ll - قــــــــدرات فنـــــــــون - ll [الأرشيف] - بوابة الثانوية العامة المصرية

Mohamed.Helmy

04-07-2011, 08:08 PM

السلام عليكم

ازيكم يارب تكونوا بخير

معلش انا مش بدخل كتير و الله ربنا عام الواحد مترمت الحمد لله :(

ما علينا

..

انا كان بقالي فترة عاوز اعرف و استفسر هقدم امتى و ازاي في فنون

و الصبح روحت ( كلية الفنون الجميلة - جامعة المنيـــا )

و سألت انا المفروض أعمل ايه علشان اقدم ؟

قالولي

ان من يوم 16 زي ما حدد الوزير المفروض
اروح ( بصورتين من رقم الجلوس- صورتين شخصيتين )

+

استمارة ( ملف ) هما قالولي أجيبه منين بالنسبة " للمنيا "

..
و بعدين اروح الكلية و أقدم الاوراق دي و في ملف من الكلية نفسها برضه

..

المهم برضه قالولي فى تدريب قدرات بـ 80 جنيه و باخد فيه
شرح للامتحان
+
ارشاد الطالب بالكلية و الاقسام و الامتحان

و كان من الساعة 9 ص : 4 م

...

و لسه يادوبك راجع البيت من ساعة كده

..........

لو في حد عنده استفسار يقول

كمان لو في حد هيقدم في فنون " المنيا " يقولي برضه :d

في رعاية الله جميعااااا

تغريد الطيور

05-07-2011, 10:12 PM

بصراحة انا ماكنتش اعرف ان فنون جميلة محتاجة العذاب دا انا كنت فاكرة انها زى اى كلية و مفيش قدرات و لا حاجة

ما علينا .. ربنا يوفقكـ انت و كـــــل الطلاب

بس انا عايزة اعرف حاجة .. اشمعنى فنون المنيا .. يعنى انا من المنيا و ماعرفش ان فيها اى مميزات بصراحة

بالتوفيق ^_^

Mohamed.Helmy

05-07-2011, 10:21 PM

شكرا يا نور ع المشاركة و أديكي أخدتي فكرة

و بالنسبة للمنيا انا روحتها عشان انا من اسيوط و المنيا أقرب حاجة ليا علشان مفيش فنون في جامعة اسيوط

لكن لو عليا كان نفسي أدخل فنون الزمالك

بس اللى يجيبه ربنا كويس

و ان شاء الله خير لينا كناااااااااا

Rosy Horan

07-07-2011, 05:57 PM

طيب معلش لو سمحت ،،،
ايه الفرق بين فنون تطبيقية وفنون جميلة
،،
والدورات التدريبية لامتحان القدرات دي بتبقى تبع الكلية ولا مراكز هيا اللى بتعملها .. ؟

Mohamed.Helmy

07-07-2011, 06:02 PM

فنون تطبيقية ( علمي رياضة )

فنون جميلة ( أدبي - علمي )

...

بالنسبة للتدريب انا أخدته تبع الكلية نفسها و بتختلف من مكان للتاني

Rosy Horan

07-07-2011, 06:05 PM

طيب إيه مجالات عمل فنون تطبيقية وفنون جميلة .. ؟
وامتحان القدرات ده لازم ولا ينفع أدخل الكلية من غيره ؟
ولو أنا اتأخرت مثلا في دخوله والنتيجة ظهرت ،، ينفع أدخله بعديها !!
معلش أسألتي كتير بس عاوزة أستقر على رأي قبل ما النتيجة تظهر ،،

النجمه الطموحه

07-07-2011, 08:35 PM

هو ينفع من فنون جميله ابقي مهندسه ديكور ولا دي من فنون تطبيقيه بس؟؟؟؟؟؟؟

Mr.BsUnY

07-07-2011, 09:19 PM

لو سمحت سؤال

أنا مكنتش أعرف ان التدريب بدأ

ينفع أروح اقدم في التدريب من بكره علشان الامتحان ؟؟

Mohamed.Helmy

08-07-2011, 11:20 AM

طيب إيه مجالات عمل فنون تطبيقية وفنون جميلة .. ؟

يعني الي حد ما متقاربة بس فنون تطبيقية اقرب بهندسة شوية
و مجال العمل عموما بيتوقف علي شغلك و موهبتك

