بسم الله الرحمن الرحيم

طبعاً من يومين كتبت موضوع و قلت ان شعبنا ليس شعباً جميلاً .. لكن اساء البعض قصدى ..

انا لم اعنف الشعب .. لغرض التعنيف .. حاشا لله ..

انا عايز اشوف حاجة احسن .. عايز الاقى بنت ماشية فى الشارع .. امنة على نفسها

متلاقيش حد يأذى شعورها بكلام تافه ! ..

او اسمع بودانى واحد واحد يكلم واحد ميعرفوش و يشتمه بأمه و ابوه .. (( اينعم انا بهزر مع اصحابى بألفاظ سوقية .. بس شباب مع بعض و اصحاب )) بس مجيش صوتى فى الشارع يبقى معدى صوت الشاحنات و بقول شتيمة مش كويسة ..

حرام .. بلاش نأذى مشاعر الناس .. لازم يكون فى قلوبنا و لو ذرة احساس ..

عايز الاقى واحد يقول انا هختار ده .. و التانى يسمعه و يقوله لا انا هختار ده .. و فى الاخر يخلص الكلام .. و يكملوا لعب مع بعض دومينو على القهوة او طاولة .. و ميبقاش فيه عنف ..

عايز الاقى راجل ماشى فى الشارع ضعيف كبير السن .. يلاقى شاب يعديه .. و يقوله الشكر لله يا والدى ..
مش يستهزأ بيه و العربيات تزمرله و تقوله يلا يا كذا و يا كذا ..(( مع انك فى يوم هتبقى زيه ))

عايز تبقى ماشى مع خطيبتك محافظ عليها .. راجل معاها .. الراجل هو يفضل مخليها جوهرة فى ايده .. لحد ما يتجوزها .. مش يستغلها .. كما يستغل الذئب تعثر الشاه ..

عايزك تبقى ماشية محترمة .. صوتك خافت .. صوتك مع صديقاتك فى الشارع مش عالى .. (( انا مش بكبت حريتك .. بس مش كل الناس هتفكر و تقول انك مع صحباتك )) خليكى محترمة فى لبسك .. خليكى يا بنت الحلال مسلمة قولاً و فعلاً .. خليكى زى الصدفة .. داخل القوقعة .. لا يكشف عنها سوى زوجك .. خلى إيمانك بالله جوه قلبك .. مش ايمانك بالله عشان فى البطاقة مسلمة ..

و عايزك تنزل تشوف العشوائيات بتاعت البلد .. تساعد فى بلدك البلد محتاجاك

عايزك يأخى حتة تدمع من قلبك .. لما تشوف واحد بقاله 20 سنة عنده امراض مش عارف يتعالج و انت يا حبيب والدتك يجيلك برد ترفص و تقعد فى السرير كالاموات ..

تعرف ... تعرف .. لما انت تعمل كده ...

تعرفى ها؟؟ .. لما انتى تعملى كده ..

انا كمان لو عملت كده ...

اكيد .. هيبقى بكرة احلى .. بكتير من امبارح ..

بكرة هيبقى احلى من انهارده ..

بكرة هيبقى احسن فى جميع الاحوال ...

بس قول .. ان شاء الله ..^^

UseRnaMo
ThnAwyA

ان شاء الله بكرة هيبقى احلى بنا كلنا باذن الله
والموضوع الذى تكلمت عنه فى غاية فى الاهمية لان الاخلاق الاخلاق الاخلاق الاخلاق هى ما تبقى لنا فلا نريد ان تضيع هى الاخرى شكرا يا اخى الكريم

موضوع جميل جدا
ومفيش كلام اقوله بعد اللى قلته
غير انى اتمنى ان بكره يكون احلى

إن شاء الله بكره هيبقى أحلى

بس كل واحد بس يبدأ بنفسه ويعمل حاجه

لإن الكلام بيبقى حلو أوى وكتير وسهل يتقال

بس إن حد يفكر يعمل حاجه !!!!!

ان شاء الله بكرة هيبقى احلى بنا كلنا باذن الله
والموضوع الذى تكلمت عنه فى غاية فى الاهمية لان الاخلاق الاخلاق الاخلاق الاخلاق هى ما تبقى لنا فلا نريد ان تضيع هى الاخرى شكرا يا اخى الكريم




العفو و نورتنى^^
موضوع جميل جدا
ومفيش كلام اقوله بعد اللى قلته
غير انى اتمنى ان بكره يكون احلى

يارب ,, و تورتينى يا فرح و ربنا يوفقك فى النتيجة ^^..

