اترفضت علشان انا مدرس
اسمي مصطفي
ليسانس اداب وتربية - قسم انجليزي - جيد جدا - ترتيب علي دفعتي
دورات اي سي دي ال - تويفل اي لتس
تعيين جديد بقرار 53

من عائلة متوسطة - مؤدب وملتزم - جاد جدا - 24 سنة - حسن المظهر جدا

القصة
اتقدمت لبنت جميلة ومؤدبة وفيه صله نسب بين عليتنا وعليتهم وعندها 18 سنة دبلوم تجارة
ابوها فلاح ويعمل في السعودية وعنده حوالي 10 فدن يزرعهم ابنه وهو يتاجر في السعودية
وعندما تقدمت لم اخواته فلاحين ايضا وقال :

1- عايز 40 الف جنية دهب
2-شقة لاتقل عن 4 غرف بفرشهم من دمياط وبرضة لا يقل عن 40 الف وان مش هاجبرك واقولك بيت من بابة
3- مؤخر 20 الف ج
4-قايمة قالي خلي بالك مش هاتقل عن 60 الف
5-اما الهدايا والرفايع دي حاجات مش محتاجة اوصيك عليها وكلك نظر ..فيما معني الكلام

وخلي بالك البنت متطلعش من البيت الا بعربية توديها وعربية تجيبها وشوية شوية ابقي استلقطلك
عربية................

بعد دا كله المفروض ان انا احكية عن نفسي واقوله ان انا هايتطبق عليا الحد الادني في شهر 7
وانشاء الله هاخد المكافاة في 7 برضة....الرد واضح منه طبعا ..

المهم ان انا الشقة جاهزة بس 3 غرف ومشطبة ....+ حوالي 40 الف تاني ...وبعد دا كله مش عارف اجوز
الجوازة دي.........بس للاسف انا بحبها ولا يمكن اتخيل واخدة تاني تبقي مراتي لاني اعرفها من زمان بحكم
القرابة.........
بس ابوها عايز يجوزها للاسف لواحد معاه فلوس وارض بغض النظر عن مستواه العلمي او الادبي.........
والبنت موافقة عليا انا ...............
من يومين
اعلن والدها خطوبتها من واد عنده 20 سنة طلع من تانية اعدادي بس ابوه تاجر بقاله جمله بيكسب
في اليوم حوالي 500 جنية + عقار علي هيئة فيلا + ميكروباص + ارض مباني تسوي مليون ج

انتبهوا ايها الساده...........انا امبارح قطعت كل الشهادات وانقطعت عن المدرسة

انت اللي المفروض تنتبهه مش احنا
بصراحة جوازه مفيش فيها اي تناسق او توافق سوري وده مش علشان الفارق في التعليم
لان فيه ناس مش مكمله تعليم وافضل من الدكاترة
ومعلش انا حاسة ان انت بتتطلع للفلوس والارض والجمال ومش ده كل حاجة
سوري بس وجهة نظري

لو انت معاك الشهادات ى بحق يبقى انت سورى كنت هتبقى ظالم لنفسك لان مفيش اى تناسق بينكم انا مدرس انجليزى وهموت اخد تويفل او ايلتس انت محتاج وحدة من نفس افكارك ربنا ريدللك خير والراجل دة متخلف ميتنسبش

اسف ........صلب الموضوع والمشكلة ان انا بحبها بجنون ....بدون تطلع ل ابوها او فلوس او ارض او اي متاع دنيوي

المشكلة هو ان فيه مشكلة

صدقنى أخى الحبيب معظم الزيجات عن حب فشلت والله ده واقع انا شفته أمامى اكثر من مرة وأنا مثلك تماما فى الشهادات وكل ده ولكن عندما اردت ان أتزوج تزوجت بالطريقة التقليدية والحب الحقيقى هو نتاج العشرة والمودة والرحمة بينك وبين زوجتك

ونصيحة لوجه الله ناس بهذه الاخلاق والأوصاف لا يصلح ان يكون بينك وبينهم نسب ودور على ناس تعرف قيمتك ويقبلوك على ما انت عليه

