http://im.gulfup.com/2011-02-23/1298446673831.gif




خلي بالك من آخر صفحة في الكتاب !

زي ما احنا متعودين مع بعض بإذن الله إن كل موسم من مواسم العباده حتى لو كثير من الناس غفل عنه حتى لو كثير من الناس مبيتكلمش عنه .. احنا لازم نتكلم عنه ونشوف الثواب اللي فيه والاجور اللي فيه ..

بحيث إن احنا نتعرض لنفحات الله ..


فإن أصابتنا نفحة واحدة من نفحات الله ..


أصابتنا في العشرة الأوائل أو الأواخر او في ليلة القدر أو في عُمره أو في شعبان .. في أي وقت .. لن نشقى بعدها أبدا بإذن الله سبحانه وتعالى ..

هنتعرض لنفحات ربنا عزوجل ولا لاء يا جماعه ..


نفحة من نفحات الله خلال أيام وهي رفع الأعمال إلى الله عزوجل ..

أنا عاوز كل واحد مننا يقف مع نفسه ونفكر في كل كلمه هقولها لكم ..


عاوز نفكر في وقفة وقفة من اللي هنتوقفها مع بعض انهارده ..



http://img208.imageshack.us/img208/3355/sa11.png

أول وقفة ..

ماذا لو قبلت .. ماذا لو قبلتي ..

انتي متخيله لو الصحيفة بتاعتك اترفعت وربنا قبل الحسنات اللي فيها !

كان حلم الصحابه إن خطوة واحدة تتقبل .. إن حسنه واحده تتقبل .. إن مرة غضيت بصرك مرة تتقبل .. إنك رجعتِ عن غيبة كنت هتغتابها مرة تتقبل ..

إن صدقة واحدة .. إن تكبيرة إحرام واحده تتقبل !!

إن فريضة واحدة من خمس فرائض .. في يوم من أيام السنة .. تتقبل عند ربنا سبحانه وتعالى منك انت أو منك انتي ..


http://img208.imageshack.us/img208/3355/sa11.png



اقرأ وتأمل عجيب قول الله عزوجل عن مريم ..

[ فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتًا حَسَنًا وَكَفَّلَهَا زَكَرِيَّا كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا قَالَ يَا مَرْيَمُ أَنَّىٰ لَكِ هَـٰذَا قَالَتْ هُوَ مِنْ عِندِ اللَّـهِ إِنَّ اللَّـهَ يَرْزُقُ مَن يَشَاءُ بِغَيْرِ حِسَابٍ ﴿آل عمران: ٣٧﴾ ]



بعد القبول هييجي الإنبات الحسن ..


وبعده الكفاله والتربية والرعاية من الله عز وجلّ .. والرزق بعد كده في كل وقت .. وبعدها


[ يَا مَرْيَمُ إِنَّ اللَّـهَ اصْطَفَاكِ وَطَهَّرَكِ وَاصْطَفَاكِ عَلَىٰ نِسَاءِ الْعَالَمِينَ ﴿آل عمران: ٤٢﴾ ]


الاصطفاء والاجتباء والرفعه والهداية والسداد والوصول إلى الله ... ده كله بعد القبول ..

ياترى هتعمل إيه في الأيام دي ربنا يقبله منك عشان تاخد الهدايا دي كلها ..

سيدنا إبراهيم كان بيرفع قوائم الكعبة .. لكن مكنش عارف إن في منى ومزدلفه و... ومكنش بيسأل يقول يارب عرفني بعد رفع الكعبه في إيه ؟؟

وهو بيرفع كان بيقول (رَبَّنَا تَقَبَّلْ مِنَّا ) .. قبل ( وَأَرِنَا مَنَاسِكَنَا ) ..



يبقى شغلك الشاغل الأيام دي هو إن ربنا يقبل منك اللي فات ..


قبل ما نطلب اللي جاي ..



