مشاهدة النسخة كاملة : مسابقة وزارة الكويت(ارجو المشورة)
aleman 04-07-2011, 09:22 PM السلام عليكم
اليوم اتصلت بى سفارة الكويت وحددت موعد لى الاربعاء مقابلة الساعة9ونصف بفندق سفير الدقى
تخصص رياضيات
هل هناك اخرون اتصلت بيهم السفارة الكويتية ؟
ومن فضلكم شاركونى الرأى هل اروح واجرب ؟ مع العلم انى باذن الله مقبوله لوجود اكثر من شهادة معى بالمجال (رياضيات)وغير المجال
ومع العلم برده انى تعيين جديد 1/3/2011
اى لازم افضل مكانى ل6شهور أى لشهر 10تحديدا كما نص جواب التعين لنا بالاسكندرية ادارة وسط
مع الشكر
sdfsdf 04-07-2011, 09:31 PM هل حضرتك تعرفي نوعية الاسئلة
sdfsdf 04-07-2011, 09:34 PM ممكن حضرتك تحضرى المقابلة وان شاء الله اذا قبلت تبقي ماتسافري قبل ماتتم 6 شهور
مع تمنياتي بالتوفيق
aleman 04-07-2011, 09:48 PM اللى اتصل قالى جيبى معك اله حاسبة
فواضح ان فيه امتحان تحريرى
كمان فيه مقابلة شخصية
وقالى هاتى اصول الورق للتعاقد الفورى
yasowm 04-07-2011, 09:56 PM استاذه إيمان توكلي علي الله وصلي صلاة استخارة ولو ليكي نصيب في السفر هتلاقي الامور متسهله ولو ان شاء الله في سفر اكيد من العام الدراسي الجديد وان شاء الله يعدي ال6 شهور علي خير وبالتوفيق إن شاء الله
aleman 05-07-2011, 12:26 PM انا بصلى صلاة استخارة واللى ربنا رايده هيكون باذن الله
شكرا جزيلا للرد
ريهمسة 05-07-2011, 12:35 PM اتكلي علي الله وروحي بعد ما تصلي استخارة
وان شاء الله ربنا معاكي وهيعملك الخير
واللي ربنا عايزه هيكون لااااامفر
حاتم مصادف 05-07-2011, 12:57 PM نصيحة اختي
المسابقة دي بتنزل كل سنة فياريت روحي للتجربة فقط ولكن لاتتركي عملك في مصر لان السفر مش دايم
وانشاالله العام القادم تستطيعي الحصول علي اجازة بدون مرتب وتسافري هذة نصيحة والراي الاول والاخير لكي مع تمنياتي بالتوفيق
ابورميساء 05-07-2011, 03:18 PM بصى يااختى خليكى فاكرة ان هناك مش هتلاقى الجنه لكن العمل هنا الاول اضمنه وبعد كدا اسافر اروح اى مكان انتى حرة ولكن اضمنى العمل الاول واسالى مجرب
خلف حلمي 05-07-2011, 05:22 PM والله أنا رأيي تفضل في مصر أحسن وبعد 6 شهور أو علي سنه جديدة سافر
يوسفحسين1000000 05-07-2011, 06:51 PM بصي هما اتصلوا بيا برده بس أنا انجليزي بس لم أوفق للذهاب وأن زيك تعيين 3/2011
ولكن جربي وان نجحتي امشي في الإجراءات عادي وإن معرفتيش تاخدي اجازة من شغللك فيبقي مفيش مشكلة ارجعي قدمي تاني السنة الجاية
لأن أنا سألت لو مضيت عقد وسبته يحصل أي حاجة قالوا لأ عادي ممكن تقدمي السنة اللي بعدها
eslamkobessy 05-07-2011, 07:21 PM اذهبي أختي الفضلى ولن تخسري شيئاً بإذن الله
aleman 05-07-2011, 07:24 PM بصي هما اتصلوا بيا برده بس أنا انجليزي بس لم أوفق للذهاب وأن زيك تعيين 3/2011
ولكن جربي وان نجحتي امشي في الإجراءات عادي وإن معرفتيش تاخدي اجازة من شغللك فيبقي مفيش مشكلة ارجعي قدمي تاني السنة الجاية
لأن أنا سألت لو مضيت عقد وسبته يحصل أي حاجة قالوا لأ عادي ممكن تقدمي السنة اللي بعدها
يعنى انا ممكن احضر المقابلة والاختبار وارفض التعاقد اذا وجدته لايناسبنى؟
ام الافضل انى مرحش خالص واقدم بعدين
