حمله " غير نفسك " [الأرشيف] - بوابة الثانوية العامة المصرية

zozza love

05-07-2011, 11:19 AM

السلام عليكم
أسعد الله أوقاتكم بكل خيـر

اولاً اعتذر مقدماً ان كلامى ممكن ما يكونش منظم اوى وكمان حيكون بالعاميه

انا فكرت ليه مانعملش حمله ونسميها " غير نفسك "

بختصار يا جماعه ، الثوره اللى حصلت كانت ثوره سياسه ، لكن احنا محتاجين لـ ثوره اخلاقيه وثوره تربويه

وعلشان كده انا قرر انى اعمل حاجه وبالفعل بدأت فيها ونفسى كلنا نعملها وهى عباره عن حمله تحت مسمى " غير نفسك "

وطبعا الفكره جت لى من فتره ومن تجميع لموضوعات اخرهم امبارح وهو موضوع حلم صغير لـ سمر سعد وموضوع كان الاسبوع الماضى لـ أمجد

أى حمله دايماً بتبدأ من الفيس بوك وبعد كده المواقع ، لكن المره دى حتكون مختلفه حتبدأ من موقع وبعد كده على الفيس بوك

دايماً بنقول عايزين نتغير ، بس لو كل واحد قال عايزين نتغير محدش يتغير ، لكن لو كل واحد غير نفسه حنتغير كلنا

يعنى بختصار حنعمل ايه ؟

الحمله حتكون عباره عن : اننا نكتب ورق ونوزعه على الناس فى الشارع ، علشان نغير فكره معينه او نعلمهم حاجه معينه مش شرط سياسه لا ممكن تكون اجتماعيه او اقتصاديه...ألخ

كل يوم او اسبوع على حسب رغبتكم حنختار موضوع معين نتكلم عليه
وحنطبع منه 50 ورقه ونوزعها على الناس فى الشارع

الفكره دى انا حابها اوى وحاسه انى حساعد بيها فى تغير بلدى حبيبتى

كفايه انى ما نزلتش ايام الثوره
وكمان بعدها

نفسى احس انى عملت حاجه
ومن غير ما اكلف نفسى او حتى اتعب او ارغم اهلى انى انزل الشارع يومياً

نفسى بجد كلنا نشوف الحمله بطريقه ايجابيه

نفسى كلنا نتغير

بس قبل ما نغير غيرنا عايزين نغير نفسنا الآول
بمعنى : ماينفعش انا اقول حاجه للناس وانا نفسى مش بعملها

وانا اختارت اول حلقه من الحمله تكون عن صله الرحم

لان انا كنت فاهمها غلط وكمان أكيد معظم الناس فاهمها غلط خالص

انا كتبت الورقه وعايزكم انتوا كمان تكتبوها

بس الآول عايزه اعرف رأيكم معايا ولا لا؟

نفسى بجد كلنا نبقى مع بعض فى حمله " غير نفسك "

ونعمل لنفسنا شعار " ابدأ بنفسك "

ان شاء الله حتنجح لو نفذنها صح

ودلوقتى حابه اسمع كل اقتراحتكم وكمان لو اى حد ليه تعليق او اضافه ياريت يقول
علشان عايزين نبدأ على طول

مش عايزين نضيع وقت اكتر من كده

وياريت لو الموضوع عاجبكم يتثبت للأهميه

تحياتى لكم ،،،،،

محمد new

05-07-2011, 11:28 AM

موضوع جميل وانا معاكم

zozza love

05-07-2011, 11:33 AM

موضوع جميل وانا معاكم

كويس أوى حضرتك

وياريت كل الآعضاء يكونوا معانا

بجد نفسى كلنا نتغير

بالتوفيق للجميع باذن الله

الأستاذة ام فيصل

05-07-2011, 11:51 AM

فكرة الموضوع جميله جدا واهدافها سامية ونبيلة وهي تدل على حبك لمصر ومقدار الحب والعطاء
اللي جواكي
بارك الله فيك ياعزة ديما مواضيعك جميله
لي عوده مره ثانيه على الموضوع
تحياتي

zozza love

05-07-2011, 12:07 PM

ماما نغم : شكراً جزيلاً للمرور الرائع وفى انتظار عوده حضرتك

بس انا حابه اضيف حاجه

بعد اذن اداره الموقع طبعا

جروباً على الفيس والورق اللى حيتوزع فى الشارع حيتكتب عليه اسم البوابه
يعنى مثلا اسفل كل ورقه حيتكتب

حمله " غير نفسك " برعايه موقع بوابه الثانويه العامه

علشان الناس فى الشارع تعرف وتتأكد ان احنا بنعمل على النت حاجه مفيده
وكمان علشان يتابعونا دايماً
لان ممكن اللى ياخد ورقه المره دى مش ياخد المره الجايه
وبكده نكون قدرنا نوصل صوتناً لكل الناس
وده طبعا بعد اذن الاداره

وبجد اتمنى ان الفكره تكون عاجبتكم ونبدأ ننفذ فوراً

بجد مش عايزين نضيع وقت أكتر من كده

مش عايزين يكون كلام وخلاص
عايزين نتغير بجد ومش ننسى " ابدأ بنفسك "

وعلى فكره يا جماعه انا اول واحده حبدأ بنفسى
واليوم حصل رحمى وحكلم عمى اللى ساكن معايا فى نفس البيت وعمرى ما عينى جه فى عينه او كلمته فى يوم
وبكده اكون بدأت بـ نفسى وكل يوم ان شاء الله حكلم حد وأسال عليه وانت كمان ساعدنا وغير نفسك علشان نكون أحسن

