دعوة وطلب ورجاء الى كل معلمى مصر الشرفاء أرجو
عدم الانسياق الى أى شائعات وكذلك عدم
الا هتمام بمظاهرات يوم الجمعة 8/7 فى ميدان التحرير بدعوى المطالبة بحقوقنا وهو حق يراد به باطل لان مظاهرات الجمعة 8/7 ليست حسنة النية وتهدف للوقيعة بين الجيش العظيم والشعب المسكين لاغراض بعض الحركات والتيارات أعرف أن كثير من حقوقنا ضائعة ولكن أستحلفكم بالله بلاش الذهاب للميدان يوم الجمعة 8/7 كى نفوت الفرصة على بعض الحركات المشبوهة لأن مصلحة مصر هى الاهم والاولى ويجب أن نتحمل مسئوليتنا تجاه هذا الوطن
ويكفى أن الله يحفظ مصر وسيحفظها رغم أن هذه البلد تنهب وتسرق منذ عهد الفراعنة ولكن الله يحفظها وان شاء الله سيحفظها الى يوم الدين

يا عم حرام عليكم أنتم ............... جعلتونا لعبة بتضحكوا علينا ولا إيه ؟؟؟؟؟؟؟
كان لازمتها إيه تصريحات وزير المالية ثم التراجع عنها ؟
كده حتخلونا نقول كلام .............. تاني

وزير المالية اهتم بالموظفين الجدد والصغار طيب هم عاوزين يجهزوا نفسهم طيب ما احنا عاوزين نجهز عيالنا ونصرف عليهم
ولا نخلوهم يمدوا إيديهم للصغيرين ............................... يا عم حراااااااااااااااااااااااااااام عليكم
ارحمونا ................................ من نظام فاسد إلي نظام ...................................... ( أكمل )

خلينى ياعم عيل اهبل وهصدق ان ضرب طلبة كلية علام وسحلهم والابقاء على الحرامية لحد دلوقتى والكشف على عذرية البنات وتحويل عمال للمحكمات العسكرية والقبض على اخو شهيد وحبسه 3 سنين فى يومين فقط وهنسى موضوع السفارة لما شتموا الناس وهكبر دماغى من ده كله
ادم هى وقيعة وهو عارف كده ما ينفذ ياعم المطالب ويريحنا ويريح روحه

لا للمظاهرات..

لا للمظاهرات..
نعم للبراءات البراة للجميع
براءة عهدى فضلى وبطرس غالى وانس الفقى واحمد المغربى

أيها السادة الأفاضل صاحب الموضوع بيقول بلاش المعلمين يتظاهروا يوم الجمعة 8/7/2011 القادم فى ميدان التحرير اللى عايز يعمل مظاهرة من المعلمين يعملها بس أمام وزارة التربية والتعليم عشان يتعرف أن دول معلمين لهم طلب محدد
وحتى لا يختلط الحابل بالنابل

اللى عنده تفسير لهذا الخبر يتفضل يفهمنا وهو منشور ومسموع على جميع القنوات المحلية والعالمية الخبر يقول ( تم الإفراج عن وزير المالية يوسف بطرس غالى والافراج عن أنس الفقى والافراج عن جميع الضباط المتهمين فى قتل المتظاهرين والافراج عن زهير جرانه والافراج عن جميع المتهمين فى قضايا الأراضى اللى اتباع فيها المتر بثلاثة جنيهات ) لو حد عنده تفسير يفسر لنا لان الوضع جد خطير والثورة القادمة ستقضى على الأخضر واليابس فى مصر وستتحول مصر إلى مذبحة .
ممكن حضرتك تفسر الخبر وبلاش مظاهرات وللا حتنزل قبلنا ؟؟؟؟

لك جزيل الشكر

تعليقى أننى أحترم جميع وجهات النظر حتى التى تختلف معى فى الرأى وأقسم بالله أننى لا علاقى لى بالزفت الوطنى الذى أفسد الحياة فى مصر فأنا من أشد الكارهين له ويا اخوتى الكرام أنا لم أشكك اطلاقا فى وطنية أى مصر لسبب بسيط أننى لا أمتلك هذا الحق فى اصدار وتوجيه الاتهامات بدون دليل ولم أدعى أننى أكثر وطنية حتى من سيخرجون يوم الجمعة كثير منهم من المظلومين والمعدومين أنا قلت البعض ولم أجمع الكل أنا كنت محددا ودقيقا فى كلامى وأنا أعرف وأعى ما أقول ولا أتفلسف عليكم فجميعكم تفهمون أكثر منى
ملحوظة أنا لست من الاثرياء أنا معلم معين منذعام 2000م وراتبى الشامل 650جنيها ولست صاحب أملاك وان كان هذا ليس عيبا طالما من حلال والانسان يتقى الله فى عمله
أرجو أن نرتقى فى أسلوب الحوار ولا نخون بعضنا لمجرد الاختلاف فى الرأى والا كيف تعيبون على النظام السابق ونحن نرتكب جزء من نفس الاخطاء
صدقونى المشكلة بداخلنا نحن فى الثقافة التى لم تتغير بعد فالثورة لم تغير كثير من السلبيات المتأصلة بداخلنا والجميع يعلمها ويعرفها ويمارسها الا من رحم ربى
عموما مهما تعرضت لهجوم أو اتهامت ظالمة وتجريح شخصى من البعض فلن أرد عليهم بنفس الاسلوب وأدعو الله أن يسامحهم ويغفر لهم وحب الوطن هذا فى قلب كل انسان وهى بين العبد وربه والله أعلم بالنيات والسلام عليكم ورحمة الله وبركاته
ادعو الله معى أن يحفظ الله مصر من الفتن ماظهر منها وما بطن وأن يحميها من كل مكروه ويبارك فى أهلها
وأن يولى الله علينا الاصلح والاتقى

