ما الحل [الأرشيف] - بوابة الثانوية العامة المصرية

مشاهدة النسخة كاملة : ما الحل

الأستاذ أحمد راشد

30-06-2011, 11:19 PM

الملاحظ ارتفاع تكاليف الزواج فما الحل ؟

موضوع للحوار

الكل يطرح فكرة لعل وعسى

سيف العدل البتار

30-06-2011, 11:42 PM

من خلال الرؤية الاولية لموضوع ارتفاع تكاليف الزواج.............

هذه ظاهرة عامة على مستوى الجمهورية....
المتضررون هما الشباب سوى(ذكر/اثنى)....
التاثير بالسلب على السلوكيات العامة للمجتمع.....

الاسباب التى ادت الى ارتفاع تكاليف الزواج.........
تنقسم الى اسباب عامة واسباب خاصة......
الاسباب العامة.....

ارتفاع الاسعار ...
قلة فرص العمل....
قلة الدخول الخاصة بالافراد...

الاسباب الخاصة ....

صعوبات الحياة ورغبة الاسرة فى الاطمئنان على بناتهم.....
بعض العادات والتقاليد الخطا فى التقليد و غير ذلك....
حدة الفروق الموجودة بين طبقات المجتمع المختلفة...

الحلول التى نراها عن هذا.......

التوعية الاجتماعية للاسرات لقضاء على العادات السئية .....
توافير فرص عمل لشباب باجور معقولة ........
توافير مساكن لشباب.......
محاولات القضاء على الفروق بين الطبقات من خلال توازن الرواتب و تقليص الفروق بينه...
الله اعلم المهم ربنا سبحانه وتعالى يسهل...

اعتذر عن اى خطا هذا هو اسلوب حل المشكلات ولكن هذا الكلام نظرى و اى يحد عنده اضافات يضيف شكرا موضوع جميل.

مروه

30-06-2011, 11:50 PM

Mr. Ali 1

01-07-2011, 12:02 AM

الحل بسيط ......

لو كل أب وأم طبق بس حديث الرسول

( إذا جاءكم من ترضون دينه وخلقه فزوجوه ) صدق رسول الله

بدل الإجراءات التعسفيه اللى بيعملوها :angry2:

زى اللى بيبيعوا بيعه

اللى عاوز يتجوز يدفع

ايه دا ؟؟؟ أول مرة ألاقي واحدة تقول وتعترف بالأمر دا !! :o
والله العظيم ما نطقتي الا بالحق :078111rg3:
أول ما الواحد يلمح بس بالكلام دا , تلاقي كل واحدة عينها فنجلت والأرايل طلعت وتقول شوية كلام ..... ولازم الواحد يدفع دم قلبه وقلب اللي خلفوه علشان يعرف قيمة الواحدة كويس و ......... الخ .
وبعد كدا تفضل الواحدة لحد ما تعنس ويبقي هاين عليها تشد واحد من الشارع وتقوله هدفعلك أنا كل حاجة بس اتجوزني :(

الأستاذ أحمد راشد

01-07-2011, 01:34 AM

شكرا لمروركم الجميل

محبة الايمان

01-07-2011, 01:55 AM

في رأيي الحلول
أولا رفع الأجور بالنسبة للشباب وتوفير فرص عمل ومسكن

ثانيا توعية الأهالي إنهم ميتقلوش في المطالب تقديرا لحال الشباب

بس للأسف بعض الناس بتفهم تساهل الأهل ده غلط ويقولوا مثلا أكيد البنت فيها عيب أو حاجات زي كده
أو يحسوا إنها جت بالساهل علشان كده الأهالي بتغلي في بناتها علشان زوجها يكون متمسك بيها

وإن كان المفهوم ده خاطئ بس للأسف هو اللي سائد دلوقتي

وكمان المفروض رجال الأعمال يساهموا في تزويج الشباب
وأصحاب الشركات يعملوا تخفيضات يعني كل دي حاجات ممكن تساعد علي حل المشكلة