الأستاذة أم شاهندة

05-07-2011, 12:22 PM

الأستاذة أم شاهندة

05-07-2011, 12:24 PM

عزة
مش عارفة حاسة أن التوقيع بتاعك يشبه توقيع شفته قبل كدة
فين ؟؟؟فين ؟؟؟؟؟؟؟؟؟؟

king 99

05-07-2011, 12:29 PM

بالنسبة للفيس بوك والتصميمات انا ممكن اساعدكم فيها :) بس ياريت حد يكلمنى يقول لى عايز تصميمات ايه بالظبط وانا هعملها لكم ان شاء الله :)

zozza love

05-07-2011, 12:33 PM

هدف رائع ونبيل وأتمنى لكم كل النجاح
ومعاكم إن شاء الله

وأعتقد أنه لا مانع من وضع اسم البوابة
ولكن للإحتياط سأراسل رابط الموضوع للأدمن والدعم الفنى لوضع رأيه

ربنا يبارك فيكى يا عزة وفى الشباب الذى يحاول أن يكون إيجابى يتغير للأفضل إن شاء الله

بجد مش عارفه اشكر حضرتك أزاى
وده طبعاً أكبر دليل ان الاداره معانا على طول
وفى انتظار رأى الادمن والدعم الفنى طبعاً
عموما من رأيى ان احنا نبدأ من يوم السبت ان شاء الله
وعلشان كمان نكون حضرناً كل حاجه

وكمان انا كتبت الورقه بس مش حقول محتواها الان
علشان اشوف رأى وكلام باقى الاعضاء الكرام أكيد حيكون فى اضافات رائعه وحنستفيد منها باذن الله

عزة
مش عارفة حاسة أن التوقيع بتاعك يشبه توقيع شفته قبل كدة
فين ؟؟؟فين ؟؟؟؟؟؟؟؟؟؟

احم احم احم

لا هو ده تقريباً شبه توقيع حضرتك القديمه
او زيه بالظبط
انا طبعا بعد اذن حضرتك اخدته علشان كل كلمه فيه فعلاً صح

zozza love

05-07-2011, 12:36 PM

بالنسبة للفيس بوك والتصميمات انا ممكن اساعدكم فيها :) بس ياريت حد يكلمنى يقول لى عايز تصميمات ايه بالظبط وانا هعملها لكم ان شاء الله :)

بجد يا فندم
دى حاجه كويسه اووووووى
حضرتك جيت فى وقتك تمام

المياة

05-07-2011, 12:41 PM

الفكره جيده ولكن تحتاج إلى تنظيم

king 99

05-07-2011, 12:43 PM

بجد يا فندم
دى حاجه كويسه اووووووى
حضرتك جيت فى وقتك تمام

شكرا على كلامك ( انا اسمى محمد هتبقى افضل من يا فندم وحضرتك وكده :d )

انا منتظر اللى تطلبوه منى كتصاميم وكده

المياة

05-07-2011, 12:49 PM

شكرا على كلامك ( انا اسمى محمد هتبقى افضل من يا فندم وحضرتك وكده :d )

انا منتظر اللى تطلبوه منى كتصاميم وكده

حضرتك تقدر تنضم للجروب وتشرفنا
وأي حاجه حضرتك شايف أنك تقدر تخدم بيها أهلا وسهلا الجروب جروبك :d

king 99

05-07-2011, 12:52 PM

بالنسبة للجروب انا فيه دلوقتى واعتقد انه من الأفضل نعمله جروب كبير زى ده
http://www.facebook.com/Egypt.Om.EL.Donya

كمثال ؟؟!!

zozza love

05-07-2011, 12:58 PM

بناء على طلب أختي العزيزه عزه تم إنشاء جروب على الفيس بوك لهذا الموضوع
وده الرابط
uote]

شكراً جزيلاً يا المياه
على جهود الرائع
جزاكى الله خيراً وجعله الله فى ميزان حسانتك

[quote=king 99;3639259]شكرا على كلامك ( انا اسمى محمد هتبقى افضل من يا فندم وحضرتك وكده :d )

انا منتظر اللى تطلبوه منى كتصاميم وكده

حضرتك تقدر تنضم للجروب وتشرفنا
وأي حاجه حضرتك شايف أنك تقدر تخدم بيها أهلا وسهلا الجروب جروبك :d

بالنسبة للجروب انا فيه دلوقتى واعتقد انه من الأفضل نعمله جروب كبير زى ده

كمثال ؟؟!!

جميل أوى

بس احنا عايزين نستنى شويه ناخد بس رأى الدعم الفنى
وشويه حاجات كده
وفى انتظار طبعاً اقتراحتكم الجميل هنا
فى حملتنا

" غير نفسك "

قلم طموح

05-07-2011, 02:12 PM

فكرة جميلة

لازم نتغير عشان نغير مصر

تغريد الطيور

05-07-2011, 09:48 PM

وااااااااااو

بجد حاجة جميلة اوى اوى يا عزة و فكرة جميلة من انسانة اجمل

ربنا يخليكـِ لينا يا عزة

^_^

Jehad Mohamed

05-07-2011, 11:23 PM

فكرة جميله وانا معاكوا

zozza love

06-07-2011, 03:35 PM

فكرة جميلة

لازم نتغير عشان نغير مصر

وااااااااااو

بجد حاجة جميلة اوى اوى يا عزة و فكرة جميلة من انسانة اجمل

ربنا يخليكـِ لينا يا عزة

^_^

فكرة جميله وانا معاكوا

يا جماعه لو الفكره فعلا عاجباكم قالوةا لى اقتراحاتكم للحمله
علشان حنبدأ من يوم السبت ان شاء الله
انا كتبت ورقهخ عن صله الرحم
بس عايزكم انتوا كمان تكتبوا ورقه عن صله الرحم وكلنا نعرض كلامنا ونشوف احلى ورقه ونطبعها
بس صحيح يا جماعه احنا مش عايزين نطبع الورقه
احنا عايزين نكتبها بايدنا ونصورها علشان نحسس الناس اننا بعمل حاجه بسيطه وباقل التكليف