إن شاء الله بكره هيبقى أحلى

بس كل واحد بس يبدأ بنفسه ويعمل حاجه

لإن الكلام بيبقى حلو أوى وكتير وسهل يتقال

بس إن حد يفكر يعمل حاجه !!!!!



طبعاً يا مروة .. لو كل واحد بص ثانية واحد لنفسه .. مجرد ثانية هيلاقى انه هو اللى ممكن يتغير .. و بالتالى المجتمع مجموعة افراد .. لما يتغيروا هو باتالى هيتغير

بجد ياامجد كلامك جميل جدا
ربنا يبارك فيك
حقيقى لو كل واحد بدأ يغير من نفسه ومن سلوكه
بلدنا هتبقى حلوة جدا وهنحب بعض بجد
مش عايزين مجاملات ولا عنف ولا تعدى عالغير
عايزين نحس بالامان
لما تبقى البنت ماشية فى الشارع مش تكون خايفة من تصرفات الشباب
لا تكون مطمنة لانها ماشية واخواتها حواليها

فعلا اكتر حاجة بتستفزنى الشباب اللى بيشتم بالاهل
لا وكمان اللى بيتشتم دا عادى بيضحك
مفيش نخوة ولاغيرة على اهله
مفيش مشكلة اننا نهزر لكن مينفعش الهزار يقلب بوقاحة ويوصل للاهل

كلها احلام بتمنى وبدعى انها تتحقق
لاننا لو بنخاف من ربنا وبنحبه مش هنتصرف تصرفات زى دى
ولو بنحب بلدنا هنعمل ونعمل علشان نعليها
والله احنا اللى هنغير بلدنا

اسفة عالاطالة
تقبل مرورى

موضوع في غاية الروعة
أوجز مواقف كتير موجودة في حياتنا اليومية وفعلا هو ده اللي بيحصل
للأسف فيه أزمة أخلاق ومحتاجة حل علي مستوي كبير وبالذات اللسان ده عايز ........
لوطبقنا الشريعة كويس فعلا حياتنا هتبقي نموذجية

شكرا لك ع الموضوع المتميز

ان شاء الله بكرة يكون أحلى
مشكور على الموضوع الرائع

بجد ياامجد كلامك جميل جدا
ربنا يبارك فيك
حقيقى لو كل واحد بدأ يغير من نفسه ومن سلوكه
بلدنا هتبقى حلوة جدا وهنحب بعض بجد
مش عايزين مجاملات ولا عنف ولا تعدى عالغير
عايزين نحس بالامان
لما تبقى البنت ماشية فى الشارع مش تكون خايفة من تصرفات الشباب
لا تكون مطمنة لانها ماشية واخواتها حواليها

فعلا اكتر حاجة بتستفزنى الشباب اللى بيشتم بالاهل
لا وكمان اللى بيتشتم دا عادى بيضحك
مفيش نخوة ولاغيرة على اهله
مفيش مشكلة اننا نهزر لكن مينفعش الهزار يقلب بوقاحة ويوصل للاهل

كلها احلام بتمنى وبدعى انها تتحقق
لاننا لو بنخاف من ربنا وبنحبه مش هنتصرف تصرفات زى دى
ولو بنحب بلدنا هنعمل ونعمل علشان نعليها
والله احنا اللى هنغير بلدنا

اسفة عالاطالة
تقبل مرورى


نورتينى و طولى براحتك ^^ ...

موضوع في غاية الروعة
أوجز مواقف كتير موجودة في حياتنا اليومية وفعلا هو ده اللي بيحصل
للأسف فيه أزمة أخلاق ومحتاجة حل علي مستوي كبير وبالذات اللسان ده عايز ........
لوطبقنا الشريعة كويس فعلا حياتنا هتبقي نموذجية

شكرا لك ع الموضوع المتميز

العفو يافندم ده من ذوقك ^^

انت راجل بجد يا أمجد

امال انت كنت فاكر ايه :d:d متشفنيش لما بقول ((هع)) بصوت عالى .. ينهار ازرق بهد جبال يبنى xD