شكرا علي الموضوع

ام رهف

01-07-2011, 07:06 AM

اليقين على الله هو حل المشكلة الاول والاخير
من كان رزقه على الله فلا يحزن
فكرة اليقين لو الولد والبنت حطوها امامهم خصوصا في موضوع الارتباط من البداية يقدرو يحتفظو بقدر كبير من السعادة والود والحب وعلى العكس اول مافكرة التكاليف تدخل
تكاليف الزواج او تكاليف الحياة ينشغل العقل والقلب وتصبح الحياة جافة بلامعنى حسابات هجيب كام هصرف كام والباقي كام
واعتقد بردو الحكومة تخلى عندها دم وتكفل الشباب بمعنى الكلمة كفالة مادية وكفالة معنوية
ولا اييييييييييييه؟

الأستاذ أحمد راشد

01-07-2011, 02:27 PM

شكرا لمروركم الجميل

الأستاذ أحمد راشد

02-07-2011, 01:15 AM

http://www13.0zz0.com/2010/09/14/14/495271044.jpg

جزاك الله خيرا

الأستاذ أحمد راشد

24-07-2011, 01:15 AM

قبل رمضان هذا كشف حساب مع الاعتذار لكل الأحباب والأصدقاء :-

(♥) أنا آسفة على ثلاث :
1- لو زعلت إنسان
2- لو جرحت إنسان
......3- لو ضايقت إنسان

(♥) أشكر ثلاثة:
1- من كان لي عنده قدر واحترام
2- من حمل لي قلبه شيء من معزة وتقدير
3- من دعا لي بظهر الغيب

(♥) الله يسامح ثلاثة:
1- من اغتابني في غيابي
2- من وجعني
3- من اساء الي

(♥)اللهم بلغنا رمضان ،، بذنب مغفور وعمل مقبول.آآمين

(http://www.facebook.com/photo.php?fbid=2292519591922&set=o.241721392521046&type=1&ref=nf)

hatemT

24-07-2011, 01:41 AM

الأستاذ أحمد راشد

01-08-2011, 06:58 AM

شكرا للمروركم الكريم

mohammed ahmed25

01-08-2011, 07:25 AM

الدوله والاسره لانه حتى لو الشاب ملتزم ف على الاقل يكون عنده الشقه و الدوله تضع حد ادنى 700 جنيه وهو لا يكفى اطلاقا ,يعنى العداله الاجتماعيه هى المشكله قبل الاسره..و بعدين يأتى دور الاسره فى الموافقه على شخص ملتزم يكون متوفر لديه المسكن و دخل شهرى معقول

