|
مشاهدة النسخة كاملة : استطلاع رأ عن الكادر ولا حافز 200% maged_wil 30-06-2011, 11:26 PM طبعا 200% حافز عل الاساسى فى 1 /7 /2011م أفضل من الكادر على الاساسى فى 30 / 6 / 2011 م + 25 % حوافز عادية رأيكم ايه يا جماعة معقوله الكادر يكون سبب ظلم لينا محمد عياط 01-07-2011, 01:11 AM طبعاً حافز الإثابة مفيش كادر يبقى 200% إلا اللى على درجة وكيل وازة ونرتاح من القرف الأمتحانات وترجع الدرجات وتفضل المكافأة monematt 01-07-2011, 01:15 AM بالنسبة ليا الحافز افضل طبعا بس الكلام اللي بيتقال دلوقتي انة الحافز مع الكادر و الله اعلم شكرا علي الموضوع nm1 01-07-2011, 01:22 AM طبعا الحافز افضل لان الحافز سيكون للجميع اداريين ومدرسين 0 الحافز سوف يكون على نفس اساسى الشهر ذاتة وليس اساسى العام الماضى فبذالك يكون الحافز احسن من الكادر سامى الجنانى 01-07-2011, 09:32 AM الكادر اضر بنا اكثر فبالكادر اصبحنا فرجة لكل المجتمع وخاصة الطلاب ولم يرتقى بمستوانا المادى او المعنوى مع انه ماديا لم نتساوى حتى بالعمال فى الكهرباء او الضرائب او الاتصالات ---------------الخ sobhy333 01-07-2011, 10:09 AM لازم نتكلم كلام على أساس مؤسسى ودستورى وقانونى ، علشان الكادر يتم الغاءه لازم يقر الغاءه مجلس الشعب .... وصلت ولا أشرحها تانى طه السعدني 01-07-2011, 10:14 AM أفيقوا أيها المعلمون الاقتراح مرفوض من أساسه لأن الكادر حق بقانون حتى لو كان يطبق بالسلب و الحافز إنشاء الله قادم حتى لو تم ضمه للمكافأة حيكون أحسن لكن إن إحنا نفرط في حق منحتنا الوزارة إياه يبقى كده بنخسر كثير انتبهوا مش أي فكرة نجري وراها ونهلل و الاختلاف في الرأي لا يفسد للود قضية medo111 01-07-2011, 10:41 AM يا جماعه لامتى حنكون عرضه للمساومه من اى حكومه تيجى يقولك كادر و بعدين تصفى على مائة جنيه و بهدله و قرف امتى حناخد مرتب محترم زى محاسب البنك اللى هو اصلا خريج تجارة او معهد تجارى و تستمتع بحياتك مع اولادك مثل معظم فئات المجتمع و لا دروس و لا غيرة يا جماعه لايجب ان نكون عرضه للمساومه الحافز هو حق لنا مثل فئات المجتمع التى تحصل او ستحصل عليه و الكادر هو حق اقره لنا مجلس الشعب لذا لا يجب ان نفرط فى حقوقنا و الا نلهث وراء حفنة جنيهات ايهما افضل الحافز ام الاثابه ؟ الاجابه كلاهما حق لا يجب ان نفرط فيه . ارجو التثبيت medo111 01-07-2011, 10:46 AM يا جماعه الدوله بتعمل استطلاعات رأى بطريقه غير مباشرة . و الجماعه اللى بيحسبولها يقولك الحافز اكثر و لكن احنا موهومين احنا مش اقل من اى فئه يجب ان نثبت على رأى الحافز و الكادر و المكافأه mimido2000 01-07-2011, 11:02 AM افيقوا قانون الكادر نص علي -1 الا يحرم المعلمين من اي مزايا اخري تطبق علي العاملين المدنين بالدوله 2- المكافاه اجر مقابل عمل 3-نحن عاملون مدنيون بالدوله و من خقنا التمتع بالحد الادني بلاش نضيع حققنا بنفسنا 4- الضرايب العامه تاخذ 11الف وميه في الميه كل شهر 5- ومن الهيافه نعمل استطلاع راي تروح مع ماما ولا بابا 6 - ومين قال ان احنا هنفرط في حققنا ومكتسباتنا 7- يا جماعه احنا في دوله قانون ةالقانون يكفل جميع هذه الحقوق اجباري ومش اختياري وبلاش كلام فاضي مين قال نعمل استطلاع في كل حاجه ناكل ولا نشرب ولا نلبس !!!!!!!!!!!!!!!!!!!!!!!!!!!!!!!!!!!!!!!! محمود مدكور 01-07-2011, 01:38 PM يا جماعة ... المعلم له كادر خاص ... وبمعنى آخر أنه يتمتع بكل حقوق الموظف العادى لكنه يضاف لذلك الكادر والكادر يعد ومن اهدافه للارتقاء بمستوى المعلم ماديا ... وهى ميزة نسبية أقرها القانون وأى كلام عن عملية الاستبدال هذه فهو كلام فارغ الكادر وال200% هم حق أصيل للمعلم ولا يجب أن يضحك علينا أحد ... وغن حدث غير ذلك فأدعو لاعتصام جميع المعلمين فى مدارسهم حتى إشعار آخر وربما تكون الدعوة لاعتصام مستمر فى ميدان التحرير ... فلقد أدينا واجبنا باحترام تجاه الواجب الوطنى فى امتحانات الثانوية حرصا على أمن البلاد ... بينما نعم بالزيادة الكثيرون ممن ارتفع صوتهم مطالبين بالزيادة فى الأجور أمثال نظام الشرطة .... لقد كافأتهم الدولة على انسحابهم وقتلهم للمتظاهرين فى ميدان التحرير .. لقد كافأتهم الدولة لإحداثهم الفراغ الأمنى ربما تكافئنا الدولة نحن أيضا ..... لا أعتبر هذا هجوما على رجال الشرطة فهم اخوتنا ونريد لهم كل الخير ... كما نريد أن لا نحرم نحن أيضا من العيش الكريم أيها الأصدقاء من المعلمين والإخصائيين ...انتبهوا .. واعتصموا خيالك واسع 02-07-2011, 07:47 AM لابديل عن الكادر + حافز الإثابة 200% ( مش كتير على المعلم ) |