ان شاء الله بكرة يكون أحلى
مشكور على الموضوع الرائع

ان شاء الله ^^ نورتينى

كلام أحلام .... كلام أوهام .... مقدرش أقول انه هيتحقق أبداً ( دي كانت أغنية لليلي مراد وتم تحريفها بعد ذلك إلي الأغنية الموجودة )
دا حصل فين الكلام دا يا أمجد ؟ في أي مكان وفي أي زمان ؟!
أنا ممكن أعمل زي باقي الاعضاء ( وزي أغنية ليلي مراد بعد التحريف ) وأقولك كلام جميل ... كلام معقول ... مقدرش أقول حاجة عنه .
لكن يا ريت نسيبنا من شعار ( كل واحد يبدأ بنفسه ويغيرها للأحسن )
يا أمجد كل واحد شايف نفسه هو الصح . يبقي ازاي يغير من نفسه ؟!
أتحدي أي واحدة انها تقول علي نفسها انها بنت قليلة الأدب , مش متربية كويس , معندهاش أخلاق ولا قيم ولا مباديء . أتحدي أي واحدة تقول علي بنتها الكلام دا ! أتحدي أي واحد يقول علي بنته أو أخته أو زوجته الكلام دا !
هل يعني هذا أن كل الفتيات أو حتي الغالبية كويسة ؟! نفس الأمر إلي حد ما ينطبق علي الشباب !
كما قلت , كل واحد شايف نفسه صح !
علشان كلامك يتحقق شوية وتكتر مع الأيام يا أمجد , لابد من ما يردع الناس عن الخروج علي قواعد السلوكيات والأخلاقيات .
ايه اللي بيحكم الناس ويقيد من سلوكياتها ؟ الدين , القانون , الأعراف والتقاليد .
الدين .... كل واحد شايفه علي مزاجه وهواه وفاكر نفسه انه شيخ المشايخ , وهي شايفة نفسها الخضرا الشريفة !
القانون ... يطبق علي البعض ( اللي ملوش ضهر ) لكن ناس تانية فوق القانون . دا غير ان القانون له ثغرات كبيرة وواسعة !
الأعراف والتقاليد .... اتغيرت خلاص واستبدلناها بتقاليد وأعراف الأجانب !
من الأخر يا أمجد المثل بيقول ايه ؟
( إذا كان رب البيت بالدف ضارب , فشيمة ..... كملوا انتوا بقي )
فيه أخلاقيات معينة , لابد من فرضها بالقوة . وهناك أخلاقيات أخري يتم التركيز عليها في المدارس ووسائل الاعلام المختلفة .
من زمااااااااان واحنا بنسمع نفس الشعار ( ابدأ بنفسك أولاً ) فهل حدث هذا ؟! أم أن ما حدث هو تدهور الأمور أكثر وأكثر ؟!

بالقوة يا مستر ؟؟؟:confused:


أيوه يا هاني بالقوة .
مش معني القوة ان الناس العادية هي اللي هتستخدم القوة . ولو انها مطلوبة في بعض الحالات ( زي مثلاً واحد بيتعرض لفتاة بصورة قبيحة جداً )
يعني انت راضي يا هاني مثلاً عن شرب الخمور والحشيش والبانجو في بعض الأفراح والموالد وبصورة علانية ؟!
ألا يجب علي الدولة أن تتصدي لمثل هذه الأمور بمنتهي القوة والحزم ؟ أم نطالب من يفعلون ذلك بأن يغيروا من أنفسهم ؟

سورى يا مستر
انا افتكرت ان حضرتك تقصد ان الأفراد العاديين هم اللى يمارسوا القوة دى

حكاية الأفراح دى .. حاجة مزعجة جدا
والمفروض أصلا الأفراح متتعملشى فى الشوارع زى ما بيحصل وما يتبعها من توقف المرور تماما
نعم يجب على الدولة ( لا الأفراد ) التصدى لكل الممارسات التى تعتدى على حقوق الأخرين
بداية من المعاكسة وإنتهاءا بالأفراح الشعبية واللى فيها من بانجو وحشيش وراقصات غبية :d


لا طبعاً يا هاني . ازاي ممكن أنا أقول ان الأفراد العاديين هما اللي يستخدموا القوة ؟ كدا تبقي فوضي .
حتي لما قلت انها مطلوبة في بعض الحالات وضربت مثل الشاب اللي بيتعرض لفتاة بصورة قبيحة جداً , قصدت بأن الناس العادية تمسكه وتسلمه إلي الشرطة . والشرطة تتصرف معاه بالقانون ( لكن القانون دا لازم يكون رادع وحازم ويطبق علي الكل ) لكي نحد من هذه الصورة ومن غيرها أيضاً .
حلوة راقصات غبية دي :d:d
هو فيه راقصات أذكياء ؟ :o:o