الأستاذ أحمد راشد

11-08-2011, 02:10 AM

http://www.hanin7.com/vb/imgcache/1401.imgcache.gif

ضى الفجر

11-08-2011, 04:45 AM

هو طبعا الموضوع اكثر من رائع ومواكب للعصر الذى نعيشه

الان

دلوقتى لو كل واحد شاف اللى حوليه من اللى بيتجوزوا

وكدة هيلاقى تكاليف فى كل حاجة من الابرة لاكبر حاجة فى

الشقة

اولا الام والاب هم سبب كل المشاكل وممكن تكون البنت راضيه

وكل حاجة وهم مش راضيين على اللى متقدم

وليه ممكن مش عايز يجيب مثلا الرفاهيات يعنى اول حاجة

احنا نتكلم على المبدأ اللى هو من ساعت ما اتقدم

اول حاجة مش معقول يعنى واحد رايح يخطب واحدة ويكون اقل

منها ماديا انا بقول بس فى ظل العصر اللى احنا

عايشينه

انها مش هتقدر تتكيف مع الحياة الجديدة اللى هى هتعيش

حياتها كلها فيها

يعنى هى اتعودت على مستوى معين دة اللى بيحصل بيحصل

مشاكل قد كدة علشان الكماليات اللى هى شايفاها حاجة

اساسية فالحل اول حاجة طبعا ان الاب والام يفكروا فى

الموضوع كويس ويشوفوا مستقبل اللى متقدم عامل ازاى

وكمان اللى متقدم كمان انا من رايي يساويها ماديا او

يكون اكثر منها وكمااااااان طبعا دينيا قبل ماليا

واخلاقيا

وكمان سبب تانى لارتفاع التكاليف

ارتفااااااااااااااااااااااااااااااااع الاسعار

ياااااااااااه لو انخفضت الاسعار كل حاجة هتتيسر

وكمان الاسعااااال بردووو نبين حاجة يعنى مش هتنخفض الا

طبعا لو احنا اشتغلنا وتعبنا وبنينا البلد دى من تانى

يعنى احنا لو مسكنا الموضوع هلاقى كل سبب بيطلع سبب تانى

ادهى وامر :o

وكمان المرتب يا عينى اللى بيخده المتقدم للزواج مش مكفى

اى حاجة فمش عارف يعمل ايه !!!!!!!!!!!!!!

وكماااااااااااااااان انهى بحاجة معلش :)

ياماااااااااااااا فيه ناس كتيييييييييييييير بدأت

بسيطة وكبرت :078111rg3:

ان الله يرزق من يشاء بغير حساب

وممكن اللى يتجوز بردوووو واحد غنى ممكن لاقدر الله يخسر كل

حاجة اثناء الزواج ودة يدل على التفكير الغير

صائب بتاع الام والاب يعنى الفلوووووووووووس مش كل حاجة

من الاخر

وانا لو افتكرت اسبااااااااب تانية ان شاء الله اعرضها

معلش انا رغيييييييييت كتييييير :bosyht9:

الأستاذ أحمد راشد

16-08-2011, 05:34 AM

aleman

19-08-2011, 01:00 PM

الملاحظ ارتفاع تكاليف الزواج فما الحل ؟

موضوع للحوار

الكل يطرح فكرة لعل وعسى

مش كل الاسر كده
وللاسف فيه اسر عشان بترضى بأى حاجة
بيظن العريس ان بنتهم فيها حاجة
والله حقيقة
فيه اسر بتساعد وبتقدم تنازلات
وياسلام بقى لو للبنت حما من بتوع زمانننننننن
مارى مونيب وكده
هتقول لابنها البيت ده متدخلهوش تانى
ودى حقيقة وحصلت لصديقة عزيزة عليا ربنا كرمها الان وارتبطت وتزوجت
بس بعريس يتيم
مقطوع من شجرة زى مابيقولوا :redface:

مشكور لطرح الموضوع

الأستاذ أحمد راشد

20-08-2011, 12:51 AM

مش كل الاسر كده
وللاسف فيه اسر عشان بترضى بأى حاجة
بيظن العريس ان بنتهم فيها حاجة
والله حقيقة
فيه اسر بتساعد وبتقدم تنازلات
وياسلام بقى لو للبنت حما من بتوع زمانننننننن
مارى مونيب وكده
هتقول لابنها البيت ده متدخلهوش تانى
ودى حقيقة وحصلت لصديقة عزيزة عليا ربنا كرمها الان وارتبطت وتزوجت
بس بعريس يتيم
مقطوع من شجرة زى مابيقولوا :redface:

مشكور لطرح الموضوع

اولا اشكر الموصل لكى

ثانيا كلامك من الواقع

وكان القصد من الطرح اننا نعلم المشكلة

فما الحل

واعيد لكى الكلام

ماذ تعتقدين ان نصنع

او

كيف نتساهل فى الوزاج دون ان ينظر الينا نظرة دونية

وبارك الله فيكى

الأستاذة / أم أمل

23-08-2011, 06:56 AM

الحقيقة ان المشكلة معقدة خاصة اننا دايما بنحب نقلد فى الشكليات والمظاهر لكن لو بصينا للدين نجده حالل المشكله

فنجد الرسول عليه الصلاة والسلام قال ان اقلهن مهرن اكثرن بركه مثلا يكفى الشاب انه يكون عنده الشقة ويقدر يصرف

على البيت اما الشبكة ففى ناس دلوقتى بتجيب الشبكة الصينى والجهار على قدر المستطاع والله المين

