مشاهدة النسخة كاملة : ده الي حصل في اول اجتماع علي الايميل
ahmed131 30-06-2011, 02:22 PM طبعا انا بكلم علي ايميل science_skills ات ياهوو دوت كوم
الي معندوش فكرة يخش هنا
http://www.thanwya.com/vb/showthread.php?t=335129
او
بداية الفكرة خالص والحمد الله قدرنا نظبطها في الاخر والتزمنا بالمواعيد
http://www.thanwya.com/vb/showthread.php?t=334701
وصل العدد الي 21 عضو (كلهم من تانية ثانوي وطلعين تالتة ولاد وبنات)
اول تجمع كان بعدد 8 اعضاء ونقشنا فكرة كويسة جدا وبكرة هيبتدي التنفيذ
انتهي الحوار بالاتفاق علي الفكرة وتنفيذها غدا من كافة الاعضاء الي حضروا وبعتنا رسايل وعملنا الموضوع للي ميعرفش
التجمع بكرة علي الايميل الساعة 10 بليل بتاريخ 1-7
الفكرة الاولي : يوم الخميس 30-6
هي هنبتدي من بكرة ان شاء الله في حفظ كلمات انجليزي وتم توحيد الكلمات الي هنحفظها من خلال قاموس كلمات بسيط نزلناه وعملناله رابط
لتحميل القاموس اضغط هنا (http://www.tryupload.com/files/0ROKJCSE/__________)
الكميه الي هتتحفظ صفحة واحدة فقط يوميا في حين ان اليوم الرابع مراجعة لما سبق حفظه
غدا ان شاء الله هنتفق علي الترجمة الي هنبتدي فيها وهنمشي يوم بيوم هنتكلم ونعرف هنعمل ايه في اليوم الي بعده
طبعا الكل وافق وقال هيحفظ بجد ونشجع بعض ودي تعتبر حاجة كويسة جدا انا احنا كدة هنقدر نشجع بعض علي حاجات تانية كتير طبعا مش الانجليزي بس دي كانت مجرد فكرة واحدة من كذا فكرة هيتم منفشتها يوميا من خلال المشتركين علي الميل
وكل الفكر هتتحط هنا في منتدي بوابة الثانوية عشان ال يفوته النقاش او الاجتماع ده يعرف ايه الي حصل فيه ويفضل معانا وربنا يوفقنا في تانية ومعانا في تالتة ان شاء الله
انتظرو الفكرة الثانية او لو عاوز تتناقش معانا ضيف الايميل science_skills (ياهوو)
محمد عبد النبي 2010 30-06-2011, 02:54 PM انا معاكوا انا داخل تالتة
EL MAGIC 111 01-07-2011, 12:28 AM على فكرة انا طالب فى تالتة ثانوى و هخلص يوم السبت و طالع جامعة ان شاء الله مع كل احترامى ليك و لافكارك الجميلة بس انا شايف ان ده ملوش لزمة حاليا انتو لسه خارجين من امتحانات على الاقل لحد يوم 10/7 او 15/7 فى وجهة نظرى محدش يقرا حاجة علشان هيبقى تعب و ممكن مايستمرش و هو خارج من سنة سودة الصراحة بحلوها و مرها و عاوز يستريح ف لازم تهدوا شوية وتحاولوا تتمتعوا باجازتكو شوية و بعدين تبدأوا بحاجات خفيفة و بالنسبة لحفظ التراجم زى ما بتقول مش هاتفيدك فى اى حاجة علشان كله بيتنسى و اسأل مجرب انا الحمد لله جبت درجة حلوة فى تانية و طول الاجازة كنت مقضيها و فى شهر 8 بدأت دروس و شديت حيلى و ربنا وفق و ان شاء الله اجيب نفس الدرجة يااااااااارب و كله بفضل المجهود و قبلها توفيق ربنا و دعوات اهلى ف وجهة نظر و نصيحة اخ كبير ماتتعبوش نفسيكو دلوقتى علشان الزهق ماينالش منكم و ابدأوا السنة من اولها جد وعلى فكرة منهج الانجليزى بتاع تالتة تاااااااااااااااااااافه و هو هو منهج تانية من غير اى تعديل من ناحية الجرامر الفيزيا حلوة و رائعة بس متبدأش دلوقتى العربى مفيش اسهل منه رياضة 2 و ما ادراك ما رياضة 2 حلوة و متعبة ومرهقة وبرضه مش دلوقتى خااااااااااالص و على العموم ربنا معاكو و يوفقكو