نفسى بجد اشوف ورقكم اللى انتوا كاتبتوه
\تحياتى,,

Mohamed.Helmy

06-07-2011, 03:44 PM

فكرة جميلة اوي اوي

ان شاء الله معاكم

و أي حاجة هتتعمل ف الحملة ننزلها فى التوبيك ده علشان نطبقها فى كذا محافظة و انا معاكم و هنشرها علي أد ما أقدر

zozza love

06-07-2011, 03:47 PM

فكرة جميلة اوي اوي

ان شاء الله معاكم

و أي حاجة هتتعمل ف الحملة ننزلها فى التوبيك ده علشان نطبقها فى كذا محافظة و انا معاكم و هنشرها علي أد ما أقدر

جميل أوى يا محمد
واحنا فعلا عايزين الفكره تتنفذ فى كل المحافظات وكل المناطق وكل مكان

واحنا عايزين كمان شعار للحمه لو تقدر تعملوا لينا يا محمد يبقى ألف شكر

Mohamed.Helmy

06-07-2011, 03:49 PM

اوي اوي

ان شاء الله يومين بالكتير و يكون جاهز

ricohima

06-07-2011, 03:49 PM

يا جماعه لو الفكره فعلا عاجباكم قالوةا لى اقتراحاتكم للحمله
علشان حنبدأ من يوم السبت ان شاء الله
انا كتبت ورقهخ عن صله الرحم
بس عايزكم انتوا كمان تكتبوا ورقه عن صله الرحم وكلنا نعرض كلامنا ونشوف احلى ورقه ونطبعها
بس صحيح يا جماعه احنا مش عايزين نطبع الورقه
احنا عايزين نكتبها بايدنا ونصورها علشان نحسس الناس اننا بعمل حاجه بسيطه وباقل التكليف

نفسى بجد اشوف ورقكم اللى انتوا كاتبتوه
\تحياتى,,

السلام عليكم
فعلا فكرة رأئعة يا عزة ولكن لازم تكون الورقة معروضة بشكل جذاب
ومنسق حتى تثير انتباه من يقرأها ويقتنع بها حتى ينتقل لمرحلة تنفيذها
وأنا لاأميل إلى أن تكتب بخط اليد حتى لا يتم تجاهلها
هذا ليس إعتراض ولكن مجرد إقتراح
وعلى كل حال بنا يوفقك لما يحبه ويرضاه
وجزاك الله خيرا

zozza love

06-07-2011, 03:58 PM

اوي اوي

ان شاء الله يومين بالكتير و يكون جاهز

ألف شكر يا محمد
خلاص عايزين نشوف التصميم هنا فى الموضوع فى اقرب وقت
علشان حنبدأ من يوم السيت ان شاء الله
بس ياريت كمان يا محمد التصميم يكون مكتوب عليه اسم الحمله واسم البوابه
لان الحمله حتتعمل باسم البوابه

السلام عليكم
فعلا فكرة رأئعة يا عزة ولكن لازم تكون الورقة معروضة بشكل جذاب
ومنسق حتى تثير انتباه من يقرأها ويقتنع بها حتى ينتقل لمرحلة تنفيذها
وأنا لاأميل إلى أن تكتب بخط اليد حتى لا يتم تجاهلها
هذا ليس إعتراض ولكن مجرد إقتراح
وعلى كل حال بنا يوفقك لما يحبه ويرضاه
وجزاك الله خيرا

انا فكرت حالاً فى فكرته حضرتك لقتها ممكن تكون فعلا احسن
وعلشان كمان نحط فى الورقه شعار الحمله واسم البوابه

بس انا نفسى حد يقول لى حنكتب ايه فى الورقه

احنا عايزين نبدأ من اول يوم السبت القادم باذن الله

ونبدأ نوزع من اول يوم السبت وطوووووووووووول الاسبوع وكل اسبوع نختار موضوع جديد

"(شروق) "sh*m

06-07-2011, 03:59 PM

موضوع جميل جدآآآآ كالعاده وان شاء الله معاكى ومنتظرين كلامك عن صله الرحم وانا هكتب ان شاء الله بس شويه عشان لسه شايفه الموضوع.......بالتوفيق للجميع ان شاء الله

zozza love

06-07-2011, 04:15 PM

انا كتبت الكلام ده وعايزه اشوف رأيكم حلو ولا وحش

السلام عليكم
هل أنت من من يصلون أراحامهم ؟
هل تعرف المفهوم الصحيح لـ كلمه " صله الرحم " ؟
الكثير منا يعلمها خطأ ، ولكن مفهمومها الصحيح هو : اننا نصل من قطاعنا من أهلنا واقاربنا ، بمعنى انك تجرى مكالمه تلفونيه بسيطه تصل بيها رحمك ولكن اجرها عند الله عظيم ، أنك تصل رحمك بشخص من أهلك تكون قطعته من سنين ، وتضل تصله طول العمر وبكده تكون انت صال برحمك .