وامتحان القدرات ده لازم ولا ينفع أدخل الكلية من غيره ؟

لا لازم تمتحنيه .. بحيث تدخلي الكلية ( بمجموعك + امتحان القدرات )
و لازم تنجي ف الاتنين دول
يعنى مجموعك يجيب الكلية و تنجحي ف امتحان القدرات

ولو أنا اتأخرت مثلا في دخوله والنتيجة ظهرت ،، ينفع أدخله بعديها !!

لا دي مش عارف بصراحة بس هو ملوش دعوة بظهور النيجة
الوزير حدد ميعاد 16/7 للامتحانات بغض انظر عن النتيجة
يعني قدمي فيه و النتيجة ممكن تظهر فى نفس اليوم بالليل او تاني يوم

معلش أسألتي كتير بس عاوزة أستقر على رأي قبل ما النتيجة تظهر ،،

لا و لايهمك عادي
وربنا يوفقك ان شاء الله

هو ينفع من فنون جميله ابقي مهندسه ديكور ولا دي من فنون تطبيقيه بس؟؟؟؟؟؟؟

اه ممكن من فنون و ده برضه بيتوقف عل حسب موهبتك و القسم اللي بتدخليه
وفي التدريب بتعرفي كل الكلام ده و بيدوكي دليل ارشادي عن الكلية و اقسامها و كل حاجة

لو سمحت سؤال

أنا مكنتش أعرف ان التدريب بدأ

ينفع أروح اقدم في التدريب من بكره علشان الامتحان ؟؟

اه عادي ممكن السبت تروح
بس ده بيختلف من كلية لكلية
يعن لو هتروح المنيا هيبقى 80 جنيه و يوم واحد من 9 ص : 4 م

و في كليات تاني بتبقى كذا يوم و اغلي و هكذا

بس روح و أسأل السبت

......

وربنا يوفقكم جميعا باذن الله

:078111rg3:

Mr.BsUnY

08-07-2011, 04:29 PM

اه عادي ممكن السبت تروح
بس ده بيختلف من كلية لكلية
يعن لو هتروح المنيا هيبقى 80 جنيه و يوم واحد من 9 ص : 4 م

و في كليات تاني بتبقى كذا يوم و اغلي و هكذا

بس روح و أسأل السبت

الف شكر علي ردك .. طيب معلش سؤالين بس محيرني

أنا هاروح ان شاء الله يوم السبت أقدم علي التدريب في فنون الزمآلك

كنت عاوز أعرف العنوآن بتاعها فين بالظبط

علشان الحق اوصل بدري وأخلص الاجراءات وكده

والسؤال التاني .. أنا كنت عاوز أخش قسم جرآفيك

وسمعت أن القسم بيبقي علي حسب التقدير في الاعدادي بتاع الكلية
واني لازم اجيب امتياز في مشروع واحد علي الاق في سنة الاعداداي علشان اقدر اخش القسم ده
فهل ده صح ولا ايه ؟

وبانتظآرك

Mohamed.Helmy

08-07-2011, 05:27 PM

الف شكر علي ردك .. طيب معلش سؤالين بس محيرني

أنا هاروح ان شاء الله يوم السبت أقدم علي التدريب في فنون الزمآلك

كنت عاوز أعرف العنوآن بتاعها فين بالظبط

علشان الحق اوصل بدري وأخلص الاجراءات وكده

والسؤال التاني .. أنا كنت عاوز أخش قسم جرآفيك

وسمعت أن القسم بيبقي علي حسب التقدير في الاعدادي بتاع الكلية
واني لازم اجيب امتياز في مشروع واحد علي الاق في سنة الاعداداي علشان اقدر اخش القسم ده
فهل ده صح ولا ايه ؟

وبانتظآرك

بالنسبة لفنون الزمالك :

و الله انا معرفش مكانها بالظبط
بس انت ممكن تروح الزمالك على 8 الصبح كده و تسأل علي مكانها ..

