السلام عليكم ورحمة الله وبركاته
انا خــــايفه

ده مش مجرد عنوان يشدكم

لاء بجد انا خايفه جدا


ومين فينا مش خايف!!


مين مش خايف على نفسه وعلى اهله؟؟
مين مش خايف من بكره واللى ممكن يحصل فيه؟؟
مين مش خايف يفقد اعز واحب الناس ليه؟؟
مين مش خايف يضيع عمره فى الفشل؟؟

...اكيد كل واحد فينا خايف من حاجه...


http://www.ahl-alsonah.com/up/upfiles/sS567889.gif

طيب هسأل سؤال تانى مالوش علاقه بالاول بس استحملونى

ايه اللى شاغل بالك؟؟

*عاوز تأمن مستقبلك ومستقبل اولادك.
*عاوز تكون انسان ناجح فى حياتك وفى شغلك.
*عاوز تكون صاحب سلطه ونفوذ الاهم طبعا صاحب مال.
*عاوز تبنى بيت واتنين وعشره.
*عاوز...عاوز...عاوز...محدش فينا هيقول خلاص كفايه.


http://www.ahl-alsonah.com/up/upfiles/tiP70720.gif


يعنى خايف من او على
ومشغول وسط الدنيا
وعاوز كل حاجه

طيب فى وسط ده كله فكرت للحظه
ان المفروض تخاف على نفسك وبس
اه خاف على نفسك وبس
مين هيقول دى انانيه
ايوا بالظبط كده دى انانيه
وانا بطالب بالانانيه
....يوم لاتنفع فيه مال ولا بنون...



http://www.ahl-alsonah.com/up/upfiles/ppi24770.gif




فاكرين سؤالى الاول


طيب مين فينا مش خايف من....


.....المـــــــــــوت.....


بس الخوف من الموت بيختلف من انسان عن التانى
يعنى هتخاف تموت علشان حياتك واولادك وفلوسك
ولا هتخاف علشان هتتحاسب على كل صغيره وكبيره !!

طيب اعتقد لحد دلوقتى الاسئله اللى بسألها طبيعيه ومنطقيه كلنا خايفين نموت ...
طيب السؤال اللى مش طبيعى بقى

جاهز تموت؟!!
انت جاهز تموت؟؟

سؤال غريب بس اتسألته هتجاوب تقول ايه؟؟

طيب جاهز تتحاسب؟؟

جاهز تدخل قبرك ويتقفل عليك وينصرف عنك الاهل والاحباب ...؟؟
جاهز لنعيم او لهلاك؟؟
جاهز تقف ادام ربنا وتاخد كتابك بيمينك او بشمالك؟؟

((اللهم يمن كتابنا ويسر حسابنا))

http://www.g-ksa.net/vb/Picture/139.gifhttp://www.g-ksa.net/vb/Picture/139.gif


ها ... حد يرد عليا

عاوزه واحد بس يطلع يقولى اااااه انا جاهز للموت وجاهز للحساب كده بكل ثقه...

كتير ممكن يكونوا مش خايفين من الموت لانه قضاء ربنا والحمد لله كلنا مؤمنين بيه

ومسلمين لقضاء الله

بس حد جاهز فعلا!!

*بتصلى...بتصوم...بتزكى..اديت العمره والحج
...برااااافو عليك....(طيب يالا جاهز!!)


http://www.g-ksa.net/vb/Picture/150.gif


...طيب قبل ماترد على سؤالى
اقرأ اللى جاى كده وبعده هسألك نفس السؤال

*قاعده النساء او الرجاله بتحلى غير بسيره الناس؟؟
طيب بطلت غيبه ونميمه علشان تبقى جاهزه للموت!!