ثوره 25 يناير غيرت كأين سياسى ولكننا بحاجه لـ ثوره اخلاقيه وتربويه ، احنا لازم نتغير ونكون أحسن ساعدنى وساعد نفسك وشاركنا فى حمله " غير نفسك " وخلى شعارك { أبدأ بنفسك }

* حمله " غير نفسك " برعايه موقع بوابه الثانويه العامه *

"(شروق) "sh*m

06-07-2011, 04:53 PM

كملى يازوزا جميل بس صغير قوىى يعنى فهمينا اكتر

Free Love

06-07-2011, 05:11 PM

فكره رائعه جدااااااااااااا

وبحيكي علي وطنيتك

وياريت الكل يعمل بكده وان شاء الله معاكوا

samar saad

06-07-2011, 05:16 PM

جميلة جدا جدا يازوزو الفكرة دى
والله احنا فعليتنا بدأنا فعلا
وبجد احلا حاجه دفء الاهل ده
بجد فكرة هايلة ياقمر
وميرسي على الدعوة

صوت العقل

06-07-2011, 05:32 PM

موضوع جميل جداااااااا .. وفكرة ممكن تكون بـــداية جديدة لينا
حقيقى محتاجين نغير نفسنا ..جزاك الله خيرا على الموضوع ..

سيف العدل البتار

06-07-2011, 06:15 PM

نفسى كل الناس تتغيرـــــ
هل سوف تتغيرــــــــــ ؟

zozza love

06-07-2011, 08:20 PM

كملى يازوزا جميل بس صغير قوىى يعنى فهمينا اكتر

ما انا عايزكم تكملوا معايا
انا عارفه ان كلام قليلاوى وكمان بسيط
انا نفسى الناس تتفاعل معانا بجد

فكره رائعه جدااااااااااااا

وبحيكي علي وطنيتك

وياريت الكل يعمل بكده وان شاء الله معاكوا

شكراً يا فندم
وعايزينك بقى تقول لنا فكره او اقتراح تانى يكون حلو وكمان تقول لنا كلام نكتبه فى الورقه
ونورت الحمله يا باشا

جميلة جدا جدا يازوزو الفكرة دى
والله احنا فعليتنا بدأنا فعلا
وبجد احلا حاجه دفء الاهل ده
بجد فكرة هايلة ياقمر
وميرسي على الدعوة

يا سموره انتى صاحبه الفكره اصلا وموضوعك حلم صغير هو السبب فى الحمله دى
مستنه اشوف اقتراحك وكلامك ةيا سموره ودجايماً منوره

موضوع جميل جداااااااا .. وفكرة ممكن تكون بـــداية جديدة لينا
حقيقى محتاجين نغير نفسنا ..جزاك الله خيرا على الموضوع ..

أشكر حضرتك على كلامك الجميل وياريت تشتركى معانا فى الحمله وكمان تشاركينى فى افكارنا وتقولى لينا اقتراحتك وكمان ممكن نكتب ايه فى اول ورقه

نفسى كل الناس تتغيرـــــ
هل سوف تتغيرــــــــــ ؟

ما احنا لو قالنا ياريت كل الناس تتغير مافيش حد حيتغير
لكن لو كل واحد بدأ بنفسه حنتغير بجد
وعلشان كده خلينا شعارنا " ابدأ بنفسك "

العضو ألمجهول

07-07-2011, 04:40 PM

طب الرابط بتاع الفيس ايه

Mohamed.Helmy

07-07-2011, 07:45 PM

http://a1.sphotos.ak.fbcdn.net/hphotos-ak-snc6/270186_1668376528324_1804664278_1068906_3136652_n. jpg

samar saad

07-07-2011, 08:21 PM

حلو جدا ياحلمى الديزاين

المياة

07-07-2011, 08:42 PM

فعلا حلو يا محمد ......

الأستاذة أم شاهندة

07-07-2011, 08:46 PM

بجد تسلم ايدك يا حلمى

فنان بجد

تصميم رائع
تم ارسال الفكرة ورابط الموضوع لمشرفى الموقع
تبع شركة هايل المشرفة على الموقع لأخذ رأيهم

ربنا معاكم

Mohamed.Helmy

07-07-2011, 08:48 PM

بارك الله فيكم جميعااااا

و جعله ف ميزان حسناتكم

اللهم آمين

king 99

08-07-2011, 08:15 PM

Sofia El-behairy

08-07-2011, 08:23 PM

Mohamed.Helmy

08-07-2011, 08:26 PM

http://www14.0zz0.com/2011/07/08/18/206118537.jpg

ده تصميم متواضع كده للحمله ومعلش فى شوية مشاكل فى الكتابة بالعربى فى البرنامج فكتبت بالأنجليزى واتمنى ان التصميم يعجبكم :d

بسم الله ماشاء الله عليك

المنتدي مليان مواهب اهو ماشاء الله

بجد جميل جدااااااااااااا

اتحسنت كتير عن يوميها :friendsxs3:

و استمر و شوف دروس تعليم فى جوجل و استخدم الفوتوشوب كتير هتبقى تمام اوي و الله :)

fatakat400

08-07-2011, 08:45 PM

احم فكره روعه جدا
ممكن اشترك معاكم

scream angle

08-07-2011, 08:54 PM

معاكو طبعا فكرة جميلة جدا اتمنى تتحقق اصل ساعة الثورة كان بيحصل ده عندنا والجيران وكله وبعد اسبوع رجع الوضع زى ما هوا ده مش احباط ده خوف اتمنى بجد ومعاكووووووووووووووووووووووووو

scream angle

08-07-2011, 09:05 PM

http://a1.sphotos.ak.fbcdn.net/hphotos-ak-snc6/270186_1668376528324_1804664278_1068906_3136652_n. jpg

تصميم جميل ربنا يبارك فيك

Mohamed.Helmy

08-07-2011, 09:07 PM

و بارك الله فيكي

zozza love

09-07-2011, 03:06 PM

بجد يا جماعه الله ينور

تصميم حلمى وكينج رووووووووووعه

من المفروض زى ما احنا اتفقنا اننا نبدأ اليوم { السبت }

طيب فى حد فعلا بدأ ؟

انا مابدجأتش لظروف
لكن بكره الصبح ان شاء الله حكون عملت 50 نسخه من الورقه اللى كتبتها