وتمسك بذات الدين تربت يداك

يعنى مش يروح لواحدة لابسه على الموضة مش عرفه دينها ويعرض عليها شبة صينى

طبعا هترفض لانها عوزة شبكة وجهاز وشقة زى بنت عمها مثلا

المشكله فى الاختيار وعلى رئى المثل

كل فوله وليها كيال

وشكرا على الموضوع

الأستاذ أحمد راشد

23-08-2011, 07:05 AM

aleman

24-08-2011, 04:37 PM

اولا اشكر الموصل لكى

ثانيا كلامك من الواقع

وكان القصد من الطرح اننا نعلم المشكلة

فما الحل

واعيد لكى الكلام

ماذ تعتقدين ان نصنع

او

كيف نتساهل فى الوزاج دون ان ينظر الينا نظرة دونية

وبارك الله فيكى

الحل من وجهة نظرى
ان كل من يرغب الزواج وتقوى الله
عليه اختيار بنت الحلال اختيار مناسب
يعنى لايعلى قوى ولاينزل قوى
يختار المناسبة ليه ولاهله ولثقافته ولاختياراته اللى هو واضعها لها
يتقدم لها بدبلة
فقط دبلة
ويعرض عليها الزواج ولو معندهوش شقة يبقى يتزوجوا بشقة ايجار جديد او ثديم افضل
او تسكن مع عائلته اذا كان ولد وحيد وله ام او اب
والثواب والاجر ليها طبعا فى رعايتهم
وعدم المغالاه فى شراء الحاجات
مش شرط كل حاجة تيجى الان
الاساسى ييجى والباقى بعدين
مش شرط البنت تتزوج وتدخل ب50طقم ومفارش سرير او 25طقم حلل وصينى هيوضع منظر فى النيش ولا يطلع ابداااااااااا
الا فى الضرورة القسوى

الأستاذ أحمد راشد

25-08-2011, 05:20 AM

الحل من وجهة نظرى
ان كل من يرغب الزواج وتقوى الله
عليه اختيار بنت الحلال اختيار مناسب
يعنى لايعلى قوى ولاينزل قوى
يختار المناسبة ليه ولاهله ولثقافته ولاختياراته اللى هو واضعها لها
يتقدم لها بدبلة
فقط دبلة
ويعرض عليها الزواج ولو معندهوش شقة يبقى يتزوجوا بشقة ايجار جديد او ثديم افضل
او تسكن مع عائلته اذا كان ولد وحيد وله ام او اب
والثواب والاجر ليها طبعا فى رعايتهم
وعدم المغالاه فى شراء الحاجات
مش شرط كل حاجة تيجى الان
الاساسى ييجى والباقى بعدين
مش شرط البنت تتزوج وتدخل ب50طقم ومفارش سرير او 25طقم حلل وصينى هيوضع منظر فى النيش ولا يطلع ابداااااااااا
الا فى الضرورة القسوى

كلامك زى العسل

بس مين ينفذ الكلام ده

اول حاجة

هى مش اقل من بنت فلان ولا بنت خالتها

وغريبة كل واحده بيكون ليها بنت خالة لسه متجوزة الشهر الفات
وممكن تكون امها وحيده بس هو ده ال بيحصل

قولوا يارب لما نمون فى اماكن اولياء الامور وجهتنا للحياة متتغيرش

عارفة انا اكترحاجة بخاف منها

انى اكون انا مكان الرجل المتعند سواء كان اب او ام

او حتى شيخ معهد دائما معقدين الدنيا

ويا خوفى بكرة اولادنا يقولوا علينا زى ما احنا بنقول على ال قبلهم

ربنا يسترها

شكرا للمشاركة الفعالة
ومنتظر منك تعليق

رياح الامل

04-09-2011, 02:25 PM

ارائكم كلها رائعة ويا رب يكون فى امل لبكرة

الأستاذ أحمد راشد

05-09-2011, 10:40 AM

ارائكم كلها رائعة ويا رب يكون فى امل لبكرة

الموضوع نور بمرورك

واتمنى اسمع رأيك

د.عبدالله محمود

05-09-2011, 11:45 AM

الحل فى القناعة بأقل التكاليف دون النظر إلى الغير ولا عمل حسابات لرأي وتعليقات الآخر
وإذا جاءكم من ترضون دينه فزوجوه .. بهذا المنهج تقل نسبة العنوسة وتتم السعادة
موضوع رائع .. بارك الله فيكم

