قامت شركة اتصالات باستقبال رهيب لتحويل العملاء من موبينيل الى اتصالات مجانا بعد ما كان التحويل بـ 75 جنيه
ويعطوك نفس الرقم 012/018/017

1- بتذهب الى شركة موبينيل وتطلب كشف حساب لرقمك بالبطاقة الشخصية
2- تذهب الى اتصالات وتكتب طلب تحويل (مطبوع عندهم ) ويجرى لك التحويل وتاخد شريحة بنفس الرقم بتاعك
مثلا رقمك 0120101020 بتاخد الرقم نفسه على اتصالات 0120101020ويشتغل الرقم خلال ثلاث ايام

الشرط الوحيد ان الرقم باسمك وعدى عليه اكثر من سنه والشريحة معاك

روح لاتصالات وشاهد الناس عامله ايه
كله بيحول
وعلى فكرة لو انت فودافون بتاخذ بنفس الرقم بس اتصالات بنفس الارقام العشرة

طب بيحولوا من موبينيل لية ؟؟؟؟؟؟؟؟؟؟

طب بيحولوا من موبينيل لية ؟؟؟؟؟؟؟؟؟؟
مع كامل احترامى لحضرتك
انت مش عايش فى البلد ولا أيه ...............................

معلش بكرة يعرف

طيب انا خطي فودافون وعايز احول ااعمل ايه ؟ وهل هيبقي نفس الارقام العشرة ؟

ارجوا من حضرتك الرد وهي ببلاش برده ؟

طيب يجماعة انا اتصالات وعايز احول موبينيل ضروري


















هههههههههههههههههههههههههههههههه
بهزر بهزر

كده تكسب دنيا خدمات احسن
وتكسب في الاخره رضا الله عليك لانك وقفت في وجه اعداء الاسلام

طيب انا خطي فودافون وعايز احول ااعمل ايه ؟ وهل هيبقي نفس الارقام العشرة ؟

ارجوا من حضرتك الرد وهي ببلاش برده ؟

تذهب الى فودافون وتعمل كشف حساب برقمك وتروح بيه الى اتصالات وحتاخد نفس ارقامك العشرة

عايز اعرف ذنب الموظفين اللى فى شركة موبينيل ايه عشان يحصل فيهم كدة انتوا عارفين ان 80% من الموظفين فى الشركة مسلمين ؟ ولو مسحيين ذنبهم ايه ؟ واحد غلط واعتذر وخلاص ليه نكبر الموضوع وعلى فكرة احنا المسحيين المصريين مش راضيين عن اللى عمله ساويرس لكن كل شئ بحدود ؟ولو فكرنا كدة يبقى كان المفروض يقاطعوا السلفيين عشان غزوة الصناديق وكاننا بنحارب مش بنتتخب ؟ حرام عينا مصر مش ممكن تتقدم غير بينا كلنا وعلى فكرة فكرة الاغلبية والاقلية بتدمر اى بلد وشوفوا العراق حصل فيها ايه عشان اقسمت ؟ ارجوكم بلاش نكبر الامور وتاخد شكل دينى عشان خاطر مصر يا مصريين ؟ مسيحى مصرى بيحب كل امصريين مسلمين ومسحيين


انا مع حضرتك فى كل الىقولته البلد مش ناقصة

دى مجرد قرصة ودن عشان يعرفوا ان الشعب المصرى اتغير بعد الثورة
:049gc0:
:049gc0:

بالمناسبه الصورة دي من منتدي سعودي
ما رأيكم ايها العقلاء

معاك حق يا استاذ عبدة الحلو

ربنا يفعل الصالح

المسامح كريم يا جماعة
ونديله فرصة ثانية

واحنا بنحبك يا عبدة الحلو

كده تكسب دنيا خدمات احسن
وتكسب في الاخره رضا الله عليك لانك وقفت في وجه اعداء الاسلام

بطلوا باى تضربوا ع الوتر ده و بطلوا تبهدلوا الدين معاكم و احترموا قدسيته . بطلوا تستخدموا الدين شماعة لكل فكرة تيجى على بالكم البلد مش ناقصة و الناس اتخنقت باى خلوا الناس تعيش زى ما هما عايزين و ارحمونا شوية و خليكم فى نفسكم و الحمد لله ان الناس معدش بيخيل كلامكم عليهم حتى لو اتكلمتوا باسم الدين لان مفيش دين يدعو اتباعه انهم يكرهوا و يكرهوا الناس فيهم . ارجوكم كفاية البلد مش ناقصة شعاراتكم دى لانها فى الاخر مش حتضر حد لكن حتسئ لاصحابها و الشارع المصرى خير دليل