بالنسبة للأقسام و كل ده هتعرفه في الدليل الارشادي اللى هتستلمه فى التدريب
بس انا مش معرفش بالظبط لسه

بس اعتقد انك بتدخل القسم على حسب تقديرك فى اعدادي في كل الاقسام

و هعرف ان شاء الله و اقولكم

دعواتكم ^^

Mr.BsUnY

10-07-2011, 03:58 PM

أنآ رحت النهآرده .. قدمت علي التدريب
في فنون جميلة - الزمآلك

واتضح ان كآن في دورتين للتدريب
وآحدة خلصت امبآرح وواحدة قدمت فيها انا النهارده
هاتبقي عبآرة عن 3 ايام ورآ بعض .. وفي فترتين تختار بينهم فترة صبآحية وفترة بعد الظهر .. وكآنت بـ 150 جنيه

وقآلولي فعلأً ان يوم 16 هاتروح مكتب التنسيق اللي أمآم جآمعة القاهرة
ومعاك صورتين شخصيتين و رقم الجلوس و صورتين منه
واسحب ورقة تنسيق من هنآك واجيبهم علي الكلية علشان يقدمولي علي اختبار القدرات

أنا حبيت اقولكم علشان لو حد عاوز يعرف ايه الطريقة وكده

النجمه الطموحه

10-07-2011, 08:12 PM

طيب معلش سؤال كمان
هو التدريب ده لازم دلوقتي ولا عادي اسيبه كمان اسبوع اسبوعين؟ يعني بعد النتيجه ان شاء الله؟؟؟
وشكرا عل الافاده
وربنا يوفقكوا ويوفقنا كلنا

Mr.BsUnY

10-07-2011, 08:31 PM

طيب معلش سؤال كمان
هو التدريب ده لازم دلوقتي ولا عادي اسيبه كمان اسبوع اسبوعين؟ يعني بعد النتيجه ان شاء الله؟؟؟
وشكرا عل الافاده
وربنا يوفقكوا ويوفقنا كلنا

هو بالنسبة لفنون الزمآلك
النهآرده كان اخر يوم لحجز التدريب اللي هايبدأ يوم الثلاثاء
واعتقد ان ده اخر تدريب موجود

بس ممكن تروحي بكره يمكن يرضوا يخلوكي تحجزي

Jehad Mohamed

10-07-2011, 11:00 PM

طيب معلش سؤال كمان
هو التدريب ده لازم دلوقتي ولا عادي اسيبه كمان اسبوع اسبوعين؟ يعني بعد النتيجه ان شاء الله؟؟؟
وشكرا عل الافاده
وربنا يوفقكوا ويوفقنا كلنا

اعتقد مينفعش تاجيله لان الامتحان يوم 20

فلازم تاخدى قبل الميعاد ده

anamasr

11-07-2011, 12:44 PM

*لو سمحت أنا كنت عاوز أعرف أذا كان في تدريب للامتحانات القدرات في الأقصر ؟ و لا لأ؟
*ولازم أروح التدريب دا ولا يشترط عشان بصراحة أنا خايف يكون فاتني ؟
* وكنت عاوز أعرف أيه المجموع المتوقع لكلية الفنون الجميلة في الأقصر لأن أنا من سوهاج ؟؟؟؟؟
*وبالنسبة لجدول الأمتحانات في الكلية أنا معرفش عنه أي معلومات فلو حد يعرف ياريت يقولي أيه مواعيد الأختبارت في فنون جمياة الأقصر ؟؟؟
****أسف علي أن أسألتي كتيرة حبتين .......

