خدعوك فقالوا ... شعبنا شعب جميل ! [الأرشيف] - بوابة الثانوية العامة المصرية

مشاهدة النسخة كاملة : خدعوك فقالوا ... شعبنا شعب جميل !

usernamo

30-06-2011, 12:16 AM

بسم الله الرحمن الرحيم

تانى تانى تانى .. راجعين انا و انت تانى

للنار .. و المولوتوف من تاااااااانى ..

تانى تانى .. تانى .. راجعين انا و انت تانى ..

نقول شهداء .. و نقول حمراء ! من تانى !

ايه رأيك و انت واقف .. تلاقى طوبة نازلة على قفاك يا معلم

و كل زنبك رايح درس .. الله يخربيت علم النفس اللى ودانا سنتر الهدف فى التحرير !

سبحان ربى .. شعب غريب .. و المشكلة الاشاعات اللى طلعت حاجة غريبة ..

تقولك دول بلطجية .. دول بلطجية ! .. دول فلول وطنى .. دول فلول و فلافل !

سبحان ربى .. دول شعب مصرى .. يا سادة احنا بنخدع نفسنا ..

طب انا كنت بصدق قبل كده انه بلطجية !.. انا بقى شفت بعينى محدش قالى ..

احنا شعب مش بنمشى غير بالكلاب البوليسية .. او صاروخ ميج و طيارة فانتوم .. و فى النهاية صاروخ اف 16 قاتل !

دى جزئية ...

الجزئية التانية ...

ماتش انهارده ... سيبك من الزمالكوية اللى جالهم السكتة و الاشفاق اللى انا بشفقه عليهم ..

مش ده المقصد .. شفتوا الطوب اللى حصل بعد الماتش .. هل دول بلطجية ؟؟

دول شعبنا اللى احنا منهم .. ده اخويا و اخوك .. و انا و انت ...

ده احنا .. ده منظرنا .. يا سادة ثورتنا .. افشل ثورة حصلت فى العالم ...

مع احترامى للجميع .. مش هنفضل نطاطى ...

ثورة = تغيير ,, ليس تغيير نظام .. بل تغيير اخلاق .. بل تغيير وجهات .. بل تغيير اتجاهات

بل تغيير .. نعم تغيير يا سادة ..

و ستظل الثورة فاشلة إلى ان نتغير .. حين اذن سنقول

ثورة تغيير ...

لكن للاسف صدق من قال ..

تجمعنا راقصة .. او زمارة ... و تفرقنا عصا .. زى الحمارة !

و على رأى الفنانة العظيمة .. التى شرفت مصر فى قلة الادب و الحمد لله

نادية الجندى : سلملى على " البتنجان "

و الحدق يفهم !

UseRnaMo
ThaNwyA

تغريد الطيور

30-06-2011, 12:35 AM

بص بقى اقول لحضرتكـ على حاجة .. مش حضرتكـ بتقول ان الشعب المصرى مش كويس !

طيب مش انا و انت و كل الناس مصريين يبقى من المعادلة دى نستنتج ان انا و انت مش كويسين !

فبلاش الجمع دا لانه بيعصبنى :(

دى اول نقطة ..

تانى نقطة بقى .. انا من رأيى ان احنا نعمل ثورة عنوانها ( الشعب يريد تغيير الشعب ! )

احنا اللى المفروض نتغير لان بتغيرنا احنا مصر هاتتغير و دا المراد منه فى الثورة ..

أما بقى وجهة نظر حضرتكـ انها ثورة فاشلة فأنا لا اوفقكـ الرأى بصراحة

لانها على الاقل بينتلنا الفساد اللى كنا عايشين فيه و فوقتنا من غفلتنا و خلتنا ندرى باللى جرالنا ..

انا على طول بقول عشان اطمن نفسى ان احنا ف مرحلة انتقالية ف لازمـ تكون فيها البلد حالتها صعبة شوية ، لكن بإذن الله هانتغيير و ان شاء الله فى حاجات كتيرة هاتتغير ف مصر لانى عندى حسن ظن ف ربنا

لكن و الله موضوع ظريف ، دايماً مواضيعكـ يا يوزرنامو بتضحكنى

^_^

BaNZeR

30-06-2011, 01:12 AM

الثورة ليست فاشلة لسبب بسيط

انها ازالت اشخاصاً لا يمكن اصلاحهم وابقت على اشخاص يمكن اصلاحهم

مش لازم يكون انصلح حالهم دلوقتي
لاننا مازلنا شعب جاهل ثقافياً وسياسياً ونظامياً وكل حاجة