لازم نقف جميعا وقفة رجل واحد وكلنا مسلمين متحابين

واحد صعدي غير من م012 وبدله بب018 علشان المقاطعه هههههههههههههههههههههههههههه
طيب مكان ممكن بقول الصفحه اتسرقت ونخلص من الوش ده

`ذنب الشركة ايه عشان واحد غلط على فكرة انا مسيحى وبقولكم ان 80 % من الموظفين فى موبينيل مسلمين دول ذنبهم اية ولو مسحيين دول ذنبهم ايه واحد غلط واعتذر خلاص بلاش نكبر الموضوع امال معملناش احنا كدة ليه مع غزوة الصناديق وقاطعنا كل السلفيين ومحلاتهم يا جماعة حد يرد عليا
اخى الفاضل الكريم من هو صاحب الشركة هو نجيب اوك المفروض كان طالع فى قناة التى يمتلك ويعتذر او يوضح بعد الاعتذار وانا مع اى حد يخطألازم يتحسب مصر مسلم مسيحى
وهذا الموضع علشان يتعلم فقط علشان لم يجى يتأخذ قرار يعرف هيكون العقاب ايه
وليس لها دعوة بالدين المسيحى انما مع شخص

هو لازمكشف الحساب من موبنيل

انا مع كل الناس اللي اتكلمت بس فية حاجة برضة لازم نقولها ان خدمات اتصالات برضة بتشجع الناس انهم يحولوا

لازم يكون الاعتذار عملي يتبرع بمليار دولار للبلد ويعطيني منهم مليون لو وافق انا هسمحه والا هغير الخط بتاعي اللي هو اساسا اتصالات لشركه تانيه وهي اتصالات وهو الخسران

للأسف الشديد شركة اتصالات مش عايزة تنتهز الفرصة وتشتغل صح أنا ذهبت للتغيير من يومين وأخبرونى إنهم ماعندهمش طلبات تحويل وهتيجى بعد ثلاثة أيام / بالذمة برضو ده كلام ناس عايزة تشتغل

الراجل ده راجل اعمال وطنى وارجوا ان يصبر قليلا لحد ما كله يهدا

اللى عايز يغير يغير احنا اللى هنخسر فى الأخر والمساهمين المسلمين اللى شارين اسهم فى الشركة وكمان العاملين المسلمين اللى شغالين فيها ونسبتهم اضعاف اضعاف اضعاف المسيحيين ( كلنا مصريين )
يا جماعة دى كلها حملات مغرضة من شركات تانية مش عارفة تنافس صح
او من اتجاهات سياسية مش عجبها ان فى حزب اعضائه مصريين بجد ولايستخدمون الدين لتحقيق منافع شخصيه

المقاطعة لكل من تجرا على الدين

والله يا جماعة فيه فتوى من ناس محترمين وعلماء اجلاء بمقاطعة شركة موبنيل لما صدر من رئيسها المدعو ساويرس من اساءة واضحة للدين الاسلامى .. وزى ماقال احد الزملاء المقاطعة هنا لما صدر من الشخص بغض النظر اذا كان مسلم او قبطى .. ولا يرد احد على كلامى ويقول ان هؤلاء دعاة فتنة او هذا الكلام لان هؤلاء العلماء من المشهود لهم بالصلاح ومنهم الشيخ محمد حسين يعقوب .. وبالمناسبة لا يلزم كل المسلمين ان ياخذوا براى عالم واحد اذا كان هناك اراء اخرى من علماء مخلصين ايضا ,,,ولكن لا يلومنى احد اذا اخذت بالفتوى التى تجيز المقاطعة ..
على فكرة انا خطى اصلا مش موبنيل انما اخويا موبنيل وهوا فعلا غير خطه ...
مجرد راى ليس الا ...

لازم يكون الاعتذار عملي يتبرع بمليار دولار للبلد ويعطيني منهم مليون لو وافق انا هسمحه والا هغير الخط بتاعي اللي هو اساسا اتصالات لشركه تانيه وهي اتصالات وهو الخسران
أخى لاتنسانا فنحن معك فى المنتدى
وعلى فكرة أنا فودافون

هذا العربيد يجب ان يعاقب
ولايترك هكذا يسخر من الدين
لو احدسخر من المسيحيه
كا هايترك
ولا اييييييييييييييييييييه

http://files.thanwya.com/do.php?img=6257