التنسيق بتاع 2012


طب اخره الحد الادنى 99 والاسنان 98.5 والصيدلة 97.5

عشان احنا اصلا بينصبوا علينا هما هيزودوه 3 % ومش هيقللوه ؟؟ دا كلام فاضى .. احنا امتحاناتنا سواء 2 او3 كانت هفء يعنى اى حد كان يقدر يجيب فوق 97 و انا اسف بس دا رايى

فى 2



العربى كان تافه والانجليزى الى اتعمل عليه فلم كان عادى جدا والمعظم والله جاب فوق 22 والفرنساوى كان اتفه امتحان فى تاريخ مصر والجبر تافه والتفاضل الى اعدوا يلطموا فيه يجى 13 الف واحد جايبين 50 فى الاتنين يعنى دا هبببل الى يقول صعب .. الكيميا كلو عارف كانت سهلة ومليون واحد جايب 50 فيها عندنا

نيجى ل 3 بقى ..

العربى متوسط والانجليزى سهل والرياضة سهل والفزيا لعب عييييييييييييال والاحياء متوسط وعلم النفس ازازة لب وكله تفاهة يعنى كله هيعدى 98

يبقى التنسيق هيبقى عالى مش هيقل لان مش كل الناس هتخش بترول او اسنان ليه هى سايبة ..

انا اسف انا صرييييييييييييح ومش بضحك على نفسى مستعد للصدمة



بترول ممكن يبقى اعلى من 407.. يا رب وفقكو جميعا :)

انا مندفع جدا وخايف اوووووى من التنسيق وعلى صحابى
الواحد شاف اسود ايام حياته عشان يبقى حاجة عدله يارب وفقنى فى التصحيح انا تعبت اووووى ومش متخيل نفسى غير فى كلية واحده انا تعبت وعملت كل حاجة والله ماكنتش بنام ولا باكل ولا اذيت حد ولا ضحكت على حد يارب بجد انا مش مستحمل اى صدمه تانى فى حياتى كفايه .. يا رب وفقنى ووفق صحابى وكل الناس ..

كل واحد يكتب نفسو فى كلية ايه باذن الله ويدعى بجد ربنا يدخلها ويعد الفتره دى يصلى ويدعى ربنا بجد انا متشكر اووى على المنتدى التحفه دا انا استفدت منكو جدا ..

انا نفسي ادخل كليه طب

جايبة كام يا هاله فى 2 وان شاء الله تدخلى طب ؟؟؟؟؟؟؟

متزعلش منى انا مش شايفة الامتحانات فى 2 او 3 كانت سهلة وبالذات تانية بجد كانت وحشة جدا مجاش سهل غير الجبر العربى كان وحش والانجليزى كان زى الزفت والتفاضل كان كويس مش وحش ومش حلو الكيميا برضه كانت فيها وفيها اما السنة دى الفيزيا حلوة اوى وعلم النفس تحفة الاحياء نص نص يعنى مش كل الناس هتقفل وعدد قليل اوى هو اللى هيقفلها وهنشوف الانجليزى كان احسن من السنة اللى فاتت بس برضه كان فيه تكات واسئلة مشوفنهاش قبل كدة العربى البلاغة ضيعتنى وضيعت ناس كتير بجد الامتحانات مكانتش حلوة انا واحدة جبت مجموع فى تانية حلو اوى بس السنةدى مع الاسف انا خايفة انزل عنه كتير لانى غلطت فى العربى والنموذج بتاع الاجابة نزل وحش اوى وطيرلى درجات كتير الانجليزى السنة دى رغم انه اسهل من السنة اللى فاتت بس برضه غلطت كتير مع انى والله ربنا وحده يعلم انا تعبت قد ايه وعملت اقصى جهد ممكن اقدر اعمله لكن قدر الله وماشاء فعل وربنا مش هيضيع تعبى وهيكرمنى اكييييييييييد

ربنا يكرمك يا تقى ان شاء الله بس انا بقول رايىى ونفسى اكون غلطان مليوووووون مره

ربنا يكرمك يا تقى ان شاء الله بس انا بقول رايىى ونفسى اكون غلطان مليوووووون مره

اللهم امين وانت كمان ربنا معاك وتدخل الكلية اللى انت عاوزها باذن الله

يا جماعة انا نفسى ادخل ألسن .... انا جبت السنة اللى فاتت 93.5 بس حاسس انى ممكن انقص عنها السنة دى مش عارف ليه ... يعنى حرام اما يجيبو الفيزياء والرياضة لعلمى سهلة واحنا الغلبانين بتوع ادبى يجيبولنا الجيولوجيا كده .... بس فى الاول وفى الاخر ربنا يوفقنا كلنا وياريت يا جماعة تقولولى السن ممكن تاخد السنة دى من كام وهى كانت بتاخد من كام قبل كده وشكرااااااا ليكوا جدا