مع العلم انى كل سنة مش بقدم لانى عارفة انى باذن الله لو قدمت هتعاقد علطول لانى معى اكثر من شهادة خبرة وشهادات جامعية اخرى
انا فى حيرة والله
بقول اروح واجرب شكل الامتحان والمقابلة وارفض عشان شغلى هنا
بس خايفة مثلا انى بعد ما اتقبل هناك واقول لا يتشطب اسمى ويستبعدونى
فمروحش افضل من الاول
مش عارفة والله
مع العلم انى هسافر مع والدى لانه برده مدرس
aleman 05-07-2011, 07:29 PM نصيحة اختي
المسابقة دي بتنزل كل سنة فياريت روحي للتجربة فقط ولكن لاتتركي عملك في مصر لان السفر مش دايم
وانشاالله العام القادم تستطيعي الحصول علي اجازة بدون مرتب وتسافري هذة نصيحة والراي الاول والاخير لكي مع تمنياتي بالتوفيق
بصى يااختى خليكى فاكرة ان هناك مش هتلاقى الجنه لكن العمل هنا الاول اضمنه وبعد كدا اسافر اروح اى مكان انتى حرة ولكن اضمنى العمل الاول واسالى مجرب
والله أنا رأيي تفضل في مصر أحسن وبعد 6 شهور أو علي سنه جديدة سافر
ده رأى والدى برده انى استنا اما اثبت نفسى فى شغلى وبعدين افكر فى السفر
مشكورين للراى والنصيحة
جزاكم الله كل خير
aleman 05-07-2011, 07:31 PM اتكلي علي الله وروحي بعد ما تصلي استخارة
وان شاء الله ربنا معاكي وهيعملك الخير
واللي ربنا عايزه هيكون لااااامفر
اذهبي أختي الفضلى ولن تخسري شيئاً بإذن الله
جزاكم الله كل خير للرد
Mr Munir 05-07-2011, 07:46 PM استاذة ايمان استنى اول ال 6 شهور يعدوا وبعدين ربنا هوفقك ان شاء الله
اضمنى الوظيفة فى مصر وبعدين سافرى
سؤال مسابقة الكويت فى شهر كام كل سنة ؟ والتقديم فين ,
aleman 05-07-2011, 07:53 PM والله اللى فكراه انها كانت بجريدة الاهرام
اما عن تاريخها تقريبا اخر شهر11 مش فاكرة والله
بس تقريبا فيه موضوع هنا عنها بالمنتدى مكتوب فيه تفاصيلها
Mr Munir 05-07-2011, 08:15 PM شكرا على الرد يا استاذة ايمان
سؤال اخير
حضرتك قدمتى ورقك ع الاميل ولا روحتى للسفارة فى القاهرة .
خوخه33 05-07-2011, 08:15 PM لو سمحتي يا استاذه ايمان لما تروحي بكره المقابله تقولي عملتي ايه وسألوكي في ايه علشان انا برده تخصص رياضيات
eslamkobessy 05-07-2011, 11:23 PM على فكرة السفر بيكون عقب أجازة عيد الفطر يعني على اول أسبوع في سبتمبر أي تكوني قد أنهيتي مهلة 6شهور بعد التعيين لأن حضرتك تعيين 1/3/2011
Mrs/Marwa 06-07-2011, 12:58 AM بصي يا ايمان روحي جربي واعرفي انهم مبيهمهمش الشهادات والله صدقيني هي نصيب انا معايا دبلومات وجيد جدا ووغيري كان مقدم وتقديره جيد وهو اتقبل وانا لاءبس دلوقتي بحمد ربنا انى متقبلتشلاني مكنتش هلاقي في بلدي شغل الحمد لله بصي انا لو مكانك هروح اعمل انترفيو بس جوايا مش هسافر هنا احسن ممكن تحصل بلاوي ولا ثوره هناك احنا اول ناس هيقولو لنا بره 0روحي خدي خبره
ابن الأكرمين 06-07-2011, 08:21 AM من الأفضل
أن تنتظري لحد ماتتثبتي وبعدين المسابقة دي بتنزل كل سنة ومؤهلاتك ترشحك في السفر أي وقت
وبعدين فكري فيما هو أهم من السفر
نسمة محمد السيد 06-07-2011, 06:33 PM ان شاء الله السفر يوم 9/9
الكبير قووى 06-07-2011, 11:35 PM لو سمحتى ممكن تقوليلنا عملتى ايه فىالمقابله النهارده علشان عندى مقابله يوم السبت ضرورى وجزاك الله كل خير وخصوصا انها اول مره اعمل مقابله
|