لكن قرييب بإذن الله
(وقريب تشمل عندما يتبدل جيلاً كاملاً من الآن ... اي بعد حوالي 33 سنة)

الدنيا حتتغير بتاع 150 درجة وربنا يسهل ونكمل ال180 بسرعة :friendsxs3:

مكعبات

30-06-2011, 01:40 AM

الله سبحانه و تعالى خلق الدنيا فى 6 ايام
هل معنى ذلك ان الله كان غير قادر على خلق الدنيا فى اقل من الثانيه

الشعب المصرى لن يتغير بسهوله بين ليله و ضحاها
لن نستطيع ان نغير ثقافه مجتمع بهذه السهوله
انا ارى ان الحل يكمن فى 3 اشياء
(القوانين الحازمه _ اهتمام المناهج التعليميه بأعداد طالب مثقف اكثر من متعلم _ وضع ماده الدين سواء للمسيحيين او المسلمين ضمن المجموع الاساسى )

osama_mma14

02-07-2011, 12:24 AM

أيمن الوزير

02-07-2011, 12:10 PM

يا رب تقرأ ما سأكتب بعناية

ايه رأيك و انت واقف .. تلاقى طوبة نازلة على قفاك يا معلم

و كل زنبك رايح درس .. الله يخربيت علم النفس اللى ودانا سنتر الهدف فى التحرير !عذرا فهذا أسلوب من يبحث عن مصلحة شخصية وبالتالي يقلل من أهمية الثورة ولا يعرف أنه لا حلاوة بدون نار ولكل فعل رد فعل ولإسقاط أنظمة فاسدة لابد من الخسائر

احنا شعب مش بنمشى غير بالكلاب البوليسية .. او صاروخ ميج و طيارة فانتوم .. و فى النهاية صاروخ اف 16 قاتل !عممت الحكم وأكدت ما يقوله النظام السابق وأهنت شعبا كاملا مهما يكن التغيير فالخير موجود دائما وبجواره شرا والمصلح موجود دائما وبجواره مفسدين فلنكن من المصلحين ولا نضعف الهمم ونهين الثوار أصحاب الكرامة الذين يرون أنهم يتحلون بالإباء وعزة النفس أما من يحبون أن يذلوا أنفسهم ويساقوا بالكلاب والعصي كما تساق البهائم خائفون من الحكام فليأمنوا علي أنفسهم بذلهم وخنوعهم وحرصهم علي دروسهم ومصالحهم الخاصة التي يحققونها بالذل والخنوع وهنا تحضرني وصية خروف لابنه للشاعر "خروف بن شاة"

ولدي إليك وصيتي عهد الجدود
الخوف مذهبنا نخاف بلا حدود
نرتاح للإذلال في كنف القيود
و نعاف أن نحيا كما تحيا الأسود

كن دائما بين الخراف مع الجميع
طأطئ وسر في درب ذلتك الوضيع
أطع الذئاب يعيش منا من يطيع
إياك يا ولدي مفارقة القطيع

لا ترفع الأصوات في وجه الطغاة
لا تحك يا ولدي ولو كموا الشفاه
لا تحك حتى لو مشوا فوق الجباة
لا تحك يا ولدي فذا قدر الشياة

لا تستمع ولدي لقول الطائشين
القائلين بأنهم أسد العرين
الثائرين على قيود الظالمين
دعهم بني و لاتكن في الهالكين

نحن الخراف فلا تشتّتك الظنون
نحيا وهمّ حياتنا ملءٌ البطون
دع عزة الأحرار دع ذلك الجنون
إن الخراف نعيمها ذل وهون

ولدي إذ ما داس إخوتك الذئاب
فاهرب بنفسك وانج من ظفر وناب
و إذا سمعت الشتم منهم والسباب
فاصبر فان الصبر اجر وثواب

إن أنت أتقنت الهروب من النزال
تحيا خروفاً سالماً في كل حال
تحيا سليماً من سؤال واعتقال
من غضبة السلطان من قيل وقال

كن بالحكيم و لاتكن الأحمق
نافق بني مع الورى وتملق
و إذا جررت إلى احتفال صفق
و إذا رأيت الناس تنهق فأنهق

انظر ترى الخرفان تحيا في هناء
لاذل يؤذيها ولا عيش إلأماء
تمشي ويعلو كلما مشت الثغاء
تمشي و يحدوها إلى المذبح الحداء

ما العز ، ما هذا الكلام الأجوف
من قال إن الذل بأمر مقر ف
إن الخروف يعيش لا يتأفف
مادام يسقى في الحياة ويعلف