نصيحة لله يا اخى اوعى تنهرم كده وصدقنى هى مش نصيبك وارجع لشغلك

انصحك ان تحسن الاختيار فلابد من توافق فى التفكير والتعليم فأنا عذرا لا اجدها مناسبه بالنسبه اليك وذلك لاننى اعرف تجارب كثيره من هذا النوع فبعد الزواج تتكتشف انها ليست ملائمه فالزواج ليس حب فقط وانما حياه واسلوب حياه وكيفيه تربيه اطفال فلابد ان تختار أم قبل أن تكون زوجه اى تصلح ان تكون أم تعرف اسلوب التربيه كاسلوب صحيح للاولاد لان الانسانه المتعلمه المثقفه اعلم بتربيه ابنائها وتربيتهم ومعامله زوجها كما ان اهلها لايليقون بك وبصراحه هذا افضل بالنسبه لك فرفضهم فى صالحك فلاتعترض على اراه الله تعالى اكيد خير ليك رب ضاره نافعه واتمنى ان تقابل انسانه تلائمك وتشعر معها بالحب والسعاده

صدقنى أخى الحبيب معظم الزيجات عن حب فشلت والله ده واقع انا شفته أمامى اكثر من مرة وأنا مثلك تماما فى الشهادات وكل ده ولكن عندما اردت ان أتزوج تزوجت بالطريقة التقليدية والحب الحقيقى هو نتاج العشرة والمودة والرحمة بينك وبين زوجتك

ونصيحة لوجه الله ناس بهذه الاخلاق والأوصاف لا يصلح ان يكون بينك وبينهم نسب ودور على ناس تعرف قيمتك ويقبلوك على ما انت عليه
كلامك صحيح و واقعي 100%

معقوله حد معاه شهادات دى وده تفكيره

انت خايب قوى علشان بنت تقطع تعبك وشغلك طول عمرك
لو انت عندك شجاعة واقدام اعمل اللى تقدر علية علشان تحقق نفسك وتكون راضى عن نفسك
ما تدوورش على مين اللى مش عايزك

ليه تعمل كده فى نفسك اللى مش يشتريك مش تشتريه
ان شاء الله ربنا يرزقك الحلال الطيب

افضل احلم كدة وقطع فى نفسك وقطع فى كل حاجة لكن هل ده هيغير الواقع ؟؟؟ ابدا
اقنع نفسك بمقولة عمنا حمدى غيث فى فيلم صلاح الدين " كل حلفائك خانوك يا ريتشارد " هل ده هيغير حاجة ؟؟؟ ابدا
يا حبيبى كل الناس او معظمها بلاش كلها مرت بالظروف دى وفكرت فى اللى انت بتفكر فيه لكن صدقنى ربك لما يريد
وكلمة اتقالت هى اللى فيها الخلاصة ملكش نصيب فيها لو فى نصيب انسى لو وقف قدجامك العالم كله هتاخدها
بكرة الايام تعدى وبعد كام سنة تفتكر الايام دى وتضحك على نفسك وتقول بقى انا اللى كنت مفكر انى مش هاقدر اعيش من غيرها
سبحان الله طلعت اقدر والغريب ان كل الناس على الارض قادرة تعيش من غيرها
يا حبيبى بص للجانب الايجابى فى الموضوع انك حبيت وقلبك دق وعشتلك كام سنة عندك احساس جميل وصدقنى تفتكر الاحساس الجميل ده كذكرى حلوة احسن الف مرة من انك تلعن ابو اليوم اللى شفتها فيه بعد ما تتجوزها بكام سنة
ومعلش طولت عليك سلاااااام يا برنس

حبيب قلبى كدة انت دخلت النادى يجميل

تعالى جنبى بقى واستنى معايا



استرها معانا يارب

انته أهبل ياله، بنت ايه اللى بدبلوم دى وهاتموت عليها .
تعالى ,أنا اجوزك ست ستها .
هما من قلتهم ياأهبل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ايه يا مشرفين المنتدى هو المنتدى اصبح لحل المشاكل الغرامية ولا ايه ؟
وبعدين الاخ ده انت مش شايف ان المكان ده مش محل عرض مشكلتك
وتحكيها على الملأ كده
ارجو انك انت اللى تنتبه
وتعرف انك معلم

الموضوع خارج الاختصاص

تم التبليغ

المنتدى تعليمى
هنفكر نفتح فيه جزء للمشاكل دى
بس اما الأوضاع تستقر