya.com/vb/showthread.php?t=332703
Mr.Ahlawy 26-06-2011, 09:06 PM بلاش تشاؤم ولا تفاؤل زيادة عن اللزوم ..
وكلنا بندعي وبنقول ... ياااااااااااااااارب ..
فرسان الإسلام 26-06-2011, 11:19 PM بس .... بس ... بس...
روحوا ذاكروا إنتوا فاضييين
وبعدين أنا بشكر صاحبة الموضوع جدا إن هى جاية تدينا دفعة للأمام
وبعدين إلى مش مقتنع هو حر وإلى مقتنع هو حر برده
بس منقعدش نخبط فى بعض كده
أحمد العربي 2 27-06-2011, 12:21 AM انا بتمني ذلك بس التنسيق زي 2009
hesseny_aswany 27-06-2011, 03:55 AM هى الناس مشائمة كده ليه ما السنة اللى فاتت هندسة كانت 88% والطب 93 %
وانا شوفت تنسيق السنة اللى فاتت بعينى
وبعدين انتو نسيتو امتحانات السنة اللى فاتت بتاعتنا ولا ايه
وعلى فكرة شوفوا النسب التعبانة خالص بتاعت السنة اللى فاتت وكمان مدرس الفيزياء بتاعى قالى لو النسب ما نزلتش 3% على السنة اللى فاتت هتثبت زى ما كانت وادى دليل على النسب الضايعة السنة اللى فاتت من موقع بينزل النتيجة سنويا ( انكش )
واتفائلو خيرا تجدوه
وطبعا مش هنساكى شكرا عالخبر
:av4056bb7jp3::av4056bb7jp3:
http://im4.gulfup.com/2011-06-27/1309139668681.jpg (http://www.gulfup.com/)
UniTed 27-06-2011, 07:58 AM ^^^
إذا كانت النسب الموجود في الصور دي صح , ياريت محدش بعد كده يجي يقول إن المجاميع عالية و إن الدرجات فوووق أووي و كده
ده 3 % بس من الطلاب جايبين أكثر من 85 في الميه !!!!
و خدوا بالكم الـ 3 % دول علمي رياضة و علمي علوم و أدبي مع بعض
مش علمي رياضة بس كمان !!
لؤي وائل الخطيب 27-06-2011, 08:02 AM ^^^
إذا كانت النسب الموجود في الصور دي صح , ياريت محدش بعد كده يجي يقول إن المجاميع عالية و إن الدرجات فوووق أووي و كده
ده 3 % بس من الطلاب جايبين أكثر من 85 في الميه !!!!
و خدوا بالكم الـ 3 % دول علمي رياضة و علمي علوم و أدبي مع بعض
مش علمي رياضة بس كمان !!
ياباشا انا من 30 سنة عمال اقول سنتنا المجاميع فيها قليلة والكل يقولي لا مش قليلة صاحبي جايب مش عارف 99
ماهو اكيد لازم في ناس تجيب ماشاء الله 99.99
لكن الغالبية الغظمى ايه ؟
يارب خير
UniTed 27-06-2011, 08:13 AM تمــام يا لــَوي
أنا برضه عندي أصحابي في اللي جايب 98 و اللي جايب 96 بس برضه في اللي جايب 80 و 85 و 82 و كده يعني
علي العموم , ربنا يقدم اللي فيه الخير بإذن الله
&
بس قولي أنت شخصياً متوقع إن الحد الإدني لـ الطب و الهندسة من كام ؟
أنا شايف أن 97 أو 96.5 لـ الطب
92.5 أو 92 لـ هندسة
إنت إيه رأيك يا لوي ؟!
لؤي وائل الخطيب 27-06-2011, 08:23 AM تمــام يا لــَوي
أنا برضه عندي أصحابي في اللي جايب 98 و اللي جايب 96 بس برضه في اللي جايب 80 و 85 و 82 و كده يعني
علي العموم , ربنا يقدم اللي فيه الخير بإذن الله
&
بس قولي أنت شخصياً متوقع إن الحد الإدني لـ الطب و الهندسة من كام ؟
أنا شايف أن 97 أو 96.5 لـ الطب
92.5 أو 92 لـ هندسة
إنت إيه رأيك يا لوي ؟!
أميل للنسبة اللي قالت عليها الجمهورية لإن كل الدلائل المنطقية بتقول كده
واللي منها ان الجامعات عندها فراغ كبير بسبب دفعة الفراغ يعني هتاخد من عندنا الضعف إن شاء الله
وإن ماكانتش كده يبقى على الاقل المعدل الطبيعي بأمر الله
drmohamedph 27-06-2011, 10:00 AM ومالها الصنايع ياجدعان زى الفل وربناااااااا خليها على الله بقى انشالله تاخد من 100% متفرقشى مع الرجالة ههههههههههههههه
عبدالله500 27-06-2011, 03:17 PM ايه يجماعة كل واحد يحط عقله في راسه يعرف خلاصه
1- ازاي الهندسة تاخذ من مجموع منخفض زي 88 وعمرها ما حصلت ح تى في سنة الفراغ
2- الصحافة بتعمل حاجة اسمها سبق صحفي وخلاص من غير ما تتحرى صحة الاخبار
3- لايمكن يتحط تنسيق لاي كلية الا بعد ما تطلع النتائج ويظبط عليها
canavar000 27-06-2011, 03:27 PM يارب يطلع الخبر ده صح
kareem nasr 01-07-2011, 01:48 AM يا جماعه كل ده كلام فاااااضي وهبل مستحيل يكون حقيقه يعني هيدخلوا كل الثانويه العامه كليات نضيفه طيب ولو حصل هيشغلوهم ازاي و هيجبلهم دكاتره منين ومدرجات منين
|