كما تحضرني وصية أسد إلى ابنه ولـــدي إليك وصيتي عهد الأسودْ

العز غايتنا نعيش لكينســـود
عريننا في الأرض معروفالحدود

فاحم العرين عـن عبثالقرود
أظفــــارنا للمجد قـــــدخُلقت فـدى

و أنيابنا سُنَّت بأجســـاد العدى

زئيرنا في الأرض مرهوب الصدى

نعلي على جثث الأعاديالسؤددا
هذا العرين حمتهأسود الشرى

و على جوانب عزه دمهم جرى
من جار من أعدائنا و تكبرا سقنا إليه من الضراغممحشرا
إياك أن ترضى الونى أوتستكينْ

أو أن تهون لمعتدٍ يطأ العرين
أرسل زئيرك و ابق مرفوع الجبين

الثم جروحك صامتاً و انسالأنين
مزق خصومكبالأظافر لا الخطابْ

فإذا فقدت الظفر مزقهم بناب
و إذا دعيت إلى السلام مع الذئاب فارفض فما طعم الحياة بلاضراب
اجعل عرينك فوقأطراف الجبالْ

دع السهول يجوب في السهل الغزال

لا ترتضي موتاً بغير ذرى النصال

نحن الليوث قبورنا ساحالقتال
ولدي إذا مابالسلاسل كبلوكْ

و رموك في قعر السجون وعذبوك

و براية الأجداد يوماً كفنوك

فغداً سينشرها و يرفعهابنوك
إياك أن ترعىالكلا مثل الخرافْ

أو أن تعيش منعَّماً بين الضعاف
هذي بنيَّ مبادئالآسادِ

هي في يديك أمانةالأجداد
جاهد بها في العالمين ونادي

إن الجهاد ضريبة الأسياد

فانظر إن رأيت أننا نساق بالعصا فاتبع وصية الخروف وإن رأيت أننا شعب رافض للذل فاتبع وصية الأسد

و ستظل الثورة فاشلة إلى ان نتغير .. حين اذن سنقول

ثورة تغيير ...

لكن للاسف صدق من قال ..

تجمعنا راقصة .. او زمارة ... و تفرقنا عصا .. زى الحمارة !

و على رأى الفنانة العظيمة .. التى شرفت مصر فى قلة الادب و الحمد لله

نادية الجندى : سلملى على " البتنجان " الثورة ليست فاشلة والتغيير ليس في يوم وليلة وهذا هو نظرتي للثورة

البلد تحولت للأحسن بالنسبة لمجتمعي الصغير الذي أعيش فيه ولا يكدر صفوه إلا بعض الجهلاء المخدوعين الذين كانوا من طبيعتهم دائما الجدال بسبب وبدون سبب من أنصار الحزب الوثني المصلحجي البائد
أولا : إيجابيات الثورة ( ولن أتحدث إلا في حدودنا الضيقة التي أعيشها )
1- أصبح من السهل علينا نحن أبناء القرية أن نجتمع من أجل التفكير في حل مشاكل وسلبيات في القرية بدون خوف من أن يتهمونا بأننا إخوان نخطط لاحتلال كرسي الحكم وبالتالي عملنا جمعية خيرية عالجت العديد من السلبيات .

2- أدخل مركز الشرطة فأعامل باحترام كإنسان بخلاف مرة ذهبت لأعمل محضر فقد بطاقة شعرت بإزلال وكأنهم أسياد ونحن عبيد

3- قالوا لي أن مرتبك الميت الهزيل الذي لا يكفي سوف يزيد في شهر يوليو بعد عمل الحد الأدني وسيتجاوز 700 جنيه تلك الزيادة التي ان انتظرناها في عهد الا مبارك لحصلنا عليها بعدما نخرج علي المعاش 4- قتلت جهلي بالسياسة وامتناعي عن التصويت لأني كنت أعرف أنه لا فائدة من ورائها بسبب الغش والتزوير وأصبحت أقرأ مثل ألوف المصريين الذين بدأوا يفكروا

5- بدأت أسمع عن أفكار رهيبة وخطوات لإعمار البلد ومشروعات عملاقة كمشروع زويل والباز وغيرهم في حين كنت من المؤمنين بأننا مجتمع عقيم في عهد اللامبارك

والله الإيجابيات التي وقعت علي شخصيا كثيرة ومش فاضي أكتب أنا أحببت المشاركة ولكن هناك سلبيات وهي طبيعية لثورة أسقطت طاغية خلفه الآلاف من المنتفعين أصحاب المصالح ورؤوس الأموال الرهيبة
وأهم هذه السلبيات التي لو تخلصنا منها لأصبحنا في قمة دول العالم وهي