الأستاذ أحمد راشد

06-09-2011, 02:08 PM

د.عبدالله محمود

06-09-2011, 06:11 PM

بارك الله فيك

وجزاك الله الخير الوفير

وفيك بارك وجزاك خيراً مثله

highlight

06-09-2011, 06:39 PM

انا بصراحة قريت كلام كل اعضاءنا الكرام اللى قالوه
وشفت كل واحد بيفكر ازاى و شايف الحكاية ازاى
وبصراحة اعجبت جدا بكلام الاستاذة ضى الفجر
ودا ردى على موضوع حضرتك
دى قصيدة فى اخت هنا كتبتها فى موضوعها فى المنتدى..........يا رب بس ميبقاش اسمه استغلال....بس هى بتقول القصيدة دى فى استاذ فاضل هو اللى كتبها
ويا ريت تعذرنى انى هحطها هنا
بس انا حبيتها اوى القصيدة دى و يا ريت كله يمشى عليها............والله هو ده الحل

حبيتك لإلتزامك . . . . حبيتك لاحترامك
حبيت فيكي التواضع . . . . والعزة اللي ف كلامك
مبسوط منك لأنك . . . . إسلامك كل همك
أنا أصلي كلمت أختي . . . . وادتني فكرة عنك
وسألتها عن طباعك . . . . وإن كانت يعني هادية
فحكتلي عن سماعك . . . . لكلام ماما وانت راضية
وازاي بتسلي نفسك . . . . بذكرك وانت فاضية
وحلاوة صوت تلاوتك . . . . وازاي بتكوني شادية
* * *
وسألتها إن كنتي فاهمة . . . . معنى كلمة زوجين
قالتلي هتكونوا ورقة . . . . مطبوعة نسختين
غني كنت أو فقير . . . . ليك عند فاطمة دين
سرك هيكون في بير . . . . معرفش مكانه فين
تفضل دايماً كبير . . . . في نظرها حبتين
لو جيت بفلوس كتير . . . . تطمن جت منين
* * *
هتكون دايماً معاها . . . . سيرتك هتكون هواها
والشوق اللي ف خيالك . . . . تلقاه لحظة لقاها
لو جيت زعلان ف مرة . . . . إرمي همومك وراها
ومهما شوفت بره . . . . مش هتشوف مستواها
واطمن ياخويا خالص . . . . عقلها مافيهوش تفاهة
* * *
وسألتها عن ولادي . . . . منك هيكونوا إيه؟
قالتلي هيكونوا عادي . . . . فسألتها يعني إيه؟!
قالتلي العادي إللي كان . . . . عند الناس من زمان
العادي بتاع سراقة . . . . وحذيفة بن اليمان
العادي بتاع أسامة . . . . وابن الحكيم لقمان
ده العادي بتاعنا إحنا . . . . بنربي عليه عشان
لو جينا ولا رحنا . . . . هنقابل الرحمن
عمرك ما تخاف عليهم . . . . ولادك في الأمان
دي فاطمة هتربيهم . . . . ع السنة والقرآن
هتشوف ابنك بيصحى . . . . مادام سمع الأذان
ينزل في الفجر يقرا . . . . بالسجدة والانسان
* * *
هتشوف في حجاب بناتك . . . . العفة والإحسان
هتشوف إزاي مراتك . . . . هتعينك إنت كمان
* * *
وسألتها عن حياتك . . . . من قبل الالتزام
قالت أتذكر في ليلة . . . . مش فاكرة أنهي عام
أذان الفجر أذن . . . . رنيت عليها رنة ومش ردتهالي
ورنيت عليها تاني .. وردت قالتلي سيبيني أنام
رنيت عليها تالت قولتها حرام .. دا الفجر يا فطوم ومتقوليش أنام
رنيت عليها رابع .. لاقتها رجعت في الكلام
وردت ليّا الرنة...... وان الفجر تمام
الله يجازي الشيطان . . . . خلاها تقول أنام
بس اطمن خلاص. . . . . دلوقتي بقت تمام!
* * *
رُحت بيتها فوراً ... في حضور ماما وخالها
ماما قدمتلي مكة كولا . . . . قالتلي اتفضل وسمي
أحسن من سكة كولا . . . . صدقني وخدها مني
قلتلهم طيب . . . . يسعدني أقولكوا إني
بطلب بنتكوا ونفسي . . . . تناسبوني وترضوا عني
راح خالها شادد فجأه لبسي . . . . وقلب وشه وسألني
* * *
حافظ كم جزء يابني . . . . وقاري كم كتاب
احكيلي كده عن مؤت . . . . أوغزوة الأحزاب
وسمع كم حديث . . . . في الأخذ بالأسباب