ياجماعة الموضوع أكبر من موضوع مرتب وغيره زي المثل اللي بيقول اللي ما بيشفش من الغربال يبقى أعمى
الثورة بتتسرق وبنرجع تاني لعصر الاستبداد
النزول والتظاهر واجب وطني لعودة روح الثورة ( الشعب يريد تطهير البلاد )

ده حل المشكلة ادخل عل ى الجروب ده فى الفيس بوك

وفكر بايجابيه
http://www.facebook.com/home.php?sk=group_143997265675425&ap=1

عايزين نقوم بثورة او بالصح نكمل ثورة 25 يناير اللى بدأناها باننا زى ما ازلنا الفاسدين نحط الشرفاء

دعوة للبحث عن الشرفاء وتنصيبهم فى اماكنهم فمصر فيها شرفاء احنا اللى لازم نجيبهم

ياجماعة الوزير الهمام رايح يفتح البورصة نفسى اعرف ايه علاقة التربية والتعليم بالبورص
http://www.youm7.com/News.asp?NewsID=449327&SecID=297
والاخ عزازى انا برده تعين 2000 واظن ان بقالنا 11 سنة على نفس الدرجة هل ده عدل ارحم نفسك وارحمنا علشان الناس خلاص
الظباط الى قتلوا المتظاهرين افرج عنهم واتهربوا وابقوا قابلونى لو شوفتوا واحد فيهم
الناس ماتت فى الثورة فطيس

كل وطنى شريف بيحب بلده مصرهينزل التحرير يوم الجمعة وكمان كل القوى السياسية فى البلد هتنزل التحرير يوم الجمعة
بس فى ناس مش هتنزل وهم :
1- المرضى وكبار السن ودول لهم عذرهم
2- فلول الحزب الوطنى
3- فلول المحليات الفاسدة المنحلة قريبا
4- أذناب النظام البائد وأعوان المخلوع
5- بعض الناس المغرر بهم - للأسف -
6- المستفيدين من تردى الأوضاع وانتشار الفساد
اللهم إنى أشهدك أنى برىء من كل هؤلاء ..
وإن شاء الله هنزل عشان حاجات كتير .. وأولهم دم الشهداء والقصاص من القتلة والظلم الواقع علينا

السيد /.............

عموما سيدى لن أرد بأسلوبك ولكن الشعب المصرى 90 مليون تقريبا سنفترض أن الميدان سيكون به 1 مليون وان كان العدد سيقل عن نصف مليون ومنهم من ينزل للفرجة وماشى مع الماشى
هل باقى المصريين 89 مليون خونة ومن فلول الحزب الوطنى ولو كان هذا صحيح كيف سقط النظام والحزب بسهولة
ثانيا نحن مع الناس المظلومين ومع كل مصرى شريف ونحن نحترم من سيكون فى الميدان يوم الجمعة فهو مصرى شريف ولا نستطيع أن نتهمه بنفس منطقك الغريب فكلنا مصريين وكانا وطنيين
أرجوكم الارتقاء بأسلوب الحوار وكفانا مهازل
وأرجو كل من سينزل الى الميدان أن يكون مثاليا وحضاريا وبلاش تخريب وأن يكون السلم هو شعارها حتى نضيع الفرصة على كل بلطجى ومندس
وفق الله مصر وشعبها الى الخير وحفظ الله مصر من كل مكروه

ياجماعة الموضوع أكبر من موضوع مرتب وغيره زي المثل اللي بيقول اللي ما بيشفش من الغربال يبقى أعمى
الثورة بتتسرق وبنرجع تاني لعصر الاستبداد
النزول والتظاهر واجب وطني لعودة روح الثورة ( الشعب يريد تطهير البلاد )

الله على أحلى كلام ..........الثورة أولاً

ادعو الله معى أن يحفظ الله مصر من الفتن ماظهر منها وما بطن وأن يحميها من كل مكروه ويبارك فى أهلها
وأن يولى الله علينا الاصلح والاتقى