Mohamed.Helmy

11-07-2011, 12:52 PM

Ana Masr

1. هو التدريب ده مجرد تأهيل ليك يعنى مش اجباري هو مجرد بس بيعرفك شكل الامتحان لكن ممكن تمتحن القدرات على طول من غير تدريب
2. بالنسبة للاقصر اكيد في فى الكلية او اسأل حد هناك .. و ممكن تتصل بـ 140 على التليفون الارضي و تسألهم على رقم تليفون شئون الطلبة فى كلية فنون جميلة الاقصر .. و تتصل بيهم و تعرف كل حاجة

و المجموع المتوقع مش عارف بصراحة انا كمان عاوز اعرف :d

Rosy Horan

11-07-2011, 07:25 PM

معلش عندي أسئلة

لو أنا مثلا أخدت الدورة التدريبية في كلية حلوان مثلا ورحت امتحنت في كلية تانية كده ينفع ؟؟

وهو الإمتحان بتاع القدرات كلية الفنون التطبيقية يختلف عن الفنون الجميلة ولا كله واحد ؟

ولو أنا مثلا لا قدر الله حصل معايا ظروف ومقدرتش أدخل الإمتحان يوم 20 / 7 وجيت أقدم للكلية هيرفضوا طلبي ؟؟ ولا هيعملوا إيه ؟

،،،

Jehad Mohamed

11-07-2011, 08:04 PM

معلش عندي أسئلة

لو أنا مثلا أخدت الدورة التدريبية في كلية حلوان مثلا ورحت امتحنت في كلية تانية كده ينفع ؟؟

اعتقد انه مينفعش اعتقد انك تقدم وتمتحن لنفس الكليه اللى هتمتحن فيها

وهو الإمتحان بتاع القدرات كلية الفنون التطبيقية يختلف عن الفنون الجميلة ولا كله واحد ؟

اه يختلف لان الفنون التطبيقية من علمى رياضه اما الفنون الجميله علمى او ادبى وبيختلف عن التربية نوعيه ففى اختلاف كبير لكل كلية امتحان مختلف عن الاخر

ولو أنا مثلا لا قدر الله حصل معايا ظروف ومقدرتش أدخل الإمتحان يوم 20 / 7 وجيت أقدم للكلية هيرفضوا طلبي ؟؟ ولا هيعملوا إيه ؟

القدرات شرط اساسى لدخول الكليه ولو حصل حاجة روح وبلغ الكليه بذلكك

،،،

ارجو ان اكون قد افدتك باللى عندى

النجمه الطموحه

11-07-2011, 08:57 PM

طيب انا مش عارفه اروح ولا لا عشان ده متوقف عل المجموع ومش عارفه اعمل ايه؟؟

Mohamed.Helmy

12-07-2011, 11:57 AM

توووتة

شكرا ليي انك بتحاولي معايا تغطي و تردي على الاسئلة ^_^

--------

النجمة الطموحة

ماهو المفروض لو انتى بجد بتحبي الرسم قدمي فى الامتحان و عموما الامتحان هيبدأ من يوم 16/7 و هيمتد كاام يوم

و ان شاء الله قبل ما ايام القدرات تخلص هتبقى ظهرت النتيجة وساعتها تحددي تروحي او لا

MAHMOUD.ALEX

12-07-2011, 02:24 PM

السلام عليكم ورحمه الله

كان ليا استفسار بخصوص التطبيقيه وهو انها بتقبل خريجى المعاهد الفنيه الصناعيه ولا لاء

Mohamed.Helmy

12-07-2011, 07:26 PM

النجمه الطموحه

12-07-2011, 07:43 PM

السلام عليكم
اولا شكرا لمحمد حلمي علي مساعدتك ليا
ثانيا انا بحب الرسم بس عادي يعني هوايه مش عايزه امارسه كمهنه وانا كمان رسمي عادي جدا
وكمان انا عيزه استني اما النتيجه تطلع عشان انا نفسي ادخل كليه معينه لو محصلش نصيب هتجه الي الفنون فعشان كده انا بسأل وبيتهيألي النتيجه هتظهر اخر الاسبوع ان شاء الله يعني فيه وقت..........
وشكرا