وكمان سمعلي آيه .. . . . ذكرت فيها الدواب
واحكيلي حلم يوسف . . . . وبراءة الذئاب
واخواته لما جولوه . . . . دخلوا من أنهي باب
واديني فكرة برضه . . . . بتقبض كم ثواب
وناوي ازاي تحسن . . . . أنا شايفك لسه شاب
* * *
وسأل نفسه وسألني . . . . هيعوز إيه يعني مني؟
لو عندي كل حاجه . . . . وديني مش شاغلني
أحسن لك تنسى بنتي . . . . ومهرك مش لازمني
قلتله صبرك ياعمي .. . . . وبراحتك امتحني
يبقى اما أسأل تجاوب . . . . خليك دايماً فاهمني
سألتك وانت ساكت . . . . خليتني أظن ظني
وفضل يسأل واجاوب . . . . . وعشان خاطرك عصرني
وظهرت النتيجة . . . . وبفضل الله قبلني
* * *
قاللي مقبول في نظري . . . . مبروك عليك ياسيدي
لكن في نظرها هي . . . . نجاحك مش بإيدي
وهي زمانها راجعة . . . . من تمرين السويدي
خليك قاعد شوية . . . . استنا لما تيجي
هعملك من إيديا . . . . كباية شاي صعيدي
* * *
سابني وقعدت أفكر . . . . هل ممكن ترفضيني
طاب قولي حتى أفكر . . . . مش يمكن تفهميني
وفضل مخي يلاعبني . . . . يجيبني ويوديني
وخايف م المقابلة . . . . مرعوب بينك وبيني
ودق الباب في ثانية . . . . وشوفتك مرة تانية
مش قادر أنسى يومها . . . . وفاكر كل ثانية
* * *
ونده خالك عليكي . . . . عشان أول لقاء
دخلتي وشوفت وشك . . . . عليه نور الحياء
نور والله فعلاً . . . . مش نور بودرة وزواء
كان أول مرة أخاف . . . . من فتنة النساء
أخلاقك مش عادية . . . . وجمالك كان شفاء
* * *
قعدتي جنب خالك . . . . وسألتيني وجاوبتك
وفكل مرة أجاوب . . . . . كنت باشوف ابتسامتك
ف أقول من جوه نفسي . . . . يارب أكون عجبتك
وبعد شوية قمتي . . . . ندهت عليكي مامتك
ورحتي دخلتي جوه . . . . وراح وراكي خالك
وانا قلت مش مروح . . . . غير لما أكون خطبتك
* * *
وخالك جاني تاني . . . . وقرب من وداني
لابس كرفته سوده . . . . وبدله لون فراني
المنظر يعني كله . . . . ميدلش ع التهاني
قلتله مالك ياعمي . . . .من فضلك قول عشاني
عرقي غرقلي كمي. . . . سايبني ليه أعاني
قاللي مستني إيه . . . . فين إيدك إديهاني
البنت مش موافقة . . . . تتجوز حد تاني
* * *
كان أول مرة أعرف . . . . إزاي الناس بتفرح
سعادتي كات غريبة . . . . مش ممكن هقدر أشرح
من كتر حبي ليكي . . . . نويت أضحي وادبح
رحت اشتريت خروف . . . . وكان خروف بينطح
ده أخيراً هبقى جوزك . . . . وشجرة صبري تطرح
* * *
خطوبتنا كات بسيطة . . . . مكانش فيها زيطة
وفرحنا كان في جامع . . . . يعني مش خلطبيطة
صعبت عليا مامتك . . . . الموقف كان شديد
لكن فعلاً خطفتك . . . . ورحنا مكان بعيد
فاكرة ولا انتي ناسية . . . . أكيد فاكرة أكيد
من يوم ما بقيتي زوجتي . . . . وانا متهني وسعيد
معايا ف كل يوم . . . . . ويوم لؤاكي عيد
عمرك ما دقتي نوم . . . . وانا تعبان أو مريض
فلوسي كات بتكتر . . . . والخير عندك يزيد
وعامله ليه دفتر . . . . ومرتبه المواعيد
وبفضل الله قدرتي. . . . وجبتيلي الوليد
وبعديها بشوية . . . . جبتيلنا عليه يزيد
وبعديه جت سمية . . . . وآخرهم كان حميد
بدعيلك كل يوم . . . . وأفضل أعيد وازيد
ربيتي عيالي دول . . . . ع القرآن المجيد
طول عمرك وانتي صافية . . . . قلبك لون الجليد
أخلاقهم مش عادية .. . . .طلعنلك مش بعيد
* * *
عشت معاكي ف حكاية . . . . أحلى وأجمل رواية
حكايتي كات معاك . . . . وحكايتك كات معايا