ahmed_06000 01-07-2011, 12:44 AM نصيحه من طالب لسه مخلص ثانوى انهارده
الصراحه فكرتك جميله ورائعة وكلها حماس ونشاط وطموح
بس لازم يكون فيه فصل بين السنتين يعنى مينفعش تبقى لسه مخلص سنه وتبدأ فى اللى بعدها
لازم تاخد فترة تغير فيها جو وتستجم وتريح شويه من تعب السنه اللى فاتت عشان تقبل على السنه الجديده وانت مستريح ومش مخنوق
لان الراحه حتى ولو اسبوعين ليها اثر كبير انها بتخليك تقدر تخلص السنه الجديده بدون ملل او زهق وبتكتسب الصبر برده
مجرد رأى مش اكتر وربنا يوفقنا كلنا
ارجو منكم الدعوه لكل واحد ان يحقق ما يتمناه
ahmed_06000 01-07-2011, 12:46 AM على فكرة انا طالب فى تالتة ثانوى و هخلص يوم السبت و طالع جامعة ان شاء الله مع كل احترامى ليك و لافكارك الجميلة بس انا شايف ان ده ملوش لزمة حاليا انتو لسه خارجين من امتحانات على الاقل لحد يوم 10/7 او 15/7 فى وجهة نظرى محدش يقرا حاجة علشان هيبقى تعب و ممكن مايستمرش و هو خارج من سنة سودة الصراحة بحلوها و مرها و عاوز يستريح ف لازم تهدوا شوية وتحاولوا تتمتعوا باجازتكو شوية و بعدين تبدأوا بحاجات خفيفة و بالنسبة لحفظ التراجم زى ما بتقول مش هاتفيدك فى اى حاجة علشان كله بيتنسى و اسأل مجرب انا الحمد لله جبت درجة حلوة فى تانية و طول الاجازة كنت مقضيها و فى شهر 8 بدأت دروس و شديت حيلى و ربنا وفق و ان شاء الله اجيب نفس الدرجة يااااااااارب و كله بفضل المجهود و قبلها توفيق ربنا و دعوات اهلى ف وجهة نظر و نصيحة اخ كبير ماتتعبوش نفسيكو دلوقتى علشان الزهق ماينالش منكم و ابدأوا السنة من اولها جد وعلى فكرة منهج الانجليزى بتاع تالتة تاااااااااااااااااااافه و هو هو منهج تانية من غير اى تعديل من ناحية الجرامر الفيزيا حلوة و رائعة بس متبدأش دلوقتى العربى مفيش اسهل منه رياضة 2 و ما ادراك ما رياضة 2 حلوة و متعبة ومرهقة وبرضه مش دلوقتى خااااااااااالص و على العموم ربنا معاكو و يوفقكو
انا متفق معاك فى الرأى فعلا عندك حق فى اللى قولته
ahmed131 01-07-2011, 12:54 AM والله انا اقتنعت بكلامكم وبكرة ان شاء الله هكلم معاهم وحتي لو كدة نحفظ حاجات بسيطة جدا وياريت والله تيجوا معانا عشان نستفاد منكم اكيد انت مجرب تالته وعارف ايه الي يتعمل وايه الي ما يتعملش
asmaa22 01-07-2011, 02:21 AM وانا كمان معاكو
asmaa22 01-07-2011, 02:23 AM بصراحه انا الموضوع عجبنى جدا و فرحت لما وجدته هنا
asmaa22 01-07-2011, 02:26 AM لو انا جبت 93فى تانية اقدر احسن فى تالته و ادخل صيدله
طب لو مجموعى مجبش صيدله ممكن ادخل علوم اجيب تقدير فى سنه اولى و احول صيدله
يا ريت بجد تفيدونى فى الموضوع ده
Dr. Hoda Ahmed 01-07-2011, 07:47 AM ربنا يوفقكم وسعيدة بحماسكم ونشاطكم