Mohamed.Helmy

12-07-2011, 08:10 PM

النجمة الطموحة

لا شكر على واجب ^^ "

و ان شاء الله ربنا يقدم اللى فيه الخير

انتي استني بس النتيجة و ان شاء الله فيه وقت و ان شاء الله النتيجة تبقى كويسة و ابقي حددي بعدها هتروحي او لا و ربنا يوفقك فى الحالتين يارب

MAHMOUD.ALEX

12-07-2011, 08:12 PM

محمود

و الله مش عارف بصراحة يا محمود مقدرش افيدك فى الموضوع ده بس ممكن اقولك تعمل ايه

انت شوف اقرب كلية فنون تطبيقية ليك و اسأل فيها و لو مش هتقدر تروح كلم 140 دليل و خد منهم رقم شئون الطلبة لكلية فنون تطبيقية و اتصل بالكلية و استفسر منهم

احب اشكرك شكرا جزيلا يا محمد على اهتمامك وتواصلك مع الجميع

انا فعلا سألت ولقيت انه متاح للمعهد الفنى الصناعى التقديم فى الكليه بس تقريبا اللى بس متاكدتش منه ان المعاهد هتكون بعد اختبارات الثانوى العام على ما تكون النتيجه بتاعت المعاهد ظهرت

بس المشكله ان اقرب حاجه ليا هتكون دمياط مش حلوان لانى من اسكندريه فانا مش عارف بيقولو ان الكليه جامعه المنصورة فرع دمياط معنى كدا انها فى جامعه المنصورة ولا دمياط وكراسه الاختبارات هسحبها منين مع العلم انى انا كدا ما لحقتش التدريب اللى بيتعمل قبل الامتحان فالامتحانات محتاجه التدريب دا ولا ممكن اى حد يجاوب على الاسئله اللى بتيجى

فى انتظار ردك ومعلش انا عارف انى تعبك معايا

Jehad Mohamed

12-07-2011, 10:00 PM

احب اشكرك شكرا جزيلا يا محمد على اهتمامك وتواصلك مع الجميع

انا فعلا سألت ولقيت انه متاح للمعهد الفنى الصناعى التقديم فى الكليه بس تقريبا اللى بس متاكدتش منه ان المعاهد هتكون بعد اختبارات الثانوى العام على ما تكون النتيجه بتاعت المعاهد ظهرت

بس المشكله ان اقرب حاجه ليا هتكون دمياط مش حلوان لانى من اسكندريه فانا مش عارف بيقولو ان الكليه جامعه المنصورة فرع دمياط معنى كدا انها فى جامعه المنصورة ولا دمياط وكراسه الاختبارات هسحبها منين مع العلم انى انا كدا ما لحقتش التدريب اللى بيتعمل قبل الامتحان فالامتحانات محتاجه التدريب دا ولا ممكن اى حد يجاوب على الاسئله اللى بتيجى

فى انتظار ردك ومعلش انا عارف انى تعبك معايا

معلش اذا كنت بجاوب بدلا من محمد

ولكن مفيش كلية اسمها جامعه المنصورة فرع دمياط

انا اعرف انها اسمها فنون تطبيقية دمياط وفيه فنون تطبيقيه حلوان

ولو اللى اقربلك دمياط يبقى اتصل زى ما محمد قالك بالظبط واسال وشوف الميعاد هيكون امتى

اعتقد ان الامتحان مش اسئلة بس بيبقى فيه رسم كمان يعنى محتاج تدريب بس هتلحق ان شاء الله

لان التقديم مفتوح من يوم السبت الجاى لغاية اخر الاسبوع

يا رب اكون قد افدتك :blush:

