king 99
05-07-2011, 05:14 PM
السلام عليكم ورحمة الله وبركاته
بعد أيام قليلة ستظهر نتيجة الثانوية العامة :o وسيبدأ التنسيق والتقديم بالكليات والجامعات وان شاء الله كل شخص يدخل الكلية اللى بيتمناها :d
الموضوع هيكون خاص بالأعضاء اللى فى الجامعه الأن ياريت يقول لنا رأيه فى الكلية اللى هو فيها وسبب حبه أو كره لها وهل ينصح الأعضاء بدخولها ام لا ؟
والمواد ونظام الدراسة يعنى يقول لنا كل اللى يقدر عليه ;)
منتظر تفاعل الأعضاء
Heartbeat
05-07-2011, 05:44 PM
موضوع جميل
وفكرة حلوة..عجبتنى
..
تقبل مرورى
عبد الله الرفاعي
05-07-2011, 09:44 PM
فكره جميلة وبم أننى خريج كلية آداب فنصيحة لأى طالب عاوز يدخل أداب إنه يدخل أقسام اللغات (عربى - إنجليزى - فرنساوى ) ودا لإنها أهم الأقسام وسوق العمل فيها مفتوح فممكن تدى دروس أو للعمل فى السياحة لخريجى إنجليزى - وفرنساوى
عبد الله الرفاعي
05-07-2011, 09:47 PM
لكن لو بتفاضل بين تجارة وأداب فأعتقد إن تجارة هتكون أحسن وفرصها أكتر وبلاش تغلط غلطتى لإنى سبت تجارة ودخلت أداب فحصرت نفسى فى التدريس وهى شغلانة رغم قدسيتها إلا أنها شغلانة البحث عن المتاعب .
LoOoLy El Treikawya
05-07-2011, 10:01 PM
حلو اوى التوبيك فكرته حلوة وجاية فى وقتها
نقاء الروح
05-07-2011, 10:15 PM
موضوع جميل جدا ..
وان شاء الله يكون ليا عودة قريباً
وربنا يوفقكم يارب
king 99
05-07-2011, 11:26 PM
مشكورين جميعا على مروركم وانتظر عودة الجميع
استاذ عبد الله الرفاعى بما ان حضرتك خريج كلية اداب كنت عايز اعرف رأى حضرتك فى أقسام اللغات الموجودة بالكلية بعيدا عن العربى والأنجليزى والفرنساوى زى ما ذكرت حضرتك يعنى اقصد قسم لغات شرقية و قسم الدراسات اليونانية واللاتينية
hatemT
06-07-2011, 01:52 AM
أولاً: كل الشكر والتقدير على صاحب الموضوع على الفكرة المميزة واللتي تهدف لتبادل الأفكار.
ثانياً: أعرفكم بنفسي حاتم توفيق مهندس آلات وقوى كهربية حاصل على بكالوريوس في هندسة الآلات والقوى الكهربية- حلوان2010
ثالثاً: أنا أرشح لأي طالب عايز يدخل هندسة أرجوكم يا جماعة تحط عينك مش على الجامعة "لأ" تحط عينك على القسم اللي أنت عايز تدخله وتشوف مين الجامعة المتميزة في القسم ده مثال:
قسم الهندسة المدنية والمعمارية: جامعة القاهرة.
قسم الهندسة الميكانيكية: هندسة المطرية.
قسم هندسة الآلات والقوى الكهربية: هندسة حلوان بحلوان
قسم هندسة الأتصالات: جامعة القاهرة.
قسم الهندسة النووية: مفيش غير القاهرة , ونفس الكلام بالنسبة للطيران والبترول " ماعدا السويس"
دي المعلومات اللي عندي.
رابعاً: موقف شخصي حصل معايا يدلل على أن باور حلوان أقوى باور في مصر.
كنت في انترفيو و كان معايا واحد دفعة 2001 وعنده 34 سنة يعني أنا قد أولاده :d المهم اتحطت قدامنا ورقة امتحان- بفضل الله وأنا لسه عيل حديث التخرج كنت بشرحله وكنت بحلله الامتحان كمان مش عشان أنا جامد لأ عشان توفيق الله ثم أني اتعلمت في جامعة عريقة.
على فكرة هندسة حلوان هي الكلية الوحيدة اللي فيها معامل, وورش مش موجودة في أي جامعة في مصر حتى القاهرة, وأتحدى :049gc0::049gc0:
وشكراً على الموضوع الجميل وآسف على الإطالة
king 99
06-07-2011, 01:36 PM
شكرا hatemT على مرورك وعلى المعلومات المهمة