بس محدش قال ممكن نكتب ايه تانى فى الورقه

طيب ايه رأيكم نكتب ايات قرانيه او احاديث؟ ولا لا ؟ ممكن حد يرمى الورقه واحنا ناخد ذيهم ؟

رأيكم ايه؟

بجد يا جماعه انا متحمسه اوى
ومن اول بكره الصبح حبدأ باذن الله

ها قولتوا ايه؟

zozza love

09-07-2011, 03:10 PM

انا بصراحه عجبنى اوى ان محمد حلمى حط التصميم فى توقيعه

ايه رأيكم لو كلنا نحطه ؟
انا عن نفسى ححطه دلوقتى

Mr.BsUnY

09-07-2011, 04:13 PM

ألف شكر ليك علي المجهود

zozza love

10-07-2011, 10:59 AM

السلام عليكم

انا خلاص يا جماعه كتبت الورقه دى ومن بكره باذن الله حنزل اوزعها فى الشارع

بس انا بجد زعلانه اوى لانى مش شايفه اى تفاعل من الاعضاء

عموما انا حبدأ من بكره باذن الله

وده نص الورقه

السلام عليكم
هل أنت من من يصلون أراحامهم ؟
هل تعرف المفهوم الصحيح لـ كلمه " صله الرحم " ؟
الكثير منا يعلمها خطأ ، ولكن مفهمومها الصحيح هو : اننا نصل من قطاعنا من أهلنا واقاربنا ، مثل ما جاء فى الحديث الشريف {
قال صلى الله عليه وسلم
أحب الأعمال إلى الله إيمان بالله ثم صلة الرحم ثم الأمر بالمعروف و النهي عن المنكر و أبغض الأعمال إلى الله الإشراك بالله ثم قطيعة الرحم }
بمعنى انك تصل رحمك وتتحدث مع من قطعته واعلم ان اجرها عند الله عظيم ، ولا تتنظر ان يصلك احداً من اهلك واعمل بقوله صلى الله عليه وسلم
قال رسول الله : " لا يحل لرجل أن يهجر أخاه فوق ثلاث ليال ، يلتقيان : فيعرض هذا ويعرض هذا ، وخيرهما الذي يبدأ بالسلام
"
الختام
ثوره 25 يناير غيرت كأين سياسى ولكننا بحاجه لـ ثوره اخلاقيه وتربويه ، احنا لازم نتغير ونكون أحسن ساعدننا وساعد نفسك وشاركنا فى حمله " غير نفسك " وخلى شعارك { أبدأ بنفسك }

* حمله " غير نفسك " برعايه موقع بوابه الثانويه العامه *

http://a1.sphotos.ak.fbcdn.net/hphotos-ak-snc6/270186_1668376528324_1804664278_1068906_3136652_n. jpg

samar2222

10-07-2011, 07:17 PM

بجد مشروع هايل و كان نفسى اشوف حد يهتم كدة ببلده و انا معاكى و كمان معايا جروب كبير
اى حاجة تحتاجيها انا تحت امرك

Mohamed.Helmy

10-07-2011, 09:46 PM

تمام اوي

هنسق الصورة اللى هطبعها و انزلها عنا بس ياريت كلنا نشترك فى الحملة دي

صبحي 66

10-07-2011, 11:55 PM

يسلم ايدك يا مان الله ينور وانا معاكم

saifm29

11-07-2011, 02:39 PM

بارك الله فيك وكل القائمين علي هذا العمل ولا ينصلح حال البلد الا بتغير الانفس لذلك لابد ان نتحد مع بعضنا لكي نحقق هذا التغيير وارجو منكم كتابة هذا الورق ونشره علي البوابة لكي يكون موحدا علي مستوي المحافظات وشكر الله سعيكم .

lona love good

11-07-2011, 02:46 PM

فكرة رائعة
عايزين نغير بلدنا بجد
ياريت حد يديني رابط الجوب علي فيس بوك
انا معاكم ان شاء الله

zozza love

11-07-2011, 02:51 PM

فعلا ياريت كلنا نتغير
ولازم طبعا نبدأ بنفسنا زى ما اتفقنا

بس احنا مش لينا جروب على الفيس
لان زى ما احنا قولنا احنا مختلفين
دايما اى حمله بتبدأ من الفيس
لكن احنا بدأنا من موقع وهو ده الاختلاف

lona love good

11-07-2011, 03:17 PM

zozza love

11-07-2011, 03:32 PM

انا عندي تنظيم او توضيح للنظام
احنا كل اسبوع نبدا بمعالجة مشكلة نحددها الجمعة ونبدا السبت ويوم الجمعة بعد نهاية الاسبوع كل واحد يقول بعض النتائج الجيدة التي تحققت وبعض السلبيات التي يجب مواجهتها
حتي لو اللي معندوش مقدرة يوزع ورق ممكن يبدا يتكلم مع اهل بيته ويقنعهم ويكون هو واهله قدوة للشارع ثم للمدينة ثم للمحافظة...............
ما رايك؟؟؟؟؟

اولا انا سعيده جدا بكلام حضرتك
لانى حسيت الان ان فى حد عايز يغير نفسه وعايز كمان يغير غيره
طبعا فكره كويسه وده اللى انا قولت عليه ان احنا نبدأ بنفسنا ونغير نفسنا
يعنى مثلا موضوع صله الرحم لازم احنا نصل رحمنا اولا وبعدين نقول لغيرنا
واكيد اهلنا اولا
عموما انا حالا نازله الشارع اوزع شويه ورق ولما ارجع حقول لكم عملت ايه
فى رعايه الله

