السلام عليكم ورحمة الله وبركاته


باذن الله هنا نتابع مع بعض اعمال شهر شعبان


في البداية لازم نشد حيلنا ونستعين بالله

وهنضع اكتر من جدول وكل واحد حسب همته

ولكن باذن الله يكون فى حد أدنى

فى ورقة فى النت منتشرة وهى الورقة دي


الوجه الأول


http://vars.way2allah.com/pic/ragab01.jpg (http://forums.fatakat.com/thread1635181)

الوجه الثاني

http://vars.way2allah.com/pic/ragab02.jpg (http://forums.fatakat.com/thread1635181)

المطلوب بداية قراءة الوجهين

الجدول العام

ملحوظة الجدول نصه منقول من أحدى الاخوات مع بعض الاضافات.

لكن هو ده تقريبا الجدول الي لازم يكون كبداية ولو حصل أى اختلاف

الجدول
1- الفروض الخمسة في أول الوقت مع الخشوع
+النوافل (2 قبل الفجر- 4 قبل الظهر و2 بعده -2 بعد المغرب-2 بعد العشاء)

2- قراءة ربع بتدبر وخشوع

*للمتميزين : قراءة حزب بتدبر وخشوع

3- صيام الأثنين والخميس

4- صلاةركعتين قيام +صلاة الوتر
*للمتميزين : صلاة 4 ركعات قيام +صلاة الوتر

5- الخلق اللى هنمشى عليه (.... )

6- المعصية اللى هنبتعد عنها (.... )

7-أذكار الصباح والمساء

8_100استغفار

9-صلاة الضحى ((ركعتين))


كل واحدة دلوقتى تسجل حضور وتقول على الحجات الى هتواظب عليها وتكتب المعصية الى هتتركها او لو مش عاوزة مفيش مشكلة وكذلك بالنسبة للخلق الى هتمشي عليه

ده أولا

ثانيا كل يوم بمشئة الله أضيف درس نسمعه من سلسلة معينة

نبدأ بسلسلة الشيخ حازم شومان

اصلاحات قبل رمضان

الدرس الاول للتحميل من هنا (http://www.way2allah.com/modules.php?name=Khotab&op=Detailes&khid=7007)


الدرس لازم يتسمع

عشان هنسمع الحلقة دى من السلسلة دي

وباذن الله ندخل منه على سلسلة تأمل معانى القرآن للشيخ محمد حسين يعقوب

الخاصة برمضان ونرجع تانى للسلسلة الاولى
فاهمين؟؟

طيب دلوقتى المطلوب من الجميع يسجل حضور وفى أقرب فرصة يعنى على بكرة قبل ما ينام يكون مسجل هنا انه قام بالحجات دي

وعاوزة أقتراحات

ونتناقش في الكلام بتاع الدرس

ملطوب تاني::

تلخيص خمس أسطر للدرس

كدة اجبركم تسمعوه :)

استعينوا بالله وجددوا النية

بسم ما شاء الله
معاكي بإذن الله
و ده اللي همشي عليه إن شاء الله

1- الفروض الخمسة في أول الوقت مع الخشوع
+النوافل (2 قبل الفجر- 4 قبل الظهر و2 بعده -2 بعد المغرب-2 بعد العشاء)

2*للمتميزين : قراءة حزب بتدبر وخشوع

4 *للمتميزين : صلاة 4 ركعات قيام +صلاة الوتر

5- الخلق اللى هنمشى عليه (بر الوالدين)

6- المعصية اللى هنبتعد عنها (الغيبه)

7-أذكار الصباح والمساء

8_100استغفار

9-صلاة الضحى (( ركعتينن ))


بس أنا عندي فكره أفضل في الصيام
إحنا عارفين طبعاً إن النبي صلّ الله عليه وسلم كان بيصوم شعبان كله إلا يوم أو يومين
وده عشان فضل الصيفم الكبير اللي في شعبان وإن الأعمال بترفع فيه إلى الله
فإيه رأيك نعمل للمتميزين في الصيام صيام شعبان كله إلا يومين قبل رمضان
وأنا هبقى فيه بإذن الله ..


هسمع الدرس ..
وهاجي ألخص اللي استفدته ..

جمـــيـــل جداً ...
طـيـب أنا بسمع الدرس دلـــــوقتى ...
بعد ما يخلــص بإذن الله ... هقول أنا استفدت إيـــــــــه ^_^
وإن شاء الله أعمل الجدول كـــــــــــــــــــــــــــآمـل ... الله المستعان

فكرة جميلة جداً جداً .. احييكى يا غيورة :)

و الدرس بيتحمل حالياً ، بعد ما اسمعه ان شاء الله هاكتب التعليق و الاستفادة ..

جزاكـِ الله خيـــراً :)

جزاكم الله خير بس احنا متاخرين اووي كده



بقول ايه قراتي فكرتي ف الموضوع اللي فات هو اننا نعمل خاتمه ونتابع مع بعض


اوك


ربنا يعنا ويعينك


ادعيلي بقي بالثبات بمناثبه تثبت الموضوع ههههههههه



ربنا يحفظك

بقولك يا غيوره نزلي الموضوع ع الفيس بوك علشان ينتشر اكتر اوك

دي اكثر نقاط انا ركزت عليها وكتبتها



1_ كتاب الله رساله حياه

2_علاج حب الدنيا ف القلب 1/عدم الالتفات كما فعل سيدنا ابراهيم

2/تذكر الاخره كما فعل سيدنا اسحاق

3/ذبح الدنيا كما فعل سيدناسليمان

4/معرفه حقيقه الدنيا

5/لزوم بيئه الايمان



3_كل سعي ف الدنيا مالم يكن لوجه الله فهو سرااااااااب


4_نهايه اهل الشهوات ( وحيل بينهم وبين ما يشتهون..)


