فعلا هم ناويين يثبتونا بس علي طريقة النظام السابق شوف كلام روزاليوسف يوم الخميس الماضي
أعلنت الإدارة المركزية للشئون الإدارية بالأزهر أنه سيتم حل مشكلة المدرسين المتعاقدين بالأزهر الذين نظموا اعتصاما الأربعاء الماضي أمام منطقة الأزهر بسوهاج، وأفاد بيان لجبهة متعاقدي الأزهر بأن رئيس الشئون الإدارية بالأزهر ياسين الشيخ أعلن أنه تم اعتماد قرار تثبيت المدرسين المتعاقدين بالأزهر ممن مر عليهم ثلاث سنوات، علي أن تنتهي الإجراءات في التثبيت الأحد علي أقصي تقدير، فيما أعلن المدرسون المتعاقدون عن قبولهم وقف الاعتصام لحين التنفيذ علي أن يقوموا باعتصام آخر يوم الثلاثاء المقبل ما لم يتم تنفيذ ما أعلنه الأزهر في إنهاء إجراءات التثبيت.

ايه رأيكم ادي يوم الاحد عدا خلاص فين القرار ولاهوا كلام وخلاص وفوت علينا بكره وسلملي عاللي يقابلك الاعتصام يوم الثلاثاء 28/6 قبل مايجي سبعة ويقولو استنوا السنة الجاية ياريت حد يرد عليا انا خلاص فوضت امري لله

استنتاجك صح
هما فاكرين اننا هنهدأ بمثل هذه القرارت الكلامية
مش عارفين ان المرة دي جواب التثبيت هو الفيصل
اتق شر الحليم اذا غضب

الاعتصااااااااااااااااااااااام ال سلمى

اعتصام الثلاثاء هو الحل

الآن و قد اتضحت الرؤية كاملة و زالت الغشاوة عن اعيننا فلا سبيل عن الاعتصام السلمي و لكن هذا الاعتصام سيكون مؤثرا اذا كان امام التنظيم و الادارة و امام مجلس الوزراء
اما امام المناطق فلا يجدي لانها ستقول ليس في ايدينا شيئ و عملنا اللي علينا و أرسلنا اوراقكم الي المشيخة و اذا تم الاعتصام امام المشيخة فستقول ليس في ايدينا شيئ عملنا اللي علينا و ارسلنا أوراقكم الي التنظيم و الادارة

اعتقد يااستاذة نسمة ان جبهة معلمى الازهر والقائمة على تنظيم الاعتصام تضع هذا الامر في الحسبان والمعتصمين اللي هيكونو امام المشيخة هما دول النواة اللي هتجمع الناس علشان يروحو التنظيم والادارة من هناك وده اللي فهمتو من صفحتهم على الفيس بوك وعموما ماعلينا سوى الانتظار والدعاء عسى ان تنفرج الغمة ويقضي الله لنا الخير

ان شاء الله اعتصام يوم 28-6-2011
يـــــــــــــــــــــــــــــــــــــــــــــــــ ـــــــــــوم الكــــــــــــــــــــــــــــــــرامه

يا جماعة بتوع سوهاج وقنا واسوان يروحو فين لازم المناطق احنا عاوزين الاخبار تزيع ان جميع متعاقدي الازهر على مستوى الجمهورية الطل لازم يخرج بالله عليكم دى معركة الفصل
وياريت الابلوات يساعدونا كمان عاوزين اكبر عدد
امبارح منزلوش اى تعليق لي خلي بالكم الموقع ده بدأ فيه اللعب على معادنا ان شاء الله وربنا يوفقنا جميعا

قطرة المطر تحفر في الصخر ، ليس بالعنف و لكن بالتكرار

يجماعة فكروا كويس لازم المحافظات المجاورة للقاهرة المنوفية القليوبية الشرقية الجيزة لازم كله ينزل

انتهى يوم الاحد ولا يوجد تثبيت
الاعتصام يوم 28/6/2011
امام المناطق والرجاء من اخواننا المعلمين فى القاهر ة
ومحافظات وجه بحرى الاعتصام امام المشيخة لكى يكون الاعتصام له تأثير
الرجاء المساندة

يامتعاقدين ارجوكم توجهوا الى المشيخة انتوا وكل زمايلكم علشان فية اخبار بتقول مفيش تثبيت السنة دى ارجوكم اتحركوا قبل بداية السنة المالية الجديده عاوزين حقنا

يامتعاقدين ارجوكم توجهوا الى المشيخة انتوا وكل زمايلكم علشان فية اخبار بتقول مفيش تثبيت السنة دى ارجوكم اتحركوا قبل بداية السنة المالية الجديده عاوزين حقنا

اقسم بالله العظيم ان انا نفسي اروح عند المشيخه واصرخ بعلو الصوت وانادي عل شيخ الازهر واقوله انا هنام هنا في الشارع لو مأخدتش حقي وحق كل حد واقف معايا في الحر والشمس و اقوله ان احنا شوفنا ذل بعدد حبات العرق اللي علي جبين كل حد واقف جنبي وبتسطر معاناه كل متعاقد من المرتبات الي الحصص والشحططه في كل بلد شويه الي الكادر الي .................
اقسم بالله اني نفسي اكون هناك بس انا زوجه و ام وانتو عارفين الباقي.

الاعتصام يوم الثلاثاء امام المناطق لازم الكل يشارك فى الدفاع عن حقه مستنى مين يجبلك حقك

الإعتصام امام المناطق مش النهايه لا دا البدايه لسه فيه امتحانات وغيره مش هنسكت ميعاد البدايه يوم الثلاتاء