المساعد الشخصي الرقمي

مشاهدة النسخة كاملة : إهداء من الرئيس لشعبه الحبيب

بندق__2007
29-12-2007, 12:47 AM
يا شعبي حبيبي يا روحي يا بيبي

يا حاطك في جيبي يا بن الحلال

يا شعبي يا شاطر يا جابر خواطر

يا ساكن مقابر وصابر وعال

يا واكل سمومك يا بايع هدومك

يا حامل همومك وشايل جبال

يا شعبي اللي نايم وسارح وهايم

وفي الفقر عايم وحاله ده حال

احبك محشش مفرفش مطنش

ودايخ مدروخ وآخر انسطال

احبك مكبر دماغك مخدر

ممشي امورك كده باتكال

واحب اللي ينصب واحب اللي يكدب

واحب اللي ينهب ويسرق تلال

واحب اللي شايف وعارف وخايف

وبالع لسانه وكاتم ماقال

واحب اللي قافل عيونه المغفل

واحب البهايم واحب البغال

واحب اللي راضي واحب اللي فاضي

واحب اللي عايز يربي العيال

واحب اللي يائس واحب اللي بائس

واحب اللي محبط وشايف محال

واحبك تسافر وتبعد تهاجر

وتبعت فلوسك دولار أو ريال

واحبك تطبل تهلل تهبل

عشان ماتش كوره وفيلم ومقال

واحبك تأيد تعضض تمجد

توافق تنافق وتلحس نعال

تحضر نشادر تجمع كوادر

تلمع تقمع تظبط مجال

لكن لو تفكر تخطط تقرر

تشغلي مخك وتفتح جدال

وتبدأ تشاكل وتعمل مشاكل

وتنكش مسائل وتسأل سؤال

وعايز تنور وعايز تطور

وتعمللي روحك مفرد رجال

ساعتها حجيبك لايمكن أسيبك

وراح تبقى عبره وتصبح مثال

حبهدل جنابك واذل اللي جابك

وحيكون عذابك ده فوق الاحتمال

وامرمط سعادتك واهزأ سيادتك

واخلي كرامتك في حالة هزال

وتلبس قضيه وتصبح رزيه

وباقي حياتك تعيش في انعزال

حتقبل ححبك حترفض حلبك

حتطلع حتنزل حجيبلك جمااااال
زوزو
29-12-2007, 12:54 AM
ههههههههههههه تسلم ايدك جامدة جدااااااااااااا
zizo2_2
29-12-2007, 03:02 AM
هههههههههه حلوة

شكرا لمنقولك اخي
نقل رائع
بندق__2007
29-12-2007, 08:51 AM
ههههههههههههه تسلم ايدك جامدة جدااااااااااااا
شكرا لمرورك و انا مبسوط انها عجبتك و لكن مش تسلم ايدى انا تسلم ايد اللى كتبها عشان انا مش اللى كاتبها و اهى حاجة الشعب بيطلع فيها همه احسن ما يطق

مرسى يا zizo2_22 على مرورك وان شاء الله استنى الحاجات الكتير اللى جاية
كركركوكو
29-12-2007, 01:17 PM
الله جميله جدا جدا
ايوه كده اوعي حد يخاف عايزكم تكونو ابطال
smartman2000
29-12-2007, 01:36 PM
صحيح ان أنا قرأتها قبل كده بس مشكور جدا يا بندق وربنا يخليك
بندق__2007
01-01-2008, 11:14 AM
متشكر جدا ليك يا كركركوكو و اوعدك انى مش هخاف أبدا و احنا نقول اللى احنا عاوزينه و بالشكل اللى احنا عاوزينه و متشكر كمان ليك يا smartman2000 على اهتمامك بالموضوع و أهم حاجة ان القصيدة اللى نقلتهالكم عجبتكم
ولاء البحيرى
05-05-2008, 05:50 AM
لا متخافش السجون مش فيها مكان
خلاص قول اللى عايزه
لما يفضوا مكان يبقوا يجوا يخدزنا
The.Hero
05-05-2008, 06:01 AM
حلوه اوي
------------
زهرة البنفسج
06-05-2008, 10:51 PM
حلوة اووووووووووى بندق تقبل مرورى هنستنا منك الجديد
بندق__2007
12-05-2008, 12:50 AM
عشت يا ريس مبارك

لشعبك و لأهلك اللى انت طلعت ...... أبوهم
عاشقـــ الانمى ـــة
12-05-2008, 01:51 AM
كانت فى ورقة كده كانوا بيوزعها على أختى فى كلية الطب
مش عرفة الناس طالما بتكرهوا رشحوا ليه
ناس عجيبة والله العظيم
mohamad_gabr
12-05-2008, 01:54 AM
يا سللللللللللللللللللللللللللللللللللللللللللللللللل لللللللللللللللللللللللم
بندق__2007
12-05-2008, 02:38 AM
كانت فى ورقة كده كانوا بيوزعها على أختى فى كلية الطب
مش عرفة الناس طالما بتكرهوا رشحوا ليه
ناس عجيبة والله العظيم

انا ما انتخبتوش

و مش هنتخبه

وما بحبوش

و مش هحبه

هوه الجواز .................... احم احم........... قصدى الحكم بالعافية

ههههههههههههههههه

ميرسى لمرورك يا سكراية المنتدى
( بعاكسك اهوه و علنى .......... اى خدمة )
هههههههههههههه
عاشقـــ الانمى ـــة
12-05-2008, 07:20 AM
انا ما انتخبتوش

و مش هنتخبه

وما بحبوش

و مش هحبه

هوه الجواز .................... احم احم........... قصدى الحكم بالعافية

ههههههههههههههههه

ميرسى لمرورك يا سكراية المنتدى
( بعاكسك اهوه و علنى .......... اى خدمة )
هههههههههههههه
ردك مش عاجبنى وأتمنى إنوا ميكونش كده تانى
سلام
طالب الهدى
12-05-2008, 01:45 PM
احسن ثلاث حجات فى الدنيا هما حجتين
انا بكره مبارك , وانى مش هحبو ابدآ

شكرآ يابندق