MAHMOUD.ALEX

12-07-2011, 11:27 PM

معلش اذا كنت بجاوب بدلا من محمد

ولكن مفيش كلية اسمها جامعه المنصورة فرع دمياط

انا اعرف انها اسمها فنون تطبيقية دمياط وفيه فنون تطبيقيه حلوان

ولو اللى اقربلك دمياط يبقى اتصل زى ما محمد قالك بالظبط واسال وشوف الميعاد هيكون امتى

اعتقد ان الامتحان مش اسئلة بس بيبقى فيه رسم كمان يعنى محتاج تدريب بس هتلحق ان شاء الله

لان التقديم مفتوح من يوم السبت الجاى لغاية اخر الاسبوع

يا رب اكون قد افدتك :blush:

لا طبعا مافيش مشاكل انتى ومحمد واحد

بس يا توته المشكله مش فى الاسم انا عايز اعرف اذا كانت هى فى المنصورة ولا اتنقلت دمياط لانى على ما عرفت انها فى جامعه المنصورة والسنه دى نقلوها دمياط بس مش عارف الكلام دا اكيد ولا لاء بالنسبه للتدريب على حسب معلوماتى برضو انهم بدأو النهاردا وبالنسبالى انا كدا خارج حسابات التدريب وبالنسه ليوم السبت لاخر الاسبوع الجاى دا بالنسبه للثانوى العام انا معهد فنى صناعى الكلام دا مش ملكه انا هتصل واعرفو بس المهم هى حاليا اتنقلت دمياط ولا لسه فى جامعه المنصورة ... مع تصحيح الاسم (كليه الفنون التطبيقيه فرع دمياط جامعه المنصورة)

جزاكى الله خير يا توته على الرد

lolita7x

13-07-2011, 09:14 PM

هاى ......
اذا سمحت كنت عايزة اعرف اسئلة فنون تطبيقية عبارة عن ايه عشان انا عرفت من مدرس انها 3 اسئلة سؤال اسمه تكوين و التانى تصميم ابتكارى و التالت عمارة بس عبارة عن متوازى جواه مستطيل او مكعب جواه مربع معرفش ازاى و فى مدرس تانى قال انهما 3 اسئلة برده بس واحد تعبير فنى نرسم فيه اشخاص و نظللهم و تصميم ابتكارى و عمارة بس محددش هتبقى ايه فانا عايزة اعرف همتحن ايه بالظبط يا ريت اذا حد عنده اى معلومة يقولى عشان انا بجد تايهة و مش عارفة اعمل او هعمل ايه ف الامتحان ده اميلى katyc41********ياهو** اوكى ....
وشكرا ......

Jehad Mohamed

15-07-2011, 09:48 PM

لا طبعا مافيش مشاكل انتى ومحمد واحد

بس يا توته المشكله مش فى الاسم انا عايز اعرف اذا كانت هى فى المنصورة ولا اتنقلت دمياط لانى على ما عرفت انها فى جامعه المنصورة والسنه دى نقلوها دمياط بس مش عارف الكلام دا اكيد ولا لاء بالنسبه للتدريب على حسب معلوماتى برضو انهم بدأو النهاردا وبالنسبالى انا كدا خارج حسابات التدريب وبالنسه ليوم السبت لاخر الاسبوع الجاى دا بالنسبه للثانوى العام انا معهد فنى صناعى الكلام دا مش ملكه انا هتصل واعرفو بس المهم هى حاليا اتنقلت دمياط ولا لسه فى جامعه المنصورة ... مع تصحيح الاسم (كليه الفنون التطبيقيه فرع دمياط جامعه المنصورة)