5_لابد من برهان عملي (( الدين ليس بالمظهر.)

6_طول مفيك نفس اوعي تبطل عباده لله :)(فاذا فرغت فانصب))

7_لا أبرح حتي ابلغ




دي بعض الحجات اللي عجبتني وركزت عليها وباذن الله ناويه ارفعها شعار ف حياتي


وباذن الله لو لحقت اكتب حجات تانيه قبل ما تضعي الدرس التاني هكتب وجزاكم الله خير ع حرصك وربنا مايحرمنا وايالكي شرف الدعوه اليه

جزاكى الله خيرا ..وجعله الله فى ميزان حسناتك وان شاء الله نمشى ع الجدول
وربنا يتقبل منا صالح الاعمال والدرس بيحمل لما احمله ابئا اقول الى استفده

فينك يا غيوره يريت بالله عليكي تتابعي


ولو مش فاضيه انا ممكن اساعدك بس ابعتيلي



ربنا يباركلك ياااارب

يا غيوة صحيح كنت عايزة اسئلكـ سؤال

4 قبل الظهر و2 بعده

هي سنة الظهر كدا فعلاً ؟ اصلى الحقيقة بصليها على طول إما 2 قبلها و 2 بعدها أو 4 قبلها و 4 بعدها

ياريت توضحى اذا كانت غلط ..و جزاكـِ الله خيراً ياارب

بارك الله فيكم ويا بنات

والله غصب عنى النت كان قاطع

جاري الرد باذن الله

يابنات هدخل أعلق على كلام كل واحدة

لكن فين المطلوب وفين التلخيص

وسماع الدرس

كدة هزعل جامد

ان شاء الله معاكى
وكل عام وانتم جميعا بخير

جزاك الله خيراً وجعله في ميزان حسناتك

بسم الله ماشاء الله عليكى ياغيورة
اناهحاول انفذ الكلام ده إن شاء الله
*الصلوات والنوافل فى اوقاتها
*صلاة الضحى
*الاستغفار 100مرة
*اذكار الصباح والمساء
*صلاة اربع ركعات قيام والوتر
*قراءة حزب قرءان بتدبر و خشوع
انا ممكن ما اقدرش على الصيام
وبالنسبة للخلق اللى هامشى عليه فهو مش محدد فهحاول احسن من اخلاقى كلها ان شاء الله
والحلقة انا كنت اتمنا ان اسمعها ولكن للاسف الشديد السماعات مش شغالة
بس هحاول افهمها من التلخيصات اللى هتتكتب ان شاء الله(ادعولى)

وانا معاكم يا بنات ان شاء الله

باارك الله فيكي وجعله في ميزان حستاتك

1-القرآن سر التغير (طوق النجاه)

2- ممنوع الوقوف فى طريق الله0 قال تعالى :"واعبد ربك حتى يأتيك اليقين"

3-العلم زاد المؤمن

4-الانطلاق فى طريق الله

5-جهاد النفس

6-تعظيم الاخرة

7-عدم الاستهتار بالاخرة 0 قال تعالى :" وحيل بينهم وبين ما يشتهون"

8-رسالة حياتنا ايه؟

9-علاج حب الدنيا ف القلب 1/عدم الالتفات كما فعل سيدنا ابراهيم

2/تذكر الاخره كما فعل سيدنا اسحاق

3/ذبح الدنيا كما فعل سيدناسليمان

4/معرفه حقيقه الدنيا

5/لزوم بيئه الايمان

10-لازم نفوق بقة

11-كل اية فى القرآن فتح

12-قال تعالى :" ومن اعرض عن ذكرى فان له معيشة ضنكا"

13-كيف تتعامل مع الله ؟

14-من تعلق بغير الله عذب به

15-لازم قلوبنا تبقى سليمه

16-لازم تصتع بيئة ايمان (لازم دعوة)

17-التوكل على الله مع الاستعانه به

18-لازم نكون من حزب الله

يا غيوة صحيح كنت عايزة اسئلكـ سؤال

4 قبل الظهر و2 بعده

هي سنة الظهر كدا فعلاً ؟ اصلى الحقيقة بصليها على طول إما 2 قبلها و 2 بعدها أو 4 قبلها و 4 بعدها

ياريت توضحى اذا كانت غلط ..و جزاكـِ الله خيراً ياارب

معلهش انا هرد على السؤال ده يا غيوره
سنة الظهر هى 4قبل الظهر و 2 بعده
ياريت تكون الاجابة مفيده ومعلهش مرة تانى ياغيوره

جزاك الله خيرا وانا هحاول على قد ما اقدر امشى على المنهج دة

يا جماعة انا كنت دخلة بحماس دلوقت انا قليت اووى ساعدوتى

انا كمان زيك بالظبط ياطمح صغيرة بس لازم منسبش الشيطان يغلبنا