الاول قبل ما ندخل رمضان اللي جاي .. لازم نقفل شغلنا اللي فات صح .. شهر التقفيل هو شهر شعبان ..

يلا وقفة مع نفسك لازم منها ..

هتقفل شغلك ازاي ؟؟

دايما خلي قدامك ماذا لو قبل الله منك حسنة واحدة ؟!!!

هتاخد كل الهدايا اللي فوق ..

الصحيفة بتاعت السنة دي ممكن تكون آخر صحيفة تترفع ليك .. هتقفلها ازاي ؟؟

طيب لو هتعيش كمان 20 سنة وانت بلغت بقالك 10 سنين .. يعني دي صحيفة من 30 صحيفة هيترفعوا .. لو قبلت منك حسنة منها يبقى حددت مصير ال20 صحيفة اللي جايه .. يعني الموضوع خطير يا جماعه ..

الصحيفة دي هيختم عليها ومش هتشوفها غير يوم القيامة ..

هتلاقيها جايه وكل اللي فيها بيخرج أدامك ..

يبقى نلحق نقفلها صح ولا لاء ؟

نلحق نستغفر من الذنوب اللي فيها .. مينفعش تطلع من غير تزيين بالأعمال الصالحة ..

http://img208.imageshack.us/img208/3355/sa11.png
وقفة مع نفسك في شعبان ..

إيه رأيك وانتي إيه رأيك نختم ختمه تكتب لينا في آخر صحيفتنا .. نختم القرآن ختمه قبل رفع الأعمال ..

ايه رأيكم نقضي الأعمال دي كلها في عباده .. في صيام .. عشان أعمالنا ترفع واحنا على صيام ..




يلا مبقاش في وقت ..




http://img208.imageshack.us/img208/3355/sa11.png

نقلا عن الدكتور حازم شومان ..




شفاه الله وعافاه وحفظه ورعاه .




:: إعداد فريق عمل أحلى حياة ::

جزاكى الله خيرا يا ام عمار

وجعله الله فى ميزان حسناتك
(http://www.thanwya.com/vb/member.php?u=162111)

موضوع رائع بجد جزاك الله خيرا

جزاكي الله كل خييير

الموضوع جميل اوى

ربنا يعينا على ذكره وشكره وحسن عبادته ويتقبل منا ومنكم صالح الأعمال

جزاكِ الله خيرا

جزاكي الله كل خير ...يا قمر

ولازم ان شاء الله اكلمه بكره

جزيتم خيرا جميعا ع المرور الطيب

جزاك الله خيرا

جزاك الله خيراً
تقبل الله منا ومنكم صالح الأعمال

جزيتم خير وتقبل منكم

جزاكى الله خيرا

جزآكـِ الله خيراً أم عمـآر
وجعله فى ميزآن حسنـآتكـ
واللهم اشفى الشيخ حازم شفاء لا يغادر سقماً
اللهم آمـيـن

جوزينى الجنه حبيبتى
وجعل الله أعمالك خالصه لوجهه الكريم

جزااك الله خيرااا

جزيتم جميعا خيرا ع مروركم الطيب

بارك الله فيكي

السلام عليكم ورحمة الله وبركاته

جزاكِ الله خيراً أم عمـار

وجعله الله فى ميزآن حسناتك

واللهم اشفى الشيخ حازم شفاء لا يغادر سقماً
اللهم آمـيـن

دمتِ في حفظ الله

والسلام عليكم ورحمة الله وبركاته

باارك الله فيكم ونفع بكم

موضوع قيم واختيار رائه

نسأل الله الكريم رب العرش العظيم ان يشفي شيخنا الدكتور حازم

بارك الله فيكي

وجزاكم مثله لا تنسوني من صالح دعاااائكم


شيخنا الان ف عمره

نسال الله عزوجل ان يرجعه لنا سالما غانما معافا من جميع الاسقام اللهم امييييييين


ونسال الله عزوجل ايضا ان يشفي الشيخ احمد جلال وعلمائناجميعا وجميع مرضي المسلمين