Dr. Hoda Ahmed

11-07-2011, 03:38 PM

موضوع جميل يا عزة

باذن الله معاكى

zozza love

11-07-2011, 07:22 PM

موضوع جميل يا عزة

باذن الله معاكى

الف شكر ليكى

وياااااااارب نتغير جميعــــــــــــاً

zozza love

11-07-2011, 07:31 PM

السلام عليكم
اسعد الله اوقتاكم

انهارده او قصدى من شويه رجعت من الشارع والفرحه ساكنه جويا
عارفين ليه؟

علشان نزلته وطبعت الورقه وصورتها ووزعتها على الناس
اينعم ماوزعتش كتير بس اهو كل يوم اوزع شويه

بس لو تشفو وشوش الناس وهما بياخدوا الورقه منى ويقرأوها كنتوا فعلا حسيتوا زى ما انا حاسه الآن

كفايه لما تسمع حد بيدعيلك

الله الله الله الله على الدعوه الجميله

كفايه لما انت فعلا تحس انك ولو مره بتوصل صوتك لحد

انا بدأت اليوم
بس مش حنتهى ابداً دلوقتى
مش بعد ما احس انى فعلا اتغيرت فى كل حاجه

ها مين بدأ معايا ؟؟؟؟

7ooooda gamal

11-07-2011, 09:00 PM

فكره جميله جدا جدا
و ان شاء الله انا مع محمد ف نشر الحمله الرائعه دى
و ان شاء الله ربنا يوفقنا ونقدر نغير حاجه ف بلدنا
و نخلى الناس تغير نفسها فعلا
مش كلام وبس
و ان شاء الله اللى هاقدر عليه هاعمله
ولو محتاجين اى حاجه اطلبوها منى و انا انفذ على طول بإذن الله
و ربنا معانا يا رب ان شاء الله

لوجين 3

11-07-2011, 09:42 PM

معاكم ان شاء الله بس مش عارفة حاسة اننا ممكن نبدأ بموضوعات مهمة زي الضمير والاخلاص والعمل بجد انا مشش عارفة اشارك ازاي بس هو فكرةجميلة وربنا يوفقكم فيها

أ/رضا عطيه

12-07-2011, 02:07 AM

بارك الله فيكم

lona love good

12-07-2011, 11:21 PM

ايه اخبار الحمله انهاردة ؟؟؟؟؟؟؟؟؟

zozza love

13-07-2011, 02:55 AM

ايه اخبار الحمله انهاردة ؟؟؟؟؟؟؟؟؟

هو للأسف انهارده مكنش فى حاجه جديده أوى
لان امبارح قعدت فى الشارع فتره طويله شويه وتعبت من الشمس
فامقدرتش انزل انهارده
لكن بكره *الاربعاء * حنزل ان شاء الله وحقول لكم ايه الاخبار

مسلمة متفائلة

13-07-2011, 02:55 PM

zozza love

13-07-2011, 09:59 PM

السلام عليكم
ازيك يا عزة ؟

اولا احب اعتذر عن تأخـــــرى فى ردى على الموضوع الجميل ده
, كل مـرة بشوفه وبكون عايزة ارد بس بتحصل حاجات تشغلنى

المهم احييكى على الموضوع الجميل ده
بس عايزة استفسر منك على حاجة
يعنى مثلا احنا عملنا بتاعت صلة الرحم و وزعناها
طيب بعد كده بيبقى فى مدة محددة ولا وإيـــه للورقـة الجايــــة؟

عشان أنا إن شاء الله هطبعها بس طبعتنا بايظة عايزة تتصلح
إن شاء الله تتصلح فى أقرب وقت و أشتركـ معآآآآآآآآآآكــــوا

جزآكِـ الله خيراً

الحمد لله حبيبتى بخير
أهم حاجه أنك نورتى

احنا كل اسبوع حنختار موضوع معين
يعنى اول الاسبوع الجاى حنعمل ورقه جديده
وبقترح اننا نتكلم فيها على رمضان وفقدان صيامنا بالمسلسلات والكلام والحاجات دى
ولو حد عند اقتراح لفكره موضوع اخر حيكون احسن طبعا
عايزه اقول لك انى وانا بطبع الورقه طبعتها غلط برضه بس طبعت تانى صح

انهارده بقى وانا بوزع الورق
فرحه ما بعدها فرحه بالناس وهى بتقرأ الورقه

واللى فرحنى اوى لما كلمت عمى
اه عمى اللى عمرى ما كلمته وساكنه فى الدور اللى تحتى والله شفتهم!
كان فرحان بطريقه محدش يتخيلها
ساعتها انا فرحت فرحه عمرى مافرحت زيها ولا حفرح زيها تانى
ياااااااااا يارتنى صلت رحمى من زماااااااااااان

ياريت كلكم تعملوا كده

جزاكم الله خيراً

zozza love

13-07-2011, 10:00 PM

محمد حسين الشربينى

14-07-2011, 06:22 AM

جزاكم الله خيراً
بس تحتاج الى تنظيم جيد

◄Ǻqцăмăяϊŋэ►

14-07-2011, 06:25 PM

اييييه ده
انا شكلى جيت متأخر أوى
بس ده اول موضوع أرد عليه ف المنتدى الجامد ده
وفكرة الحملة جميلة جداااااا
بس عاوزة تفاعل من كل الأعضااء
وان شاء الله أحاول اشارك معاكوا على قد ما اقدر
لأننا فعلا محتاجين ثورة اخلاقية كبيرة جدا
وفكرة الموضوع الجاى جميلة
بس ياريت اللى ينزل اى ورق ينزله وورد احلى علشان يكون جاهز والتنسيق يكون واحد

