doaa93
28-06-2011, 03:02 AM
أنا ف ال3 فروع للأسف لخبطت ف حاجات هبلة وحسابات فهقل عن 46 او يمكن 46 :( و ف الفيزيا ركزت اوى عالكهربية وارشميدس وضاع منى الوقت فنسيت كل الحاجات السهلة والحفظ وضاع مجهود طول السنة :frown: وطبعا العربى والانجليش مش هيتقفلوا !!
كنت عايزاكوا تطمنونى بس :blush:عشان هتجنن و ماما وبابا مصدقين كلام الجمهورية بس انا فاقدة الامل خالص :(
هو انا لو نقصت 13 - 15 درجة وبعد المستوى لو قفلته ان شاء الله يبقوا 8 - 10 وانا جايبة89.7 السنة اللى فاتت ممكن الحق هندسة القاهرة ولا مستحيل :confused:
sanawyastudents
28-06-2011, 03:22 AM
بصي عشان مضحكش عليكي ... دي حاجة بتاعة ربنا
غالبا اللي هيرد عليكي هيطمنك ويقولك متقلقيش وإن شاء الله هتلحقي والكلام ده ... انا شايف إن كلها 15 يوم بالكتير أوي وهتطلع النتيجة إن شاء الله ... وهنعرف موضوع التنسيق ده وصل لحد فين ... وعاوز أقولك إن النتيجة عادة بتخالف حساباتنا وتوقعاتنا ... يعني أنا السنة اللي فاتت كان عندي غلطات كتير وتخيلت إني خلاص هجيب مجموع وحش بس الحمد لله ربنا كبير
دلوقتي صعب تتوقعي حاجة زي كده لأن إنتي لا تعرفي التنسيق بقي كام ولا تعرفي نتيجتك كام .. وهيبقي كله تخمين في تخمين وهتشغلي بالك وتوتري نفسك وتقلقي جامد عالفاضي ... ركزي إنتي في المواد اللي فاضلة وإدعي ربنا يوفقك في النتيجة والتنسيق ... وكل اللي يجيبه ربنا كويس ... ومهما كانت النتيجة أو التنسيق لازم تقولي الحمد لله وترضي بقضاء ربنا خيره وشره ... ربنا يوفقك
Haitham
محمود محمد زينهم
28-06-2011, 03:49 AM
الحقيقة .................. صعــــب
لان هندسة القاهرة الحد الادنى 95%
زنجبار
28-06-2011, 09:10 AM
والله في كلام مكتوب في جرنان الجمهورية إن معرفش مين رئيس الجامعات أو حاجة كده بيقول إن هندسة حيبقى الحد الدنى ليها 88.5 وكلمة الحد الأدنى يعني في محافظات احتمال تاخد أكتر فموضوع هندسة القاهرة مش متأكد منو بس تفاءلو بالخير تجدوه وربنا يسهل
islam elbana
28-06-2011, 02:26 PM
أنا ف ال3 فروع للأسف لخبطت ف حاجات هبلة وحسابات فهقل عن 46 او يمكن 46 :( و ف الفيزيا ركزت اوى عالكهربية وارشميدس وضاع منى الوقت فنسيت كل الحاجات السهلة والحفظ وضاع مجهود طول السنة :frown: وطبعا العربى والانجليش مش هيتقفلوا !!
كنت عايزاكوا تطمنونى بس :blush:عشان هتجنن و ماما وبابا مصدقين كلام الجمهورية بس انا فاقدة الامل خالص :(
هو انا لو نقصت 13 - 15 درجة وبعد المستوى لو قفلته ان شاء الله يبقوا 8 - 10 وانا جايبة89.7 السنة اللى فاتت ممكن الحق هندسة القاهرة ولا مستحيل :confused:
والله مش لوحدك انا عامل زيك كده بالظبط
على راى استاذى فى اعدادى باجى عند الهيفة واصدر
ربنا يسامح اللى كان السبب
فرسان الإسلام
28-06-2011, 05:37 PM
يا جماعة هندسة القاهرة من أسيوط ة متفرقش ........ المهم هندسة وخلاص ...... وربنا يوفق الجميع بإذن الله
دسوقى منير
30-06-2011, 07:34 PM
احب اطمنك ان شاء الله السنه دى كلها خير وربنا يوفقك ويحقق احلامك
مدرس رياضيات