http://www.ahl-alsonah.com/up/upfiles/oWi70720.gif
ومتنسوش بعد كل الكلام ده

ان فى حاجه اسمها رد المظالم
اى واحد اغتابته
اى واحده ظلمتيها
اى واحد خوضت فى عرضه
اى واحده ضحكتى عليها
كل ده موجود ومكتوب عند ربنا وحسابك فى الدنيا والاخره عسير


http://www.g-ksa.net/vb/Picture/150.gif

هسألكم بقى سؤال اخير بس تجاوبوا بصراحه

ولو حتى بينكم وبين نفسكم ومتكدبوش على نفسكم

لو مثلا عرفت انك هتموت وانك هتدخل الجنه وتتمتع بنعيمها ان شاء الله

بس فى شرط واحد بس

قبل ماتموت لازم تروح لكل واحد اغتبته

تقول له انا قولت عليك كذا وكذا وسامحنى

تفتكر هتقدر؟؟؟...مش هتتكسف منه؟؟؟...مش هتندم؟؟؟..

طيب مكسوف تروح تقول له يبقى بتتكلمى
عليه من الاول ليه اصلا ومكسوف منه
ومش مكسوف من ربنا اللى خلقك!!!

الموضوع ده اظن محتاج وقفه جامده مع النفس واعاده تفكير وتغيير السواد اللى فى القلوب


* ♥♫♥♫♥* ♥♫♥♫♥* ♥♫♥♫♥




مش معنى الكلام ده انى بلا عيوب
لا طبعا كلنا بنغلط بس بتفرق امتى ؟
بتفرق من اللى بيعرف غلطه وبيصلحه
واللى مش مقتنع انه غلط اصلا

* ♥♫♥♫♥* ♥♫♥♫♥* ♥♫♥♫♥

مش معنى انى بصلى وبصوم وبزكى و...و...و..
يبقى انا كده تمام صحيح انا احسن من غيرى كتير

لسه مبدئوش ..لسه مبيصلوش..لسه محتاجين صدمه تفوقهم...

والمشكله انهم عارفين ان الصلاه عماد الدين من تركها ترك الدين
وبيسيبوها للاسف الناس دى بقولهم بجد فوقوا

مفيش احلى من القرب من ربنا

جربوا كده وهتشوفوا الفرق فى حياتكم وفى اولادكم وفى زوجكم اللى معاكم او لسه ربنا هيرزقكم بيه



http://www.ahl-alsonah.com/up/upfiles/4CX52210.gif

*دعوه لغلب الشيطان.
*دعوه للقرب من ربنا.
*دعوه لتحسين الاخلاق.
*دعوه من قلب صادق بيحبكم

عايزين ربنا يظلنا يوم لاظل الا ظله وينادى علينا اين المتحابون فى جلالى
نرد ونقول احنا يارب اجتمعنا على طاعتك فى الدنيا
فيجمعنا فى جنته وينعمنا بها فى الاخره

!!...جاهزين للموت...!!


منقول

جعله الله فى ميزان حسناتك ....بجد موضوع جميل جدآآآآآآآآآآآآآآآآآآآ...ويارب اهدينا واهدى شباب المسلمين ...

اما عن اجابه السؤال فيااااااااااارب اهدينا واجمعنا مع سيدنا محمد فى جنه الفردوس الاعلى

وبجد الى مش بيصلى هيخسر كتييييييييييييييييييييييييير لانه كدا عايش بلا فائده

يعنى احنا بنعيش عشان نموت فلازم نستعد ع قدر الاستطاعه واحلى حياه فى طاعه الله

جزاكى الله خيراااااااااااااااااااا

جزاكى الله خيرا

جزاكى الله خيراااااااااااااااااااا

جزاكى الله كل خير

رباه
كل ما آتمنآه فِي هذه السَاعَه „
آن تغمرَنِي بّذرآت من آلأمل „
وتحقق لِي مَا آتمنَى وتغفر لِي ذنوبي يَااااااارب ’’

جزاكم الله خيرا على المرور الكريم
أسأل الله أن يرزقنا حسن الخاتمة ويجعل الفردوس الأعلى مثواي ومثواكم
آمين

جزاكي الله خيراً
أسأل الله -عزوجل- أن يرزقنا جميعاً حسن الخاتمة