ف رعاية الله

◄Ǻqцăмăяϊŋэ►

مسلمة متفائلة

14-07-2011, 09:49 PM

أيــــــــوه صح ..
الورقـة تبقى على رمضان
ونبين فيها إن رمضان مش مجرد بس صوم ل***** النفس بالجوع والعطش
وإن الصيام ليه غايـة أسمى من كده بكتير وهى إن الغنى يحس بالفقير و كمان الزهد ,
وكمان نكتب عن المسلسلات اللى بتبقى فى رمضان و اللى كلنا عارفينها بتضيع الوقت ازاى
يبقى الواحد صام طول النهار ويضيع صيـــآمـه على آخـــــــر الليل
وكمان ختم القرآن فى رمضان أكثر من مرة بمشيئة الله ثم الإرادة

وحاجات كتير عايزة أقولها عن رمضان , إن شاء الله نبقى نكتبها

والحمد لله إن كلمتى عمكـ
بتبقى فرحة جميلة و كبيرة فعلاً
بالتوفيق ؛

Alfaresone

15-07-2011, 03:14 AM

هااااااااااااااااااااايل

menna 95

17-07-2011, 04:19 PM

أنا معاكو يا جماعةان شاء الله

menna 95

17-07-2011, 04:20 PM

بس ممكن لينك الجروب بتاعكو عالفيس بوك

رفيـدة

21-07-2011, 12:52 AM

انا معاكم معلشى جيت متاخرة كتيييييييييييييييييييييييرة وانا ان شاءالله معاكواااااااااااااااا

zozza love

21-07-2011, 01:00 AM

جزاكم الله خيراً
بس تحتاج الى تنظيم جيد

اييييه ده
انا شكلى جيت متأخر أوى
بس ده اول موضوع أرد عليه ف المنتدى الجامد ده
وفكرة الحملة جميلة جداااااا
بس عاوزة تفاعل من كل الأعضااء
وان شاء الله أحاول اشارك معاكوا على قد ما اقدر
لأننا فعلا محتاجين ثورة اخلاقية كبيرة جدا
وفكرة الموضوع الجاى جميلة
بس ياريت اللى ينزل اى ورق ينزله وورد احلى علشان يكون جاهز والتنسيق يكون واحد

ف رعاية الله

◄Ǻqцăмăяϊŋэ►

أيــــــــوه صح ..
الورقـة تبقى على رمضان
ونبين فيها إن رمضان مش مجرد بس صوم ل***** النفس بالجوع والعطش
وإن الصيام ليه غايـة أسمى من كده بكتير وهى إن الغنى يحس بالفقير و كمان الزهد ,
وكمان نكتب عن المسلسلات اللى بتبقى فى رمضان و اللى كلنا عارفينها بتضيع الوقت ازاى
يبقى الواحد صام طول النهار ويضيع صيـــآمـه على آخـــــــر الليل
وكمان ختم القرآن فى رمضان أكثر من مرة بمشيئة الله ثم الإرادة

وحاجات كتير عايزة أقولها عن رمضان , إن شاء الله نبقى نكتبها

والحمد لله إن كلمتى عمكـ
بتبقى فرحة جميلة و كبيرة فعلاً
بالتوفيق ؛

هااااااااااااااااااااايل

أنا معاكو يا جماعةان شاء الله

بس ممكن لينك الجروب بتاعكو عالفيس بوك

انا معاكم معلشى جيت متاخرة كتيييييييييييييييييييييييرة وانا ان شاءالله معاكواااااااااااااااا

جزاكم الله خيرا ً
الآن وبفضل الله انتهيت من الجزء الاول من الحمله وكالعاده طبعا ً " ابدأ بنفسك "
ملحوظه بس يا جماعه
احنا ملناش جروب على الفيس
وده لان احنا زى ما قولنا
احنا مختلفين ، كل الناس بتبدا من الفيس بوك
لكن احنا بدأنا من موقع
واكيد الفكره محتاجه تنظيم وتفكير وده طبعا بمساعدتكم
ودلوقتى عايزين نبدأ نكتب ورقه شهر رمضان
لاننا حنوزعها قبل رمضان لكن فى رمضان حنستنى شويه
وطبعا حنقول شعارنا
" ابدأ بنفسك "
جزاكى الله خيرا ً

BaNZeR

21-07-2011, 01:45 PM

ملحوظه بس يا جماعه
احنا ملناش جروب على الفيس
وده لان احنا زى ما قولنا
احنا مختلفين ، كل الناس بتبدا من الفيس بوك
لكن احنا بدأنا من موقع

الجروب الفيس حيساعد طبعاً

أولاً لإنه معظم اللى هنا عالفيس
لكن تقريباً مفيش حد عالفيس هنا

الفكرة في تجميع العدد مش اكتر
واهو بالمرة تبقى دعايا للثانوية

zozza love

21-07-2011, 02:01 PM

الجروب الفيس حيساعد طبعاً

أولاً لإنه معظم اللى هنا عالفيس
لكن تقريباً مفيش حد عالفيس هنا

الفكرة في تجميع العدد مش اكتر
واهو بالمرة تبقى دعايا للثانوية

الدعايا موجوده يا بشمهندس
لان الورق اللى اتطبع لحد الان مكتوب عليه اسم الموقع
وكمان التصميم اللى حلمى عمله مكتوب عليه اسم الموقع برضه