ربنا معاكم
فلانتينو البوابة 01-07-2011, 09:53 AM النهارده ان شاء الله هتلاقونى معاكم
بجد انتم شباب تمام
يا ريت منضيعش ساعة فى الاحازة بدون عمل مجد ومفيد
(ارجوكم محدش يميل للعب وانا عارف ان المذاكرة بعدتنا شوية عن عبادتنا وقراءة القران والصلاة على الحبيب )
استفيدوا يا جماعة من الاجازة وانتهزوا الفرصة فى التقرب الى الله_عز و جل_
PrinCeSs MeRaMar 01-07-2011, 04:05 PM بص انا كنت مع حضرتك في الفكره
بس انا مكنتش فهمه انه حفظ و كده
احنا ممكن نقرأ بتاع حاجات كده تنمي الثقافه
لكن حفظ و كده محدش هيطيق
لان فعلا مفيش ادامنا غير شهر نريح فيه
لكن لو عملنا كده مش هنريح ومش هنفصل بين السنتين ممكن نيجي علي اخر السنة نتعب و منقدرش نذاكر
و الوقت الي في الاخر احنا امس الحاجه للمذاكره اكتر من الان
ahmed131 03-07-2011, 09:27 AM احنا هنشوف هنعمل ايه وفعلا ممكن يبقي فيه نشاطات دينية صغيرة كدة
المهم التجمع بكرة (الاتنين ) الساعة 10 الصبح
ahmed131 03-07-2011, 09:29 AM ومش هيبقي فيه تعب لدرجة عدم المذاكرة اخر السنة
حاجات كلها بسيطة جدا وفيدة اوي في نفس الوقت وحتي الان في كتير دخلو اتقريبا 42
ويعني وانا بحاول اعمل حاجات ما تخدس اكتر من نص او ساعة في اليوم
د / الشيماء 04-07-2011, 10:10 PM فكــــرة جميلـــة اوووووى
عاوزة اشترك معاكم بس الميعاد مش هيناسبنى
عموما ابقى نزل الافكار هنا بس اعمل موضوع فى قسم تانى غير قسم الكيمياء
hebabasmala 04-07-2011, 10:28 PM المعاد مش ثابت كده يا شيماء يعنى ممكن يتغير من يوم ليوم اشتركى معانا انتى ع الياهو وبعدين نتفق
toty61 05-07-2011, 09:50 AM النهارده ان شاء الله هتلاقونى معاكم
بجد انتم شباب تمام
يا ريت منضيعش ساعة فى الاحازة بدون عمل مجد ومفيد
(ارجوكم محدش يميل للعب وانا عارف ان المذاكرة بعدتنا شوية عن عبادتنا وقراءة القران والصلاة على الحبيب )
استفيدوا يا جماعة من الاجازة وانتهزوا الفرصة فى التقرب الى الله_عز و جل_
جزاك الله كل خير
ahmed131 05-07-2011, 03:35 PM يا جماعة المواعيد مش ثابتة يعني بكرة ان شاء الله هيبقي الساعة 1 الضهر(الاربعاء) وهنتفق علي ميعاد اليوم الي بعده
بس بكرة بجد هتبقي فكرة جديدة جدا وحلوة اوي ومفهاش ولا حفظ ولا قراية حتي وكدة كدة هتستفاد وهتفيدك اوي السنة الجاية
science_skills (ياهوو) وشكرا لكل الي معانا والي عملين يجيبوا افكار بجد مكنتش حططها في الاعتبار والي متبعنا بس تنبيه صغير
الفكرة الاولي احنا موقفنها لحد مناخد فاصل كويس بين السنتين والافكار التانية هنزلها كمان شوية ياريت كله يشارك عشان يكون متابع معانا
لؤلؤة من الجنة 11-07-2011, 01:11 AM يا جماعة انا مش عارفه اوصلكوا وبجد الفكره دى عجبتنى اوى وياريت اي حد فيكوا يحاول يساعدنى
محمد الأمير فاروق 24-07-2011, 08:28 PM عمر المذاكره ماتبعدنا عن ربنا
دايما ربنا فوق كل شئ
وشكرا لموضوعاتكم الجميله
er206 28-07-2011, 01:15 PM أتمنى لكم التوفيق
|