موضوع جميل جدا جدا
كل الفكرة ان كل حد فينا يبدأ بنفسه
وان شاء الله بكره احلى

واعتقد مافيش كلام احلا من كده
احلا حاجه انك بتنتقد الناس وبتوضح انك انت كمان فيك عيوب زيهم اكيد كلنا فينا اخطاء ولازم نغيرها
وبجد فعلا انت وضحت سلوكيات كتير لازم نغيرها فعلا فينا
وخاصة موضوع الشاب وخطيبته دى
جزاك الله خير يا امجد
وبجد كلام موزون جدا
تحيااااااااااااااتى:078111rg3::078111rg3::078111rg 3::078111rg3::078111rg3:

بجد بجد يعنى موضوع حلو أوى يا أمجد وأكتر حاجه بحبها فى مواضيعك أنك بتتكلم بصراحه ومش بتلف وتدور فى الكلام ، عايزنى اتغير ؟ عايز تتغير ؟ عايزها وعايزه يتغيروا ؟ روح قول لهم ، حيقولوا لك روح غير انت نفسك الاول ياعم وبعدين انا حتغير ، كل واحد بيستنى اللى ادامه يتغير وبعدين يغير نفسه ، يعنى عمرنا ما حنتغير ، تعرف لو كل واحد بدأ بنفسه حنلاقى كلنا اتغيرنا سوا ، امبارح نزلت اشترى حاجات وكنت تعبانه اووووى وركبت الترام انا وماما وقعدت وكانت رجلى واجعنى اوى قولت حقعد شويه وحقوم ااقعد ست كبيره وفجأه لقيت بنت اللى قعده ادامى قامت وقعدت ست كبيره ساعتها حسيت قد ايه انا وحشه اوى وانانيه ومش بفكر غير فى نفسى ورحت قمت وقعدت واحده ست ولما جيت اروح ركبت الترام تانى انا وماما وكانت زحمه اوى ولما ندخلنا بنت قامت وقعدت ماما ن سااعتها قولت لو انا مكنتش عملت كده ماكنتش البنت دى عملت كده ، احيانا الواحد بيفكر فى المسقبل القريب بكره وبعده ومحدش بيفكر للمستقبل البعيد السنه الجايه واللى وراها ، بس فعلا ياريت كلنا نتغير ونبدأ بنفساً ومش نتسنى غيرنا
موضوع حلو يا أمجد كالعاده طبعاً وعوده حميده يا فندم.
ً

والله بجد كلااااااااااااااااااام مقنع جدأأأأأأأأأأأأأأأأأأأ
ويارب يتحقق بجد
وان شاء الله بكره هيبقى احلى ..وطبعا بكره هيبقى احلى مش بالكلااااااااااااااااااااام وبس
لازم بالمواقف

..وأكيد بكره أحلي وأجمل..

من النهارده ومن امبارح ومن اي يوم تاني

باراده الله

واكبر دليل التوبيك دا ورودود الاعضاء الجمال دول ..

ما شاء الله عليهم


..

ويارب كل دا يتحقق.
ونرجع ذى زمان وخير زمان وجمال زمان

وناس زمان وايام زمان

..

أشكرك ع التوبيك

منورينى جميعاً دايماً فى موضوعى ..

و ع فكرة و الله فعلاً انا هبدأ من نفسى هخلص بس الاساسيات اللى فى حياتى الاسبوعين دول .. و بعدين هنزل .. هنزل لاهل منطقتى .. اقولهم هنعمل ايه .. هنختار مين يمثلنا .. طيب انت عندك مشكلة ايه ؟؟ .. نوديها للمحافظ .. هنزل الف الشارع .. هنزل ارسم على الحائط اعلام مصر .. هنزل ارسم رموز البلد .. مش هنعاكس تانى .. و انتى مش هتلبسى لبس مش كويس تانى .. هتهزرى مع صحباتك .. هيبقى ليكى صوت فى انتخابات .. هيبقى ليكى ايد فى اعمار البلد ..