جزاكى الله خير يا توته على الرد

بصراحة مش عارفه اقولك ايه بالظبط كل اللى اعرف اقولهولك

انك تدخل على الرابط ده

http://www.thanwya.com/vb/showthread.php?t=340778

يمكن تفيدك فى حاجة

conda_vip

16-07-2011, 11:47 PM

معلش سؤال كده هو امتحان القدرات ده تبع المجموع ولا ايه انا مش فاهمه

conda_vip

17-07-2011, 12:03 AM

انا عاوزه اعرف ممكن اى حد فى قنا بقدم على فنون المنيا ولا مينفعش

sam atif

18-07-2011, 04:04 AM

ممكن تساعدونى انا لسه مخلصه تالته ثانوى و انا حلمى فنون جميله و اعرف واحده فيها ساتها ليها دروس او حاجه كدبت عليا و لس عارف ان فى مذاكرات عموما انا شوفت نموذج امتحان و انا برسم كويس اوى و ان شاء الله هعرف ارسم فى الامتحان بس عايزه اعرف هو مهم المذاكرات دى؟؟ و ممكن تقولولى منين؟؟ المفروض امتحانى بعد بكره انا عايزه فنون جميله (فنون) ممكن كمان حد يقولى طبيعه الامتحان تانى بالظبط , انا قدامى واحد من ساعه ما عرف عماله ادور على النت بس مش عرفه اوصل لحاجه و لسه منمتش , انا واثقه فى قدره ربنا و فى قدرتى انى لو فى حاجه لازم اذاكرها هقدر ان شاء اله فى اليوم ده بس ممكن حد يساعدنى

طالبه sh

18-07-2011, 06:33 PM

طب يا جمااااااااااااااااااااااااعه

محدش يعرف قدرات تربيه نوعيه بتبقى ازاى

Jehad Mohamed

18-07-2011, 06:53 PM

طب يا جمااااااااااااااااااااااااعه

محدش يعرف قدرات تربيه نوعيه بتبقى ازاى

لسه ممتحنه امبارح بيبقى الامتحان عبارة عن تصميم ابتكارى وتعبير فنى بس ولا يوجد ثقافه

MAHMOUD.ALEX

19-07-2011, 06:52 PM

متشكر جداااا يا اسيرة هى اساسا نتيجه المعاهد السنه دى طلعت زفت ومش هنجيب حتى خدمه اجتماعيه
واشكر الجميع على ردودهم وتفاعلهم معايا ومع الجميع

conda_vip

20-07-2011, 07:15 PM

انا روحت امتحنت امتحان القدرات ومستنيه النتيجه بتعته

Jehad Mohamed

21-07-2011, 02:36 PM

النتيجة هتبقى فى خلال الاسبوع الجاى ان شاء الله

ghaltet_omry2010

21-07-2011, 10:30 PM

يا جماعة انا من دمياط الجديدة وأخدت القرص بتاع فنون تطبيقية وتوضيح ليكوا هى اسمها كلية فنون تطبيقية جامعة المنصورة فرع دمياط بس مفيش فى المنصورة هى ف دمياط بس من اول ما اتعملت واخر امتحان بكرة الساعة 10 الصبح وبنرسم 3 رسومات اولها بترسم مثلا اعلان عن اى منتج والثانى تظليل والثالث بترسم كمودينو او غسالة تلاجة بوتوجاز..... اى حاجة من دى بس ليها طريقة معينة ممكن تشوفوها ع النت مثلا .... يارب اكون افدتكوا بحاجة ..thnx

الخاشعه لله

22-07-2011, 05:26 AM

طب يا جماعه انا اتاخرت مكنتش اعرف ميعاد التقديم تفتكرو ا الحق اقدم وهيقبلو ولا لا ؟؟؟

Jehad Mohamed

22-07-2011, 02:27 PM

والله مش اعرف المفروض النتيجة خلال الاسبوع ده فروحى كده واسالى بس كان اخر ميعاد للامتحان فى كل الكليات يوم الخميس

manar2

22-07-2011, 09:10 PM

لو سمحتوا ممكن حد يقوللي المتوقع بالنسبة لمجموع فنون جميلة اسكندرية أو الزمالك
وأخدوا السنين اللي فاتت كام
وأن جبت 350.5 أدبي (85.48%) ألحق أي واحدة فيهم ؟