1- بث الشائعات التي تثير الرعب كانتشار البلطجية وذبح فلان و****** فلانة وما رأي أحد وإنما إشاعات تنتشر تبث الرعب وإن حدث بعضها فهي تحدث قبل الثورة أما بعد الثورة فيسلط الضوء علي بعضها ويؤلف الناس قصص وروايات عليها لا علاقة لها بالواقع

2- بث الشائعات وتصيد أخطاء بعض الأحزاب وبعض مرشحي الرئاسة من الدستور أولا البيضة أولا العربية أم الحصان
البرادعي عميل أمريكي الإخوان يقولون ما لا يفعلون العوا بيحب الشيعة وائل غنيم ماسوني غزوة الصناديق الإخواني يتزوج إخوانية , كلها إشاعات وتخوين بعضنا في بعض بدون دليل بل بصور مفبركة وتصيد أخطاء وقص كلام من مضمونه والجاهل يصدق فيكره من قامت عليه الشائعة بدون فهم القص واللصق

3- تأجيل المحاكمات بصورة تدل علي التواطؤ وكأنهم يريدون استفزاز جموع الشعب وإشعال نار فتنة وكذلك تأجيل الانتخابات بحجة سيسيطر التيار الديني الذي سيفضله الشعب الذي يدعي بعض النخبة الخايبة جهله

usernamo

02-07-2011, 12:23 PM

سيدى الفاضل من الواضح انك لم تقرأ المووع بعناية .. انا قلت ان الثورة فاشلة إلا ان نتغير نحن يعنى .. هى منجحتش لسه .. يبقى الناس ليه بتزقطط و الكلام العجيب ده ؟؟! ... البلد يافندم وقعت تحت الصفر هنضحك على مين .. انت تقدر تنزل بنتك الشارع ؟؟ يومياً 50 عملية قتل .. و سرقة و الشرطة تروح هنا .. يحصل حاجة هناك .. تروح هناك .. يحصل حاجة هنا .. و كل يوم مظاهرات من شوية رعاع مبوظين البلد و لما الشرطة اتعاملت معاهم عايزين يروحوا يربوا وزارة الداخلية فى عقر دارها .. دى حاجة ..

تانى حاجة .. البلد مفيش اقتصاد تمام .. و اللى يقولك و احنا و احنا و احنا .. بيكدب عليك .. خلينا واقعيين .. هيزيد اجورنا تمام و حلو .. بس مش هنقضبها اصلاً !!!!!!اخى العزيز .. فى الاذاعه و التليفزيون .. المبنى كله .. لم يقبضوا رواتبهم منذ شهر 3 ^^ .. و فى القصر العينى كذلك .. و العديد من المؤسسات الحكومية .. اقتصاد ايه بقى ؟؟!

سيبك من كده .. ايه رأى حضرتك فى شوارع مصر دلوقتى ؟؟؟ .. مزابل + بلطجية + مفيش امان + اسفاف + اللى ملهمش فى السياسة بقوا بيتكلموا فيها و يطالبوا و هما مش فاهمين بيطالبوا بأيه اصلاً !!!!!

بالله عليك استاذى ... دى ثورة ؟؟.. اخى الفاضل .. احنا شعب منعرفش نقوم بحاجة كاملة .. اخى الفاضل ايام ما كانت للحكومة السيادة .. مكنش فيه بلطجية زى دلوقتى .. مكنش فيه اقتصاد بايظ زى دلوقتى .. انا معاك انهم حرامية و كويس انهم اتشالوا . بس العيب عارف فين ..

فى اللى بتقولوا عليه حكومة الثورة .. حكومة مين .. ده عامل زى سيتى .. حنين و مالوش قرارات .. ناقص ينزل يبوس على رجول البلطجية .. و مش راضى يدى قرار واحد حاسم .. عمال يسافر هنا و هنا .. و سايب البلد بتولع ..

ياريت بلاش نكدب على انفسنا ..

و عارف ليه انا جمعت ؟؟؟ ... على فكرة منا واحد من الشعب .. بس عشان بس حضرتك تفتكر المقولة الجميلة ..

الحسنة تخص و السيئة تعم ...

راغب السيد رويه

02-07-2011, 12:45 PM

جزاكم الله خيرا

العو2000

02-07-2011, 02:02 PM

موضوع الاشعات و الغوغائية و الاندفاع دون تدبر....اتفق معك فيه

و لكن الحياة مع هذا الشعب ممكنة و الذ بكتير

و لو سافرت دول عربية تانية هتحس بقيمة هذا الشعب