عايزين نزور قرايبنا .. ارفع سماعة التليفون كلم صاحبك و اسال عليه .. عايزين نبقى شعب طيب .. زى زمان .. عايزن مصر ام الدنيا .. زى زمان ..

منورينى جميعاً دايماً فى موضوعى ..

و ع فكرة و الله فعلاً انا هبدأ من نفسى هخلص بس الاساسيات اللى فى حياتى الاسبوعين دول .. و بعدين هنزل .. هنزل لاهل منطقتى .. اقولهم هنعمل ايه .. هنختار مين يمثلنا .. طيب انت عندك مشكلة ايه ؟؟ .. نوديها للمحافظ .. هنزل الف الشارع .. هنزل ارسم على الحائط اعلام مصر .. هنزل ارسم رموز البلد .. مش هنعاكس تانى .. و انتى مش هتلبسى لبس مش كويس تانى .. هتهزرى مع صحباتك .. هيبقى ليكى صوت فى انتخابات .. هيبقى ليكى ايد فى اعمار البلد ..

عايزين نزور قرايبنا .. ارفع سماعة التليفون كلم صاحبك و اسال عليه .. عايزين نبقى شعب طيب .. زى زمان .. عايزن مصر ام الدنيا .. زى زمان ..

اه والله يا امجد واكتر حاجه موضوع القرايب ده بجد احنا بقينا بعاد اوى عن قرايبنا
وفين وفين لما بنسأل على بعض مش عارفة ليه بقينا كده وليه قولبنا بقيت قاسية اوى كده ده سؤالى بجد وياريت نتناقش فيه؟!

ان شاء الله بكره احلى جزاكم الله خيرا

منورينى جميعاً دايماً فى موضوعى ..

و ع فكرة و الله فعلاً انا هبدأ من نفسى هخلص بس الاساسيات اللى فى حياتى الاسبوعين دول .. و بعدين هنزل .. هنزل لاهل منطقتى .. اقولهم هنعمل ايه .. هنختار مين يمثلنا .. طيب انت عندك مشكلة ايه ؟؟ .. نوديها للمحافظ .. هنزل الف الشارع .. هنزل ارسم على الحائط اعلام مصر .. هنزل ارسم رموز البلد .. مش هنعاكس تانى .. و انتى مش هتلبسى لبس مش كويس تانى .. هتهزرى مع صحباتك .. هيبقى ليكى صوت فى انتخابات .. هيبقى ليكى ايد فى اعمار البلد ..

عايزين نزور قرايبنا .. ارفع سماعة التليفون كلم صاحبك و اسال عليه .. عايزين نبقى شعب طيب .. زى زمان .. عايزن مصر ام الدنيا .. زى زمان ..


بارك الله فيكم اتمنى ذلك

كلام أحلام .... كلام أوهام .... مقدرش أقول انه هيتحقق أبداً ( دي كانت أغنية لليلي مراد وتم تحريفها بعد ذلك إلي الأغنية الموجودة )
دا حصل فين الكلام دا يا أمجد ؟ في أي مكان وفي أي زمان ؟!
أنا ممكن أعمل زي باقي الاعضاء ( وزي أغنية ليلي مراد بعد التحريف ) وأقولك كلام جميل ... كلام معقول ... مقدرش أقول حاجة عنه .
لكن يا ريت نسيبنا من شعار ( كل واحد يبدأ بنفسه ويغيرها للأحسن )
يا أمجد كل واحد شايف نفسه هو الصح . يبقي ازاي يغير من نفسه ؟!
أتحدي أي واحدة انها تقول علي نفسها انها بنت قليلة الأدب , مش متربية كويس , معندهاش أخلاق ولا قيم ولا مباديء . أتحدي أي واحدة تقول علي بنتها الكلام دا ! أتحدي أي واحد يقول علي بنته أو أخته أو زوجته الكلام دا !
هل يعني هذا أن كل الفتيات أو حتي الغالبية كويسة ؟! نفس الأمر إلي حد ما ينطبق علي الشباب !
كما قلت , كل واحد شايف نفسه صح !
علشان كلامك يتحقق شوية وتكتر مع الأيام يا أمجد , لابد من ما يردع الناس عن الخروج علي قواعد السلوكيات والأخلاقيات .
ايه اللي بيحكم الناس ويقيد من سلوكياتها ؟ الدين , القانون , الأعراف والتقاليد .
الدين .... كل واحد شايفه علي مزاجه وهواه وفاكر نفسه انه شيخ المشايخ , وهي شايفة نفسها الخضرا الشريفة !
القانون ... يطبق علي البعض ( اللي ملوش ضهر ) لكن ناس تانية فوق القانون . دا غير ان القانون له ثغرات كبيرة وواسعة !
الأعراف والتقاليد .... اتغيرت خلاص واستبدلناها بتقاليد وأعراف الأجانب !
من الأخر يا أمجد المثل بيقول ايه ؟
( إذا كان رب البيت بالدف ضارب , فشيمة ..... كملوا انتوا بقي )
فيه أخلاقيات معينة , لابد من فرضها بالقوة . وهناك أخلاقيات أخري يتم التركيز عليها في المدارس ووسائل الاعلام المختلفة .
من زمااااااااان واحنا بنسمع نفس الشعار ( ابدأ بنفسك أولاً ) فهل حدث هذا ؟! أم أن ما حدث هو تدهور الأمور أكثر وأكثر ؟!