Jehad Mohamed

23-07-2011, 03:38 PM

معرفش تقريبا ممكن تلحقيها بس السنادى المجاميع عاليه فمن الممكن تاخد اكتتر من كده بس لو ملحقتهاش هتلحقى توبيه نوعيه فنون

conda_vip

24-07-2011, 12:20 AM

ازاى اعرف نتيجه امتحان القدرات التربيه النوعيه

عنقاء

24-07-2011, 08:16 PM

اعرف ازاي نتيحه قدرات التربية النوعية؟؟
ولو سمحت انا جايبة ادبى66 ممكن الحق فنون تربية نوعية

الخاشعه لله

27-07-2011, 10:03 PM

لو سمحتو هو الصور لااااااااااازم تكون 4 × 6 ........ ولا اى حاجه عاااااااااادى

Jehad Mohamed

28-07-2011, 02:39 AM

ازاى اعرف نتيجه امتحان القدرات التربيه النوعيه

هتروحى الكليه

Jehad Mohamed

28-07-2011, 02:48 AM

اعرف ازاي نتيحه قدرات التربية النوعية؟؟
ولو سمحت انا جايبة ادبى66 ممكن الحق فنون تربية نوعية

على حسيب التنسيق هيا واخدة السنة اللى فاتت من 65 بس ده كله على حسب التنسيق والنتيجة بتعرفيها من الكليه باذن الله هتدخليها وربنا يكرمك ويوفقك

Jehad Mohamed

28-07-2011, 02:49 AM

لو سمحتو هو الصور لااااااااااازم تكون 4 × 6 ........ ولا اى حاجه عاااااااااادى

اه بس انتى جايه متاخر اوى كده ليه التنسيق بدا والامتحانات القدرات خلصت

samehs

29-07-2011, 03:39 AM

مشكورررررررررررر

عنقاء

30-07-2011, 06:32 PM

على حسيب التنسيق هيا واخدة السنة اللى فاتت من 65 بس ده كله على حسب التنسيق والنتيجة بتعرفيها من الكليه باذن الله هتدخليها وربنا يكرمك ويوفقك

انا الحمد لله نجحت في امتحان القدرات؟؟؟
اعرف ازاى ان الكليه دى بتاخد من مجموع كام؟؟ اروح اسألهم؟؟ ولا استنى التنسيق؟؟

pikky girl

06-08-2011, 02:16 AM

ياجماعة فنون تطبيقيةعلمي علوم ورياضة انا علوم وامتحنت وجبت لائق

Jehad Mohamed

06-08-2011, 10:35 AM

انا الحمد لله نجحت في امتحان القدرات؟؟؟
اعرف ازاى ان الكليه دى بتاخد من مجموع كام؟؟ اروح اسألهم؟؟ ولا استنى التنسيق؟؟

لالا بيبقى على حسب التنسيق الكليه مش تعرف ده كله بيبقى معتمد على التنسيق نفسه

انتى منين

yoya for ever

07-08-2011, 05:14 PM

السلام عليكم
يا جماعه كنت عايزه سال سؤل هو ينفع لو انا ممتحنتش القدرات او انها فتتنى ممكن امتحنها بعدين ؟؟
يعنى اروح اقدم فى الكليه وبعد كده يمتحنونى
انا ممتحنتش القدرات ... ممكن امتحنها تانى يعنى الكليه قفلت على كده ؟؟
معلش ازعجتكوا

Jehad Mohamed

07-08-2011, 09:47 PM

vray3d

26-11-2011, 01:31 AM

سؤال,, هو الالتحاق بقسم زيى هندسة الديكور او الجرافيك بيبقى بناءا على تنسيق الكلية بالنسبة للسنة الاعدادى ولا تنسيق الثانوية العامة ؟؟
يعنى واحد جايب 91% فى الثانوية وقدم على قسم هندسة ديكور ,, هيتقبل ولا لازم امتحان فى الكلية ولا ايه بالظبط , ارجو التوضيح

asmaa22

11-02-2012, 02:31 PM