وزى ما انت شايف برده

واللى فيه خير وحيبقى صح اكيد حنعمله

أسامة عليوة

22-07-2011, 06:41 PM

والله فكرة جميلة جدا
خصوصا ان كل واحد فينا عارف عيوب نفسه ايه لأن ربنا بيبقول " بل الإنسان على نفسه بصيرة ولو ألقى معاذيره "
وبتغيير النفس الآثمة ربنا هينعم علينا بتغيير حقيقي لأن ربنا بيقول " لايغير الله مابقوم حتى يغيروا ما بأنفسهم "
صدق الله العظيم

engi11

22-07-2011, 07:01 PM

بارك الله فيك
فكره اكثر من روعهه

Free Canary

23-07-2011, 10:51 AM

يااااااااااااااااااااه
ده أنا شكلي كدة اتأخرت جداااااااااا
______________
الفكرة جميـــــــــلة أوي و راائعة و هدفها نبيل جداااا
يا رب فعلا تنجح و كلنا نتغير علشان مصر
بحييكي يا zozza love على الفكرة الراائعة
______________

ayaismail

25-07-2011, 07:19 PM

حلووووووووووووة
بس مش عايزة اغير نفسى انا عايزة اغير نفسى

د.عبدالله محمود

06-08-2011, 02:27 PM

أسأل الله أن يوفقكم جميعاً

ostazmath4m

06-08-2011, 10:37 PM

مش عارف ابدأ منين لاني جاي متأخر اوووووووووي
هقول وحشتوني جداا جداا واسف علي عدم المتابعه منذ فترة كبيرة جداااا
وده بسبب ظروف خارجه عن ارادتي ورمضان كريم وكل عام وانتم جميعا بخير
وطبعا كالعاده بعد الغياب عن المنتدي لازم اجي الاقي فيه تغييرات كتيرة ومميزة
في كل شئ اقسام ومشرفين ومواضيع ،،، نشكر الادارة عليها اولا
اختنا عزة طبعا مش لازم اقول رأيي في موضوعك لانك عارفه أرائي فيها من زمان
وهحاول ان شاء الله أتابع الموضوع علي قد مقدر وربنا يقدرنا جميعا علي فعل الخير
لمصر ولشعب مصر موضوع يستحق التقدير والمتابعه وهذا ما يحدث وقد حدث
لي عوده ان شاء الله لمعرفه ماوصل اليه الموضوع وللمتابعه
اشكركم جميعا وتقبلي مروري السريع

اية ال

08-08-2011, 03:13 PM

zozza love

08-08-2011, 03:21 PM

فى البداية احب اقول رايى وباطلب منكم ان حصرتكم تقولوا رايكم فيه و توصحوا وجهة نظركم فيها اولا احب اشكرك يا عزة علي تفكيرك الجميل ده ومستواكي الثقافى المتميزوباطلب منك تقولى وجهة نظرك فى كلامى اولا انا شايفة ان احنا خلاص لازم نكون واقعين بجد ونفوق من ال احنا فيه ونعرف ان احنا خلاص مفيش مكان ان احنا نوزع ورق او حتى نعمل مواقع او غيره لازم نعيش الواقع واغير من نفسى فعلا ومستناش حد يغيرنى بس اهتم بالكلام ده فعلا والطريقة سهلة جدا و هي اولا يجرب كل واحد فينا اول ما يقوم من نومه يقول انا هاجرب ان اغير يومى النهارده واعيشه بون عصبية وباقل قدر من الاخطاء ويحاول يغير نفسه فعلا وفى نهاية اليوم يقارن يومه ده بالايام ال قبل كده ويحس بقد ايه فى فرق بين النهارده وانبارح وبين الصح والخطا وبين الظلام والنور وحتى لو رجع يعمل ال كان بيعمله قبل كده هيبقى عنده حنين انه يعيش اليوم الصح ال عاشه قبل كده وهيعمل كده فعلا ويحاول يحكى تجربته دى لاصدقاءه ويحاولوا هما كمان يجربوا بجد ويغيروا العالم من حواليهم وينفصوا السلبية ال احنا فيها وانا معاكى ان الايام كلها مش هتكون صح وكويسة لكن على الاقل هيكون عندنا يوم فى الاسبوع واسبوع فى الشهر هنعيشه صح لكن صدقينى يا عزة احنا ما بنتغيرش بالكلام ولا بالورق ولا بالمواقع ولو واحد بس اقتنع الف واحد هيرمى الورقة وهيقعد على الموقع علشان يصيع وقته مش اكتر ومش لازم تشركى فى الثورة علشان تحبى بلدك او تشاركى فى مواقع ولكن تدرى تغيرى من نفسك ومن اسرتك ومن بيتك ومن جارتك ومن الشارع ال انتى فيه وصدقينى هتحسى بالفرق وفى النهايةسامحينى لو طولت عليكى وعلى فكرة ممكن تدخلى على ايميلى ونتكلم اكتر من كده واحاول افهم وجهة نطرك اكتر من كده علي فكرة انا نسيت اعرفك بنفسى انا اية فتحى فى كلية اثار جامعة القاهرة والتوفيق للجميع ان شاء الله والسلام عليكم ورحمة الله وبركاته

اهلا بيكى يا ايه
منوره
بصى انا معاكى
ان احنا مش بنتغير بالورق ولا الكلام والمواقع
بس احب اقول لك انى اتغيرت اووووووى بالنت والورق والمواقع
حاجات كتير اوى اتغيرت فيا للاحسن والله
ممكن تكون نسبه بسيطه اللى بتتأثر بالكلام ده
لكن ليه التشائم ؟
ليه انا زى ما اتغيرت اغير حد معايا ؟
على الاقل يا ستى اخد ثوابه
صدقينى انا لما اتغيرت فى حاجه معينه وقولت لاصحابى عليها اتغيروا هما كمان فيها
وانا استفدت اكتر منهم
واخدت ثواب اكتر منهم
انا فاهمكى يا ايه
بس انتى مش حتقدر تفهمينى
انا بالحمله دى مش بعبر عن حبى وانتمائى لبلدى وبس
لا انا بعبره عن تغير لازم يحصل
كل يوم بنشوف افعال وناس كتير تصرفتهم سيئه
واحنا بنقف نتفرج وخلاص
احنا امتى حنكون اجابين
ونبطل سلبيه
ياريت وجهت نظرى الصحيه تكون وصلتك
نورتى الموضوع والمنتدى يا ايه