بشروا ولا تنفروا

الموضوع دة جميل يا أمجد وانا بحب الموضوعات الايجابية

جزاك الله خيرا

الموضوع جميل اوى والله يا أمجد

بس صعب انا بس النهاردة وانا راجعه من اخر يوم من امتحاناتى اتأكدت ان صعب اوى الشعب يتغير

مش لان الشباب هو اللى مش عايز يتغير لا لانه اتربى ع ايد غلط ف غلط

يا خسارة المدرس اللى كان زمان يحترم وكانت مكانه مكانه الانبياء ف الاحترام

النهاردة حصل موقف اثبتلى فعلا ان كل ده طلعت اوهام

المراقب قبل اللجنة عرفته ان ف طلبة كاتبه الاجابات ع الدرج قبل اللجنة وبقولها عشان ما يجرحش حد يبدل اماكن اى حد ما يكونش عارف انها كتبت او يعمل حاجة يقولى طيب

ويدخل يقرا الاخبار ف الجريدة

وضميره مديله منوم ولا ايه مش عارفه

حسبى الله ونعم الوكيل بجد لما اولى الامر والقدوة بالشكل ده

الطلبة هتجيب الامانة والضمير منين

بس اكيد لسه فى امل !!

يا جماعة لازم نؤمن بحاجة

التغيير مش هيبقى جذرى

بس الأكيييييييد واللى لازم تعرفه ان طالما انت اتغيرت اعرف ان الكل هيتغير انت وحدة بناء التغيرر

وبعدين فى حاجة اسمها الأمر بالمعروف والنهى عن المنكر

وطول ما احنا عاوزين نبقى احسن ان شاء الله هنحقق حلمنا

وعلى فكرة فيه فئات فى مصر التغيير الوحيد ليها هو حرقها :d هههه سورى بس والله دة موجود لكن لو الاغلبية قدرت تكون احسن الناس دى مش هتأثر بالعكس احنا اللى هنأثر عليها لحد ما الفئة دى تنقرض

وكمان الموضوع كبيير دة تغيير شعب وهيتم على المستوى الرسمى عن طريق الحكومة بالتوعية وتوفير المرفقات العامة النظيفة والصالحة والموظفين الكويسين والمحاسبة على الاخلاص فى العمل والغير رسمى على المستوى الشخصى والاجتماعى يعنى كل واحد فينا يبقى هدفه او يغير نفسه للاحسن ويحاول يغير اللى حواليه بالنصيحة والنهى احيانا واحيانا بانك متسكتش عن الحق فالساكت عن الحق شيطان اخرس يعنى فى اللجنة لقيت غش متسكتش

لقيت رشوة فى اى مصلحة متسكتش لقيت لقيت لقيت متسكتش متسكتش متسكتش :d

اوفى النهاية أسأل الله ان يوفقنى وايام فى ذلك الموضوع الهام الخطير :d

اى اللى انا قلته دة حسيت انى بكتب تعبير :blush: بس بجد دة حقيقى

مكررررررررررررررررررر

إن شاء الله بكره هيبقى أحلى

تسلم ايدك ع الموضوع يا امجد بجد موضوع تحفه

عندك حق لو كل واحد التزم حدوده اكيد

مش بكرة بس هيكون احلى ده كل ايامنا هتكون احلى

بس هو فين ده قدينا بنقول وبنكلم لكن

تنفيذ مافيش اتمنى نكون كده

ثانكس ع التوبيك