السلام عليكم ورحمة الله وبركاته
اقدم لطلبة الصف الخامس الإبتدائي أول حصة علوم بالصوت
واتمنى أن أعرف رايكم بصراحة طلبة ومعلمين
ويا ترى اكمل ولا الشرح مش قد كدة
لأن رايكم هو اللى حيخلينى أقرر غذا كنت أكمل ولة لأ
اللينك:
http://www.youtube.com/watch?v=52tvoOo_WfU
والجزء الثانى :
http://www.youtube.com/watch?v=76pPgga82mo&feature=related
فى انتظار تعليقتكم على صفحة اليوتيوب أو هنا

جميلة جداً الحصة يا أ / جيهان
و حلوة جداً فكرة إنك بتحببي الطالب في التجارب
و إن التجربة هيا السبيل الوحيد لمعرفة الإجابة على أي سؤال علمي

بس اللي بلاحظة عندي إن الطلاب دايماً بيكرهوا التجارب
و لما أقولهم إن منهج السنة دي مفيهوش تجارب بيبقوا هيموتوا من الفرحة

على فكرة، اللى بيخلى الطلبة يكرهوا أى حاجة هى انهم مش فاهمنها كويس. وبالتالى بيكون حفظها صعب.
لو حاولت تفهمهم ان التجربة بنعلمها علشان نتاكد من المعلومة اللى هم صدقوها على طول.
يعنى مثلا، لو حتشرح لهم التجربة اللى بنتاكد بها أو اللى بنثبت بها ان الطيف المرئي يتكون من سبع الوان. متقولهمش: تعالوا نعمل التجربة بتاعة ألوان الطيف.
لكن الصح: تعالوا نعمل تجربة لإثبات ان الطيف المرئي يتكون من سبع الوان. زى ما شرحتلكم قبل كدة. علشان تتأكدوا بنفسكم.
لكن:
التجربة بتاعة الوان الطيف
و التجربة بتاعة الشمعة
والتجربة بتاعة المغناطيس
ده كله كلام فارغ، لازم يتعلموا يعنى ايه تجربة وبنعملها ليه والتجربة دى لإثبات ايه؟ او لقياس أيه؟ ،
ولازم حصة النظرى ماتنفصلش عن العملى ويكون ده واضح فى الشرح.
يعنى بعد الانتهاء من شرح النظرى اللى هو معلومات كثيرة اوى، تقول: الحصة الجاية فى المعمل حخليكم تتاكدوا بنفسكم من المعلومات اللى قولناها انهاردة.
وقبل بدء حصة العملى تراجع بسرعة المعلومات اللى حتعملوا تجارب للتاكد منها علشان يكونوا معاك على الخط.
وبالتوفيق يا مستر ان شاء الله

شكراً أستاذه جيهان على النصيحة و الإهتمام

جزاك الله خيراً

http://www3.0zz0.com/2010/05/15/10/333788113.gif

http://www.hayah.cc/forum/imgcache/129304.png

كل عام وانتم بخير واتمني التفوقيق للجميع