دى اول مره اكتب فيها شعر وعمرى مكان ليا ميول لكتابة الشعر ولكن بعد الثوره ومن زهق المذاكرة للامتحانات " الثانوية العامة" طلع الشعر ده بعنوان
" مــــــــــــــــــــــصـــــــــــــــــــــر "
_______________________________________
مصر يا بلاد العظماء
خالدة امجادك تخرج العلماء
يا مصر مرت عليك
سنينا مليئة بالوباء والجفاء
بنهوض شبابك دمروها
فأشرقت بهم شمس السماء
خرجويدافعون عنك
لكنهم -من أجلك-عادوا شهداء
هل تذكرين تلك الليالى
التى سالت فيها الدماء؟
فهم زهورك يا مصر استشهدوا
من اجل الحرية والرخاء
فكنانة الله فى الارض
لايولد فيــــــها جبنــــــــاء
__________________________________
يارب يكون عجبكم الشعر او اقل من اننا نقول عليه شعر بمعنا الكلمة بس دى اول مره يا ريت اشوف التعلقات

يا جماعة 15 واحد دخل ومحدش ةكتب تعليق انا مش قصدى لازم يعجبكم انا برده عايز اشو النقد

الشعر له قواعد وأصول وليس مجرد كلمات مسجوعة أنصحك بالقراءة فى هذا المجال

انا شايفة انه جميل جدا بكلمات بسيطة تدخل القلب
مش شرط انه يكون طويل وكلمات كتير
اهم حاجة انه يوصل ويعبر عن معناه بجد

شكرا على كل الردود وياريت يا " bent aboha (http://www.thanwya.com/vb/member.php?u=515732) " توضحى انه عجبك ولا مجرد اعجاب ورأيك ذى المصطفى الى بشكره جدا وبحب اوضحلك ان ده كان مجرد ملل وخرج بشكل ايجابى فى صورة شعر وياريت تقلى انه اعجبك ولا لأ بكل صراحة وانت ممكن ترشحلى ايه عشان القراءة

جميل جدا وكمان دا لسا اول مره انا برضوا بكتب ولو انت مهمتم اقرا لشعراء وعلى فكره مش شرط انك تكون محترف تعرف القوافى والكلام ده كله اهم شى فى وجهه نظرى انك بتعبر بيه عن حاجه حاسسها او عايشها ربنا يوفققك ويريت تكمل فى الاجاره

شكرا جدا يا " نقاء القلوب " ويريت يكون فيه تواصل بنا والكلام ده زاد من حماستى جدا و يريت تكتب/ى حاجه من شعرك ................ سؤال بايخ " انت ولد ولا بنت عشان احدد الضمائر وانا بكتب ؟" شكرا

شكرا على كل الردود وياريت يا " bent aboha (http://www.thanwya.com/vb/member.php?u=515732) " توضحى انه عجبك ولا مجرد اعجاب ورأيك ذى المصطفى الى بشكره جدا وبحب اوضحلك ان ده كان مجرد ملل وخرج بشكل ايجابى فى صورة شعر وياريت تقلى انه اعجبك ولا لأ بكل صراحة وانت ممكن ترشحلى ايه عشان القراءة


كل حاجة فى بدايتها بتبقى جميلة
الموهبة ممكن تظهر فى اى سن وفى اى وقت ومش لازم انك ترتبط بالشروط وقواعد الشعر
لانك اكيد واحدة واحدة هتتعلم ويبقى لك خبرة وموهبتك تكبر ويبقى لك اشعار جميلة
وهو عجبنى بجد لانى حسيت بكلامه

انا بتفق بجد جدا مع نقاء لان دى مجرد بدايه ولدايه جميله لان مع ممارستك لكتابه الشعر وانك تعببر بيه عن احساسك او الحاله اللى انت فيها دا لوحده جميل جدا وانا بنصحك اول ما تلاقى نفسك حزين او فرحان اكتب وعبر عن احساسك با ى شئ ده ومره مع مره هتكتب قصائد رائعه وانا كمان هنضم ليكم لانى بكتب اشعار وبحب جدا انى اكتب بالذات وانا مضايقه

ربنا يوفقك

بجد جميل جدااااااااااااااااااااااااااااااااااااااااااا
والله يجنن
مصر ام الدنيا ربنا يحميكى يامصر

شكرا جدا على الردود والله انا منتش اتوقع ان ممكن يعجبكم كده ويريت كل حد فيكم يعرض حاجه من الى كتبها
وشكـــــــــــــــــــــــــــــرا

يا zozo احنا طلعنا بلديات انا بردو من اسيوط

يا جماعة116 واحد دخل اتفرج ومتعبش نفسه يكتب تعليق
على العموم شكرا

foxmoh متزعلش نفسك المنتدى مليان بالمواضيع ومش كل الناس هتشوفه وكمان هو مكانه لازم يبقى فى ابداعات الاعضاء لانه من تاليفك وانت بس لو حابب الحكايه حاول تكتب تانى ومره مع مره هما اللى هيطلبو منك تكتبلهم وبلاش تزعل هو فلا جميل وربنا يوفقك

والله هو جميل جدا بجد وانت مش تزعل نفسك
لازم الانسان يبدا واحدة واحدة مهما قابلته عقبات
واكيد فى الاخر هينجح

ما تديقيش نفسك كملي وثقي في نفسك محدش اتولد متعلم
وبعدين دة جميل اوي
ربنا يوفقك

http://www.friendawy.com/file/sns_uploads/11140/images/%D8%B4%D9%83%D8%B1%D8%A7-%D9%84%D9%83.gif

على فكرة هو حلو مش وحش ربنا يوفق