بيتهيالى هو ده الزواج اللى ربنا قال عليه
مش مهر و شبكة و شقة .............والى مالا نهاية له

تقبلوا مرورى

الأستاذ أحمد راشد

07-09-2011, 08:40 PM

aleman

11-09-2011, 08:59 PM

كلامك زى العسل

بس مين ينفذ الكلام ده

اول حاجة

هى مش اقل من بنت فلان ولا بنت خالتها

وغريبة كل واحده بيكون ليها بنت خالة لسه متجوزة الشهر الفات
وممكن تكون امها وحيده بس هو ده ال بيحصل

قولوا يارب لما نمون فى اماكن اولياء الامور وجهتنا للحياة متتغيرش

عارفة انا اكترحاجة بخاف منها

انى اكون انا مكان الرجل المتعند سواء كان اب او ام

او حتى شيخ معهد دائما معقدين الدنيا

ويا خوفى بكرة اولادنا يقولوا علينا زى ما احنا بنقول على ال قبلهم

ربنا يسترها

شكرا للمشاركة الفعالة
ومنتظر منك تعليق

فعلا اخى الفاضل
لو ربنا كرمك من وسع وفتح عليك وبقيت من المستورين بالاموال
هتتمنى لبنتك واحد مستواه عال يقدرها ويحترمها واهم حاجة يعيشها فى مستواها اللى اتعودت عليه او اعلى
ولو ده محصلش هتلاقى نفسك بتوفرهم المستوى المعيشى الحلو ده طالما ابنتك متمسكة بالشخص ده
دى سنة الحياة
ربنا يديم علينا نعمة الستر اجمعين
ويكرمك باذن الله اخى الفاضل

مدرس اللغة

13-09-2011, 07:01 PM

الحل مش لازم تاخد اللي تعجبك وتنازل شوية وخد واحدة أقل من اللي انت عايزها
يعني لو عايزها جميلة متبصش على الجمال وهتلاقي واحدة توافق عليك بأقل التكاليف
ولو عايزها متدينة بلاش وخدها أقل تدينا وهتلاقي واحدة هتوافق عليك بأقل التكاليف
ولو عايزها عيونها خضرا لا بلاش وخد واحدة عيونها سودا وهتوافق عليك بأقل التكاليف:)
إلخ القصة لازم انت تضحي بحاجة عشان تلاقي واحدة توافق عليك بأقل التكاليف
ومتبقاش متمسك جدا باللي انت عايز تاخدها عشان متتعبش قلبك في هات وهات
وعايزين وعايزين ويشرطوا عليك كتير:)
لما تتمسك زيادة هتتعبك هي وأهلها طالما شايفاك "مدلوق عليها"
ومعذرة لو كنت ضايقتك في الكلام:)

عبد الله الرفاعي

14-09-2011, 01:02 PM

http://files.fatakat.com/2010/6/1276264508.gif
موضوع رائع
__________________