انا كمان رايى ان الامتحانات مش جات كلها سهلة فى حاجات كتير صعبة
انا تعبت بجد والله واعصابى مدمرة وربنا وحده هو الى يعلم انى مش قصرت فى حاجة
سهر ومافيش اكل وكل الى كنت بفكر فيه وشايفاه قدامى هى الكلية الى بحلم بيها
يارب انا مش عاوزة حاجة كتيرة غير انى ادخل الكلية الى تعبت عشانها
وربنا مع تانية وتالتة يارب ويفرح قلب كل اب وام بابنهم او بنتهم

ربنا يوفقكو كلكو بجد وانا نفسى ربنا يستر علينا منهم .. محمد انت مجموعك رووووووعة ما شاء الله دا انت لو رياضة كنت دخلت هندسه بس بجد على ضمانتى هتخش السن جررى او سياسة واقتصاد والله لغات كمان انت بجد مجموعك جامد جدا بالنسبة للادبى وربنا يوفقك متخفش تنسيق ادبى هينزل لكن العلمى هيولع ..

انا من القليوبية ونفسى ادخل سياحة وفنادق حلوان او اعلام القاهرة بس الاكتر سياحةوفنادق حلوان وكنت جايبة فى تانية 88 وانا ادبى من الاول ياترى هلحق؟؟

انا في تانيه ورايحه تالته
ربنااااااااااا يسترررررررر

سورى يعنى مش معقول كل الطلبة دول مش مذاكرين وانت الوحيدة اللى بتقول ان الامتحانات كانت سهلة
اوكى
ممكن تكون سهلة عليك
بس حتى الاعلى من الطلبة قالوا ان الامتحانات جت فوق مستوى الطالب المتوسط
انت ليك قدرات
كويس
ما شاء الله ربنا يوفقك
بس مش كل الناس زيك
فى و فى و فىىىىىىى
بس عامة ربنا يستر ان شاء الله والتصحيح يكون كويس والتنسيق يبقى تمام

ربنا يستر ياجماعه ومش كل شويه تتوقعو التنسيق اللع اعلم ايه الي هيحصل

ماذا تتوقع ان يكون مجموع الأول علمى علوم ورياضة وادبى؟نتيجة الخبرات ونتائج الاعوام الماضية التى كانت لها امتحانات مشابهة مثل 2006

يخرب بيت التفاؤل اللى انتا فيه

تفائلوا خيرا تجدوه

بص تفائلوا بالخير تجدوه
فبما انك مش متفائل الخير اساساً
فحاول متتصدمش لما تتخبط خبطة جامده

ربنا يوفقكو كلكو بجد وانا نفسى ربنا يستر علينا منهم .. محمد انت مجموعك رووووووعة ما شاء الله دا انت لو رياضة كنت دخلت هندسه بس بجد على ضمانتى هتخش السن جررى او سياسة واقتصاد والله لغات كمان انت بجد مجموعك جامد جدا بالنسبة للادبى وربنا يوفقك متخفش تنسيق ادبى هينزل لكن العلمى هيولع ..

شكرا جدااا ليك يا كازانوفا بجد طمنتنى .... ويارب يوفق كل الطلاب وكل واحد يدخل الكلية اللى نفسه فيها .... امييييين يارب

بقلك ايه يا كازنوفا هو انت تعلم الغيب ؟

سبها على الله وقدر الله ما شاء فعل وياريت بلاش المواضيع من النوع دى لان الناس قلقانه ومتوتره خلقه اعمل مواضيع فيها امل وتفائل عشان ربنا يكرمنا ^_^

حبايبى اقسم بالله انا خايف بس والبعكس والله انا كنت متفائل جدا لكن هما كل شوية يقولوا اخبار غريبة وبيلعبوا باعصابنا .. ربنا يوفقكو كلكو يارب

يا كازانوفا انت بتقول اي ارقام وخلاص
بص يا حبيبي

اولاً
السنه الي فاتت كانت شرائح المجاميع اقل من 2009!
مش هقولك 2007

دي حاجه
الامتحانات جت سنه اسهل من 2009
ما عدا الاحياء "وبقولك اهو"مش كتير الي هيقفلوه
جت اصعب من2009


تنسيق 2007 كان هااااااي لان الامتحانات في تالته كانت بلاي ستيشن يا معلم ويكفي ان تنظر علي الاحياء 2007

هبل وعبط واستهبال

اذا تنسيقنا هيكون اقل من 2007 لا محاله

وهيكون يا اما زي 2009 او اقل منه بحدود نص درجه للحدود الدنيا


ولكن لما طب ينط ل99%
واسنان من 98.5 %

طيب والي جايب 98.7 يعمل ايه:d

مش منطقي الي بتقوله
طب اعلي تنسيق لها في التاريخ
403.5
اعلي تنسيق هتشوفه عينك هو ده يعني محصلش حتي 98.5!

تفااااااااااااااءل

توقعي الشخصي
طب 402الي403
اسنان 401.5الي 400 او ممكن 399.5

وده في اعلي الاحوال


بخصوص البترو
بص يا كنج دوول معاك انهم يجيبوا 408 اصلاً